ჟანრი

ჟანრი (ფრ. genre - "სახეობა" ვარა "ტიპი"), ლიტერატურული კომპოზიციაშ კატეგორიზაფაშოს კრიტერიუმეფიშ დუდიშული ართიანალა; თე ტერმინს ხელობუაშ ნამდგარდია შხვა სახეშ დო ვარ გჷმნათქუმელიშ ფორმაშ გოთანჯაფაშო ირინუანა.

ხელობუაშ ნამდგარდია ფორმას, ჟანრეფი ბუდნოვანი კატეგორიეფიე, ნამუეფსუთ არგამათ გჷმოხანტილი თანჯეფი ვა გარჩქუნა. ჟანრეფი კონვენციური ხასიათიშიე დო ხელობუაშ ბრელი ართუმრთი ართი დო იგივე შვანს მუსხირენი ჟანრის ორხველჷ, თე დო ვარ თი ჟანრიშ პრინციპეფიშ სესხაფაშ დო გოართამაფაშ გეშა. ზიტყვა "ჟანრი", მუჭოთ წესინ, იფაჩუ ხელობუა დო კულტურაშა, გჯშაკერძაფილო ლიტერატურაშა. ჟანრიშ დუმაგურაფალი ოკითხურს ჟანრიშ კონცეფცია დოგმატურალას გჷშმაკოროცხუნს. უმოსო, აღიარაფილიე, ნამდა ხელობუაშ დო ლიტერატურაშ მინუშეფს ესახებუ თენა თუ თი ჟანრი ვარა მეუდირთუ თინეფიშ კონვენციეფს.

რესურსეფი ინტერნეტის

არიკი

არიკი: პოეტური მუნაგონუ, ფანტასტიკურ ამბეს გერსხილი ოთხობელუე ნაწარმეფი, ნამუთ მერსხილი რე სინანდულეწკჷმა იდეათ, თემატიკათ, მოტივეფით, სიუჟეტით, ნინაშობური მუშობურობეფი, ერუანული კოლორიტით. არიკი რე პროზაულით დო ლერსით. თინა ეპოსიშ ართ-ართი ჟანრი რე, თიწკჷმა არხოს გერე ნორაგადუერი.

არქიებული (ტელესერიალი)

არქიებული (ინგლ. daredevil.) — ამერიკული ტელესერიალი, ნამუთ დორსხუაფილი რე netflix-შო Marvel Comics-შ ორგანიზაცია ბ.ო.ნ.ი.. (სტრატეგიული ჸუდეშიანი ჩარიებაშ, დანძალებაშ, დო ლოჯისტიკური ნორთი). ღანკი რე შვიდობაშ ატება დო თხობელუა მოსოფელს. თარი პერსონაჟი რე არქიებული,(ჩარლი კოქსი). თინეფიშ თარი აწმარენჯი რე უილსონ ფისკი.

ბროდვეიშ თეატრი

ბროდვეიშ თეატრი (ინგლ. Broadway theatre, კუნტას. ბროდვეი) — კომერციული თეატრალური ხელუანებაშ გიშაკერძაფილი ჟანრი. ტერმინი მიოწურუანს თეატრალურ წჷმორინაშე 40 შხუ პროფესიულ თეატრის 500 ვარდა უმოსი აკანით, ნამუეფით თეატრალურ განობას იდვალუაფუ (ხოლო ართი თეატრი ლინკოლნ-ცენტრის), მანჰეტენს, ნიუ-იორკის. ლონდონი-შ უესტ-ენდიშ თეატრწკჷმა ართო ბროდვეიშ თეატრი ინგლისურნინამი მოსოფელს კომერციული თეატრიშ უმაღალაშ ოკუჩხალეს წჷმარინუანს.

ბროდვეიშ თეატრალური განობა ნიუ-იორკიშ პოპულარული ტურისტული გაჯინალი რე. ბროდვეიშ ლიგაშ ჰოიათ, ბროდვეიშ წჷმორინეფს 2009-2010 წანაშ სეზონს $1.02 მილიარდიშ ღირებულებაშ ბილეთეფქ გჷმიჩინჷ.

