11 მესი

11 მესი რე გრიგორიანული კალენდარიშ 131-ა დღა (ნარკი წანეფს — 132-ა დღა). წანაშ ლიაშა დოსქილადირი რე 234 დღა.

15 ფურთუთა

15 ფურთუთა (ფრევალი) რე გრიგორიანული კალენდარიშ 46-ა დღა. წანაშ ლიაშა დოსქილადირი რე 319 დღა (ნარკი წანეფს — 320 დღა).

ამერიკალეფი

ამერიკალეფი, ამერიკაშ აკოართაფილი შტატეფიშ კათა, ამერიკალი კათა — კათა, ააშ-იშ ჯინჯიერი მახორობა.

გიტარა

გიტარა — სიმეფამიი ობირაშე რე, ნამუთ თარო აკმისქუ კითეფით ვარდა მედიატორით. თარო თინა რსებენს ამშვი, შკვითი დო ვითოშჟირსიმამი. ტრადიციულო, გიტარა იკეთებუაფუ შხვადოშხვა ჯაშე, სიმეფი ჩხოლარეფიშ ჭჷეფშე. მორო სიმეფიშ ტრადიცია ვარე ასქილადირი, დო თეხანური სიმეფი რე ნეილონშე დო ბილათშე. კანკალე თეხანური გიტარა კეთებული რე პოლიკარბონატით. რსებენს გიტარაშ თარი ჟირი ფანია: აკუსტიკური დო ელექტრო. გიტარა ვოკალიშ ალაჸუნაფაშო რე მოხუჯური.

ინგლისური ნინა

ინგლისური ნინა (ინგლ. English language) — ნინა, ფრიზიული ნინეფიშ ბუნაშე. ინგლისური ნინა არძოშ უმოს ხოლოს რე ფრიზიულ ნინაწკჷმა. ინგლისურო იჩიებუ 500 მილიონშე უმოსი კოჩი, თაჸურეშე 300-400 მილიონშო ინგლისური ოდაბადური ნინა რე. ჭარუაშ სისტემათ უღუ ლათინური.

ლოს-ანჯელესი

ლოს-ანჯელესი, კუნტათ ელ-ეი (LA), ანგელოზეფიშ ნოღა — ნოღა კალიფორნიას. მახორობათ ააშ-შ სიდიდათ მაჟირა ნოღა რე ნიუ-იორკიშ უკული. ნოღაშ სტატუსიქ მიაჩუ1850 წანაშ 4 პირელს დო თე ჯოხოდვალათ ქაუნთიშ ადმ. ცენტრიე. 2000 წანაშ ცენზიშ მიკოჯინათ თიში მახორობა აკმადგინანდჷ 3,69 მილიონს, მარა 2004 წანაშ 1 კვირკვეშ ეჭარუათ ნოღაშ მახორობაქ 3,85 მილიონშა მიანჭუ, ქაუნთიშ ედომიშ 10 მილიონი მახორუშე. ნოღა ობჟათე კალიფორნიაშ ურბანული აგლომერაციეფიშ ცენტრი დო უშანულამაშ ნორთიე. თიში ფართობი 1200 კვ.კმ, მუთ თინა ნიუ-იორკის დო ჩიკაგოს გინოძჷ.

მონკა მეტალი

მონკა მეტალი (თაშნეშე მონკა მეტალი, ინგლ. heavy metal, შხირაშ მოშინაფილი მუჭოთ უბრალოთ მეტალი) — როკ-მუსიკაშ ართ-ართ ჟანრის წჷმარინუანს, ნამუქჷთ გჷმოქიმინელი სახე 1970-იან წანეფს მიღჷ თარო გოართოიანაფილი ომაფეს დო ააშ-ის. თიში აკოქიმინუა არსხუაფუ ეშანილი პერიოდიშ როკ-ბუნეფს, ნამუეფით 1967—1974 წანეფს ბლუზ-როკიშ დო ფსიქოდელიური როკიშ ნაწყორა მუსიკას მითმიოგანდეს, უცბაშიანი გჷმოხანტილი მასიური ხონარით, გონძალიერაფილი დისტორშენით, გოხანგჷნძაფილი გიტარიშ სოლოეფით, უცბაშიანი გჷმოხანტილი დრამეფიშ პარტიეფით, ხონარიშ საართო სიმაღალათ.

ნობელიშ პრემია

ნობელიშ პრემია ირწანიერი ოირქიანე პრემია რე. ჯოხო მოურსუ დუმარცხუაფალი შვედი ინჟინერიშ, ქიმიკოსიშ, გუმომგონებელიშ დო ჭარუშ ალფრედ ბ. ნობელიშ ჯოხოშე დო თიშ პატიცემაშ შინო.

