Europese Unie

De EU stit voor Europeese Unie. D' Europeese Unie stit vór een beter en welvearender Europa. Op't moment binne d'r 28 lidstaeten an'esloten. De unie is op'ericht in 1957 deu Nederland, Duutsland, Frankriek, Belhië, Itâlië in Luxemburg. In onger meer 1973, 1986, 1995 in 2004 is de unie uut'ebreid. Op 1 juli 2013 treed Kroatië toe tot de unie. In 2002 voere 17 lan'n de Euro in as munteênheid.

De leste jaeren komt d'r meer kritiek op de Europese Unie, dat z'n eige steeds meer macht toeeigent, zonger deer eigelek democratische verantwoording voor of te leggene. In 2005 wier in Nederland en Frankriek de Europese grondwet of'ewezen. De Eurocrisis van 2012 en vadder doet d'r nog een schep bovenop, vee mensen sto kritischer tegenover de EU.

In 2012 kriegt de Europese Unie de Nobelpries voor de Vrede uut'ereikt in Oslo.

Locator European Union

Externe lienks

2008

2008 is 'n jaer op de Gregoriaanse kalender. In dit jear wor ongermeer de film Fitna 'epresenteerd.

Cyprus

Cyprus is een land in een eiland in d'n Middelandse Zeê. D'n oôdstad is Nicosia. Het eiland telt 796.740 (2009) inweuners op een oppervlakte van 9.251 km². Ut noorden van 't land is sins 1974 deu Turkije bezet.

Vroeher was 't land een kolonie van ut Vereênigd Konienkriek. D'r binne nog steeds twee Britse merienebasissen, vanwehe de straotegische lihhing. As gevolg iervan ried ut verkeer nog altied lienks.

Sinds 2004 is Cyprus lid van den Europese Unie.

Duutsland

Duutsland (Duuts: Deutschland), officieel de Bundesrepublik Deutschland, is 'n land in West-Europa. Den oôdstad is Berlijn. 't Land hrens op volhorde van noôrd ni west an de volhende zeê'n en lan'n: den Oôstzeê, Noôrdzeê, Denemarken, Poôl'n, Tsjehhië, Oesteriek, Zwitserland, Frankriek, Luxemburg, Belhië en Nederland.

De Bondsrepubliek Duutsland ei mie zen 82.422.299 (2006) inweuners nae Rusland de groôtste bevolkinge van alle Europese lan'n. 't Is een belangriek lid van de Europese Unie en de economische, politieke en militaire organisaoties in Europa.

Estland

Estland (Estisch: Eesti) is een land in 't noor'oôsten van Europa. Estland grens an Rusland in Letland. Ten noor'n van Estland gescheie deur de Finse golf ligt Finland. D'n oôdstad is Tallinn, vroeher Reval enoemd. Estland is ietwat groôter dan Nederland, mar d'r weune slechts 1,3 miljoen mensen. De teale Estisch is weer verwant an 't Fins.

Tot 1991 was Estland ongerdeel van de Sovjetunie. Sinds 2004 is 't land lid van den Europese Unie.

Estland is te verdelen in tweê geografische zones: de kustregio in het noor'n en westen mie veenmoerassen, meren en eilan'n. De gemiddelde 'oôgte is ± 50 meter boven zeêniveau. Het oôs'n en het zuujen van het land bestaen uut een zandsteênplateau dat iets 'oôger gelegen is dan de rest van Estland. Het 'oôgste punt van Estland is de Suur Munamägi mie 318 meter.

Estland telt onheveer 1400 meren en 1500 eilan'n. De eilan'n maeken saemen onheveer 10% van het landoppervlak uut. De voo de kust gelegen eilan'n bin res'n van een ouwe kust. De groôste eilan'n bin Saaremaa (2670 km2) en Hiiumaa (990 km2). Ter vergelieking, Zeêland is onheveer 1700 km2 groôt.

Europa

Europa is 'n werelddeel in bestoôt uut circa 50 landen. Nae oppervlak ist ien van de kleinere werelddelen, je kan eihenlijk twiste of Europa we een apart werelddeel is, in plekke van een deel van Azië. Ma zeker deu z'n heschiedenisse ongerscheid Europa zich van de rest van de wereld. Van 'ieruut begonnen rond het jaer 1500 de grote ontdekkingen. Amerika wier 'ekoloniseerd, leater ok Afrika, Australië in grote delen van Azië. Rond 1900 was Europa op 't toppunt van z'n macht. Vooral Iengeland was zeer machtig. Aore belangrieke koloniaole mach'n waore Frankriek en Nederland.

