Aleria

Aleria hè una cumuna di u dipartimentu di a Corsica suprana.

Aluetu di Sudafrica

L' Aluetu di Sudafrica (Aloe succotrina) hè una spezia di pianta chì face parte di a famiglia di l'Aloeaceae. Hè una spezia d'aluetu cultivata, chì hè uriginaria di Sudafrica. I so fiori sò rossi o arancini, è sò longhe 4 cm. Fiurisce in a siconda mità di l'invernata. L'aluetu di Sudafrica hè altu sin'à 1,5 metru, ma a so altezza media hè un metru.

Ascensione

L' Ascensione (o Ascinsioni) hè una festa cristiana chì hè celebrata quaranta ghjorni dopu à Pasqua (a Dumenica di Pasqua essendu cuntata). Per quessa, l'Ascensione casca in generale un ghjovi di u mese di maghju. In a tradizione è a fede cristiana, curresponde à l'elevazione in cele di Gesù Cristu, dopu à a so Resurrezzione. Incù Pasqua è a Pentecosta, l'Ascensione hè una di e più sulennità impurtante di u calendariu ecclesiasticu.

Burra cascistretta

A Burra cascistretta (Typha angustifolia) hè una spezia di pianta chì face parte di a famiglia di i Typhaceae. Hè alta da 1 à 2 metri. E so casce sò larghe 5 à 9 mm. Si trova à u cantu di i fiumi è di i stagni. Hè cumuna in Europa, in Africa, in America è in Australia. A sessualità di a burra cascistretta hè monoìca (a pianta cumporta i fiori maschili è feminili annantu à listessu pede).

Charles Aznavour

Charles Aznavour, fintunome di Chahnourh Varinag Aznavourian (armenu: Շահնուր Վաղինակ Ազնավուրեան; Parighji, 22 maghju 1924 - Mouriès, 1 uttobre 2018), hè statu un cantadore è attore francesu d'origine armena.

Discriminazione linguistica

A discriminazione linguistica hè u trattamentu inghjustu di un individuu basendu si solu annantu à l'usu di a so lingua. 'Ssu usu di u linguaghju pò inchjude a lingua materna di l'individuu o altre caratteristiche di u discorsu di a persona, cum'è un accentu, a taglia di u vucabulariu, a mudalità è a sintassi. Quessa pò dinù implicà a capacità o l'incapacità di una persona à imprudà una lingua inveci di un'antra. Per indettu, quellu chì parla occitanu in Francia pò esse trattatu differentemente di quellu chì parla francese. Basatu annantu à una differenza in l'utilisazione di a lingua, una persona pò automaticamente furmà i ghjudicamenti annantu à a ricchezza di un'antra persona, l'educazione, u statutu suciale, u caratteru o altri tratti. 'Ssi ghjudicamenti percipiti ponu tandu cunduce à u trattamentu sfavurevule di un individuu riguardu à l'altri.

Ghjumenta di preti

A Ghjumenta di preti (Mantis religiosa) hè un insettu chì faci parti di a famiglia di i Mantidae. U nomu latinu mantis religiosa è altri noma in parechji lingui facini rifarenza à a riligioni. Veni da u fattu chì a ghjumenta di preti teni i so patti da davanti di tal' manera chì si diciaria ch'edda hè in pusizioni par prigà.

Ghjuncu marinu

U ghjuncu marinu (Juncus maritimus) hè una spezia di pianta chì face parte di a famiglia di e Juncaceae. Hè nativu di l'Europa, di l'Asia è di l'Africa. Hè statu dinù introduttu in America, in particulare in i Stati Uniti d'America è in Uruguay.

Ghjuvan Petru Gaffori

Ghjuvan Petru Gaffori hè un persunaghju storicu di Corsica. Era un medicu è un patriottu corsu. Nascì in Corti in u 1704. Morse assassinatu in Corti u 2 uttrove di u 1753.

India

L’India, ufficialmente Republica d’India (Bharat Ganarajya) hè un paese d’Asia meridiunale. Chjè a settima nazione più maiò geograficamente è a siconda più populata incù 1,2 milliardu d’abitanti. Hè dinò a dimucrazia a più populata in lu mondu sanu. E sò limite sò l’Oceanu Indianu à u sudu, u mare arabu à l’ovest è u golfu di u Bengal à l’este. Tocca u Pachistan à l’ovest, u Bhutan, a Repubblica populare di China è u Nepal à u nord, u Bangladesh à l’este. In l’oceanu indianu, l’India hè vicina da u Sri Lanka è di e Maldive. L’isule Andaman è Nicobar spartenu a fruntiera maritima di a Thailanda è di l’isula indunesiana di Sumatra in lu mare d'Andaman. L’India ha una costa di 7517 chilòmetri.

