Better Living Through Xeroxography Naga

An Better Living Through Xeroxography Naga o BLTX Naga sana, sarong kabtang kan Better Living Through Xeroxography sa syudad nin Naga na inot na ginibo kan 2016. Sarong tiripon ini nin mga lokal na parasurat, parakurit asin iba pang artista sa rehiyon Bikol tanganing makapaghiras kan saindang mga suru-sadiring gibong babasahon, komiks, padukot, poster asin manlainlain na obra na kadaklan naiprodusir gamit an pagpapakopya sa paagi nin siroksograpiya o iba pang baratong paagi nin reproduksyon.

Espanya

An Espanya (Kastila: España) o an Kahadean kan Espanya (Kastila: Reino de España), sarong nasyon na namomogtak sa sur-sulnopan kan Europa sa Iberika Peninsula. Napapalibotan ini kan Pransya, Andora sagkod Bay of Biscay sa norte; kan Dagat Mediterraneo sa sur hanggan subangan apwera kan sadit na parte na sakop kan Gibraltar; asin Kadagatan Atlantiko sagkod Portugal sa sulnopan. Kabali kan sakop kan nasyon an Balearic Islands sa Mediterraneo, an Canary Islands sa Atlantiko sa balyo kan baybayon kan Afrika, asin duwang awtonomong syudad sa Norte Africa, Ceuta saka Melilla, na kadolon kan Morocco. Sa sokol na 504,030 km², an Espanya an ikaduwang pinakamahiwas na nasyon sa Sulnopan na Europa sunod sa Pransya.

Filipinas

An Filipinas (Ingles: Philippines, Espanyol: Filipinas) o Republika kan Filipinas ay sarong nasyon nin grupo nin mga isla sa Sur-subangan na Asya na Manila an kapitolyo. Igwa nin 7,641 na mga isla an arkipelago kan Filipinas na namumugtak sa gamping sulnopan kan Kadagatan Pacifico. An nasyon an ikadose sa pinakamatawo sa enterong kinàban na igwang populasyon na 88 milyon.

Hapon

An Hapon o Hapón /həpɒˈn/ (Hapones: 日本, Nihon o Nippon; Inaapod na 日本国 Nippon-koku o Nihon-koku na boot sabihun Estado kan Hapon) sarong nasyon na mahihiling sa Subangan na Asya. Nabibilog an nasyong Hapon nin mga pulo, na an apat sa pinakadakula Honshū, Kyūshū, Shikoku, asin Hokkaidō. Saro sa mga pinakamayamang nasyon an Hapon sa kinaban na bistado sa mga produktong pang-transportasyon asin elektroniks. An kabisera kaining Tokyo an pinakadakulang syudad sa bilog na kinaban.

Hiroshima Peace Memorial

An Hiroshima Peace Memorial (広島平和記念碑 Hiroshima Heiwa Kinenhi) (sa orihinal na Hiroshima Prefectural Industrial Promotion Hall), asin ngunyan inaapod na Atomic Bomb Dome o A-Bomb Dome (原 爆 ド ー ム Genbaku Dōmu)) parte kan Hiroshima Peace Memorial Park sa Hiroshima, Hapon asin pigtalagang sarong UNESCO World Heritage Site kadtong 1996.

Indya

An Indya (sa Ingles: India) opisyal na Republika nin Indya (Bharat Gaṇarājya), sarong banwa sa Habagatan Asya. Ini an ikapitong pinakadakulang banwa kun sa hiwas, an ikaduwang-pinakamatawong banwa (na may lampas sa 1.2 bilyon tawo), asin an pinakadakulang demokrasya sa kinaban. Ini napapagdolonan kan Indian Ocean sa habagatan, an Arabian Sea sa sur-solnopan, asin an Sola' nin Bengal sa sur-subangan. Ini kadolon an Pakistan sa solnopan; Tsina, Nepal, asin Bhutan sa norte-subangan; asin Myanmar (Burma) saka Bangladesh sa subangan. Sa Indian Ocean, an Indya harani sa tongod kan Sri Lanka asin kan Maldives. An Andaman asin Nicobar Islands na sakop kan Indya kadolon an maritimong kasagkoran kan Tailandiya asin Indonesya.

Jan Letzel

Si Jan Letzel (Abril 9, 1880 – Desyembre 26, 1925) saróng Czech architect, na bistadohon sa pagdesinyo kan saróng establishimento sa Hiroshima na nagin ruins pagkatapos kan pagsabog kan bombang atomiko sa Hiroshima, na an establishimento ngunyan pig'aapod na A-Bomb Dome o pangiromdom nin kasilenciohan.