გოთემი (სერიალი)

გოთემი (ინგლ. Gotham) — ამერიკული დრამატული კრიმინალური სერიალი, ნამუთ ბრუნო ჰელერქ დარსხჷ. სერიალი დორსხუაფილი რე DC კომიქსეფიშ გერგეზეფიშ გეშა‎, ნამუეფით ბეტმენიშ კომიქსეფს ჩქუნა. თარი გერგეზეფი ჯეიმს გორდონი დო ბრიუს უეინი რენა. სერიალს თარი როლს არსულენა ბენ მაკენზი, ნამუთ ახალი გორდონს ლაჸაფენს. ემაჸონაფალი პროდიუსერო ჰელერი რე დენი ქენონწკჷმა ართო, ნამუთ სერიალიშ ოპილოტე ეპიზოდიშ რეჟისორით რე.

დოქტორი სტრეინჯი (ფილმი)

დოქტორი სტრეინჯი (ინგლ. Doctor strange) — ფანტასტიკაშ ჟანრიშ ფილმი. ტრილოგია Marvel-იშ კინოოქიანუს რანწკით მავითაანთხა ფილმი. ფილმი გინიღეს 2016 წანას. ფილმი რე დორსხუაფილი მარველიშ სუპერგერგეზის. თიში უკული მუთი დოქტორი სტრეინჯიშ კარიერა აკოცენს, ფარსაკი მარა დუდძიკალი ექიმი ახალ გიშაწვიას იღენს რინაშე, მიჟამსჷთ ჯადოქარი თის თხილუას ეჭოფუნს დო წვართუნს, თიშენ ნამდა ოქიანუ დეცვას უბადობაშე.

ერებამი გონება (ფილმი)

ერებამი გონება (ინგლ. A Beautiful Mind) — 2001 წანაშ ბიოგრაფიული ფილმი, ნამჷთ დორსხუაფილი რე ჯონ ფორბს ნეშიშ რინას. ფილმი გინოღალირი რე ათე ჯოხონობაშ ნახანდაშ მეჯინათ, ნამჷთ 1998 წანას გიმიჩჷ დო პულიცერიშ პრემია მიღჷ. ჯონ ნეშიშ როლს არსულენდჷ რასელ კროუ, ნამჷშოთ ათენა მეჸუნელო მაჟირა წუმოძინელი ფილმი რდჷ „გლადიატორიშ“ უკულ.

ვალი (სერიალი)

ვალი (ინგლ. The Flash) — ამერიკული სერიალი, ნამუთ გრეგ ბელანტიქ, ენდრიუ კრეისბერგიქ დო ჯოფ ჯონსი-ქ აკიმუშეს. სერიალი დორსხუაფილი რე DC კომიქსეფიშ გერგეზი ბარი ალენს/ვალს. კოსტუმირაფილი მალჷმორი, ნამუთ უბადოშ მაქიმინალეფს აწურე. თე სერიალს უღუ გეძინელი სერიეფი სერიალწკჷმა საგანი. სერიალი მეჸუნს ბარი ალენს, ნამუსჷთ ასახიერენს გრანთ გასთინი. კრიმინალისტი მენცარი, ნამუსჷთ უღუ უადამიერი ქილორი. თინა რე უბადოშ მაქიმინალეფიშ აწმარინჯე, თინეფ შქას რენა თიჯგუეფით, ნამუეფსჷთ უღუნა უადამიერული ნძალა. თის მუში ლაბორატორიას გიანთხჷ ვალქ, ნამუქჷთ თინა გინართინუ ჩქარმალო, მორო თინა სპეციალურო ღოლუ თიში ნტერქ, ლეობართ თოუნი/ვალიშ აწმარენი-ქ, თის ხოლო შეულებუ ბარიცალო ჩქარმალი რდასინ. თიქ ბრელი წანაშ უკახალე ჸვილჷ ბარი ალენიშ დიდა. მაართა სეზონს ბარი ალენიშ/ვალიშ თარი აწმარენჯი რე დიამუშიშ მაჸვილარი ლეობართ თოუნი/ვალიშ აწმარენი (თომ კავანაგი). მაჟირა სეზონს რე ჰანტერ ზოლომონი/ზუმი, ნამუსჷთ ასახიერენს ტედი სერსი.

