თანაფა

თანაფა — უდიდაში ქირსიანული დღახუ, ნამუთ იშანუაფუ ახალი სტილით 4 პირელს დო 8 მესიშ შქას იოსე ქირსეშე ღურაშ გერჯგინაფაშ გეშა. თანაფას წჷმი უნჯღვერს 40–დღამი პიჩვანი, ოხვამე ოზადუ, აღსარება დო ზიარობა, ვნებაშ მარა. ქირსიანეფშო თენა რე ზეიმეფიშ ზეიმი, ნამუთ მესიაშ მოლინას იშანუანს, ნამუშეთ მოსეშ კათა ეგვიპტეშ ჭკორალობაშე დუდიშ გიშაღალაშ უკული ოცნებენდესჷნ, მუსჷთ ბიბლიური წიმიმორაგადეეფი ქადაგენდეს დო მუსთ სინედრიონიშ ნებათ ჯვარსეგაფილ ქირსეშ სახეთ გჷნხორციელჷნ.

დუდმაართაშე ხვალე ვნებაშ მარაშ დღალეფს ზეიმენდეს. ხვალე IV ოშწანურას მიაჩჷ თანაფაშ დღახუს ალმახანურ სახექ. ნიკეაშ მაართა მოსოფელიშ ოხვამეშ კათუაქ, 325 წანას დადგინჷ დღახუშ ეშანუა აფუნიშ ბუნობაშ გემაჸვენჯ მარას, იუდეველეფიშ პასექიშ ბოლოს, უთუოთ თიშე გიშაკერძაფილო დო მარაშ ბოლოს. თე შკაფონი უხვადუ ახალ სტილით 4 პირელშე 8 მესშახ. თეშნერო, თანაფა მაყარე დღახუეფიშ კატეგორიას ორხველჷ.

ქორთული სხუნუეფიშ ენციკლოპედიაშ მეჯინათ, თანაფაშ ზეიმი, უჯვეშაშ მეჩხოლარეეფიშ დო უკულ დიხაშმახანდეეფიშ ოაფუნე, საარძო გოახალაფაშ დღახუ რე, ნამუშ უშორაშ ჯინჯეფით წარმართულ რელიგიეფს არსხუაფუდას ოკო, სოდე თინა ორთაშ ღურას დო თანაფას შანულენს.

თანაფა
თანაფა
ქირსეშ თანაფა, ანდრია რუბლიოვიშ 1408—1410 წ.წ. ჭარილი ხატი.
ტიპი ქირსიანული, კანკალე ქიანას — სახენწჷფო
ოფიციალურო ქირსეშ თანაფაშ მაბარჩხალე დღახუ
შანულობა ქირსეშ ჯოჯოხეთშა დინულა დო ღურაშა გერჯგინა
მიშაღალირი რე ქირსეშ თანაფაშ გეშა
იშინუანა ქირსიანეფი
თარიღი გოფშათუთაშ უკული მაართა ჟაშხა დღა, ნამუთ ცას მიოხე უკინოხაშ პიჯოფონ აფუნიშ დღა დო სერიშ გომანგაფას, 21 მელახის
2019 წანას მართლმადიდებელეფი:
26 მელახი, 28 პირელი
კათოლიკეეფი:
21 პირელი
2020 წანას მართლმადიდებელეფი:
6 პირელი, 19 პირელი
კათოლიკეეფი:
12 პირელი
ზეიმობა სერით ვარდა ოგოთანეს ღორონთიშნინალა ოხვამეეფს, ოფანიე შუმ-ჭკომი, ოკათე ბორჯიშ ღალა
მერსხილი რე ჸველიერი, ალობაშ ჟაშხა, დიდპიჩვანი, ბაიობა, ვნებაშ შკვითული, მაბარჩხალე შკვითული, ამაღალება, სუნთობა, პეტრეპავლეშ პიჩვანი
RO BV Easter eggs
ოთანაფე მარქვალეფი

თანაფაშ დღაშ გჷმოკოროცხუა

რჩქინელი გერმანალი მათემატიკოსიშ კარლ ფრიდრიხ გაუსიშით გიშაჸონაფილქ იჸუ ფორმულეფქ, ნამუშ მეჯინათ ქირსიანული პასექიშ დღა (ჯვ. სტილით) თეშნერო გითმითანჯუ:

კალენდარული წანაშ რანწკით ნომერქ ოკო გირთას -შა; -შა დო -შა, ნორთიშე მეღებული ნოსქილედეფი თეშნერო , დო -თი ქიმვორჩქინათ. უკულ სიდიდაქ ოკო გირთას -შა, ნოსქილედი ქიმვორჩქინათ -თი, მუშ უკულ გიმოქიმინელქ ოკო გირთას -შა, ნოსქილედი მივრჩქინათ ოკო -თი. საბოლოოთ მიბღენთ, ნამჷ-და თანაფაშ დღა რე 1 რცხუს) თუ , ინწკჷმა თანაფა მელახიშ თუთას იჸუაფუ დო ვარდა 2) თუ , ინწკჷმა თანაფა პირელიშ თუთას იჸუაფუ დო .

სამანგაშო 2015 წანაშ თანაფაშ თარიღი თაშ გჷმიკოროცხუ:

ნთელი ანუ

ნთელი ანუ

ნთელი ანუ

ნთელი ანუ

ნთელი ანუ

თანაფა მელახიშ თუთას იჸუაფუ.

ე. ი. 2015 წანას თანაფაშ დღა მუხვადუ 30 მელახის (ჯვ. სტილით). თანაფაშ გჷმოკოროცხუა „იროიანი რცხით“ ხოლო შილებე.

თე რცხიშ გჷმორინაფაშ ბორჯის, მოჩამილი კალენდარული წანაშ ნომერქ (N) გირთას ოკო 28-შა დო 19-შა. მეღებულ ნოსქილედეფი ოკო ვძირათ ომანგე ჰორიზონტალურ დო ვერტიკალურ ველეფს.

2015/28=71 ნთელი 27/28 ანუ ჰორიზონტალურ ველს 28-შ გჷნართიშ ნოსქილედის ოკო დოვგორათ რიცხუ 27.

2015/19=106 ნთელი 1/19 ანუ ვერტიკალურ ველს 19-შ გჷნართიშ ნოსქილედის ოკო დოვგორათ რიცხუ 1.

ეშანილი ცირფეფი „27“ დო „1“, რცხილს ართიანს გინმოჭკირუნს 30 მელახიშ (ჯვ. სტილით) აბანს, მუთ ომანგუ ჟილე გჷმოკოროცხილს.

Russian Resurrection icon
ქირსეშ თანაფაშ მა-16 ოშწანურაშ რუსული ხატი.

ლიტერატურა

რესურსეფი ინტერნეტის

wikistub ათე სტატია მერკე რე.
თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათ.
2014

2014 (ჟირ ვითოშ ვითაანთხი) წანა — გრიგორიანული კალენდარით ვანარკი წანმოწანა, ნამუშ მაართა დღა რე ჯუმაშხა. თე წანა რე XXI ოშწანურაშ მა-2 დეკადაშ მა-4 წანა.

ახალი ათონი

საქორთუოშ ოკუპირაფილი ნოღა

ახალი ათონი (აფხ. Афон Ҿыц) — ნოღა დო ზუღაპიჯიშ კლიმატური კურორტი საქორთუოს, აფხაზეთიშ ავტონომიური რესპუბლიკაშ გუდაუთაშ მუნიციპალიტეტის, ოწოხოლენი ფსირცხა.

ნოღათ გჷმაცხადეს 1987 წანას. მახორობა 4,3 ვითოში (1989 წ.). ნოღა იდვალუაფუ უჩა ზუღაშ პიჯის, გვალეფიშ ობჟათე კართეეფს. სოხუმიშე 18 კილომეტრით რე დაშორებული. 1875 წანას ახალ ათონიშ ხოლოს, ჯვეში ანაკოფიაშ აბანს დირცხუ ახალი ათონიშ მონასტერქ (თაჸურეშე მოურს ნოღაშ ჯოხო). ივერიაშ გვალაშ დუდის მუკოსკილადირი რე ანტიკური ოხვამეშ დო ჯვეში ჯიხაშ ნანწყუალეფი. კინ თი გვალაშ ქვინჯიწკჷმა რე ახალი ათონიშ კარსტული ფოთქვეფი, ნამუთ რე მასობური ტურიზმიშ ობიექტი. თაშნეშე თაქ რე აკანრქჩინელობაშ მუზეუმი.