რიტმი

რიტმი (ბერძენ. rhythmos - წოროზჷმადობა, სინწკარიე), წოროზჷმიერი, პერიოდული მათირეობა მუდგაიჸინ ელემენტეფიში (ბგერეფიშ, ყარაფეფიშ დო შხვ.) რიტმის დინამიური ხელუანობაშ დარგეფს (მუსიკა, სხაპუა, ლერსი, პროზა) ართიანი დინოხოლენი კანონეფი უღუ (წოროზჷმადობა ბორჯის), გინორთელი რე რიტმიშ აკმაქიმინალი მატერია. ხანტურული ბორჯიშ თოლოზირეთ, რიტმი ართ-ართი ესთეტიკური მახასიათაფალი რე ხელუანობაშ ნოწარმეფშო.

რიჩარდ ფეინმანი

რიჩარდ ფილიპს ფეინმანი (ინგლ. Richard Philips Feynman [ˈfaɪnmən]) (დ. 11 მესი, 1918, ნიუ-იორკი ― ღ. 15 ფურთუთა, 1988, ლოს-ანჯელესი) — ამერიკალი ფიზიკოსი, ნობელიშ პრემიაშ ლაურეატი ფიზიკას (1965). 1943-1945 ბირთვული ანჯარიშ ქიმინუაშე მომუშე, მანჰეთენიშ პროექტიშ აქტიური მაკათური ლოს-ალამოსის, თაშნეშე რდჷ კოსმოსური შატლ „ჩელენჯერიშ“ კატასტროფაშ კჷლმაგორალი პანელიშ მაკათური. ფეინმანი რდჷ ელემენტარული ნორთიეფიშ გინოქიმინუაშ ემასახალი, „ფეინმანიშ დიაგრამეფიშ“ აკმაქიმინალი. თეორიულ ფიზიკას მუშ ნახანდეფწკჷმა ართო, ფეინმანს თაშნეშე მირჩქინანა კვანტური კომპიუტერიშ აკოქიმინუაშ ართ-ართ პიონერო დო ნანოტექნოლოგიაშ კონცეფციაშ აკმამუშებელო. რინაშ ბოლო წანეფს ფეინმანი თეორიული ფიზიკაშ პროფესორი რდჷ კალიფორნიაშ ტექნოლოგიაშ ინსტიტუტის.

ფიზიკა

ფიზიკა (ჯვეში ბერძენ. φύσις „ორთა“) — ორთაშობური მენცარობა, ნამუთ გურაფულენს ორთაშ უძაკააშ დო თე ჟამს არძაშე უზოგადაშ კანონზომიერებეფს, არკვიენს მატერიაშ აკოდგინალუას დო მუშებეფს, ოფირჩას დო ბორჯის თიშ გინოაბანუაშ ზოგად ფორმეფს.ფიზიკა შხვა ორთაშობურ მენცარობეფწკჷმა ართო გურაფულენს გოლუაფირი ოქიანუშ ობიექტურ მუშებეფს. ფიზიკას ართ-ართ ცენტრალურ თემას წჷმარინუანს მატერიაშ აკოდგინალუაშ დოგურაფა. თინა ფორუნც ფიზიკას ჩინებულ ჟირი მატერიაშ სახეს: ღვანდის დო ვეს.არძო მატერიალური ობიექტი ითირუ, ჟამიშ მეჯინათ ითირუ თინეფიშ ურთიართაბანდვალა, ფორმა, ზჷმეფი, აგრეგატული რინა, ფიზიკური დო ქიმიური მუშებეფი დო თაში. ირნერი თირაფა, ირნერი პროცესი, ნამუთ მეურს ჩქინ გოლუაფირი ოქიანუს, წჷმარინუანს მატერიაშ ყარაფის. ყარაფი მატერიაშ დინოხოლენი მუშება რე, თინა უწმურდგინებუ რე მატერიაშ უმშო. ყარაფი რე მატერიაშ სქჷლადაშ მეშქაშალა.ფიზიკაშით აკოგურაფონი მატერიაშ უზოგადაშ ყარაფიშ ფორმეფი (მექანიკური, მოლეკულურ-სიტიბური, ელექტო-მაგნიტური, ატომური, გვირზილური ) წჷმარინუანა მატერიაშ უმოსო რთულ ყარაფიშ ფორმეფიშ (ქიმიური, ბიოლოგიური დო შხვ.) აკმადგინალ ნორთის, თეშენი ფიზიკა წჷმარინუანს შხვა ორთაშობურ მენცარობეფიშ (ასტრონომია, ბიოლოგია, ქიმია, გეოლოგია დო შხვ.) ოსხირს.ფიზიკა გურაფულენს მატერიაშ მუშებეფს დო რჯებას თიში გჷმოლინაფაშ ფართე თანჯეფს, დოჭყაფილი სუბმიკროსკოპული ელემენტარული ნორთიეფშე (ელემენტარული ნორთიეფიშ ფიზიკა) თებული ედომუშამი ოქიანუთ (კოსმოლოგია).

ჯეიმზ ჰეტფილდი

ჯეიმზ ალან ჰატფილდი (დ. 3 მარაშინათუთა, 1963) — ვოკალისტი, გიტარისტი დო ბირეფიშ ავტორი, მონკა მეტალ-ბუნა მეთალიქაშ წოროდჷმარსხუაფალი.

შხვა ნინაშა კითხირი