ვესტერნი

ვესტერნი (ინგლ. Western) — ჟანრი კინოს, ტელევიზიას, რადიოს დო ხელუანობაშ შხვა დარგეფს, ნამუსჷთ მოქიმინჯალა ივითარებჷ XIX ოშწანურაშ ამერიკაშ აკოართაფილი შტატეფიშ ჯვეშ ბჟადალუს (American Old West). გვალო თაჸურეშე მოურს ჟანრიშ დუდჯოხო. ათე ჟანრიშ გერგეზეფი ჯინჯიერო რენა კოვბოეფი (ჭყიშეფი), ჭიფე ფერმერეფი, შერიფეფი, აბრაგეფი, ჯარიშკოჩეფი დო ინდიარეფი.

მაართა ვესტერნო ედვინ პორტერიშე 1903 წანას გინოღალირი „მახინწალიშ დიდი გერინაფა“ იკოროცხუ.

თრეშ მეტალი

თრეშ მეტალი (ინგლ. Thrash Metal) — მონკა მეტალიშ ართ-ართი გიმენჟანრი, ნამუთ გიშეგორუაფუ ბიწორა ტემპით დო აგრესიულ მუსიკათ. თე ჟანრიშ ბირეფს, მუჭოთ წესი, ახასიათენს ბიწორი პერკუსიული დო დაბალ ტონალობეფშა ენწყილი გიტარაშ რიფეფი, დოხარგელი შრედინგიშ სტილიშ სოლოეფით. თიში, მუჭოთ ჟანრიშ გჷმოქიმინუა მითმიარსხუ 80-იანი წანეფიშ დაჭყაფუს მოღალე „თრეშ მეტალიშ დიდ ოთხეულს“: ანთრაქსი, Megadeth, მეტალიკა დო სლეიერი. თრეშ მეტალიშ ლირიკა უმენტაშო იკათუანს სოციალურ პრობლემეფს, ბონ დო გინოღალაფონ შანულობაშ ტექსტეფით. თე ჟანრი ალაზჷმაფათ თიშ მოჯგირე სპიდ მეტალწკჷმა უმოსო აგრესიული რე დო შილებე მერჩქინელქ იჸუას მუჭოთ რეაქცია თიმ პერიოდის გოფაჩილი უმოსი ლექინი დო მასაშო ადვილო გაგებელი თემეფიშ მაღვენი გლემ მეტალიშ სააწმარენჯოთ.

ინგლისარი პაციენტი (ფილმი)

ინგლისარი პაციენტი (ინგლ. The English Patient) — 1996 წანაშ რომანტიკული დრამა. დორსხუაფილი რე მაიკლ ონდააჩიშ ათე ჯოხოშ რომანს. ამბე მეურს მაჟირა მოსოფელიშ ლჷმაშ დოჭყაფაშა დო თიშ უკული.

მერეთი ჰალკი (ფილმი)

მერეთი ჰალკი (ინგლ. The Incredible Hulk) — 2008 წანაშ ამერიკული ფანტასტიკური ჟანრიშ ფილმი, ნამუთ Marvel comics-იშ სუპერგერგეზის რე გერსხუაფილი. ოკათუნა არტისტეფი: ედვარდ ნორტონი, ლივ ტაილერი, ტიმ როთი, უილიამ ჰარტი დო შხვეფი. ფილმიქ ეკრანეფს 2008 წანაშ 8 კვირკვეს გიშართჷ.

ფილმი რე ტრილოგია Marvel Cinematic Universe-შ რანწკით მაჟირა ფილმი, ნამუსით ნაძირეფ რე რკინაშ კოჩი 1-შ უკულიანი ამბეეფი.

მუსიკალური ჟანრი

მუსიკალური ჟანრი რე მუსიკალური ნახანდიშ კატეგორია (ვარა ჟანრი), ნამუთ "ჯინჯიერ მუსიკალურ ნინას" ვარა თენა დო ვარ თი სტილს ორხველჷ (პეტერ ვან დერ მერვე 1989, ხს.3). მუსიკა ათაშნეშე შემილებუნა დოფსხუნათ თიშნერ ვამუსიკალური კატეგორიაშ მეჯინათ, მუნერით რე გეოგრაფიული ბადება, მუთ მუშ ჸურე, მიარე გიმენ-ჟანრის იკათუანს. მუსიკალური ჟანრი (ვარა გიმენ-ჟანრი) გჷთმიხურგუ ხერხეფიშ, სტილიშ, კონტექსტიშ დო თემეფიშ (ორთა, გენწყუაფა) მეჯინათ.

