Agrikultura

An pag-uma o agrikultura amo an paghimo hin pagkaon, tubong, paybiru ngan iba pa nga mga butang ha sistematiko nga pagbuhî hin kahayupan ngan pagpatubo hin mga tanum. An pulong nga agrikultura tikang han Linatin nga agri o ager nga nangangahulugan hagna ngan cultura nga nangangahulugan pagmangno. An literal nga kahubad han pulong amo an pagmangno han tuna hin hagna. Ha yana nga kagamit, an pulung nga agrikultura naglalakip han ngatangan nga buruhaton nga nanginginlabot han paghimo hin pagkaon/tubong/fiber, pati an mga tekniko hin pagbuhî ngan "pagproseso" hin kahayopan. An agrikultura amo gihapon an halipot nga pamulong han pag-aram han pagbuhat han agrikultura — nga kilalado ha pormal nga siyensya hin agrikultura.

Antropolohiya

An antropolohiya (tikang han Griyego nga pulong άνθρωπος, "tawo" o "persona") amo an pag-aram hin katawhan (kitaa iton genus nga Homo). Ini nga larangan hin pag-aram pankabug-osan o holistiko ha duha nga paglantaw: nahanunungod ini han ngatanan nga katawhan ha tanan nga panahon ngan tanan nga mga larangan o dimensyon han katawhan. Usa nga primarya nga pagkaiba hiton antropolihiya tikang hiton iba nga humanistiko nga mga disiplina amo an enfansis han pagkumpara ha mga dirudilain nga kultura. Pero ini nga pagkakaiba, nagtitika kontroberysal ngan gindidinebatehan, ug iton mga pamaagi ha antropolohiya ginagamit na yana han pag-aram hin usa nga sosyudad/grupo.

Arkeyolohiya

An arkeyolohiya (tikang han Griyego nga mga pulong αρχαίος = kadaan ngan λόγος = pulong/yakan/discurso) amo an pag-aram hin katawhan nga mga kultura pinaagi han pagkuha, dokumentasyon, ngan pag-analisar han mga materyal nga nahabilin ngan data ha libong (environmental data), upod an arkitektura, mga artifact, mga biofact, mga kabilin hin tawo, ngan lantaw han katunaan (landscape).

Arkitektura

An arkitektura amo an arte ngan siyensya hin pagdisenyo hin mga edifisyo ngan istruktura. In haruhaluag nga kahubad hini nga pulong naglalakip han disenyo han bug-os nga hinimo nga kalibongan: tikang han macrolevel han pagplano hin bungto, urban nga disenyo, ngan arkitektura han palibot ngadto han microlevel hin detalye hin paghimo ngan, panalagsaon, han muebleriya. An pulong nga arkitektura gin-gagamit gihapon pagtawag han trabaho hin paghatag hin serbisyo hin arkitektura.

Disenyo

An disenyo, usa nga pulong nga agsob gamiton ha kontexto han mga aplikado nga mga arte, inheyeriya, arkitektura ngan iba pa nga mga panhimo nga mga panuyo. Amo ini an tawag han proseso han pagtikang ngan pagpadukwag hin plano para hin produkto, istruktura, o komponente. Gin-gagamit liwat ini para han kataposan nga solusyon nga plano (sugad hin proyekto o modelo) o han resulta han pag-implementa hini nga plano (sugad han butang nga ginhimo o proyekto nga gin-implementa). Ha bag-o la nga kagamit, an mga proseso ginkita liwat nga mga resulta hin disenyo ngan ini naghatag hin bag-o nga kahulogan han pulong nga "disenyo hin proseso".

Ekonomiya

An ekonomiya in naglalakip han sistem ekonomika han uska nasod o iba nga lugar.

