მენწყერი

მენწყერი — დიხაშ მასეფიშ ვარდა ქანეფიშ ფაშ მოხარცქუა დო გჷნოყარება გვალაშ კართეშა ვარდა ლაკადაშა სიმონკაშ ჭყანაშ გოლინათ. მენწყერი შხირას თიჯგურა აბანეფს წჷმიქიმინუ, სოდე წყარმაკინე (დიხაჭაბუამი) დო წყარამი (სამანგ., ქვიშა-ხირეშამი) ქანეფი ართიანს ოთირჷნა დო ფალეფიშ გიოლაფუ კართეშ გიოლაფუშ აკოხვალამას რე. მენწყერიშ ბაძაძეფი რე ქანეფიშ წორწოობაშ აკორღვაფა, ნამუსჷთ იჭანუანს ლაკადაშ ნერჩიშ გჷთორჩხუალკაშ, გერციებაშ ვარდა გჷნოლამებაშ გეშა ქანეფიშ სიჸონიერეშ დადაღარაფა, სეისმური ბიჯგეფი, ადამიერიშ ომეურნე საქვარუა აბანიშ გეოლოგიური პიჯალეფიშ უგუთოლიშწორებუო დო შხვ. მენწყერი დიდ გავალს მეთმიორინუანს ოკათე მეურნობას. თიწკჷმა ბურჯაფიშ ეფექტიანი საშუალება რე გვალაშ კართეეფიშ გატყალება, ოინჟინერე ნოდგჷმეფიშ გამანგარება, დრენაჟი დო შხვა.

Ferguson-slide
მენწყერი კალიფორნიას, 2008 წანას

ლიტერატურა

დიხაშნწალუა

დიხაშნწალუა — ორთაშობური ბაძაძეფით გჷშაჭანაფილი დიხაუჩაშ ჟიდოხიშ ძანძინი. დიხაშნწალუეფიშ უმენტაშობა დაღარი რე, შხირას თოლშა უმულაფუ რე ადამიერეფშო დო მუთუნინერ ფორას ვა გჷშმეჭანუანს. ნამთინე თინეფიშე დიდი პანჯუას გჷშმეჭანუანს, მუსჷთ კანკალეშა მოჸუნც ღურა ხოლო. დიხაშნწალუაშ სინძალიერა რიხტერიშ შკალათ იზჷმუ. დიხაშნწალუა ჯინჯიერო, ტექტონიკური პროცესეფით რე გჷშაჭანაფილი. დიხაშნწალუაშ კერა დიხაუჩაშ გურიშ თი განს წჷმარინუანს, სოდეთ ქანეფს დიდი ხანიშ მალობას შაყარელი ენერგიაშ გინოხარგუა მუთმოხვადჷნ. დიხაშნწალუაშ სინძალიერა მაგნიტუდათ (რეღმეფიშ ოართე ენერგიათ) დო ბალეფით გჷშმეკოროცხუ. ბალიშ სიდიდა კერაშ სიტომბა დო მაგნიტუდაშა რე მიკობუნაფილი. დიხაუჩას ჟირი ჯინჯიერი სეისმური ორტყაფუ რე ჩინებული: ალპურ-ჰიმალაური დო წყჷნაროკიანური. საქორთუოშ ტერიტორია, მუჭოთ კავკაციაშ სეისმური რეგიონიშ უგმურთუ ნორთი, ალპურ-ჰიმალაურ სეისმოაქტიურ ორტყაფუს ორხველჷ. ჩქინი ქიანაშ ტერიტორია ოლებერი დიხაშნწალუეფიშ სინძალიერათ დო მოჸუნაფუ ნეგატიური მოღალუეფით, ართ-ართი ურთულაში რეგიონი რე დო 7-9 ბალამი დიხაშნწალუეფიშ რისკიშ ზონას რე მორთინაფილი. დიხაშნწალუას შხირას მოჸუნც თიშით პროვოცირაფილი შხვა სტიქიური ჸოფირებეფი: ცუნამი, მენწყერი, სვიმონეფი, ღვარცოფი, დაჩხირი დო შხვა.

შხვა ნინეფს

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.