Ampério Pertués

Modelo:Stória de Pertual

Anternete

La Anternete, tamien a las bezes chamada cumo "Anterneta", ye un tela de redes a la scala mundial de milhones de cumputadores lhigados uns als outros pul Protocolo de Anternete que premite l acesso a anformaçones i a todo l tipo de trasferéncia de dados. La Anternete ye la percipal de las nuobas tecnologies d'anformaçon i quemunicaçon (NTICs). Al cuntrário de l que normalmente se pensa, Anternete nun ye sinónimo de World Wide Web. Esta ye ua parte daqueilha, sendo la World Wide Web, qu'outeliza heipermédia na formaçon básica, un de ls muitos serbícios ouferecidos na Anternete. Cunsante dados de márcio de 2007, la Anternete ye ousada por 16,9% de la populaçon mundial (arrimado a 1,1 bilhon de pessonas).

Açores

Ls Açores, oufecialmente zeignados por Region Outónoma de ls Açores, son un arquipélago trascuntinental i un território outónomo de la República Pertuesa, situado ne l Atlántico nordeste, dotado de outonomie política i admenistratiba cunsustanciada ne l Statuto Político-Admenistratibo de la Region Outónoma de l Açores. Ls Açores antegran la Ounion Ouropeia cul statuto de region ultraperiférica de l território de la Ounion, cunforme stablecido ne l artigo 299.º-2 de l Tratado de la Ounion Ouropeia.

Biquipédia

Biquipédia ye ua anciclopédia multilhéngua an-linha lhibre colaboratiba, ó seia, scrita anternacionalmiente por bárias pessonas quemuns de dibersas regiones de l mundo, todas eilhas beluntárias. Por ser lhibre, antende-se que qualquiera artigo dessa obra puode ser transcrito, demudado i ampliado, zde que preserbados ls dreitos de cópia i modeficaçones, bisto que l cuntenido de la Wikipedia stá debaixo la licença GNU/FDL (ó GFDL) i la Creatibe Commones Attribution-ShareAlike (CC-by-SA) 3.0. Criada an 15 de Janeiro de 2001, baseia-se ne l sistema wiki (de l'habaiano wiki-wiki = "rápido", "beloç").

Lhéngua mirandesa

La lhéngua/léngua mirandesa ye ua lhéngua románica falada an Pertual, ne ls cunceilhos de Miranda de l Douro (trinta pobaçones) i de Bumioso (3 pobaçones), ne l çtrito de Bergáncia, nun spácio que ten pouco mais de 500 km² i alredror de 7 000 falantes, tamien ye la lhéngua falada en Lhion y Stúrias. Miranda ye ua region ancostada a la Spanha, subretodo an las porbíncias de Çamora i Salamanca.

Lhéngua pertuesa

La lhéngua pertuesa, cun mais de 200 milhones de falantes, ye, cumo lhéngua natiba, la quinta lhéngua mais falada ne l mundo i la terceira mais falada ne l mundo oucidental, ten ourige oufecial de Pertual dende l nome "pertués", sendo lhéngua oufecial tamien de Angola, Brasil, Cabo Berde, Guiné-Bissau, Guiné Eiquatorial, Macau, Moçambique, San Tomé i Príncepe i Timor-Lheste, sendo tamien falada ne ls antigos territórios de la Índia Pertuesa (Goa, Damon, Ilha de Angediba, Simbor, Gogolá, Diu i Dadrá i Nagar-Abeli), para alhá de tener tamien statuto oufecial na Ounion Ouropeia, ne l Mercosul i na Ounion Africana.

Macau

Macau (chinés: 澳門; pinyin: Àomén) fui ua antiga quelónia pertuesa até 20 de Dezembre de 1999, quando la sue soberanie fui trasferida pa la República Popular de la China (RPC), tornando-se nua Region Admenistratiba Special. L'acupaçon i admenistraçon pertuesa durou 442 anhos. Passado la trasferéncia de soberanie, l nome cumpleto i oufecial de Macau ye: Region Admenistratiba Special de Macau de la República Popular de la China.Segundo l percípio de l Gobierno Popular Central de la RPC de "un paíç, dous sistemas" i la Lei Básica de la Region Admenistratiba de Macau, esta cidade chinesa goza dun statuto especial, semelhante al de Hong-Kong. Ten ua eilebada outonomie an todos ls aspetos i assuntos relacionados culha, scetuando an assuntos relacionados cula defesa i ls negócios strangeiros (política sterna) sendo que, nesta redadeira sfera Macau goza inda assi d'algua outonomie. La Lei Básica i la "Declaraçon Cunjunta Chinesa-Pertuesa subre la Queston de Macau" specifican que l sou sistema eiquenómico-financeiro (de caráter capitalista), social, fiscal, de sigurança i de cuntrolo de l'eimigraçon i de las frunteiras, bien cumo ls dreitos i las libardades de ls sous cidadanos eiran manter-se einalterables pul menos até 2049.

