Bahaso Minangkabau

Bahaso Minangkabau atau baso Minang marupokan bahaso nan tamasuak dalam rumpun bahaso Austronesia. Baso Minang acok disabuik sacaro umum dek etnis lain di Indonesia sabagai Bahasa Padang. Baso Minang dipakai dek urang Minang di Sumatra Barat, sarato urang Minang di rantau baiak di Indonesia atau di lua nagari.

Bahaso Ocu

Bahaso Ocu atau Bahaso Kampar adolah bahaso nan dipakai dek urang Ocu nan marupokan panduduak asali di Kabupaten Kampar, Riau. Dek latak pasebaran geografis bahaso ko nan talatak badakekan jo Provinsi Sumatera Barat, bahaso ko mampunyoi kamiripan jo dialek lain dalam bahaso Minangkabau yaitu dialek Luhak Limopuluah Koto. Sadangkan di wilayah Riau, bahaso ko mampunyoi kamiripan jo dialek Kuantan.

Irwan Prayitno

Prof. Dr. H. Irwan Prayitno, S.Psi., M.Sc. (lahia di Yogyakarta, Indonesia, 20 Desember 1963; umua 55 taun) adolah surang akademisi pendidikan jo politisi Indonesia. Baliau mamulai jabatan sabagai Gubernur Sumatera Barat periode kaduo pado 12 Februari 2016 sasudah mamanangan pamiliahan Gubernur Sumatera Barat. Sabalunnyo, liau duduak di Dewan Perwakilan Rakyat tiga periode sajak 1999 dari Partai Keadilan Sejahtera. Baliau tanamo sabagai pandiri Yayasan Pendidikan Adzkia, tetap maaja jo badakwah sapanjang kariernyo.

Kabupaten Kampar

Kabupaten Kampar adolah salah satu kabupaten di Provinsi Riau, Indonesia.

Kabupaten Lima Puluh Kota

Kabupaten Lima Puluh Kota (disabuik juo Limo Puluah Koto) adolah salah satu kabupaten nan ado di provinsi Sumatera Barat, Indonesia. Ibu kota kabupaten iko talatak di Sarilamak. Kabupaten iko punyo wilayah salaweh 3.354,30 km2 jo bapanduduak sabanyak 348.555 jiwa (Sensus Panduduak 2010). Kabupaten iko talatak di bagian timur wilayah provinsi Sumatera Barat atau 124 km dari Kota Padang, ibu kota provinsi.

Minangkabau

Minangkabau nan biasonyo disingkek Minang dapek mangacu kapado :

Muhammad Mursi

Muhammad Mursi (Arab: محمد محمد مرسى عيسى العياط‎, ALA-LC: Muḥammad Muḥammad Mursī ‘Īsá al-‘Ayyāṭ IPA: [mæˈħæmmæd mæˈħæmmæd ˈmoɾsi ˈʕiːsæ (ʔe)l.ʕɑjˈjɑːtˤ]; lahia di El Adwah, Kagubernuran Syarqiyah, Masia, 8 Agustus 1951 – maningga di Kairo, 17 Juni 2019 pado umua 67 taun) adolah saurang politikus Masia nan manjabaik sabagai Presiden Masia nan kalimo sajak 30 Juni 2012. Inyo dikudeta dek mantari partahanan Abdul Fatah al-Sisi pado 3 Juli 2013 sasudah protes kareh bakapanjangan dari rakyaik.

Nur Tompel

Nur Tompel (lahia 9 September 1954 – maningga 2 Maret 2019 pado umua 64 taun) adolah saurang pelawak asa Indonesia. Inyo dikenal jo ciri khas mangecek tabata-bata atau gagok jo tompel gadang di pipinyo saat tampil malawak. Inyo adolah palawak partamo di Indonesia nan takenal karano karakter gagok.Kariernyo mulai malambuang sajak mambintangi acara komedi Pepesan Kosong nan ditayangan di TPI pado taun 1990-an.Nur Tompel maningga dunia pado 2 Maret 2019, katiko dirawat di Rumah Sakit Menteng Mitra Afia di kawasan Kali Pasir, Cikini, Jakarta Pusat dalam umua 64 taun karano panyakik TB (tuberkulosis) nan didaritonyo. Ia dimakamkan hari itu juga di TPU Menteng Pulo, Jakarta.

