Japan

Japan (Japans: 日本 Nippon, Nihon) is een land in Azië en is 'elegen op een antal grote in kleine eilanden (in totaol 6.852) oôstelijk van China en Korea. De groôste eilanden zien Hokkaido, Honshu, Shikoku en Kyushu, die saemen 97% van de totale oppervlakte van Japan beslaen. Japan is ien van de groôste economieën van de weareld. D'r komme stik vee auto's en electronica vandaen. De oôdstad is Tokio. Het land heit 126 miljoen inweuners, dit antal neemt langzaem of. Op 1 september 1923 wier Tokio 'etroffen deu een zeer zwaore aordbeving mee een kracht van 8,2 op de schael van Richter. Er valle dan meer as 140.000 dooien. Japan spelende een belangrieke rol in de Twidde Wereldoôrlog as companjon van Duutsland. 't wier uuteindeluk versloge deu de Amerikaonen mee een atoombomme op Hiroshima en Nagasaki. Ok Nederlands-Indië wier in die oorlog deu Japan bezet.

Nae de oorlog wier Japan een belangriek exportland en kennende 't land een snelle groei. Nae de jaeren '80 stagnerende die groei. Een van de belangriekste exportartikels binne auto's.

De belangrijkste Japanse steên zijn:

Satellite View of Japan 1999
Satellietfoto van Japan
JapanPopulation1872-2050
Ontwikkelieng bevolkieng Japan 1872-2050

Externe verwieziengen

Lan'n in Azië
Afghanistan | Armenië | Aâzerbeidzjan | Bahrein | Bangladesh | Bhutan | Brunei | Cambodja | China | Cyprus | Ehypte | Filepijn’n | Georhië | India | Indonesië | Irak | Iran | Israël | Japan | Jeem’n | Jordaonië | Kazachstan | Kirhizië | Koeweit | Laos | Libanon | Mallediven | Maleisië | Monholië | Myanmar | Nepal | Noôrd-Korea | Oezbekistan | Omaan | Oôst-Timor | Pakistan | Qatar | Rusland | Saoedi-Araobië | Singapoor | Sri Lanka | Syrië | Tadzjikistan | Taiwan | Thailand | Toerkmenistan | Turkije | Vereênigde Araobische Emiraoten | Vietnam | Zuud-Korea
Afankelijke hebied'n: Akrotiri en Dhekelia | Nachitsjevan
Niet-Erkende Staeten: Abchazië | Nagorno-Karabach | Noôrd-Cyprus | Zuud-Ossetië
2011

2011 is 'n jaer op de Gregoriaanse kalender. Belangrieke hebeurtenissen weare de tsunaomi in Japan en de revolusies in verscheie Arabische la'n.

Abchazië

Abchazië is 'n klein land in Europa/Azië.

Adjara

Adjara is 'n klein land in Europa/Azië.

Akrotiri en Dhekelia

Akrotiri en Dhekelia is 'n klein afankelijk hebied op Cyprus. 't Hoort bie 't Vereênigd Konienkriek.

Azië

Azië is 't groôste weareldeel. In het jaer 2006 tellende ut continent naebie 3,97 miljard inwoners, ofwè 61% van de totale weareldbevolkinge (6,5 miljard). Azië bedekt, mee een oppervlak van 43.810.000 km², 8,6% van ut totaole oppervlak van de aerde en 29,4% van ut totaole landoppervlak.

Groôte lan'n is Azië binne China in Rusland. Vee lan'n binne flienk in opkomst de leste jaeren. De hoôgste berg ter waereld, de Mount Everest is 'elegen in Azië, in Nepal. Dizze is 8.848 meter hoôge.

Aâzerbeidzjan

Aâzerbeidzjan is een land in de Kaukasus, deels grenzend an Armenië in Iran. De oôdstad is Bakoe an de Kaspische Zeê. Vroeher was 't een deel van de Sovjetunie.

Bahrein

Bahrein is een land in Azië.

Bangladesh

Bangladesh is een land in Azië, d'n oôdstad is Dhaka.

In Bangladesh weunen 163.654.860 mensen.

Bhutan

Bhutan is een bergstaetje in Azië. D'r weune nog net gin miljoen mensen. De meêste inweuners bin Boedhist.

Cambodja

Cambodja is een land in Azië.

Filepijn’n

De Filepijn’n bin een land in Azië.

Kazachstan

Kazachstan is een groôt land in Azië en Europa. De meerdereid is moslim, mae d'r is een groôte Russische mindereid. De oôdstad is Almaty. D'r weune ruum 17 meljoen man. Toet an 1991 orende Kazachstan bie de Sovjetunie. Het land eit een kustlijn an de Kaspische Zeê.

Land

Een land of staet is een vastesteld hebied wirin a een centrâle orhanisatie beschik over de middel'n om over de staet te reheêr'n. De juristen èn een are definitie vanuut ulder oôgpunt: 't geheêl van rehels en instellieng'n die an 't gemeênschapsleven van een hroep mènsen in een vastesteld hebied bepael'n.

Rusland

Rusland (Russisch: Россия, Rossija), officieêl Russische Federasie (Russisch: Российская Федерация, Rossijskaja Federatsija), is een land, hedeêltelijk helegen in Europa en vo hroste deêl in Azië. Het land ligt echter vanuut 'n politiek perspectief in Europa, omdat d'n belangriekste delen d'r van int Europese deêl liggen en ruum 70% van d'n bevolking ier weunt. D'n oôdstad is Moskou.