პოპ-მუსიკა

პოპ მუსიკა, პოპი — მუსიკაშ ართ-ართი პოპულარული ჟანრი. პოპ მუსიკაშ ტექტეფი რე უმოსო ემოციური დო რიტმული.

რკინაშ კოჩი 2

რკინაშ კოჩი 2 (ინგლ. Iron Man 2) — კომპანიაშ Marvel Comics ათე ჯოხონობაშ კომიქსეფიშ სერიაშ ეკრანიზაცია, ნამუსჷთ ოკათჷნა რობერტ დაუნი უკლაში (ტონი სტარკი), გვინეთ პელტროუ (პეპერ პოტსი), მიკი რურკი (ივან ვანკო), სკარლეტ იოჰანსონი (ნატალია რომანოვა/უჩა ქვრიი) და სემიუელ ლეროი ჯექსონი (ნიკ ფიური). თინა რე ფილმიშ მაართა სერიას რკინაშ კოჩი გოვითარაფილი მოლინეფიშ გოგინძორაფა, ნამუეფსჷთ მოთხობილი რე მულტიმილიონერ ტონი სტარკიშ დუდსგინულირეფიშენ. ფილმიქ ეკრანეფს გიშართჷ 2010 წანაშ პირელს (ინგლისი, ავსტრალია) დო მესის (ააშ).

როკ-მუსიკა

როკ-მუსიკა — მუსიკაშ პოპულარული ჟანრი, ნამუქჷთ გევითარჷ 1960-ამეფიშ უკული, გჷშაკერძაფილო ამერიკას დო ბრიტანეთის. თის ჯინჯეფი 1940 დო 1950-ამეფს როკ-ენ-როლიშე უღუ. როკ-მუსიკაშა დიდი გოლინა უღუდუ R&B-ს დო ქანთრის.

როკიშ ართ-ართი თარი ინსტრუმენტეფი რე ელექტროგიტარა, ბას-გიტარა დო დრამი.

ფენტეზი

ფენტეზი (ინგლ. Fantasy — ფანტაზია) — ლიტერატურული ჟანრი, ნამუსჷთ სიუჟეტიშ თარ ელემენტო გჷმორინაფილი რე მაგია დო შხვა ჟიორთაშობური მოლინეფი. თე ჟანრიშ მიარე ნაწარმის ქიმინჯალა მუთმოხვადუ გჷმოგონილ ორენს, სოდე მაზაკვალობა რე გოფაჩილი. თაშნეშე, შხირას მუთმოფხვადჷნა მითიური არსებეფი (დრაკონეფი, ჯუჯეფი, ტროლეფი დო შხვა). ომენცარე ფანტასტიკაშე გინორთელო, ფენტეზი ვერძენს უშულებუ მოლინეფიშ ლოგიკურ (ვარდა ფსევდო-ლოგიკურ) ენწყუმას. მორო, თე ჟირ ჟანრს მიარე მუდგაინ უღჷნა საართო.

პოპულარულ კულტურას უმოსო გოფაჩილი რე ფენტეზიშ მედივალისტური ფორმა, გიშაკერზაფილო ჯ. რ. რ. ტოლკინიშ მარწკინდეფიშ მაზოჯალიშ წჷმოძინას უკული. ფართო გაგებათ, ფენტეზი იკათუანს მიარე ჭარუშ, რეჟისორიშ დო მუსიკოსიშ ნახანდუეფს, უჯვეშაში მითეფშე დო ლეგენდეფშე თეხანურ ნაწარმეფშახ.

ძღაბი მილიონ დოლარო

ძღაბი მილიონ დოლარო (ინგლ. Million Dollar Baby) — კლინტ ისტვუდიშ 2004 წანაში ამერიკული სპორტული დრამა. თინა მომითხობელანა კრივიშ მაწვართალიშ გეშა, ნამჷთ ოხვარუ მოჸოროფე ოსურ-მარკინეს გინირთას პროფესიონალო.

შხვა ნინეფს

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.