Elektronika

An elektronika amo an pag-aram han sulog hin kargado nga mga partikula ha dirudilain nga mga materyales sugad hin mga semikonduktor, mga resistor, mga induktor, mga capacitor, mga nano-structure, ngan mga valvola. An ngatanan nga kagamit hin elektronika nanginginlabot han pagbalhin hin koryente elektrika ngan posible impormasyon. Bisan kon ini sinisiring nga teoretika nga sanga hin pisika an disenyo ngan paghimo hin mga elektronik nga mga circuit pagsolbar hin mga practical nga problema usa nga kinahanglan nga tekniko ha mga larangan han inhenyeriya elektronika ngan inhenyeriya hin kompyuter.

Finanza

Mayda impormasyon hini nga artikulo nga aada han Iningles nga bersyon nga angay ighubad ha Winaray

Heyograpiya

Mayda impormasyon hini nga artikulo nga aada han Iningles nga bersyon nga angay ighubad ha Winaray

Industriya

An industria (nga tikang han Linatin: industrius, "maduruto, mauyatom, mabuhaton") amo an kabahin han ekonomiya nga nahanunungod han paghimo hin mga baraligyaon. Amo ini an pagtápò han mga proseso ngan mga buruhaton nga may-ada komo ira panuyo an pagtransformar han mga materya prima ngadto hin mga produkto nga elaborado. Damo an magkadirudilain nga mga tipo hin mga industriya, segun han mga produkto nga ginhihimo. Pananglitan, an industriya hin pagkaon nahanunungod han mga paghimo han produkto nga karaonon sugad han keso, embutido, linata, mga irimnon ngbp. Para hiton funsyon hini, an industriya kinahanglan hin mga materya prima ngan kinukuhaan hin enerhiya para han pagtransformar hini nga mga materya.

Kasaysayan

Mayda impormasyon hini nga artikulo nga aada han Iningles nga bersyon nga angay ighubad ha WinarayAn kasaysayan o kaagi amo an pag-aram han naglabay, mahitungod han pagbuhat hin katawhan nga tubtob han yana nga adlaw. Ini nga pag-aram uusa la nga pulong ha iba nga yinaknan sugad pananglitan ha Iningles nga iton pulong history; ha Kinatsila historia ngan ha Tinag-alog kasaysayan. Pero ini nga konsepto duha iton kahubad ha Winaray: kaagi ngan kasaysayan. Ha Winaray, an pulong nga kasaysayan naghahatag hin enfasis han pagsaysay han panhinabo samtang an pulong nga kaagi naghahatag hin enfasis han mga panhinabo mismo.

Komix

An komix o komiks (tikang han Iningles: comics) usa nga forma hin visual nga arte hin mga hulagway nga agsob igkombina hin texto, agsob ha forma hin mga speech balloon o mga kapsyon hin hulagway. Ha pagtikang gin-gamit ini pag-ilustrar hin mga caricature ngan pagliaw pinaagi hin nakali-aw ngan diri-importante nga mga istorya, pero yana nahimo na ini hin literary nga medium nga mayda damo nga mga subgenre..

Pag-aram

Mayda impormasyon hini nga artikulo nga aada han Iningles nga bersyon nga angay ighubad ha Winaray

Psikolohiya

An psikolohiya o sikolohiya (kinadaan nga Griyego: psyche = "kalag" or "hunahuna", logos/-lohiya = "pag-aram") amo in akademiko ngan apliyado nga pagtirok hin kinaadman nga nahanunungod han pag-aram han hunahunan ngan gi-os. An pulong nga "Psikolohiya" gingagamit gihapon ha pagtawag han aplikasyon han hini nga kinaadman ha mga dirudilain nga bahin han buruhaton han tawo, upod an mga problem han mga indibidwal pan-adlaw-adlaw nga kinabuhi ngan an pagtratar han sakit ha panhunahuna.

