ესპანეთი

ესპანეთი, ედომუშამი ოფიციალურო ჯოხოდვალა ესპანეთიშ ომაფე (ესპ Reino de España) - ქიანა ევროპაშ ობჟათე-ბჟადალუშე, პირენეიშ ჩქონს. ქიანას ოორუშე დო ოორუე-ბჟაეიოლშე უხურგანს საფრანგეთი დო ანდორა, ბჟადალშე - პორტუგალია. ესპანეთი კონსტიტუციური მონარქია რე, კანონდუმადვალუ ორგანო რე გენერალური კორტესეფი, ნამუთ აკმოდირთუ სენატშე (256 მაკათური) დო კონგრესშე (350 მაკათური). ქიანაშ მადუდე რე მაფა ხუან კარლოს I. ესპანეთიშ ომაფეშა მიშმურს 17 ავტონომიური რეგიონი დო ოორუე აფრიკაშ წყარპიჯეფს მადვალი ჟირი ავტონომიური ნოღა. ესპანეთი ინდუსტრიული-აგრარული ქიანა რე. ერუანული დღახუ რე ესპანარი ერიშ დღა, 12 გჷმათუთა, ქრისტეფორე კოლუმბიშე ამერიკაშ მეგორაფაშ დღა.

Flag of Spain Escudo de España (mazonado)
EU-Spain
ესპანეთი
ნანანოღა მადრიდი
უდიდაშ ნოღა მადრიდი
ოფიციალური ნინეფი ესპანური
თარობა კონსტიტუციური მონარქია
მაფა ხუან კარლოს I
პრემიერ-მინისტრი ხოსე ლუის როდრიგეს საპატერო
ფართობი 504,782 კმ²(51-ა)
მახორობა 45,116,894 (28-ა)
ვალუტა ევრო (EUR)
ქიანაშ კოდი ESP
ოინტერნეტე კოდი .sp
ოტელეფონე კოდი +34

ქიანაშ ჯოხოდვალა

  • მარგალურო — ესპანეთიშ ომაფე;
  • ესპანურო — Reino de España.
  • ეტიმოლოგია — საეგებიეთ, ეტიმოლოგია სემიტურშე მოურს დო შანენს "ტყობინაფილს." შხვა ვერსიათ, თენა ფინიკიურშე მოურს დო ჯოხო "ყურდგელეფიშ წყარპიჯის."

გეოგრაფია დო ორთა

ქიანა იდვალუაფუ ბჟადალუ ევროპას დო პირენეიშ ჩქონიშ 84% უკჷნებუ. ომძღჷ ქიანეფი: საფრანგეთი, ანდორა, პორტუგალია. ორხველ კოკეფი ატლანტიკაშ ოკეანეს, სქირონაშქა ზუღას დო ტერიტორიეფი ოორუე აფრიკას.

ესპანეთი შვეიცარიაშ უკული არძაშ უმოსი მაღალგვალამი ქიანა რე ევროპას.

  • ფართობი — 504.782 კვ.კმ.
  • ორთა - გეოგრაფიული რაიონეფი - ცენტრალური ესპანეთი (el Centro) მესეტიშ პლატოამო, ოორუე (el Norte),ბჟაეიოლუ (el Este) სქირონაშქა ზუღაშ ოწყარპიჯე ზოლს, ობჟათე (el Sur) სქირონაშქა ზუღას დო ატლანტიშ ოკიანე შქას ტერიტორია. გვალეფიშ სისტემეფი - პირენეეფი, სიერა მორენა, იბერიაშ დო კანტაბრიაშ გვალეფი. უმაღალაში კონკეფი - პიკო დე ტეიდე 3.718 (კანარიშ კოკეფს), მულასენი 3.478, პიკო დე ანეტო 3.404; კაბეტი წყარმალეფი ებრო 910, ტახო (ტეჟუ) 790 (გვალო 1.007), გვადიანა 778, დუერო 700 (გვალო 895), გვადალკვივირი 657; უდიდაში ტობა - ემბალსე დე ალკანტარა (ხელოვნური); კაბეტი კოკეფი - კანარიშ 7.447 (თენეფ შქას: ტენერიფე 2.034, ფუენტევენტურა 1.660, დიდი კანარი 1.560, ლანზაროტე 846, ლა-პალმა 708), ბალეარიშ 4.992 (თენეფ შქას: მალიორკა 3.640).
  • ორთაშობური რესურსეფი - ქუანოშქერი, ურანი, რკინაშ მადანი, ვარჩხილიშწყარი, პირიტი, ტყვია, თუთია, ვოლფრამი, ლინჯი, ჰიდროენერგია, ოფუტეშ მეურნეობაშ დიხეფი.