José Rizal

Si José Protacio Rizal y Alonzo Realonda (namundag kan 19 Hunyo 1861 – 30 Desyembre 1896) o José Rizal, sarong Pilipinong heroe kan mga huring taon kan pananakop kan Espanya sa Filipinas. Siya sarong optalmologo o doktor sa mata dangan nagin parasurat asin kaapil kan hiron nin mga Pilipinong propagandista na nagtulod nin mga pagbabagong politikal para sa mga kolonya nin Espanya. Kagsurat siya kan mga nobelang Noli Me Tángere, asin El filibusterismo, sagkod nagkapirang mga rawitdawit asin saysay.Siya an ikapito sa kagsarong (11) akì kan mag-agom na Francisco Engracio Rizal Mercado y Alejandro (1818-1898) asin Teodora Morales Alonzo Realonda y Quintos (1827-1911). Ipinangaki si Rizal, na inapod na "Pepe" kan saiyang mga kagubay, sa banwaan nin Calamba, Laguna. An saiyang mga tugang iyo sinda Saturnina, Paciano, Narcissa, Olimpia, Lucia, Maria, Jose, Concepcion, Josefa, Trinidad asin Soledad.

Kwartang papel kan Hapon panahon kan Ika-2ng Gerang Pangkinaban

Kan magsakyada an Hapon asin manakop sa kahiwasan kan Asya, enot naglaog sa Luzon, Filipinas kan Desyembre 10, 1941 asin kan Enero 2, 1942 sayod nang nasakop an kaManilaan.

Rawitdawit

An rawitdawit (Ingles: poetry) sarong porma nin literatura. Ini an Bikol na apod para sa mga naratibong poesya.

Santuario nin Nuestra Señora de Peñafrancia

An Santuario nin Nuestra Señora de Peñafrancia (Ingles: Shrine of Our Lady of Peñafrancia, sa hinayokong na arapodan kan mga Bikolano, "Si Ina") ikinaag kuwenta harong kan ladawan ni Ina sa dakulang pag-onra saiya kan mga deboto niya.

Senado kan Filipinas

An Senado kan Filipinas iyo an halangkaw na kamara kan lehislaturang bikameral kan Filipinas, an Kongreso kan Filipinas. An Pilipinong Senado binibilog nin 24 senador an pinipili kan bilog na paraboto.

Syudad nin Naga

Para sa Syudad nin Naga sa Cebu, hilingon an Naga, Cebu.

Tataramon na Bikol Sentral

Para sa mga tataramon na Bikol, hilingon tabì an Mga tataramon na BikolAn tataramon na Bikol Sentral (Ingles: Central Bikol) o Bikol sana, an pinakapigtataram asin pinakanasasabòtan na tataramon sa Rehiyon Bikol. Ini an sarô sa mga panginot na tataramon sa Filipinas na pigtataram kan 4,253,000 katawo.Sosog sa pagklasipikar ni Curtis McFarland sa mga tataramon sa rehiyon kan pamilya nin mga tataramon na Bikolnon, kabali an tataramon na ini sa Coastal Bikol. Pigtataram ini sa dakulang parte kan Camarines Sur, subangan na parte kan Albay, sulnopan kan Camarines Norte, asin gamping norte kan Sorsogon sagkod isla nin Burias sa Masbate.

Tataramon na Hapones

An Hapones (日本語, Nihongo, [ɲihoŋɡo] ( dangugon) o [ɲihoŋŋo]) saróng tataramon na Subangan na Asya na pigtataram kan pigtatantyang 128 milyon na katawo, pangenot sa Hapon, kun saen ini an nasyunal na tataramon. Miembro ini kan pamilya nin tataramon na Haponiko (o Hapones-Ryukyuano), asin may relasyon ini sa iba pang mga tataramon, arog kan Koreano, an pigdedebatehan.

Taumatawhakatangihangakoauauotamateaturipukakapikimaungahoronukupokaiwhenuakitanatahu

An Taumatawhakatangihangakoauauotamateaturipukakapikimaungahoronukupokaiwhen-uakitanatahu, saróng pangaran kan burol sa nasyon na New Zealand. An Taumatawhakatangihangakoauauotamateapokaiwhenuakitanatahu o Taumatawhakatangihangakoauauotamateaturipukakapikimaungahoronukupokaiwhen-uakitanatahu kun pinalabá pa, sarong pangarang Maori kan lugar na igwang langkaw na 305 metro, na madudugangan sa kalapit kan Porangahau, sur kan Waipukurau sa Kasuran nin Hawke's Bay, New Zealand. Para mapadali an paggamit kan katagâ o taramon na ini, piggagamit na lang an taramon Taumata. Nakakua ini nin pagbisto bilan pinakahalabang pangaran kan lugar na nahiling sa mga nasyon nin parataram-Ingles, asin an panduwang pinakahalabang pangaran kan lugar sa enterong kinában, segun ini sa Wises New Zealand Guide asin The New Zealand Herald. An pangaran kan burol (na may 85 na karakter), nailista na kan Guinness World Records bilan pinakahalabang pangaran kan lugar.

Basahon sa ibang lengguwahe