Na 1950 begon de dekolonisaotie in nam de macht van Europa of, awast tehenwoordig nog wel ien van de riekste delen van de weareld is. Tussen de Twidde Weareldoorlog in 1990 was Europa verdeeld in een oôstelek communistisch deel in een westelek kapitalistisch deel. Dizze periode wor ok we de Kouwe Oôrlog 'enoemd.

Vee landen binne verenigd in de Europese Unie.

Frans Huyana

Frans Huyana is 'n Frans overzeês dippartement in Zuud-Amerika 't a hrens an de lan'n Surinaome in 't wessen en voe de rest allaen an Brezilië. 't Is 't hroste hebied van den Europese Unie buten Europa. Tussen de riviern de Marowini en de Litani lig een hebied 't a betwis wor deur Surinaome en Frans Huyana. Den oôdstad van Frans Huyana is Cayenne

Bie Kourou leit de lanceêrbaosis Centre Spatial Guyanais van de ESA, het Europeêse ruumtevaertproject. Op 1 jannewari 2002 is ok in Frans-Huyana d'n euro as munteênheid in'evoerd.

Itâlië

Itâlië is een land in Zuud-Europa en lid van d'n Europeese Unie.

In 't Noôrden hrenst 't an Frankriek, Zwitserland, Oôsteriek en Slovenië. De reste van 't land wor omringd deur d'n Adriatische Zeê, d'n Ionische Zeê, d'n Middelandse Zeê en d'n Tyrreênse Zee. D'eilanden Sicilië, Sardinië en Elba en een aental kleinere eilanden be'oren oôk bie Itâlië.

D'n oôdstad van Itâlië is Rome, die stad ei zo'n 2 miljoen inweuners. Aore belangriek steê bin Milaan, Turien, Bologna, Palermo, Venetië (ok we 't Zeêland van't zuujen enoemd) en Napels.

Kroaotië

Kroaotië (Kroatisch: Hrvatska), officieel Republiek Kroatië (Republika Hrvatska), is een land in Midden-Europa, onstoô in 1991 uut het voormalihe Joegoslaovië van Tito. De oodstad is Zagreb. 't land is ietwat groôter dan Nederland en eit een lange kustlijn langs de Adriaotische Zeê. Een aore bekende stad is Dubrovnik. Ok 't schiereiland Istrië oort groôtendeels bie 't land. De mist 'esproken taele ist Kroaotisch. Dizze taele liekt eel vee opt Servisch, in feite ist een en dezelfde taele.

't Land eit een taemelek succesvol voebaltaem, da'a dorde is 'worren opt WK in Frankriek in 1998.

Voo 1918 mikkende Kroaotie deel uut van Oostenriek-Honharije.

Sinds 2013 is 't land lid van den Europese Unie.

Letland

Letland (Lets: Latvija; Letgaals: Latveja; Lijfs: Lețmō) is een land in 't noor'oôsten van Europa. Letland grens an Rusland, Estland in Litouwen, westelijk liet de Oôstzeê. D'n oôdstad is Riga. Letland is ietwat groôter dan Nederland, mar d'r weune slechts 2,1 miljoen mensen. De teale Lets is weer verwant an 't Litouws, ut bin allebeie Baltische taelen.

Tot 1991 was Letland ongerdeel van de Sovjetunie. Sinds 2004 is 't land lid van den Europese Unie.

De oôdstad Riga leit an de Golf van Riga in het mi'n van het land. De oppervlakte van Letland is 64.600 km2 en het land is dimêe anderhalf keer zoô groôt as Nederland. Letland is over het algemeên vlak of een bitje 'euvelachtig. Letland is aerdig dicht bebost (42% van het land), 'eit vee meren en rivieren en landbouwgebieden. Op Riga nae bin d'r niet echt groôte steên. Letland telt ongeveer duuzend rivieren. De langste rivier is de Daugava, 1020 km lang wivan 370 km deu Letland stroômt. Aore groôte rivieren bin de Gauja, de Lielupe, de Venta en de Aiviekste. Onheveer 10% van het land bestit uut veen, drassige gebieden en moerassen. Letland 'eit zo'n vuufduuzend kleine meren. Het groôste meer is Razna (55 km2). De meêste meren bin ondiep en in de winter ienkele maen'n bevroze.