სახენწჷფო

  • პოლიტიკური სისტემა - კონსტიტუციური მონარქია.
  • ქიანაშ მადუდური - მაფა ხუან კარლოს I
  • თარობაშ მადუდური - პრ.-მინისტრი ხოსე ლუის როდრიგეს საპატერო.
  • კანონიშდუმადვალუ როგანო გენერალური კორტესეფი, აკმიდგინუ სენატშე (256 მაკათური) დო კონგრესშე (350 მაკათური).
  • ერუანული დღახუ ესპანარი ერიშ დღა, 12 გჷმათუთა.
  • ადმინისტრაციული დორთუალა ესპანეთიშ ომაფეშა მიშმურს 17 ავტონომიური რეგიონი (Comunidad autonoma): ანდალუსია, არაგონი, ასტურია, ბალეარიშ კოკეფი, ბასკეთი, გალისია, ესტრემადურა, ვალენსია, კანარიშ კოკეფი, კანტაბრია, კასტილია-ლა მანჩა, კასტილია და ლეონი, კატალონია, ლა რიოხა, მადრიდი, მურსია, ნავარა დო აფრიკაშ ოორუეს ჟირი ავტონომიური ნოღა (ciudad autonoma) - სეუტა დო მელილია.

დემოგრაფია

ომაფეშ მახორობა მიარეფერუანი რე. მახორობაშ 80% ოხორანს ნოღეფს. გაპატჷნებული რელიგია რე კათოლიციზმი.

  • მახორობა - 40,2 მლნ (2003), თენეფშე 69% ესპანარეფი, 18% კატალონიარეფი, 8% გალისიარეფი, 2% ბასკეფი
  • ნინეფი – ესპანური (74%); კატალონიური (17%); გალისიური (7%); ბასკური (2%).
  • ნოღეფი - (ვითოში) მადრიდი (3.169, აგლომ. - 5.130), ბარსელონა (1.528, აგლომ. - 3.889), ვალენსია (741, აგლომ. - 1.407), სევილია (679, აგლომ. - 1.141), სარაგოსა (636), მალაგა (518, აგლომ. - 753), მურსია (394), ლას-პალმასი (348), ბილბაო (343, აგლომ. - 880).
  • რელიგია - კათოლიციზმი.

რესურსეფი ინტერნეტის

ბჟადალი ევროპა

ბჟადალ ევროპა — ევროპაშ ართ-ართი გეოგრაფიული რეგიონი. თიშ აკოდგინალუა ხშირას ითირჷდჷ, მარა ირო იგურხონარებუდჷ საფრანგეთი, ბენილუქსიშ ქიანეფი - ბელგია, ნიდერლანდეფი, ლუქსემბურგი, დიდ ბრიტანეთი დო ირლანდია. თე ბუნას, მუჭოთ წესინ, ხშირას ურხველუანდეს გერმანიასჷთ, მორო გეოგრაფიულო თინა უმოსო ცენტრალური ევროპაშ ნორთი რე.

შხვადოშხვა ისტორიული დო პოლიტიკური გარმებეფიშ გეშა ბჟადალ ევროპაშა მიშმაჸუდეს თაშნეშე გეჸვენჯი ქიანეფით:

პირენეიშ ჩქონიშ ქიანეფი - ესპანეთი, პორტუგალია, ანდორა.

აპენინიშ ჩქონიშ ქიანეფი - იტალია, სან-მარინო, ვატიკანი.

ოორუეშ ქიანეფი - ნორვეგია, შვედეთი, ფინეთი, დანია, ისლანდია.

ალპური ქიანეფი- შვეიცარია, ლიხტენშტაინი, ავსტრია, სლოვენია.

ობჟათეშ ქიანეფი - საბერძნეთი, თურქეთი.

გიბრალტარი

გიბრალტარი — ბრიტანეთიშ ზუღაშმელენი ტერიტორია. იდვალუაფუ იბერიაშ ჩქონიშ ობჟათეშე, გიბრალტარიშ საროტწკჷმა, ნამუთ ატლანტიშ ოკიანეს სქირონაშქა ზუღაწკჷმა მიორსხუანს. ტერიტორიას ოორუეშე უხურგანს ესპანეთი. ისტორიულო შანულამი ოურდუმე ბაზა რდჷ ბრიტანალეფშოს დო თეხანო ხოლო ბრიტანეთიშ ოურდუმე ნძალეფიშ ბაზა რე თაქ.

