Anna Petersen

Jiel Anna Petersen äbinof Volapükan Danänik. Ün 1889 ävedof, pötü fün Volapükakluba di Thoreby (Nisul Laaland), presidan balid ona.

Arie de Jong

Dokan Arie de Jong (Nedänapüko: [ˈaːri dəˈjɔŋ]; 1865 tobul 18 in Jakarta - 1957 tobul 12 in Putten) äbinom Volapükan Nedänik, danü kel Volapükamuf ägeton nämi nulik in Nedän. Noe ärevidom Volapüki, äjafölo fomi nuik püka hiela Schleyer, abi (kobü Volapükans ettimik votik) älelifükom Volapükaklubi Valemik Nedänik ed äfünom Dilädi valemik Feda Volapükaklubas. Äfünom ed äredakom i Volapükagasedi pro Nedänapükans: gased teik ettimik in Volapük, kel älabon lifi lunüpik (yelas 31: 1932-1963). Äpenom Gramati Volapüka, lölöfiko in Volapük, ed eli Wörterbuch der Weltsprache (Vödabuk Volapüka) in Deutänapük. Ätradutom Diateki Nulik se Grikänapük, äsi literatotis votik mödik. El Arie de Jong gidiko palelogom as Volapükan veütikün timäda nuik Volapükajenotema.

Danän

Danän binon län in Nolüda-Yurop, kel kobü topäds plödik tel: nisulagrup: Färövuäns (in Nolüda-Latlantean), e nisul: Gröneän fomon

Ebbe Vilborg

Hiel Ebbe Vilborg (pemotöl ün 1926 febul 14) äbinom Sperantapükan ä Volapükan Svedänik (ävedom liman Diläda valemik feda Volapükaklubas ün 1947, ma Volapükagased pro Nedänapükans). Dokan filosopa ä tidan Vöna-Grikänapüka in niver di Göteborg, binom tidan nulikün Volapüka: edagetom diplomi okik medü dalebüd nüm: 1 yela 1961 de cifal: Johann Schmidt.

Genealog

Genealog (dekömöl de vöds Grikänapükik: γενεα „famül“ e λόγος „nol“) binon stud e tuved famülabimas e jenotemas. Vestigam genealogik binon komplitik e keninükon mödikumosi, kas konleti pösodanemas è pladami onas sui bimaskemat. Jenöfo genealog jafon me dientiföfükam famülas medü registars jenavik, kels pagebons ad fümükön röleti lifavik u famülik. Kluds gudik stabons su kaliet fonätas.

Henriette Wolter

Jiel Henriette Wolter (in Volapükabled zenodik, nem ofik pänunon as Helene Wolter), jimatan kronalavogana Hermann Wolter in Osnabrück, äbinof bal Volapükanas balid: ya ün 1879 pämäniotof in el ‚Sionsharfe‛ ela Schleyer as studan lanälik püka oma. Ün 1881 ägetof diplomi tidana Volapüka, ed ün 1882 päcälof fa Schleyer cif pro Nolüda-Deutän. Äyufof ed äjelatof grupi Volapükanas ela ‚Gymnasium Carolinum‛ in ‚Osnabrück‛, bevü kels äbinom hiel ‚Albert Sleumer‛: cifal balid fütürik Volapükanefa.

J. G. M. Reynders Sr.

Hiel J. G. M. Reynders Sr., soms Reijnders (Johannes George Marie Reynders Sr.), pämotöl in Zwijndrecht (Nedän), ün 1869 mayul 7, ed ädeadöl ün 1963 yanul 30id, bäldotü yels 93, äbinom Vicifal Volapükanefa ä redakan telid gasedas: Nuns blefik se Volapükavol (= Nuns brefik se Volapükavol) e Volapükagased pro Nedänapükans.

Jenav

Jenav binon stud jenetas e dunotas menikas. Do süvo padadilädon kobü tikäla- u sogädanolavs, kanon i palelogön as pon bevü ons, labü metods se jäfüds bofik at. As jäfüd, jenav keninükon donajäfüdis e yufajäfüdis mödik, soäs timav, jenotemipenav, genealog, vönapenav e vönamafav. Geböfiko, jenavans esteifülons ad tuvedön säkädis jenavik medü stud dokümas pepenöl, do vestig jenavik no pamiedükon te fa fonäts at. Valemo, fonäts nola jenavik kanons pateilön ad klads kil: utos, kelos pepenon, utos, kelos pesagon, ed utos, kelos pekipedon, e jenavans süvo gebons kilis valik. Jenavas kösömiko kazetons veüti fonätas pepenöl, kels primons pos datik penama. Kazet at edavedükon vödi: rujenav, kel tefon timi bü gebid fonätas pepenöl. Ibä penam ädavedon ün tims difik zi vol, dist vü jenav e rujenav süvo sekidon de top u de yegäd.

