ურიული ნინა

ურიული ნინა (עברית, ივრით), ორხველჷ სემიტური ნინეფიშ ქანაანური ბუნას. ურიული ნინაშ უჯვეშაში ძეგლეფიე: ბიბლია, ეპიგრაფიკული ძეგლეფი (გეზერიშ კალენდარი - ჯვ. წ. X ო., შილოახიშ მუკნაჭარა - ჯვ. წ. VII ო.), ოსტრაკა (სამარიაშე - ჯვ. წ. VIII ო., ლახიშიშე - ჯვ. წ. VI ო.), პალიმფსესტი იუდაშ ტიოზიშე (ჯვ. წ. VIII - VII ოშწანურეფი.), მონეტეფი, მუკნაჭარეფამი ოწონალეფი. ჯვ. წ. VI ოშწანურაშახ ურიული ნინა საართო-ოკათაშე ნინა რდჷ პალესტინას, მუდგაშ უკული დიჭყჷ თიში არამეიზაციაქ (უპირველაშ ირიშო - ნოღეფც). თე პერიოდის (ჯვ. წ. XII-II ოშწანურეფი.) ურიული ნინა ჩინებულიე მუჭოთ ბიბლიაშ ურიული ვარა ჯვეში ურიული. ახ. წ. III ოშწანურაშახ ურიული ნინა დიო ხოლოდ იხვარებაფუაფუდჷ ოფუტეშ მახორობას; ნოღას თის ირინუანდეს ხვალე გურაფილეფი - რაბინეფი, ნამუეფქუთ დარსხის „აკადემიური“ ლიტერატურა: ბიბლიაშ კომენტარეფი დო ბიბლიური კანონეფიშ გეძინელობეფი („მიშნა“, „თოსეფთა“, „მიდრაშეფი“). უმოსი გვიანს - იერუსალიმიშ დო ბაბილონიშ „თალმუდეფი“ (IV-V ოშწანურეფი.), ბიბლიაშ ტექსტეფიშ კითხირიშ წესეფიშ დო ვოკალიზაციაშ შანეფიშ კათელი „მასორა“(VI-VII ოშწანურეფი.). თე ლიტერატურაშ ნინა ჩინებულიე მუჭოთ რაბინული ურიული ვარა მიშნიშ ურიული. ჯვ. წ. III- ახ. წ. II ოშწანურეფიშ ხანიშიე იუდაშტიოზის (ყუმრანიშ დო მურაბათიშ ლეხერეფი) კჷლრჩქინელი გრაგნილეფი, ოსტრაკა, თაშნეშე ნახალ-ხევერს ნაძირეფი კორესპონდენცია. ბიბლიაშ უკულნეშიანი ურიული ლიტერატურაშ ნინა ოშქარი ურიული რე ჩინებული. ათეშ უკული იჭყაფუ თეხანური ურიული ხანა (კანკალეშა თისი ჩილათირო „ჯვეშურიულც“, „ივრითის“ უძახუნა, მუდგათ ურიულო „ურიული ნინას“ შანენც). თეხანური ურიული ნინა შურდინომბარილი ბიბლიაშ ნინა რე, ნამუსუთ XIX ოშწანურაშ ეკონიაშე სისტემატურო იქიმინუ ლიტერატურა (ხანტური, ოგურაფალი, პერიოდიკა), ოდო ისრაელიშ სახენწჷფოშ დორსხუაფაშ უკული (1948) თე სახენწჷფოშ ოფიციალური ნინა რე.

ურიული ნინა
עברית
გოფაჩილიე ისრაელი, წყარმალუ იორდანეშ ბჟადალუ ძგა
მორაგადეეფიშ მუდანობა 7 მლნ.
ოფიციალური სტატუსი ოფიციალური ნინა ისრაელს
ლინგვისტური კლასიფიკაცია აფროაზიური ფანია::: სემიტური ფანია :::ბჟადალური სემიტური ბუნა
ჭარილობაშ სისტემა ურიული ანბანი
ნინაშ კოდეფი ISO 639-1: he ISO 639-2: heb ISO/DIS 639-3: heb

ქოძირით თაშნეშე

მუმახვარებელი ოხემანჯღვერეეფი, ქრესტომათიეფი, ლერსიკონეფი

  • წერეთელი, კონსტანტინე: ბიბლიაშ ურიული – Biblical hebrew: გრამატიკა, ქრესტომათია, ლერსიკონი : ოხემანჯღვერე / [რედ.: მ. გოცირიძე] - ქართი : ქართიშ უნ-ტიშ გჷშმაშკუმალარობა, 2001 - ეჯღუნებჷ საქორთუოს ურიეფიშ დოკვირდაფაშ 2600 წანაშდუც . ISBN 99928-58-37-0
  • მალერი, ისრაელ: ალეფბეთი: ურიული ანბანი შხვადოშხვა ხანიშ ბაღანეფშო [მათარგმ. გურამ ბათიაშვილი, მახანტ. მ. ჟერებჩევსკი] - ქართი 2004
  • ურიული ანთოლოგია / პროექტიშ ავტ. სოსო ჯინჯიხაშვილი ; [აკმადგინალი. ირმა აბაშიძე ; რედ. მამუკა ბუცხრიკიძე] - ქართი 2008. შპს ჟურნ. "თბილისელები"

რესურსეფი ინტერნეტის

იდიში

იდიში რე ურიული დო სლავური ელემენტეფიშ მაღვენჯი ბჟადალგერმანული ნინა. იდიში ასეშა გმირინუანს ურიულ ჭარალუას.

ზიტყვა იდიში წჷმოდირთუ ბჟაეიოლურ იდიშშე; jidisch [ייִדיש] – თაშ ჭარუნდეს თე ფორმას უწოხოლეშე, მორო არსებენდჷ თიშ თინჭარუაშ ალტერნატიული ფორმა ხოლო დო კერზოთ „jüdisch“, ნამუსჷთ კინ მუ გერმანალეფი გჷმირინუანდეს დო თიქ შილებე ითანგაშ მუჭოთ „იუდეველური“. თე ზიტყვა-ფორმა XIX ოშწანურას ისხუ ინგლისურ ნინაქ, მარა თიში ინგლისურშა გჷნოღალა თე ნინაშ ფონეტიკური წესეფიშ მეჯინათ (yiddish) მოხვადუ. მოგვიანაფათ, XX ოშწანურას - თე ინგლისურო გოფორმებული ხიტყვა კინ დართჷ გერმანულს დო საართოთ, ევროპაშ მიარე ნინას დო ასე შხვადოშხვა ვარიანტო მუთმოფხავდნა.

რელიგია

რელიგია — იდეეფიშ დო ქიმინჯეფიშ სისტემა, ნამუთ გერსხილი რე რწუმას, ნამჷ-და არსებენს ჟიორთაშური ნძალეფი, ნამუთ ჟიქიმინჯენა ორენს დო ადამიერიშ რინაშე. ეტიმოლოგიურო რელიგიაშ არძაშე რჩქინელი გოთანჯუა რე „კინე ახალას მერსხუაფა“, მარა შხვეფი ვარაუდენა, ნამჷდა თინა შანენს „(ორენიშ) გომაჟირაფონ წაკითხირს“. თე იდეა ღირებული რე ქირსიანობაშო, მარა ვარე რომაული წჷმორთობაშო, ნამუშე მოურს თე ზიტყვან. თინეფშო „რელიგია“ რე ღორონთწკჷმა მიდგაიჸინიშ ახალაშე მერსხუაფაშ ანჯარი.

შხვა ნინეფს

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.