ახალი კალედონია

ახალი კალედონია (ფრანგ. Nouvelle-Calédonie) — საფრანგეთიშ ზუღაშმელენი ტერიტორია, გიშაკერძაფილი სტატუსიშ მაღვენი ზუღაშმელენი ადმინისტრაციულ-ტერიტორიული წჷმნაქიმინა, იდვალუაფუ რჩქალ ოკიანეს, მელანეზიას. ობჟათე-ბჟადალშე უხურგანს ავსტრალიაშ ეკონომიკური ზონა, ოორუეშე — ვანუატუ, ობჟათე-ბჟაეიოლშე — ფიჯი. ნანანოღა დო უდიდაში ნოღა რე — ნუმეა.

თანაფაშ კოკი

თანაფაშ კოკი, რაპანუი (ესპ. Isla de Pascua, აბანობურო. Rapa Nui) — ვულკანური გორჩქინაშ კოკი რჩქალი ოკიანეშ ბჟაეიოლ ნორთის. 1888 წანაშე ორხველჷ ჩილეს. კოკიშ ფართობი რე 165,5 კმ². უმაღალაში ჭურჭულიშ სიმაღალა ზუღაშ დონეშე დოხოლაფირო 539 მეტრას იდვალუაფუ. კოკიშ ტერიტორიას ბრელი რე შქჷრატილი ვულკანი. ჰავა რე ლამე-ტროპიკული, ნოლექეფიშ ოშქაშე წანამოწანური მაძირაფალი 1300 მმ რე. ორთაშობური ჩანარეფშე ჩანს ბართვეფი დო დოლოეფი.

თანაფაშ კოკი ჩინებული რე უჯვეშაში ქუაშ ნოჭახნაკუეფით დო იეროგლიფური ჭარალუეფით. თე კულტურაშ ნოსქილედეფს გურაფულენდეს ინგლისური (1914-1915), ფრანგული დო ბელგიური (1934-1935) ექსპედიციეფი. 1955-56 წანეფს არქეოლოგიურ გონთხორუეფს აწარმენდჷ ნორვეგიულ-ამერიკული ექსპედიცია თურ ჰეიერდალიშ ხემანჯღვერალათ. თანაფაშ კოკიშ დოხორალაშ ისტორია წიაკალშახ ვარე გჷთოგორილი.

თანაფაშ კოკი მერჩქინელი რე, მუჭოთ მოსოფელიშ არძაშე უმოსი შორული დოხორინელი კოკი.კოკის დორსხუაფილი რაპა-ნუიშ ერუანული პარკი 1983 წანას იუნესკოქ მოსოფელიშ მონძალაშ ერკებულშა გემშეღჷ.

იესო ქირსე სუპერმურიცხი

იოსე ქირსე სუპერმურიცხი რე ენდრიუ ლოიდ ვებერიშ როკ ოპერა, ტიმ რაისიშ ლერსეფით. მიუზიკლიქ გჷშართჷ მუჭოთ როკ ოპერაქ იოსე ქირსე სუპერმურიცხი (ალბომი) სოიშახ ბროდვეიშ სცენას დიდგუმუდჷ 1971 წანას. მიუზიკლი გერსხილი რე ახალ აპიანს ეჭარილი იოსე ქირსეშ რინაშ ეკონია მარას, ნამუთ იჭყაფუ ქირსეშ დო თიშ მოჩქვაფილეფიშ გახაზირებათ იერუსალიმშა მიშაულარო დო ითებუ ჯვარს მიკოჭკადუათ. თე მიუზიკლი ღოზის უსვანს პოლიტიკური დო ინტერპერსონალურ ლჷმას იუდა ისკარიოტალი დო იოსე ქირსეშ შქას, ნამუთ ვა რე მოჩამილი ბიბლიას. მიუზიკლიშა ვა რე მიშულირი იოსე ქირსეშ თანაფა. თეშენი, სიუჟეტი ჯინჯიერო მეთხოზჷ ქირსეშ ნებაშ წჷმორინაფაშ ტრადიციული ფორმას.

ნახანდი არზიენს მაჯინეს ქირსეშ დო შხვა პერსონაჟეფიშ ფსიქოლოგიაშ დუდიშულ ინტერპრეტაციას. სცენარიშ დიდი ნორთი ფოკუსირაფილი რე იუდაშ პერსონაჟშა, ნამუთ მუწოძირაფილი რე მუჭოთ ტრაგიკული ფიგურა, ნამუთ უბაღინაფუ რე თით, მუ გეზათ მეჸუნს ქირსეს მუშ ნაწაფეეფი. მაეჩა ოშწანურაშ მერინეფი, თაშნეშე განწყობეფი თეხანური სლენგი ბრელი ხვადუ ლერსეფს, დო თეხანურ რინას ირონიული ალუზიეფი რე მოჩამილი პოლიტიკური მოლინეფიშ ეჭარუაშ ბორჯის. მუჭოთ ოსცენე, თაშნეშე კინო, ოსქვებურო მუწმაძირუანჷ ბრელ ანაქრონიზმის.