Induisimu

L'Induisimu (सनातन धर्म; Sanātana Dharma = "Eterna legge murale") hè cunsideratu nurmalmente cum'è a più antica frà e grande riligione di u mondu. L'Induisimu hè caratterizatu da parechji sistemi di cridenze, pratiche è scritture. E so urighjine sò assai antiche è si rifiriscenu à a cultura Vedica. Hè a terza riligione di u mondu per numeru di praticanti (1,05 miliardi di persone, u 96% di i quali in l'India).

Léon Walras

Marie-Esprit-Léon Walras (natu u 16 di decembre di u 1834 in Évreux, è mortu u 5 di ghjennaghju di u 1910 in Clarens, Svizzera) fù un economistu francese associatu cù a creazione di a teoria di l'equilibriu generale.

Sambucu

U sambucu (Sambucus nigra) hè un picculu arburi o un arburettu chì faci parti di a famiglia di i Caprifoliaceae. Hè altu 2 à 6 metri. I so fiori sò bianchi, appena giaddicci. L'anteri sò giaddi. U sambucu fiurisci di maghju o di ghjugnu. I bacareddi sò neri quand'eddi sò maturi.

San'Petru di Panicala

San'Petru di Panicala hè una cappedda rumanica di Corsica. Hè situata annantu à a cumuna di Furciolu. Difatti, a cappedda si trova à un kilomitru da Zigliara. Hè una cappedda di tipu rumanicu. L'absidi di a cappedda hè ferma schietta, com'è una parti di a navi attaccata à l'absidi, ma u restu hè arruvinatu.

Scali di u rè d'Aragona

I Scali di u rè d'Aragona sò un munimentu storicu di Corsica, situatu in a cità di Bonifaziu. Hè unu di i loca più visitati da i turisti in Bonifaziu. I Scali falani da a turra situata in cima (U Turrionu), insin'à u mari. Sicondu a lighjenda, i scalinati di u rè d'Aragona sariani stati custruiti in una nuttata. I Scali sò cumposti di 187 scalini. A so inclinazioni hè impurtanta: 45 gradi. Par via di quissa, a falata di i Scali ferma priculosa è ùn hè micca ricumandata par i parsoni anziani.

Scrizzula

A scrizzula (Troglodytes troglodytes ) hè un acellu chì face parte di a famiglia di i Troglodytidae. A scrìzzula hè cumuna in tutta l'Auropa, in Asia, in u Nordu di l'Africa è u Nordu di l'America.

Scupinu

U Scupinu (Hydnum repandum) hè un tipu di fungu chì faci parte di a famiglia di l' Hydnaceae. Si scontra à spessu in e liccete, in e faiete o in i pinete.

Scurpionu neru

U scurpionu neru (o scurpione neru) (Euscorpius flavicaudis) hè un tipu d'animali chì faci parti di a famiglia di l'Euscorpiidae. Hè cumunu in l'ariali di u Mari Tarraniu: in Algeria, in Tunisia, Italia, in iSpagna, in Corsica, è in a parti miridiunali di a Francia. Pocu tempu fà, u scurpionu neru hè statu introduttu in Ingliterra è ancu in Uruguay. A piccula culonia di scurpionu neru chì ci hè avali in Ingliterra, hè a più à nordu in u mondu.

Seppia

A seppia (Sepia officinalis) hè un mudduscu chì faci parti di a famiglia di i Sepiidae. A seppia hè diffusa in u Mari Tarraniu è in l'Uceanu Atlanticu Uriintali, da a penisula scandinava insin'à u Maroccu.

Tarrori è Fantasia

Tarrori è Fantasia hè una rivista-bloggu litteraria in lingua corsa. Hè stata criata di nuvembri 2010 da Marcu Biancarelli, è accoglii bon'parechji autori di testi muderni di scenzafizzioni, chì pruponini testi, nuvelli, raconti corti, in corsu. Com'è l'annuncia a rivista, hè "un situ di criazioni fantastica in lingua corsa chì s'adrizza à a ghjuvantù..." .

Leggi in un'altra lingua