1794

L'onn 1794 era in onn dal 18avel tschientaner.

Croazia

La Croazia (croat Hrvatska?/i), uffizial Republica da la Croazia (croat Republika Hrvatska) è in stadi situà en la zona da transiziun tranter l’Europa Centrala e l’Europa dal Sidost. La Croazia è commembra da l’Uniun europeica, da la NATO, da l’Organisaziun mundiala da commerzi, da l’OSCE e da las Naziuns unidas. Tenor l’index dal svilup uman tutga la Croazia tar ils stadis fitg sviluppads.

Frantscha

La Frantscha (uffizial Republica franzosa, franzos République française [ʁe.py.ˈblik fʁɑ̃.ˈsɛz], en furma curta (la) France [fʁɑ̃s]) è in stadi unitar, democratic ed intercontinental ch’è situà en l’Europa dal Vest e che cumpiglia inslas e territoris d’ultramar sin plirs continents. La France métropolitaine, vul dir la part europeica dal territori statal, s’extenda da la Mar Mediterrana fin al Chanal da la Mongia e la Mar dal Nord sco er dal Rain fin a l’Ocean Atlantic. Pervi da sia furma caracteristica vegn la terra franca dal pajais er numnada Hexagone. Areguard la surfatscha furma la Frantscha il pli grond pajais da l’Uniun europeica e dispona dal terz grond territori dal stadi en l’Europa insumma (suenter la Russia e l’Ucraina). Paris è la chapitala dal pajais e furma ensemen cun l’Île-de-France la pli gronda zona d’aglomeraziun dal pajais, avant Lyon, Marseille, Toulouse e Lille.

Germania

La Germania (furma uffiziala Republica Federala da la Germania, en la lingua da mintgadi er Republica Federala Tudestga, RFT; tudestg: Bundesrepublik Deutschland, BRD) è in stadi federal situà en l’Europa Centrala. Il stadi da dretg democratic e social consista dals 16 pajais federativs tudestgs. La chapitala da la Germania è Berlin.

Giapun

Il Giapun (日本, Nihon u Nippon?) è in pajais da l'Asia. Sia chapitala è Tokio.

Hockey sin terren

Il Hockey sin terren u hockey sin prà è in Sport da squadra en che duas equipas da indesch giugadurs u giugaduras giogan ina encunter l'autra.

Italia

L’Italia (uffizialmain Republica Taliana, talian Repubblica Italiana) è in stadi situà en l’Europa dal Sid. La pli gronda part dal pajais sa chatta sin la Peninsla Apennina ch’è circumdada da la Mar Mediterrana. La chapitala da l’Italia è Roma.

Lingua englaisa

L'Englais (lingua germanica) è la lingua uffiziala dals Stadis Unids da l'America, ils Reginavel Unì da la Gronda Britannia ed Irlanda dal Nord, ed en blers auters pajais mundials.

Novak Đoković

Novak Djokovic è in giugader professiunal da tennis da la Serbia.

Oxigen

Oxigen es ün element chemic cun il symbol da elemaint O e il number ordinal 8. Il sistem periodic el positiunà in la seisavla gruppa principala. Oxigen es cun 48.9% il elemaint il plü frequent in la cruosta da terra.

Paris

Paris è la chapitala da la Frantscha en la regiun Île-de-France.

Pluto (planet nanin)

Pluto è in planet nanin («Zwergplanet») en il sistem solar. Il planet prenda ses num dal dieu roman da l'enfiern. Fin il 1996 è Pluto vegnì considerà sco novavel planet dal sistem solar; il planet il pli distant dal sulegl.