Jenotemipenav

Jenotemipenav binon nolav, kel bejäfon metodi e dunami bepenama jenotas jenavik. Veüton jenotemipenave stud nolidageta tefü paset, brefabüik u vönädik; sekü atos, jenotemipenav vestigon jenotemipenami, penami dö jenav e gebami metodas jenavik, küpälölo samo tefü laut, fonätigeb, nätäpretam e plänädam, stül, buükams nolavik u bolitiks, äsi reidanef padesiröl. [1]

Johann Martin Schleyer

Hiel Johann Martin Schleyer (Deutänapüko: [joˈhan ˈmartiːn ˈʃlaɪ̯ər], primo te "Martin Schleyer"; el "Johann" päläükon poso), datuval Volapüka ä Cifal balid Volapükamufa bevünetik, pämotom tü 1831 yulul 18 in Oberlauda, ed ädeadom tü 1912 gustul 16 in Konstanz (Deutän), sodas erivom lifüpi benedik yelas 81.

Maria-Rosa Tommasi

Jiel Maria-Rosa Tommasi äbinof Volapükan Litaliyänik in Milano, ä lautan bukas veütik dö Volapük in Litaliyänapük.

Marie Johanna Verbrugh

Jiel Marie (ü Maria) Johanna Verbrugh (1860-?) äbinof Volapükan Nedänik, kel ägetof ün 1885 diplomi tidana Volapüka, e poso id uti tidala Volapüka. Ätradutof Gramati Volapüka ela Schleyer ini Fransänapük. Noets lifajenädik brefik ofa päpübons in el „Volapük: Gased bevünetik tedelik, nolik, literatik e gälodik“: jäfidot „Zenodakluba Volapükik Spanyäna“ (gased, kela ävedof bal redakanas) ün 1887 (nüm VII, pads: 70-72).

Rujenav

Rujenav binon vöd suvo pageböl ad bepenön timi bü jenav pepenöl. Hiel Paul Tournal ädatikom vödi at (in fom Fransänapükik: Pré-historique) pö bepenam tüvotis okik se lekevs Sulüda-Fransäna. Äkösömikon in Fransänapük ün degyel 1830 ad bepenön timi bü datuv penama, e päblinon ini Linglänapük fa hiel Daniel Wilson ün 1850.

Timav

Timav ü timav valemik binon nolav topama jenotas ün tim, e binon donajäfüd jenava.

Volapükabled zenodik

Volapükabled zenodik (=Volapükabled zänodik), päfünöl fa hiel Schleyer ün 1881, äbinon gased Volapükik balid ä veütikün.

Volapükagased pro Nedänapükans

Volapükagased pro Nedänapükans (poso Volapükagased) äbinon jäfidot calöfik Volapükakluba valemik Nedänik ä Diläda Valemik Feda Volapükaklubas. Gased at, päfünöl fa hiel Arie de Jong ün 1932, äbinon gased Volapükik teik perioda Volapüka perevidöl; älabon i lifi lunüpikün Volapükagasedas valik (jü 1962).

Volapükaklub valemik Nedänik

Volapükaklub valemik Nedänik, päfünöl ün 193X, fövon klubi büik, kel ijäfon me propagid Volapüka rigik de Schleyer.

Vönamafav

Vönamafav tefon gebi sitöfik teora konömavik, metodas konömamafavik äsi metodas matematik votik pö stud jenava (pato pö stud jenava sogädik u konömavika). Vöd at pädatikon in Linglänapük (as cliometrics) fa hiel Jonathan R. T. Hughes e hiel Stanley Reiter ün 1960.

Vönapenav

Vönapenav binon stud penäta vönädik in püks difik (a.s. Vöna-Grikänapük, latin klatädik, Vöna-Linglänapük e r.).

Reidön in pük votik