Litouwen

Litouwen ([[Litouws: Lietuva, Lietuvos Respublika) is een land in Oôst-Europa dat in't zuuden an Poôl'n, in 't zuudoôsten an Wit-Rusland, in 't oôsten an Rusland en in 't noôrden an Letland hrenst. Ook in 't zuudwessen hrenst 't an Rusland, an de exclaef Kaliningrad. Den oôdstad van Litouwen is Vilnius. 't land is pas ontstô in 1991 nae 't uuteênvalle van de Sovjet-Unie.

Sinds 2004 is 't land lid van den Europese Unie.

Luxemburg (land)

Luxemburg is 'n land in West-Europa. Oôdstad is de gelieknaemige plekke Luxemburg. 't land heit 465.000 inweuners op een oppervlakte van 2.586 km². Luxemburg grenst an Belhie, Duutsland en Frankriek.

Nederland

Nederland (Frysk: Nederlân) is 'n land in Europa, en wè 't in Europa leiende deêl van 't Konienkriek der Nederlan'n. 't Grenst an België en Duutsland en leit in 't westen en noorden an de Noordzeê. Oôdstad is Amsterdam, aore steêën bin o.a. Rotterdam, D'n Aegt, Utrecht, Eind'oven en Greunienge. 't Land is lid van de EU en stae bekend om zien riekdom an waeter. Populair oort 't land ok wè Olland genoemd.

Portuhal

Portuhal, officieel de Portugese Republiek (Portugees: República Portuguesa), is een land in 't zuudwes'n van Europa op 't Iberisch schiereiland. Portuhal is 't meêst westeleke land van Europa en grenst in 't wes'n en 't zuuj'n an de Atlantischen Oceaon en in 't noor'n en 't oôs'n an Spanje. De Azoôr'n en Madeira maek'n deel uut van Portuhal. Den oôdstad en groôste stad van 't land is Lissabon.

Portugal is lid van d' Europese Unie sins 1986.

Slovenië

Slovenië, officieel de Republiek Slovenië (Sloveens: Republika Slovenija), is een land in Centraol-Europa teeg'n de Alpen. 't Grenst an Oôsteriek in 't noor'n, Itâlië en de Adriatische Zeê in 't wes'n, Kroaotië in 't oôs'n en zuujn en Honharije in 't noordoôs'n. 't Land is best we bergachtig. Toet an 1991 wast een deel van Joegoslaovië. De oôdstad is Ljubljana.

Op 1 meie 2004 ist land lid 'eworren van de Europese Unie en sins 2007 betaele ze mee d'n Euro.

Spanje

Spanje is een land int zuujen van Europa mee zo’n 46 meljoen inweuners. De oôdstad is Madrid, de twidde stad is Barcelona. ’t Land heit een rieke geschiedenisse, vooral tussen 1500 en 1600 wast een groot en machtig riek. Groôte delen van Europa waere in han’n van Spanje, weeronger Nederland. Nae de Tachentigjaerige Oorlog wier de Republien der zeven verenigde Nederland in 1648 hillemaele zelfstandig. Spanje verachterende steeds meer toetdat het in de 18e en 19e eêuwe toet de errumste deel’n van Europa horende. In de eerste helt van de 20e eêuwe brak d’r een vreêseleke burheroorlog uut, weer generaol Franco as overwinnaer uut nae voren kwam. Tot 1975 bleef um an de macht. Deerna wier Spanje pas een democratie. De welvaert steeg, al heit ut land ut momenteel moeilek as gevolg van de Eurocrisis.

Texas

Texas is 'n staet van d'n Vereênigde Staeten.

D'n 'oôdstad van Texas is Austin. Groôste stad is Houston.

In Texas weune 28.702.000 mensen (2018) op 'n oppervlakte van 696.000 km².

Op 29 december 1845 trad Texas as 28e staet toe tot de Vereênigde Staeten.

Vereênigd Konienkriek

Verenigd Koninkriek is 'n land in West-Europa. 't Grenst an Frankriek en Ierland en leit in 't westen en noorden an de Noordzeê. Oôdstad is Londen, aore belangriek steeën bin o.a. Manchester, Birmingham, Glasgow, Cardiff en Belfast. 't Land is geen lid van de EU. Populair oort 't land ok wè Iengeland genoemd, wat-a aors maer eên van de vier deêlen van 't land is.

In aore taelen

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.