Amerika

Amerika jo kontinent. Amerika se do dweju źělowu rozrědujo, a to Pódpołnocna Amerika a Pódpołdnjowa Amerika (abo Łatyńska Amerika).

Archiv für slavische Philologie

Archiv für slavische Philologie – jo nejstaršy wědomnostny casopis, kótaryž jo był slawistiskim studijam a slawistice pósćony. Wón jo naglědany ako nejlěpšy slawistiski casopis swojog casa.

Derwan

Derwan - jo był serbski wjerch.

Dolna Łužyca

Dolna Łužyca (górnoserbski: Delnja Łužica, nimski: Niederlausitz) jo historiski kraj w pódzajtšnej Nimskej.

Dolnoserbska rěcna komisija

Dolnoserbska rěcna komisija jo wědomnostna organizacija, kótaraž jo była wót Maśice Serbskeje powołana. Wóna jo awtorizěrowany gremium za kodificěrowanje pisneje dolnoserbšćiny.

Dytaŕ Redo

Dytaŕ Redo, nim Dieter Reddo (roź. 1944 w Trjebinku) jo serbski wucabnik a domownjowědnik, wósebnje dla wobchowanja slěpjańskeje serbšćiny zasłužony. Cłonk Domowiny a towaristwa Njepilic dwór.

Europa

Europa jo kontinent, eksaktnje gronjone njejo samostatny kontinent, ale formujo z Aziju dwójny kontinent Eurazija. Jano Awstralija jo mjeńša.

Juliana Kaulfürstowa

Juliana Kaulfürstowa, teke: Juliana Kaulfürstec, nim. Juliana Kaulfürst (roź. 1980 ) – jo serbska kulturna procowarka, slawistka, koordinatorka serbskich projektow w Slěpjanskej stronje, wósebnje dla wobchowanja slěpjańskeje serbšćiny zasłužona.

Nazyma

Nazyma jo jaden wót styrich lětnych casow. Nazyma wóznaměnujo pśechod wót lěśa do zymy.

Pěsnica

Pěsnica (teke: Božnjec, nimski Pößnitz, stare nimske mě: Pössnitz, teke: Pössnitzbach a Pössnitzwasser) jo mała tšuga w krotkowjacornej Dolnej Łužycy, pśi Łužyskem Motodromje. Jeje žrědlišćo lažy pla Załgosća. Pěsnica běžy pśez Ždźarki, Rań, pón toś ta tšuga jo granicna linija mjazy Klěśišćami a Murjowom a pó někotarych kilometrach pśi Kśinicy wulewa do Carnego Halštera w Łucce.

Romski imperium

Romski imperium jo był w casach Antiki wjelike mócnaŕstwo we wokolinje Srjeźnego mórja. Ten imperium jo był w Europje, Africe a źělach Azije. Kóńc togo imperiuma jo był w lěśe 476.

Rownosć źeń-noc

Rownosć źeń-noc (Łatyńšćina: aequinoctium, rowna noc) jo astronomiski fenomen, wokognuśe gdyž centrum Słyńca w jogo widobnem pógibowanju pó ekliptice njebjaskego ekwatora pśekujo.

Serby

Serby su pódwjacornosłowjański lud. Pó doněntejšnych dopóznaśach wědomnostnikow su w 6. stolěśu do stronow źinsajšneje Łužyce pśidrogowali. Tam su bagnišća wusušyli, kraj zdobyli a zachopili rolu wobźěłowaś.

Slěpjańska narěc

Slěpjańska narěc jo serbska pśechodna narěc w regionje na pódpołnocnopódzajtšnej periferiji Sakskeje. Slěpjański region z relatiwnej rěcnej a kulturnej samostatnosću jo źinsa źěl Wokrejsa Zgórjelc Lichotnego stata Sakskeje, granicujo z Bramborskej. K Slěpjańskej wosaźe słuša sedym dwójorěcnych jsow: Slepo (dolnoserbski Slěpe), Dźěwin, Brězowka, Trjebin, Miłoraz, Rowno a Mułkecy. K wosaźe słuša togodla něnt nimskorěcny Lěsk, kótatyž lažy južo w Bramborskej.

Tšawnica

Tšawnica (nim. Tranitz) jo była dolnołužyska wjas k pódzajtšu wót Chóśebuza. Wóna jo była 1983 i 1984 wótbagrowana. Něgajšne wobydlarje jsy su śěgnuli do Žandowa abo Knorawy, źěl jo wóstał na jsach, pśedewšym w Dešanku a Žylowje.

Wjelikoraz

Wjelikoraz (teke: wjelkoraz, we Słowniku dolnoserbskeje rěcy a jeje narěcow Arnošta Muki: ẃelkoraz) jo mytiska bytosć, kótaraž jo znata we mytologijach młogich ludow swěta, teke słowjańskich a germańskich. Wjelikoraz jo cłowjek, kenž se wótergi pśeměnijo na wjelka pódobnego na zwěrjeśa.

Ŕ

Ŕ ŕ su grafemy dolnoserbskego a teke słowakskego alfabeta, lěcrownož toś ten pismik we dwěma alfabetoma kradu hynakše wěcy wóznamjenijo.

W drugej rěcy cytaś