Archentina

A Republica Archentina (República Argentina en castellán) ye un estato d'America d'o Sud. Muga a lo norte con Bolivia y Paraguai, a l'este con Brasil, Uruguai y l'Ocián Atlantico, y a l'ueste con Chile, país con que comparte o sud d'a cordelera d'os Andes. A capital d'o país ye Buenos Aires y as ciudatz más importants en son Cordoba, Rosario, Mendoza, Santa Fe y La Plata.

Australia

Australia ye un país d'Oceanía, situato en o hemisferio sud. A suya capital ye Canberra. A Mancomunidat d'Australia (Commonwealth of Australia en anglés) ye a seisena nación d'o mundo en amplaria, a unica que ocupa tot un continent y a mayor nación d'Australasia. Estando una isla, no tiene mugas con atras nacions. Os vecins mes amanatos son Nueva Zelanda enta o sudeste y Papúa-Nueva Guinea, Timor Oriental y Indonesia enta o norte.

Bebida alcoholica

As bebidas alcoholicas son aquellas bebidas que contienen etanol (alcohol etilico) en a suya composición. Atendendo a la elaboración se pueden distinguir entre as bebidas producidas simplament por fermentación alcoholica (vin, biera, sidra, aguamiel, sake) en as qualas o conteniu en alcohol no gosa superar os 15 graus, y as producidas por destilación, cheneralment a partir d'un producto de fermentación previo. Entre istas zagueras se troban os diferents tipos d'aguardientes (como o brandy, o whisky, o tequila, o ron, o vodka, a cachaça, o pisco, a chinebra, etc.) y os licors, entre atras.

Chile

A Republica de Chile ye un país situato en a estrimera sudueste d'America d'o Sud, chunto a l'Ocián Pacifico. Muga a lo norte con Perú, a lo noreste con Bolivia y a l'este con Archentina, deseparando-lo d'iste zaguer país a cordelera d'os Andes. O país s'estendilla de norte enta o sud dende os 17º29'57'S dica os 56º32'S en una estreita francha entre os Andes y l'Ocián Pacifico, ocupando una superficie de 756.950 km². A suya población ye de 15.980.912 habitants (estimación de 2005), con una densidat de población de 20 hab/km².

Clima mediterranio

O clima mediterranio ye un clima de transición entre o clima templato y o clima subtropical y tropical. Estas dos arias tienen una vechetación netament diferenciata que s'estendilla entre os paralelos 35° N y S d'a Tierra. L'aria templata se caracteriza por tener una pluviosidat abundant y regular mientres tot l'anyo (mas de 800 mm), con temperaturas suaus en verano y un periodo mas u menos luengo de chelatas d'hibierno. Isto da una vechetación cerenya, de caracter caducifolio, con un estrato herbacio nemoral, un estrato de matarrals esferenciato y un estrato arborio alto y bien desenvolicato. Gosan estar suelos fundos y ricos en nutrients y augua.

Europa

Europa ye una d'as grans peninsulas d'Eurasia, a la que por un regular y por razons historicas se considera un continent por si mesma. Europa s'estendilla por a metat oriental de l'Hemisferio Norte, dende l'Ocián Glacial Arctico por o norte dica a Mar Mediterrania por o sud. Por l'ueste, arriba dica l'Ocián Atlantico, y por l'este, dica os Monts Urals.

Fermentación alcoholica

A fermentación alcoholica ye un proceso biolochico de fermentación en plena ausencia d'aire (oxígeno - O2), orichinau por l'actividat de qualques microorganismos que procesan os hidratos de carbonio (por regla cheneral zucres: como por eixemplo a glucosa, a fructosa, a sacarosa, sirve con qualsiquier substancia que tienga a forma empirica d'a glucosa, ye decir, que sía una Hexosa.) ta obtener como productos finals: un alcohol en forma d'etanol (que a suya formula quimica ye: CH3-CH2-OH), dióxido de carbonio (CO2) en forma de gas y unas moléculas d'ATP que consumen os propios microorganismos en o suyo metabolismo celular enerchetico anaerobico. O etanol resultant s'emplega en a elaboración de qualques bebidas alcoholicas, tals como o vin, a biera, a sidra, o cava, etc. Encara que en l'actualidat s'empecipia a sintetizar tamién etanol por meyo d'a fermentación a libel industrial a gran escala ta estar emplegau como biocombustible.

Fruita

As fruitas son un conchunto d'alimentos vechetals que proceden d'o fruito de bellas plantas, ya sían hierbas, como a melonera, u árbols como l'alberchero. As fruitas poseyen una sabor y un aroma caracteristicos y presentan unas propiedatz nutritibas y una composición quimica que las distingen d'atros alimentos.

Fruito

No s'ha de confundir o fruito con a fruita.

Gas

Se diz gas a un estato d'a materia en que as fuerzas interatomicas u intermoleculars entre os diferents atomos u moleculas d'una substancia son tan chicotas que a substancia no adopta ni forma ni volumen fixo, tendindo a expandir-se tanto como sía posible ta ocupar o recipient que la contiene. En a practica, un gas puet estar definito como un fluido no condensable a temperatura ambient.

Sciencias socials

As sciencias socials son as sciencias u desciplinas scientificas que s'ocupan d'aspectos humanos d'o mundo, no estudeaus en as sciencias naturals. S'adedican a l'estudeo d'as manifestacions naturals y inmaterials d'as sociedatz. S'esferencian d'as humanidatz en que s'emplega o metodo scientifico y atras metodolochías rigurosas d'analís. Drento d'a clasificación d'as sciencias entre as sciencias d'a naturaleza y as sciencias d'o esprito, as sciencias socials bi son dentro d'istas zagueras.

Uga

A uga u uva ye una fruita más u menos roncha y sucosa. Ye o fruito d'a vinya u vit y d'a parrera, que forma carrazos.

Vitis vinifera

Vitis vinifera ye una especie de planta d'a división Magnoliophyta, d'a clase Magnoliopsida, de l'orden Vitales y d'a familia Vitaceae. Ye una planta trepadora y de port por un regular arbustivo. Ye orichinaria d'o Proximo Orient y d'o Caucas y se cautiva en muitos países con climas temperaus u temperaus-calidos p'aproveitar o suyo fruito (a uga), con o que se fa o vin.

Zucre

O zucre u l'azúcar ye o nombre que lis se da a diferents monosacaridos y disacaridos, que cheneralment son solubres en augua y tienen sabor dulce y pueden cristalizar. A ormino, y en sentito amplo tamién se clama zucres a totz os hidratos de carbonio, encluindo-ie os polisacaridos.

Leer en otro idioma