Bioloyia

Bioloyia i siensan lina'la' yan todu ayu i lala'la', tatkomu tinanom, gå'ga', fungi (taiguihi påyun duendes) yan baktiria. I taotao siha ni ma'estutudia bioloyia manmafa'nana'an bioloyista.

Direchun i mantituge'

I Direchon i Mantituge' pat i Direchon Mangopia (Engles:Copyright) i lai ni ha nana'i i dueñon i matuge' na dokumento, fina'tinas musika, lepblo, litratu, pat maseha hafa na fina'tinas hinasso, i direcho para u madisidi hafa taimanu ma'usa-ña ni otru na taotao. Este na lai mas ha garantia na u fanmama'salape' todu ayu siha i fuma'titinas este siha na klasen cho'cho'. Pot este, todu fina'tinas ti siña makopia solu manna'i i dueño petmiso.

Ekonomia

Ekonomia i sisteman inatulaika. I palabra "ekonomia" ginen i palabran Griegu oikos, kumekeilek-ña "guma'".

Estorian Chamoru

"Umestoria" un kostumbre ni ma'usa fama'na'gue, umeksplika, pat pot dibetsion. Ti masasangan na anggen guåha estorian fama'na'gue ti siña ha estoria dibetsion pat umeksplika. I mayot na estoria siha ma na'daña i tres na kategoria.

Fino' Chamoru

Fino' Chamoru (Españót: Chamorro) i lengguahen i man chamoru, i taotao natibu giya Mariånas (Notte Mariånas yan Guåhån). Fuera di Mariånas, meggai na man chamoru ni mañasaga gi Estados Unidus siña manfino'chamoru.

Gobietnu

I gobietnu i grupon taotao ni manggai'aotoridat para u ma maneha siha otru taotao. Siha fuma'titinas i lai, areklamento, rigulasion, rumikokohi i taxes, yan umempreprenta salåpe'. Gi gobietnu guåha sisteman hustisia ni lumilista todu siha i aksion yan aktibidat ni kumokontra i lai ya ha deskrikribi todu siha i kastigu pot i yinammak este siha na lai. Guåha polisia ni muna'seguguro na matåttetiyi i lai ni taotao. Guåha siha diplomatiku ni manresponsapble para i komunikasion yan otru gobietnu siha. Guåha militåt ni prumotetehi i tano'.

Guåhån

Gaige islan Guåhån (Engles: Guam; Españót: Guaján) gi mås yahåyaya gi kadenan Marianas ya guiya mås dångkolu entre todu i isla yan úniku minantietieni ni Estados Unidos desde 1898 na sakkan. Mafa'nana'an i isla "Tollai Amerika asta guatu Asia" sa' put i minåolek pusisión-ña gi yeogråfiku yan ekonomia. Ma tatáncho' este na isla kåsi 9700 (nuebi mit siete sientos) kilumetro gi ge'lichan San Francisco, 6000 (sais mit) kilumetro ge'lichan låo sumanhaya patte gi ya Honolulu, 2400 (dos mit kuatro sientos) kilumetro gi hayan i kattan Tokyo, 3400 (tres mit kuatro sientos) kilumetro kattan sanhayan Hong Kong yan 2400 (dos mit kuatro sientos) kilumetro gi kattan Manila.

Islas Mariånas

I Islas Mariånas un kadena ni manmafa'tinas ginen i puntan 15 na botkan, ya manggaige gi halom i grupon i ma'a'agang Micronesia. Nio ho tiorda yayaya

Kostumbre

Kostumbre (ma'a'agang lokkue' tradision) ayu siha na aksion i meggai na taotao ma chocho'gue. Tenga este siha na taotao mangginen parehu na tåno', kuttura, tiempo pat rilihon.

Kuttura

Kuttura un palabra ni ha deskribi taimanu manla'la' un taotaogues; i hafa bidan-ñiha yan i manera ni ma chocho'gue. Un grupon taotao separao i kutturan-ñiha yanggen ayu na grupo ha sepapara gue' gi aksion-ñiha

Lai

Lai i sisteman areklamento ni debi di u matattetiyi ni taotao gi un sosiedat pat tano'. I kotte yan i polisia, siha dumiririhi este na sisteman areklamento ya siha kumastitiga i taotao siha ni yumayammak i lai, tatkomu manmana'fanapasi pat manmapresu. Gi sosiedat antigu siha, i manma'gas fuma'titinas siha i lai. Pa'go, i lai manmafa'titinas ni grupon mampolilitika ni manma'elihi ni henerat pupbliku. Para un tattetiyi i lai gi un sosiedat kumekeilek-ña na para un cho'gue legat siha na aksion. Ilegat un aktibidat yanggen ha yayammak pat ti ha tattetiyi i lai.

Lengguahe

Fino' Chamoru; este na lenguahi gi islas Marianas giya Tasin Pasifiku.

Matematika

Matematika (mafana'an Matematikas pat Math lokkue') i siensan i idean kantidat, estruktura, kampo, yan tinilaika; kontodu i raman eskuela ni ha estudia håftaimanu umachetton todus siha na idea. I taotao ni ha estudia Matematika mafana'an Matematiku.

Militåt

I militåt i patte gi gobietnu nai responsapble nu i proteksion i tano'. Ma difefendi i tano' ginen i militåt i enemigu yanggen guåha gera. Siña lokkue' manmamanda i militåt nu i gobietnu para u ma'ataka pat u mahåtme otru na tåno'.

Notte Mariånas

I Notte Mariånas, ofisiatmente i Commonwealth of the Northern Mariana Islands (CNMI), sumiha gi bandan politika yan i Estados Unidos yan gaige gi un sen impottante na lokasion gi Tasen Pasifiku. Guaha 15 na islas ya gaige tres-kuatto chi-ña ginen Hawaii asta i Filipinas. I Depattamenton i Senso para i Estados Unidos ha ripopotta na i tutat na tano' gi todu islas ha mimidi 179.01 kuadrao miyas (463.63 kuadrao kilometru).

Politika

Politika i manera ni siña manmama'disision i taotao. I politika lokkue' pot fina'tinas areklamento entre taotao siha kosa ki siña manla'la' yan mañaga gi halom grupo. Gi halom dangkolo na grupo, guaha siha na taotao ma gagasta i tiempon-ñiha fuma'tinas este siha na areklamento. Este siha na taotao manma'a'agang i mampolilitika. I mampolilitika, yan guaha na biahe otru taotao lokkue', mandadanña' para u mafa'tinas un gobietnu. I ma'estudian politika mafa'nana'an siensan politika, estudian politikat, pat atministrasion pupbliku.

Read in another language