Sabah

Sabah (Jawi: صباح) adolah salah satu nagara bagian di Malaysia jo juo marupoan salah satu dari 13 nagara bagian pandiri di dalam pasakutuan Malaysia. Sabah adolah nagara bagian kaduo tagadang di Malaysia satalah Sarawak. Sabah berbatasan juo jo Provinsi Kalimantan Utara, Indonesia, di salatan. Ibu kota nagara bagian iko adalah Kota Kinabalu. Sabah acok disabuik sabagai "Negeri di Bawah Bayu" (Land Below the Wind), sabuah frasa nan digunoan dek palauik pado maso dulu untuak manggambaran daratan di salatan sabuak topan.

Susilo Bambang Yudhoyono

Jend. TNI (Purn.) Dr. H. Susilo Bambang Yudhoyono GCB AC (lahia di Tremas, Arjosari, Pacitan, Jawa Timur, Indonesia, 9 September 1949; umua 69 taun) adolah Presiden Indonesia ka-6 nan manjabaik sajak 20 Oktober 2004. Inyo basamo Wakil Presiden Muhammad Jusuf Kalla, tapiliah dalam Pemilu Presiden 2004. Inyo berhasil malanjuikkan pamarintahannyo untuak pariode kaduo dengan mamanangan Pemilu Presiden 2009, kali ko basamo Wakil Presiden Boediono.

Urang Malayu

Urang Malayu (diijo juo jo Melayu) adolah namo nan marujuak pado suatu kalompok nan ciri utamonyo adolah panutuaan bahaso Malayu. Bahaso Malayu iolah anggota kaluarga bahaso Austronesia. Urang Malayu bamukim di sabagian gadang Malaysia, pasisia timua Sumatera, sakaliliang pasisia Kalimantan, Thailand salatan, sarato pulau-pulau ketek nan tabantang sapanjang Salek Malaka jo Salek Karimata. Di Indonesia, jumlah urang Malayu kiro-kiro 15% dari saluruah populasi, nan sabagian gadang mandiami propinsi Sumatera Utara, Riau, Kapulauan Riau, Jambi, Sumatera Selatan, Kapulauan Bangka Belitung, jo Kalimantan Barat. Kumpulan urang atau etnik Malayu balainan dari konsep Alam Malayu (Rumpun Bangso Malayu), nan mancakuik kumpulan manusia nan labiah laweh, tamasuak kabanyakan etnik di Indonesia jo Filipina.

Urang Ocu

Urang Ocu atau urang Kampar (nan dalam bahaso Kampar disabuik ughang Ocu) iolah etnik nan masih sarumpun jo Minangkabau nan barasa dari Kabupaten Kampar, Provinsi Riau. Panduduak asalinyo mangecek dalam bahaso Kampar (nan acok disabuik bahaso Ocu) nan marupokan salah satu dialek dalam bahaso Minangkabau nan mirip jo bahaso nan dipakai di Luhak Limopuluah Koto. Sacaro etnis, sijarah, adaik, jo budayo, inyo dakek bana jo Minangkabau, khususnyo jo masyarakaik di Kabupaten Lima Puluh Kota. Inggo kini masih ado kontroversi mangenai pangalompokkan urang Kampar sabagai etnik surang atau tamasuak dalam Minangkabau jo Malayu Riau.Masyarakaik Kampar manganuik sistem adaik nan dicirikan jo sistem katurunan malalui jalua padusi atau matrilineal, jo budayonyo nan amaik kuek diwarnai ajaran agamo Islam. Prinsip adaik Kampar bak cando adaik Minang pado umumnyo tatuang dalam panyatoan Adaik basandi syarak, syarak basandi Kitabullah.

Baca dalam bahasa lain