ლოგანი (ფილმი)

„ლოგანი“ (ინგლ. Logan) — 2017 წანაშ ამერიკული სუპერგერგეზული ფილმი, ნამუშ გჷშმაშქუმალარეფი რენა Marvel Entertainment, TSG Entertainment, დო The Donners' Company, დისტრიბუტორი – 20th Century Fox. თინა რე რანწკით მავითა იქს-ადამიერეფიშ გეშა ფილმეფიშ სერიას, ხოლო, მუჭოთ მასუმა კვინორიშ გეშა ფილმეფს შქას. ფილმი, ნამუთ ათოტურაფილი რე მარკ მილარიშ დო სტივ მანნივენიშ „რჩინუ ლოგანით“, ოძირანს უმოსო ხანშამიშულირი კვინორიშ შარობუას კლონ ცირასქუა ლორა კინწკჷმა დო თინეფიშ ლჷმას უბადო ზენდერ რაისწკჷმა დო დონალდ პირსიწკჷმა.ფილმიშ რეჟისორი რე ჯეიმზ მენგოლდი. თინა სკოტ ფრენკწკჷმა დო მაიკლ გრინწკჷმა ართო სცენარიშ ალმაჭარალი რე, ნამუთ ადაპტირებული რე მენგოლდიშ აკომუშებული ისტორიაწკჷმა. ჰიუ ჯეკმენი ეკონიათ არსულენს კვინორიშ (ნამუსით თინა თეიშა 17 წანაშ ასახიერენდჷ) როლს, პატრიკ სტიუარტი ჩარლზ ქსავიეშ როლს რე. შხვა როლეფს არსულენა ბოიდ ჰოლბრუკი, სტივენ მერჩანტი, რიჩარდ ე. გრანტი, დაფნი კინი (ოდებიუტე გჷმორჩქინა კინოეკრანს), ერიკ ლა სალი, ელიზა ნილი დო ელიზაბეთ როდრიგესი. გინოღალეფი უმოსო რდჷ ლუიზიანას 2016 წანაშ 2 მესიშე დო ითუ 19 მარაშინათუთას ნიუ-მექსიკოს. ფილმის უმოსო გინიღანდეს ლუიზიანას, ნიუ-მექსიკოს დო მისისიპის.„ლოგანიშ“ პრემიერაქ იჸუ ბერლინიშ 67-ა საირქიანო კინოფესტივალს, 2017 წანაშ 17 ფურთუთას, კინოგაქირებას გიშართჷ 3 მელახის, სტანდარტულ დო IMAX-იშ ფორმატეფს. კრიტიკოსეფქ დო უმოსი მაჯინეეფქ თის ჯგირი ფასებეფი მეჩეს. „იქს-ადამიერეფიშ“ სერიას „ლოგანი“ ართ-ართი თანაფა მინულირო ფასებული ფილმი რე, ნამუსჷთ შხვადოშხვა კრიტიკოსიქ გიოდჷ არძა ბორჯიშ უდიდაში სუპერგერგეზული სურათი. მოსოფელიშ გაქირებას, 97 მილიონიანი ბიუჯეტით, ფილმიქ 616 მილიონი ააშ დოლარი დოშაყარჷ დო წანაშ მიშმალუამი ფილმეფს შქას მაჩხორა არდგილი დეკინჷ.

ნებაშ მარა

ნებაშ მარა — დიდპიჩვანიშ ბოლო მარა (7 დღა), თანაფაშ კინოხიანი ოდღახუე დღალეფი. ქირსიანული ოხვამე პიჩვანით ეიოშინანს იოსე ქირსეშ ნებაშ (ტანჯუაშ) გასაშინეთ თი ცოდეფიშ გიშაჸიდირალო, ნამუთ ადამიერს ღორონთიშ წჷმი უღუ. ოხვამე თე დღალეფს ხონულობაშ უციობას აწესენს. თე ხონულობა გჷმიჭანუანს დაღონებულ განწყობას დო წუხირს თი წამებაშ გეშა, მუთ იოსექ ჩქინ ცოდეფიშ გიშაჸიდირალო გჷნიღუნ. ნებაშ მარაშ დღალეფი რე:

დიდი თუთაშხა – მუჟამსჷთ იოსექ დოჭყუ ბურჭი ლუღი;

დიდი თახაშხა – მუჟამსჷთ იოსექ ოხიდას ახალი მონძღვარება იქადაგუ;

დიდი ჯუმაშხა – მუჟამსჷთ მაგურაფალეფქ იოსეს სერობა მუნწყუეს;

დიდი ცააშხა – მუჟამსჷთ იოსექ იშო გჷნუგუ მოჩქვაფილეფს სერობა, ამხილჷ იუდა დო დადგინჷ ზიარაფაშ ნაფული;

დიდი ობიშხა – მუჟამსჷთ იოსე აწამეს დო ჯვარს ეიოგეს;

დიდი შურიშხა – მუჟამსჷთ იოსე დოფულეს.

თანაფა - მუჟამსჷთ იოსექ ქირსექ გენათჷ.

ოფიციალური უქვი დღალეფი საქორთუოს

საქორთუოს ოფიციალური უქვი დღალეფი რე:

1 დო 2 ღურთუთა – ახალი წანა;

7 ღურთუთა – ქირსე;

19 ღურთუთა – წაკურთხია;

3 მელახი – ნანაშ დღა;

8 მელახი – ოსურეფიშ საირქიანო დღა;

9 პირელი - საქორთუოშ ზოხორინალაშ აკოდგინუაშ დღა, საქორთუოშ დუდიშულაშო დო ართობურობაშო გედინაფილეფიშ მოშინაფაშ დღა;

ოთანაფე დღალეფი: დიდი ობიშხა, დიდი შურიშხა, თანაფა, ღურელეფიშ მოშინაფაშ დღა (თანაფაშ გეჸვენჯი თუთაშხა დღა);

9 მესი;

12 მესი – წიმინდე ანდრია პირველდოძახებულიშ გოშინაშ დღა;

26 მესი – საქორთუოშ ზოხორინალაშ დღა;

28 მარაშინათუთა – მარაშინა;

14 გჷმათუთა – მცხეთობა;

23 გერგობათუთა – გერგობა.

უფალთანაფა

უფალთანაფა თაშნეშე ოსურეფიშ თანაფა, ბურთიშ ჸოთამა, ჭიჭე თანაფა, ანტითანაფა, თომაშ მარა — ოკათე დღახუ, თანაფაშ წორს იმანჯებუდჷ ჩუღურეთიშ უფალთანაფაშ ოხვამეწკჷმა.

უფალთანაფას დიდი ზეიმი უჩქუდეს. თე დღას ქორთუეფს წესო უღუდეს ბურთიშ ლაჸაფი (ბურთიშ ჸოთამა). ოხვამეს წირუაშ უკული ჟირ ბუნათ გორთილი კათა ართიანს ოლაჸაფუდჷ ბურთიშ ხეშა ეშაჸოთამალო. მედგამიშ რწუმათ, ნამ ბუნათ გიმორძგუანდჷნ, ნთელი წანაშ გოძვენას ხვე დო ფენდა ვამაკორდუდჷ. კანკალეშა ბურთის ფია-ფიათ სოფუნდეს დო ირთუნდეს, თიშნერი მაგიურ შანულობა უღუდუ თეს. თე წეს-რჩქვანელობაქ ჭიეჭიეთ დოჭყოლიდაფას ქიმიაჩჷ დო XIX ოშწანურას ჩუღურეთის დვალირ უფალთანაფაშ გას გურჩქინდჷ მაჟირა ჯოხოქ „ჭითა გა“, თაქ უფალთანაფა დღას ოთანაფე ჭითა მარქვალეფიშ გეკერკელაფაშ გეშა (თე წესი რუსი მართლმადიდებელეფქ მიშეღეს), გაშ კართეს ოთანაფე მარქვალეფს გიოკერკელუანდეს დო მიდგაშ მარქვალი შორშა მიდეკერკელუდჷნ, მოგებულით თინა რდჷ დო ჭითა მარქვალეფი ხოლო თის დასქიდიდჷ.

დღახუეფი
რელიკვია
წიმინდანეფი
12 მოჩქვაფირი
70 მოჩქვაფირი
შხვა მოჩქვაფირეფი
შხვა პერსონაჟეფი

შხვა ნინეფს

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.