Sayaw

Mayda impormasyon hini nga artikulo nga aada han Iningles nga bersyon nga angay ighubad ha Winaray

Sine

An sine (tikang ha Kinatsila: cine nga halipot han pulong nga cinematografía) amo an teknika nga nahihimo han pagproyektar hin hulagway o fotograma hin madagmit nga porma ngan sunod-sunod nga nakahimo han impresyon hin pagkiwa nga ginpapakita hin salida nga video o pelikula o film. An konsepto han sine tinatawag ha Iningles nga film. Ini nga pulong naglalakip hin mga salida hin nakiwa nga mga litrato, an larangan han sine komo forma hin arte, ngan an motion picture nga industriya. Ginhihimo an mga film pinaagi hin pagrekord hin mga hulagway tikang han kalibutan pinaagi hin mga kamera, o paghimo hin mga hulagway nga nagamit hin mga tekniko ha animation o special effect.

Siyensya han komputasyon

An siyensya han komputasyon (ha Iningles: computer science o computing science; ha Kinatsila: ciencias de la computación) , amo an pag-aram han teoretiko nga mga batikan han impormasyon ngan computasyon ngan an pag-implementa hini ngan pag-aplikar hini ha mga sistema hin kompyuter. An siyensya han komputasyon mayda damo nga mga naha-ilarom-nga-mga-larangan; mayda mga naghahatag hin enfasis han komputasyon hin mga ispisipiko nga mga resulta (sugad hin kompyuter grafiks), samtang mayda liwat iba nga mga larangan nga nahanunungod hiton mga kaangayan hin mga computational problem (sugad han teorya hin computational complexity). Mayda liwat mga larangan hini nga siyensya nga nahanunungod hiton mga aratupagon ha pag-implementa hin mga komputasyon. Pananglitan, an programming language nga yinaknan nanginginlabot han pagpahayag han mga komputasyon, samtang ha computer programming, mga ispisipiko nga computer language gin-aaplika pagsolbar hin mga ispisipko nga mga computational problem. Usa pa nga nahailarom-nga-larangan, an human-computer interaction, nanginginlabot han mga aratopagon han paghimo han mga kompyuter ngan computation nga magamitan han kadam-an.

Sosyolohiya

An sosyolohiya o sosyolehiya (tikang ha Linatin: socitus, "kaupod"; ngan an pagdugtong-ha-kataposan -olohiya, "an pag-aram han", tikang han Griyego λόγος, lógos, "kaaram") amo an sistematiko ngan siyentipiko nga pag-aram han sosyudad ngan pamatasan han sosyudad. An research ha sosyolohiya naglalakip tikang han pag-analisar hin magdali nga mga pagkita hin mga diri-magkilala nga mga tawo ha dalan ngadto han pag-aram han pankalibotan nga mga sosyal nga proseso. Dadamo nga mga larangan ha sakob hini nga disiplina nanginginlabot han mga paki-ana han unan-o ngan kay-ano in mga tawo naha-organisa ha sosyudad, komo mga indibidwal o mga api hin mga katig-uban, mga grupo, ngan mga institusyon. Komo akademiko nga disiplina, it sosyolohiya ginkikita nga usa nga sanga hin siyensya sosyal.

Tyatro

An tyatro o teatro (tikang han Kinatsila "teatro", nga tikang han Griyego "theatron", θέατρον, nga nangangahulogan "lugar hin pagkita") amo in sanga han pagpasundayag nga mga arte nga ginhuhubad nga ano an "nahihinabo kon in usa o damo pa nga mga tawo, nga nahibulag ha taknan ngan/o lugar, nagpapasundayag han ira kalugaringon ha iba o mga iba." Ha hini nga haluag nga kahubad, an tyatro nakada tikang han kahadto nga mga panahon, komo resulta han pagkaruyag hin tawo hin pagsumat hin istorya. Tikang han pagtikang hini, nagkaada hin damo nga forma an tyatro, nga agsob maggamit hin mga elemento sugad hin pagyakan, pagsinyal, musika, sayaw, ngan ispektakulo, nga ginkombina han iba nga mga pagpasundayag nga mga arte, pati gihapon han visual nga gma arte, ngadto hin usa nga artistiko nga forma.

Basaha ha iba nga pinulongan