Religiun

Religiun (da latin religio ‹diligenza conscienziusa›, ‹premura›, tar relegere ‹resguardar›, ‹far attenziun›, oriundamain en il senn dad «observar cun gronda premura segns e prescripziuns») è ina noziun collectiva per in grond dumber da concepziuns dal mund, da las qualas il fundament consista en la cretta respectiva en forzas transcendentas (surterrestras, surnatiralas, sursensualas). Questas forzas na sa laschan betg cumprovar en il senn da la teoria scientifica, mabain sa basan sin experientschas intuitivas ed individualas. Cun quai po esser colliada la cretta en objects sontgs.La religiun po influenzar a moda normativa ideas da las valurs, furmar il cumportament, agir, pensar e sentir da l’uman ed ademplir en quest connex in’entira retscha da funcziuns economicas, politicas e psicologicas. Damai che religiuns èn caracterisadas d’ina influenza talmain vasta, enserran ellas er il ristg ch’i sa furmian ideologias religiusas.Il term ‹religiun› vegn duvrà tant per la ‹religiusadad› individuala sco er per ‹religiuns› en il senn collectiv. Er l’adjectiv ‹religius› sto vegnir resguardà mintgamai en ses context respectiv: el po sa referir tant ad ina u pliras religiuns ubain a la religiusadad d’in singul uman. Cumbain che omadus champs cumpiglian in’enorma vastezza, sa laschan tuttina formular intgins elements universals ch’ins chatta en tut las culturas dal mund. Igl èn quai il giavisch individual da chattar in senn, in’orientaziun morala ed in’explicaziun dal mund; ultra da quai la cretta collectiva en forzas surnatiralas ch’influenzescha en ina moda u l’autra la vita dals umans; en pli la brama che l’existenza da quest mund s’uneschia cun ses origin da l’auter mund. Per part vegnan questas explicaziuns da standard però crititgadas.Las pli grondas religiuns (er enconuschentas sco religiuns mundialas) èn il cristianissem, l’islam, il hinduissem, il budissem, il taoissem, il sikhissem, il giudaissem, il bahaissem ed il confuzianissem. Il dumber e la ritgezza da furmas da las religiuns istoricas e contemporanas surpassa però per lunschor las religiuns mundialas.

Revoluziun franzosa

La Revoluziun franzosa (1789 fin 1799) ha effectuà ina midada radicala da las cundiziuns da basa politicas e socialas en Frantscha. Ella tutga tar ils eveniments cun las pli grondas consequenzas en l’istorgia dal temp modern europeic insumma. Cun la Revoluziun è vegnì abolì il stadi corporativ da l’absolutissem feudal. Plinavant ha ella gidà a moda essenziala a derasar las valurs ed ideas fundamentalas da l’illuminissem. La proclamaziun dals dretgs da l’uman ha furmà la basa per midadas sociopoliticas en tut l’Europa ed ha determinà la chapientscha moderna da la democrazia. Sco stadi constituziunal liberaldemocratic recurra la Republica Franzosa moderna – sco blers auters stadis occidentals d’ozendi – directamain a las prestaziuns da la Revoluziun franzosa.

Roger Federer

Roger Federer è in giugader da tennis svizzer. Cun 20 victorias als pli impurtants turniers (situaziun dal 2018) è el il giugader da tennis cun il pli grond success da tut ils temps. Federer ha gudagnà tut ils quatter turniers da Grand Slam, quai sco sisavel giugader en l’istorgia dal tennis. Las stagiuns 2004, 2005, 2006, 2007 e 2009 ha Federer terminà sin plaz 1 da la glista da rangaziun mundiala dal tennis.

Rumantsch dal Grischun

Il rumantsch dal Grischun che vegn discurrì en il chantun Grischun fa part da las linguas neolatinas e vegn numnà en la lingua da mintgadi ‹rumantsch› (sursilvan: ‹romontsch› / puter: ‹rumauntsch›). Il term ‹rumantsch dal Grischun› vegn duvrà en la linguistica, perquai che tscherts linguists attribueschan era il furlan ed il ladin da las Dolomitas a la gruppa da varietads retorumantschas (sin basa da tschertas sumeglientschas tranter las trais gruppas dialectalas). Questa tesa è dentant contestada entaifer la scienza (guarda: Questione Ladina).

Serbia

La Serbia (Република Србија) è in pajais en l'Europa orientala cun 7 milliuns abitants (2016). Sia chapitala è Belgrad.

Stadis Unids

Ils Stadis Unids da l'America (engl. United States of America, curt USA), en la furma curta uffiziala Stadis Unids (engl. United States, curt U.S.), betg uffizialmain era be America (engl. America), èn in pajais da l'America dal Nord che consista da 50 stadis federativs. Cun Hawai ed intgins territoris insulars fan ils Stadis Unids era part da l'Oceania.

Vichipedia

La Vichipedia (era nunmnada Wikipedia) è in'enciclopedia libra che stat a disposiziun gratuitamain sin l'internet.

World Wide Web

Il World Wide Web (normalmain abrevià en WWW), era numnà la Rait, è in sistem d'informaziun che operescha sin l'Internet. Documents dal World Wide Web èn scrits en ipertext ed èn numnadas websites (q. v. d. lieu sin la Rait).

Leger en ina autra lingua