Mie 'n oppervlakte van 17.098.242 km² is Rusland het hroôtste land ter wereld, biena tweê mael zo hroôt als het diropveulgende land, Canada. In't inweunertal is Rusland het achtste land ter wêreld. Rusland deelt zien hrenzen mie de volgende landen (tegen den klok in van NW naor ZO): Noorwegen, Finland, Estland, Letland, Litouw'n, Poôl'n, Wit-Rusland, Oekraïne, Georhië, Aâzerbeidzjan, Kazachstan, China, Mongolië en Noôrd-Korea. Varder is het door een zeê of door een relatief smalle zeêstraot gescheie van de volgende lan'n: Vereênigde Staeten (Alaska), Canada, Turkmenistan, Iran, Turkije, Zweden en Japan.

In de 17e en de 18e eeuw wiere groôte delen van Siberië veroverd. In de 19e eeuw wiere volken in centraal-Azië ongerworpe as de Oezbeken, de Turkmenen en de Kirgiziërs. De invloed van de Russen reikte tot an Alaska, wa-a in 1869 wier verkocht an de Vereênigde Staeten. Het land vormde van 1917 toet an 1991 as Russische Socialistische Federatieve Sovjetrepubliek (RSFSR) de kern van den Sovjet-Unie. Rusland is noe een onafhankelijk land en een invloedriek lid van't Gemenebest van Onafhankelijke Staten (GOS). In diplomatieke zaken wor Rusland gezien as den opvolgerstaete van de Sovjet-Unie.

In 1917 kwamt in Rusland tot een revolutie. Toe kwam Lenin an de macht, leater op'egovolgt deur Stalen. Na de overwinning van Stalin op Adolf Hitler wier de Sovjetunie een supermacht. Mee de Vereenigde Staeten vochte ze de Kouwe Oorlog uut. In 1989 viel het iesdere gerdien tussen oôst en west. Boris Jeltsin wier premier vant land, wa-a een zwaere crisis deurmikte in de jaeren '90. Na 2000 kwamt land deer weer aerdig bovenop. Rusland eit vee inkomsten uut olie en gas. Een belangriek staetsbedrief is Gazprom.

De munteênheid van Rusland is de Russische roebel. Tehenwoordig president is Vladimir Poetin.

Singapoor

Singapoor is 'n land in Azië, d'n 'oôdstad is Singapoor.

In Singapoor wonen 5.607.300 mensen (2016).

Taiwan

Taiwan is 'n land in Oôst-Azië. Vroeger eêt'n 't land Formosa. D'n oôdstad is Taipei. Het land is ietwat kleiner dan Nederland, mar eit zelfs meer inweuners. De levesverwachtieng in Taiwan is 76 jaer.

De steden met meêr as 100.000 inweuners binne Taipei, Kaohsiung, Xindian, Xinzhuang, Zhongli, Hsinchu, Hualian, Taichung, Zhanghua, Jiayi, Tainan, Gaoxiong en Pingdong.

Twidde Weareldoôrlog

De Twidde Weareldoôrlog was een zeer groôtschaelige oorlog, de meêst bloedigsten die ooit op de aerdbol is 'evoerd. Vechtende partijen waere an de ene kant Duutsland, Japan, Itâlië, Ongarije, Roemenië, Bulgarije, Finland en Mantsjoekwo in an de oare kant onger meer Frankriek, Iengeland, de Vereênigde Staeten, China en de Sovjetunie. Naer schattingen kwamme 72 meljoen mênsen 'ierbie om 't leven. Voorà in Oôst-Europa is vreêd 'arde 'evochte, deer viel 82,5% van aolle militaire slachtoffers.

Vereênigde Staeten

De Vereênigde Staeten (Iengels: United States of America, afgekort USA of US), is een land in Noord-Amerika. Den oôdstad van 't land is Washington D.C.. 't Land grens an de lan'n Mexico en Canada en vadder hrenst ut an d'n Atlantischen Oceaon, de Hrote Oceaen en de holf van Mexico.

De Vereênigde Staeten eit op tweê ni hroste aetal inweuner ni China en India en is 't op drie ni hroste land van de wereld. De oppervlakte is ruum 9,8 meljoen km² en 't antal inweuners ruum 327 meljoen (2018).

In de loôp van de 16e, 17e, 18e in 19e eêuwe is ut land 'ekoloniseerd deu Europeaonen. In 1776 wiere de kolonies onaf'ankeluk van Iengeland. Vooral in de 19e eêuw kwamme vreed vee Europeanen nae de VS om hier een nieuw leven te beginne. Rond 1900 weunde d'r al zo'n 70 meljoen mênsen. In de jaeren '60 van de 19e eêuw ontstong d'r een conflict over de slaevernieje. De zuujelijke staeten vurmde d'n Geconfedereêrde Staeten van Amerika. 'Ieruut ontstong de Amerikaonse burheroôrlog die deu de noôrdelijke staeten wier gewonne. In de Eerste weêreldoôrlog bleef de unie anvankelijk neutraol, in 1917 kooze ze de kant van Iengeland en Frankriek. Ok in de Twidde Weareldoôrlog bleeve ze tot 1941 neutraol, mae nae d'n anval van Japan op Paerl Harbor wiere ze in de oôrlog meegetrokke. Nae 1945 is de Vereênigde Staeten ut machtigste land op aerde. Tussen 1945 en 1990 voerende 't land de zogenaemde Kouwe Oorlog mee de Sovjet-Unie. De groôste in bekendste stad is New York. As gevolg van de Slaeven'andel kennen de Vereênigde Staeten ok een groôt zwart bevolkiengsdeel. 'Ieruut is de vôrige president Barack Obama deels ofkomstig.

Bie de verkiezingen van 8 november 2016 wier Donald Trump verkooze tot nieuwe president. Ie kreeg meer kiesmannen as z'n rivaol Hillary Clinton.

In aore taelen

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.