2011年

2011年係平年,元旦係禮拜六。

2019年日本皇室更替

2019年,日本明仁天皇退休,讓位俾佢個仔德仁天皇做日本皇帝。日本傳媒叫呢件事做「退位禮」。

Facebook

Facebook(民間廣東話譯名:面書,NASDAQ:FB)係一個社交網站,由朱克伯格喺2004年2月4號創辦。原先創辦人淨係畀美國哈佛大學學生註冊,不過後來加入嘅大學越嚟越多,而家變成人人(13歲或以上)都可以註冊一個賬戶。而家,Facebook有多過1億5千萬個活躍用戶。Facebook有好多個語言版本,方便全世界嘅人。

中國共產黨

中國共產黨(粵拼:zung1 gwok3 gung6 caan2 dong2 ),簡稱中共(粵拼:zung1 gung6),係中華人民共和國嘅執政黨。中國共產黨喺1921年成立,以實現共產主義為最終綱領,1949年喺中國大陸地區取得軍事上嘅勝利,打敗由中國國民黨領導嘅軍隊,並喺北京建立中華人民共和國,實行人民民主專政統治。

中國國民黨

中國國民黨係由孫文創立嘅政黨。佢嘅前身依次序係興中會、中國同盟會、國民黨同埋中華革命黨,孫文喺1919年將中華革命黨改組為中國國民黨。中國國民黨喺傳統上將由興中會至中國國民黨嘅發展歷程視為一脈相承,故此會以興中會成立嘅1894年為中國國民黨嘅創黨年。中國國民黨1928年以國民革命軍北伐,建立全國統一嘅政權,統治大陸至1949年。1949年,中國國民黨領導嘅中華民國政府喺中國大陸撤守,12月11日,中國國民黨中央黨部由大陸搬去台北。

中華蘇維埃共和國

中華蘇維埃共和國係中國共產黨1931年喺江西瑞金成立嘅一個國家。呢個國家統治當時畀中共控制嘅地區(中共叫佢「革命根據地」),最大嘅控制地區係中央蘇區,喺而家嘅江西、福建交界嘅地方。

令和

令和(日文假名:れいわ;日文羅馬字:Reiwa)係日本天皇德仁嘅年號,平成之後,由公元2019年5月1號開始。

吳起

吳起(粵拼:ng4 hei2;前440年—前381年)係中國戰國初期嘅軍事家同政治家。著作有吳子兵法。

基督城

基督城(英文:Christchurch)係紐西蘭第三大城兼南島第一大城,人口39萬。

延安

延安喺中國陝西,家下係地級市,叫延安市。

日本年號

日本年號,亦叫日本元號,係日本參考中國嘅年號而創立嘅紀年制度,喺公元645年由孝德天皇開始用,一路用到而家,係當今世上唯一仍然用緊由君主定立年號(元號)嘅紀年制度。

江西

江西(粵拼:gong1 sai1;普通話拼音:Jiāngxī;贛語白話字:Kongsi;客家白話字:Kông-sî),簡稱贛gam3(讀禁),喺中國中南部,佢家下係中華人民共和國一省,叫江西省。佢喺長江中下游南岸,省會係南昌。

瑞金

瑞金(粵拼:seoi6 gam1)係中華人民共和國江西省贛州市下轄嘅縣級市。瑞金位於江西東南面嘅山區,隔籬就係福建。面積2448km²,人口64.46萬(2012年)。呢度曾經係中共黨人嘅活動核心地帶,叫做井岡山革命根據地,後來畀國民黨軍隊圍剿。1931年,毛澤東帶頭之下呢度成立咗中華蘇維埃共和國。1934年蔣介石喺度圍剿毛澤東。瑞金亦係中國工農紅軍長征嘅出發地。

紐西蘭

紐西蘭(英文:New Zealand),又叫做新西蘭,老華僑叫鳥施崙或者鳥思倫新金山,係一島國,太平洋西南,或者叫毛利文「奧特亞羅瓦」(Aotearoa),即係「長白雲之鄉」。紐西蘭嘅兩個主要島嶼畀庫克海峽隔開,又同澳洲相距大約1600公里。喺佢嘅南部就係南極洲,北部就同斐濟同埋湯加兩個島國隔海相望。紐西蘭人自稱Kiwi,即係奇異鳥(鷸鴕),係紐西蘭獨有嘅雀,紐西蘭國鳥。

藏區

藏區(粵拼:zong6 keoi1),又叫康藏地區(hong1 zong6 dei6 keoi1)、藏地(zong6 dei6),係指藏族佔主體嘅地區及其文化嘅歷史範圍,位於東亞西南面,鄰近南亞,大約從青康藏高原到喜馬拉雅山地帶,係地球地勢最高嘅地區,平均海拔有4900米。西藏地區居民除咗主要嘅藏族外,亦有門巴族、羌族、珞巴族等少數民族,近代亦多咗漢族、回族人。

長征

長征(粵拼:coeng4 zing1)係中國共產黨領導嘅紅軍喺第五次圍剿輸咗畀中國國民黨領導嘅國軍後,佢哋突破封鎖、追剿,經過長時間、遠距離嘅軍事轉移,靠隻脚從中央蘇區行到陝甘蘇區,行軍途中多次同國軍交戰,而中共嘅中央機關亦由中華蘇維埃共和國首都瑞金搬到延安。呢次事件歷時兩年左右,從1934年10月10號開始,其中紅一方面軍(中央紅軍)經過約370日,號稱行咗二萬五千華里(計12500公里),喺1935年10月19號到吳起,先結束中央紅軍嘅長征;之後再過多一年(1936年10月),紅二、紅四同紅一喺甘肅會寧會師,成個長征先結束。二萬五千華里係中共黨史嘅宣稱,所以又叫二萬五千里長征ji6 maan6 ng5 cin1 lei5 coeng4 zing1、萬里長征(maan6 lei5 coeng4 zing1),中央紅軍行嘅路綫由江西出發,先係向西,走過廣東、湖南、廣西、貴州、四川、雲南,之後轉北,穿過西康、甘肅,最後抵達陝西,當中比較多地方地形複雜,要跨越大山大河,亦有好多少數民族地區,比如西康藏區、大涼山彝區,共計13個民族地區,再加埋其他紅軍行嘅路,共計行過14省。其中喺藏區爬雪山、過草地嗰段最艱難,因爲餓、凍、高原反應,呢段路紅軍死亡人數最多。喺長征開頭,中央紅軍五個軍團(第一、三、五、八、九軍團)以及中央同軍委兩支直屬隊共有兵力8.6萬餘人,等佢哋長征結束時,得返八千人,除開途中擴充兵力,從出發跟到結束嘅人數少過七千人。雖然係噉,長征保存咗中共中央同紅軍主力,對日後中國歷程有極其重大嘅影響,影響到現代中國共產政權嘅誕生,呢件事堪稱中國史嘅轉折點之一。

陝西

陝西(粵拼:sim2 sai1),喺中國中間,家下係中華人民共和國一省,叫陝西省。佢簡稱陝或者秦,又叫做三秦,係中國嘅一個省份,嚮黃河中游。省會係西安市。

其他文嘅版本