11 September

11 September saal ke 254th din hai (255th leap saal me). Saal ke khalaas hoe me 111 din bachaa hai.

17 July

17 July saal ke 198th din (199th leap saal me) hae. Saal ke khalaas hoe me 167 din bachaa hae.

23 July

23 July saal ke 204th din (205th leap saal me) hae. Saal ke khalaas hoe me 161 din bachaa hae.

28 March

28 March saal ke 87th din (88th leap saal me) hai. Saal ke khalaas hoe me 278 din bachaa hai.

Attar Singh

Attar Singh, Fiji ke ek trade unionist hae. Uu Fiji Islands Council of Trade Unions (FICTU), ke General Secretary hae.

Battle of the Giants (Fiji) 2017

Fiji ke 2017 Battle of the Giants Soccer Tournament 14 July ke suruu bhais rahaa. Ii tournament dui weekend me khela gais rahaa. Pahila round ke match Nausori ke Ratu Cakobau Park me khela gais rahaa. Dusra round ke match Lautoka ke Churchill Park me 22 July ke suruu bhas rahaa aur final ke khel 23 July ke khela gais rahaa. Ii tournament me super premier division ke aath team hissa liin rahaa.

Churchill Park (Fiji)

Churchill Park Lautoka (city), Fiji, Fiji me ek multi-use stadium hai. Abhi iske jaada kar ke soccer khele ke khatir kaam me lawa jaae hai. Ii ground Lautoka Football Association ke home ground hai. Isme rugby bhi khela jaawe hai. Ii ground me 18,000 log ek time game dekhe sake hai.

Fiji

Fiji/Viti (Devanagri: फ़िजी ), jiske Ripablik af Fiji ke naam se bhi jaana jaawe hae, Pacific Ocean me ek taapu kr jhund hae. Paikhana. Fiji, Vanuatu ke east, Tonga ke east aur Tuvalu ke south me hae. Fiji me puura milae ke 322 taapu hae, jisme se 106 me admii logan rahe hae. Dui sab se barraa taapu hae Viti Levu aur Vanua Levu, jahaan pe Fiji ke 87% log rahe hae.

Fiji Labour Party

Fiji Labour Party (FLP) Fiji ke ek political party hae. Ii party, ek multiracial party hai lekin iske jaada support Hindustani log se mile hae. Iske pahila leader, ek Kaiviti, Timoci Bavadra rahaa. Iske President abhi Jokapeci Koroi, aur leader, Mahendra Chaudhry hae. FLP ke suruwaat 6 July 1985 me Fijian Teachers Association Hall, Suva me, Fiji Trade Union Congress ke auspacies ke niche karaa gais rahaa. 1987 ke election me FLP, National Federation Party (NFP) ke saathe coalition banae ke election jiitis aur Timoci Bavadra Prime Minister banaa. Khaali ek mahina talak sarkar chalae ke baad, Sitiveni Rabuka coup kar ke sarkar ke haatae diis. 1992 ke baad FLP aur NFP alag hoe gain aur 1992 aur 1994 ke election me FLP ke NFP se kamtii Hindustani vote milaa. 1999 me, nawaa contitution ke niche, FLP elction jiitits aur Mahendra Chaudhry, Prime Minister banaa. Ii sarkar ek saal talak chalaa aur fir se ek coup ke baad hatae dewa gais. Dui aur election me FLP, Hindustani log ke biich me aapan support jaada karis, lekin 2006 ke coup ke baad se FLP ke political direction clear nai hae.

India

India (Bharat, Hindustan), South Asia ke ek desh hai. Iski abaadi 1,000,000,000 se jaada hai. India ke raajdhaani New Delhi hai. Is desh ki official bhasa English aur Hindi hai. Ye area me duniya ke seventh sab se bada desh hai aur abaadi mein dusra sab se bada desh hai, lekin duniya ki sab se badi democracy hai. Iske south me Indian Ocean, west me Arabian Sea, east me Bay of Bengal hai. Iske border ke west me Pakistan, north me China, Bhutan, Nepal aur east me Bangladesh aur Myanmar hai. India ke nangich me Indian Ocean me to the east. India nangich me Sri Lanka, Maldives, aur Indonesia hae.

Lautoka

Lautoka Football Association - Fiji ke Lautoka ilaka ke ii ek football team hae.

Mahendra Chaudhry

Mahendra Pal Chaudhry (janam: 9 February 1942) Fiji Labour Party ke leader hae. 1987 me jab Fiji Labour Party pahila dafe sarkar banais raha tab Chaudhry usme Minister of Finance rahaa, lekin ii sarkar khali ek mahina chala kaahe ki ek army ke officer, Rabuka, sarkar palat diis. 1987 se 1999 talak Chaudhry Fiji Labour Party ke ek nawa jiwan diis aur 1999 ke election me uske jiit hoe gais. Ii sarkar bhi ek saal baad palat dewa gais. 2005 me jab Bainimarama sarkar paltis tab Chuadhry ke usme Minister of Finance banae dewa gais. Kuchh din baad you interim Government se aapan aur Labour Party ke sathe nikal gais.

Nadi Soccer Association

Nadi Soccer Association ke team Fiji Football Association ke tournament ke Super Premier Division ke ek team hae. Ii team Nadi ke hae aur iske khaas khele waala ground Prince Charles Park hae. Iske uniform green sat, ujjar shorts aur ujjar moja hae.

Ram Nath Kovind

Ram Nath Kovind (janam: 1 October 1945) India ke ek politician hai jon ki 14th aur abhi ke President hai. Uu 2015 se 2017 talak Bjiar ke 35th Governor rahaa aur 1994 se 2006 talak Rajya Sabha ke member rahaa. Uu Bharatiya Janata Party (BJP) ke ek neta hai. Kovind ke ruling NDA coalition 2017 presidential election ke khatir nominate karis rahaa, aur uu duusra Dalit hai jon ki President banaa. Uu 25 July 2017 se President ke kaam suruu karis.

Rewa Soccer Association

Rewa Soccer Association, Fiji Football Association ke Super Premier Division ke ek team hae. Ii team Nausori ke hae aur iske home ground Ratu Cakobau Park hae. Team ke uniform laal sat hae.

S.S. Fazilka I

Fazilka, ek steam ship rahaa jon ki Fiji chhe dafe girmitya logan ke lae ke aais rahaa.

Duusra bhasa me parrho