Ouceano Atlántico

L ouceano Atlántico ye l segundo maior ouceano an cumprido, cun ua ária de mais ó menos 106.400.000 km², cerca de un quinto de la superfíce da Tierra. Ye l ouceano que aparta la Ouropa i la África a Lheste, de la América, a Oeste. Sou nome ben de Atlas, ua debindade de la mitologie griega. Ye por esso que a las bezes l ouceano Atlántico ye referido cumo "mar de Atlas". La mençon mais antiga subre l sou nome ye ancuntrada an Stórias, de Heródoto, al redror de 450 a.C. Antes de ls ouropeus çcubríren outros ouceanos, l termo "ouceano" fui sinónimo de to las augas que rodeában la Ouropa Oucidental que agora ye coincido cumo Atlántico i que os gregos acraditában ser un grande riu que rodeaba to la Tierra.

Ounion Ouropeia

La Ounion Ouropeia, antigamente chamada de Quemunidade Eiquenómica Ouropeia (CEI; ye ua ourganizaçon anternacional custituída atualmente por 28 stados nembros. Fui stabelecida cun este nome pul Tratado de la Ounion Ouropeia (normalmente coincido cumo Tratado de Maastricht) an 1992, mas muitos aspetos desta ounion yá eisistian zde la década de 50. La Ounion ten sedes an Bruxelas, Luxemburgo i Strasburgo.

Ourganizaçon de l Tratado de l Atlántico Norte

Modelo:Anfo/Organizaçon

Ouropa

Ouropa ye la parte oucidental de l supercontinente ouroasiático. Ambora geograficamente seia cunsidrada ua península de la Eurásia, ls pobos de la Ouropa ténen caraterísticas culturais i ua stória specíficas, l que justifica que l território ouropeu seia giralmente cunsidrado cumo un cuntinente.

Península Eibérica

La Península Eibérica queda ne l Sudoeste de la Ouropa. Politicamente, quatro países quédan nesta península: Pertual, Spanha i Andorra, para alhá dun anclabe território británico ultramarino, Gibraltar.

Pertual

Pertual, oufecialmente República Pertuesa (República Portuguesa an pertués), ye un paíç localizado ne l sudoeste de la Ouropa, an que l sou território queda na zona oucidental de la Península Eibérica i an arquipélagos ne l Atlántico Norte. Ten ua ária total de 92.391 km², i ye la nacion más oucidental de l cuntinente ouropeu. L território pertués ye delimitado la Norte i la Leste por Spanha i la Sul i Oeste pul Ouceano Atlántico, i cumprende la parte cuntinental i las regiones outónomas: ls arquipélagos de l Açores i de la Madeira.

Spanha

Spanha (an castelhano: España; [esˈpaɲa] (scuitar )), coincido cumo Reino de Spanha (Reino de España) ye un paíç percipalmente localizado na Península Eibérica na Ouropa. Sou território tamien anclui dous arquipélagos: las ilhas Canárias, na cuosta de la África, i las ilhas Baleares, ne l mar Mediterráneo. Ls anclabes africanos de Ceuta i Melilla fázen de la Spanha l único paíç ouropeu a tener ua frunteira física cun un paíç africano (Marrocos). Bárias pequeinhas ilhas ne l mar de Alboron tamien fázen parte de l território spanhol. La Spanha cuntinental ye lemitada la sul i la leste pul Mediterráneo, sceto por ua pequeinha frunteira terrestre cun Gibraltar; la norte i la nordeste pula Fráncia, por Andorra i pul Golfo de la Biscaia; i l'oeste i noroiste por Pertual i pul Ouceano Atlántico. Cun ua ária de 505.990 quilómetros quadrados, la Spanha ye l maior paíç de la Ouropa Meridional, l segundo maior paíç de la Ouropa Oucidental i de la Ounion Ouropeia (OO) i l quarto maior paíç de to l cuntinente ouropeu. Tamien ye l sesto paíç mais populoso de la Ouropa i l quinto de la UE. La capital i maior cidade ye Madrid; outras grandes árias ourbanas ancluen Barcelona, Baléncia, Sebilha, Málaga i Bilbao.

Ler noutra língua