12. Juli

Die tweelfte Juli is die 193. Dai fon dän Gregorioanske Kalänner (blw. die 194. Dai in Skaltjiere), somäd blieuwe noch 172 Deege bit tou dät Eende fon't Jier tou.

17. Juli

Die soogentienste Juli is die 198. Dai fon dän Gregorioanske Kalänner (blw. die 199. in Skaltjiere), wiermäd noch 167 Deege in dät Jier uurich blieuwe.

20. Juli

Die twintichste Juli is die 201. Dai fon dän Gregorioanske Kalänner (blw. in Skaltjiere die 202.) wiermäd noch 164 Deege blieuwe bit tou dät Jierseende tou.

22. Juli

Die twountwintichste Juli is die 203. blw. in Skaltjiere die 204. Dai fon dän Gregorioanske Kalänner wiermäd noch 162 Deege fon dät Jier uurich blieuwe.

Afrikoa

Afrikoa is n Waarelddeel mäd 30,4 Millione Quadratkilometer un 850 Millione Ljuude.

Angela Merkel

Angela Dorothea Merkel (geboorene Kasner; * 17. Juli 1954 in Hambuurich) is siet 2005 ju oachsde Buundeskanslerske fon ju Buundesrepublik Düütsklound un ju eerste wieuwelke Buundeskanslerske.

Apollo 11

Apollo 11 waas n Ruumfoartmission fon ju NASA wierbie do eerste Moanskene ap ju Moune keemen.

Asien

Asien is fon sien Flakte, 44.614.500 km², sowät n Träädel fon ju Loundmasse, die grootste Waarelddeel; juust so is dät uk mäd moor as fjauer Milliarden Moanskene, moor as n Haaldeel fon ju Moanskhaid, die befoulkengsstäärkste. Touhoope mäd dät litjere Europa wäd Asien oafter tou Eurasien touhoopefoated. Uumdät Asien so groot is, uumfoatet dät masse ferskeedene Klima- un Vegetatsjoons-Rebätte fon do noudelke Poloar-Rebäte in Sibirien uur ju mäitigede Soone, uur do kontinentoale Steppen biespilswiese in Kasachstan un druuge Binnenwöisten as ju Taklamakan, bit tou dät fon'n Monsun bestimde Tropiske Klima in't Suude. Dät sunt uk bloot Biespile.

Brasilien

Brasilien is n Lound in Suud-Amerikoa. Ju Haudstääd is Brasilia un die Präsident is sänt 2019 Jair Bolsonaro (Stound: Juli 2019).

Desiderius Erasmus

Desiderius Erasmus (* 27. Oktober 1465 [of 1469] in Rotterdam; † 12. Juli 1536 in Basel) waas n bekoanden Humanist, Philosoph un Skrieuwer fon fuul Bouke. Een fon sien wichtichste Wierke waas ju Uursättenge fon dät Näie Testamänt in dät Näigriechiske. Do maaste Wierke sunt tou fienden in ju Meentebibliothek fon Rotterdam.

Düütsklound

Düütsklound (Bundesrepublik Deutschland) is n Lound in Middel-Europa. Ju Haudstääd is Berlin un die Buundeskansler fon ju Republik is sänt 2005 Angela Merkel.

Europa

Europa is n eurasisken Subkontinent, die in dät eeuwendloundiske Toanken daach moor as n Kontinent beteekend wäd. Dät is in dät Wääste kulturäl un historisk feronkerd is. Europa häd ne Fläche fon 10,5 Mio. km² un is deermäd ätter Australien die twäidlitste Kontinent. Mäd uungefeer 680 Mio. Ljuude, do deer lieuwje, häd et oawers moor Ienwoonere as Australien, Noud- of Suudamerikoa.

Moune

Uus Waareld häd man aan Trabant, die mäd hier ju groote Jiereswonderenge uum de Sunne moaket. Un ap disse Wonderenge traalt ju Moune (dt. Mond) sik uk noch uum de Waareld in njuugenuntwintig Deege un tweelich Uure. Do uur Planeten hääbe moorere Mounen. So die Jupiter mäd fjauer, die Saturn mäd oachte, un Uranus mäd säks Mounen.

Museumsiersenboan Ammerlound-Bäärsel-Seelterlound

Truch Seelterlound fiert ju Museumsiersenboan Ammerlound-Bäärsel-Seelterlound (MABS; düütsk: Museumseisenbahn Ammerland-Barßel-Saterland). Ju Boane lapt fon Bad Twiskenoan af Ooldenbuurich bit Seedelsbierich. In ju eerste Tied heerde uk noch dän Sträkkendeel Ocholt bit Wäästerstede deertou, man uut düssen Deel fon ju Sträkke hääbe se nu ne "Draisinensträkke" foar Uurloofere moaked.

Rotterdam

Rotterdam is ätter Amsterdam ju twäidgrootste Stääd in do Niederlounden. Ju Stääd is gjucht bekoand uum sien Hoawen, wäkke dän träädgrootste fon ju Waareld is. Rotterdam häd 615.937 Ienwoonere (1. Januoar 2012), as Agglomeration Stadsregio Rotterdam sowät 1,2 Mio. (2006). In n Truchsleek lait ju Stääd two Meter unner Normalnull. Ieuwenske Amsterdam un Den Haag is Rotterdam een fon do kulturelle Zentren in do Niederlounde. Rotterdam häd ne oaine Universität, ferskeedene Hoochskoulen, ne Musikhoochskoule un ne Kuunstakademie.

Seeltersk

Dät Seelterske of, wietenskuppelk, Seelterfräiske is ne fräiske Sproake, ju fon sowät 1500 bit 2500 Moanskene boald wäd in Seelterlound. 1991 wuude ju seelterfräiske Sproake in dät Guinness-Bouk fon Rekorde fon 1991 indreegen as litste Sproakailound fon Europa. Dät Seelterfräiske is dät lääste Uurblieuwsel fon ju aastlauwersfräiske Uurtoal fon dät Seelterlound, do Groninger Uumelounde, Aastfräislound, dät Jeverlound un Butjoarlound.

Suud-Amerikoa

Suudamerikoa is n Kontinent. Dät heert tou Amerikoa.

In einer anderen Sprache lesen