Aoraki

Ko Aoraki te maunga teitei rawa o Ngā Puke-māeroero, te tino pae maunga kei te Te Wai-pounamu. E 3724 mita te teitei. Ki tō ngā iwi o Te Ika-a-Māui whakahua ko Aorangi kē; ki te Pākehā, ko Mount Cook te ingoa.

Aotearoa Tuatahi

Ko Aotearoa Tuatahi he rōpū tōrangapū no Aotearoa. Ka mōhiotia whānuitia āna mahi whakahē i ngā ture manene, i te Tiriti o Waitangi hoki. Nā Winitana Pita te rōpū i whakaū i te 1993, ko ia tonu te kaihautū o nāianei. E ai ki ētahi, ki te kore a Winitana, ka ngaro haere a Aotearoa Tuatahi.

Aroha

Ko te aroha he whakaaro atawhai, he mahara atawhai o te tangata ki te tangata, ki tētahi atu mea rānei. He rerekē ki te love o te reo Pākehā, ki te agape o te Paipera hoki.

Hawaiki

I ngā kōrero tuku iho o te `Māori, ko Hawaiki te matapuna o ngā tūpuna Māori. Ki etehi he he moutere nō Te Moana-nui-a-Kiwa, engari ki etehi atu he wahi wairua.

Kupe

Ki ngā kōrero o ētahi iwi, ko Kupe he kaitoro rongonui; nāna a Aotearoa i whakatōmene.

Lili'uokalani

Ko Liliʻuokalani te kuīni whakamutunga o Hawaiʻi. Ko ōna ingoa tawhito ko Lydia Kamakaʻeha, ko Lydia Kamakaʻeha Paki rānei. I ētahi wā, i mōhiotia ia hei Lydia K. Dominis.

Marae

Ko te marae te tūrangawaewae o te iwi.

Meri Te Tai Mangakāhia

Ko Meri Te Tai Mangakāhia (1868-1920) nō Te Rarawa, nō Ngāti Te Rēinga, nō Ngāti Manawa me Te Kaitūtae. I whānau mai ia i te 22 o Mei 1868 i tētahi wāhi e tata ana ki Panguru i te moana o Te Hokianga. Ko tana tāne ko Hāmiora Mangakāhia, he rangatira o Hauraki i tohungia i 1892 hei Pirimia mō te Pāremata Māori, arā mō te Kotahitanga. Nō te 18 o Mei i te tau 1893 i tū te hui a te Pāremata o te Kotahitanga i Heretaunga; ka puta te mōtini a Meri Te Tai kia whai wāhi ngā wāhine ki te pōtitanga. Ka tū a Meri ki te tautoko ki tana mōtini i roto i te Pāremata – ko ia tonu te wahine tuatahi i kōrero ki taua huinga.

Māui

Ko Māui te tupuna nāna te motu nei i hī ake i te moana, nō reira te ingoa i tapaia mō te motu nei, ko Te Ika-a-Māui. I whānau ia ki te ākau o te moana nui, he mea whiu ia e tōna whaea e Taranga ki te hukahuka o te tai, he mea hikihiki e te ngaru takai atu takai mai, nā Te Apuhau ia i whakahoki ki uta. Nā tōna tupuna, nā Tamanui-ki-te-rangi ia i kawe ki te whare, i whakairi ki runga noi ai, kia ngaua ake e te auahi, e te mahana, nā reira ka ora ia.

Ngātoro-i-rangi

Ko Ngātoro-i-rangi he tohunga rongonui nō runga i Te Arawa waka , nāna i takahi whenua mai i te Awa o te Atua ki Tongariro, kātahi ka heria mai te ahi tupua mai i Hawaiki ki Aotearoa nei, nāna i tū ki te koekenga o te maunga. He tupuna he tupua he atua!.

Reo Māori

Ko te reo Māori te reo o te tangata whenua o Aotearoa. Nā te ture anō i whakamana te reo Māori hei reo a te motu o Aotearoa. 160,000 ngā kaikōrero reo Māori i Aotearoa, e ai ki te tatauranga tangata o te motu i te tau 1996. Ko ngā takiwā kaha ki te mau i te reo hei reo hapori ko Te Tai-tokerau, ko Te Urewera, ko Te Tai-rāwhiti.

Takuu

Takuu (arā Tauu, Mortlock Islands rānei) he rōpū moutere itiiti, e noho taratahi ana i te moana ki te rāwhiti atu o Bougainville, Papua Nūkini.

Te Aroha

Ko Te Aroha tētahi o ngā maunga o Hauraki; ko ia tonu te maunga nui o te paehua maunga e kīa nei ko ngā Kaimai. Kei reira hoki te tāone o Te Aroha kei te pūtake o Te Aroha maunga e tū ana.

Te Atairangikaahu

Ko Te Arikinui Te Atairangikaahu te Kuīni Māori mai i te 1966 tae noa ki te 2006. I whānau mai ai a Piki Mahuta i te 23 o ngā rā o Hōngongoi i te 1931; i mate i te 15 o ngā rā o Here-turi-kōkā, 2006. Ko Te Ata, arā 'Princess Piki' te tamāhine tuarua o Korokī, arā o Korokī Te Rata Mahuta Tāwhiao Pōtatau Te Wherowhero, te Kīngi Māori tuarima.

Te Rangi Hīroa

Ko Te Rangi Hīroa (Tā Peter Henry Buck), Oketopa 1877? - 1 Tīhema 1951, nō Ngāti Mutunga o Taranaki; he tākuta, he ngārahu taua, he āpiha hauora, he kaitōrangapū, he tohunga tikanga tangata, he tumuaki whare taonga.

Tiriti o Waitangi

Ka hainatia te Tiriti o Waitangi i te 6 Hui-tanguru 1840 ki Waitangi, Te Tai-tokerau, Aotearoa, e te māngai a te Karauna o te Kīngitanga Kotahi, rātou ko ngā rangatira Māori o Te Ika-a-Māui.

Tongariro

Tērā ko Tongariro maunga e tū rangatira ana ki te mātāpuna awa o Te Ika-a-Māui, he maunga puia, he maunga hukarere, he maunga tipua ē! Ko Tongariro maunga te puna wai o te Ika a Māui, te romi o ngā awa e rere ana ki ngā tōpito e whā o te motu, arā ko Waikato, ko Whanganui, ko Rangitikei. Ka tū a Tongariro ki te te mātāpuna o ngā awa nunui o Te Ika-a-Māui, i te 39.1S, 175.7E. Ko te teitei o te maunga nei, e 1,978 mita.

Wiremu Maihi Te Rangikāheke

Ko Wiremu Maihi Te Rangikāheke (1815?-1896) he rangatira no Te Arawa, he pūkorero, he kaimahi Kāwanatanga.

Read in another language