ტერიტორიაშ ჯოხო მოურს არაბულშე "ჯაბალ ატ-თარიქ (جبل الطارق), შანენს "თარიქიშ გვალას". ჯოხო არსხუაფუ უმაიადეფიშ გენერალ თარიქ იბნ-ზიადის, ნამუთ წჷმი ანჯღვერდჷ მავრიტანალეფიშ მიშაბუსუას იბერიაშა 711 წანას. უმოსი კინოხ თე აბანი ჩინებული რდჷ, მუჭოთ კალპე, ჰერკულესიშ ართ-ართი ბიჯგი. ასე კოლოქვიალურო გიბრალტარშა უჯოხონა "გიბ" (ქუა).

გიბრალტარიშ ზოხორინალა ართ-ართი თარი ოკითხირი რე ინგლის-ესპანურ ურთიართობეფს. ესპანეთი 1713 წანას გიშართილი ტერიტორიაშ დორთინაფას თხულენს, მორო გინოჩამაშ ირი ცადებას კინ გიბრალტარალეფი დახე ართხონარო აწორინათ აუხვადჷნა.

გიბრალტარიშ ოკუჩხბურთე ასოციაცია 2013 წანაშ 24 მესის უეფაშ 54-ა მაკათურო მიღეს.

ევრო

ევრო (სიმბოლო: €; საბანკო კოდი: EUR) ევროპაშ რსხუშ ოფიციალური ვალუტა დო აკა ფარაშ ართური 300 მილიონი ევროპალშო ევროგოართოიანაფაშ გეჸვენჯ ქიანეფს: ავსტრია, ბელგია, ფინეთი, საფრანგეთი, გერმანია, საბერძნეთი, ირლანდია, იტალია, ლუქსემბურგი, ნიდერლანდეფი, პორტუგალია, ესპანეთი დო ესტონეთი, ნამუსჷთ კოლექტიურო ევროზონა ხოლო უჯოხონა. ჟირჸურეიანი აპიჯალეფიშ შედეგო ევრო თაშნეშე ოფიციალური ვალუტა რე გევენჯი ვამაკათური ქიანეფშო: მონაკო, სან-მარინო დო ვატიკანი. ევრო დე-ფაქტო ვალუტა რე ანდორას, კოსოვოს დო მონტენეგროს.

ევრო მოსოფელიშ სავაჭრო ბაზარეფს მუჭთ ოეიოკოროცხალი ვალუტა, 1999 წანას მიშართჷ, ფიზიკური ბანკნოტეფქ დო ხურდეფქ მიშაღალირქ იჸუ 2002 წანას. ევროგოართოიანაფაშ არძა ქიანას უღჷ ნება ქაკათას ევროზონას თიმ შვანს, თუ თინეფი უგამენა გორკვიაფილ მონეტარულ მოთხირეფს, ევროშ გჷმორინაფა ვალდებულება რე ევრორსხუშ არძა ახალი მაკათურშო.

ევროს მართუნს დო ადმინისტრირებას უწიენს ფრანკფურტის მადვალუ ევროპაშ ცენტრალური ბანკი (ეცბ) დო ევროპაშ ცენტრალურ ბანკეფიშ სისტემა (ნამუშათ მაკათური ქიანეფიშ ცენტრალური ბანკეფი მიშმულა). მუჭოთ ზოხორინელი ცენტრალური ბანკი, ეცბ-ს ართპიჯობური ნება უღუ მონეტარული პოლიტიკაშ გოთანჯუაშ ბორჯის. ეცბ ოკათჷ ბანკნოტეფიშ ბეშტუას, ხურდეფიშ მოჭკირუას დო თინეფიშ სისტემაშა გოფაჩუას არძა მაკათურ ქიანას, თეშ მუჭოთ ევროზონაშ ოგინაგაფე სისტემაშ ფუნქციონირებას.

ევროპა

ევროპა — მოსოფელიშ ნორთი, აზიაწკჷმა ართო აკმოქიმინუნს ევრაზიაშ კონტინენტის. თინეფს შქას ხურგაშ ღოზიშეხ არსებენს მუსხირენ ვარიანტი.

ევროპაშ ფართობი 10 180 000 კმ2-იე, მახორობა - 742 452 000. ევროპა ფართობიშ მეჯინათ მაჟია უჭიჭაში კონტინენტიე (ევროპას ხვალე ავსტრალია უწორუანს), მარა მახორობაშ მუდანობათ ევროპა გინმამეტენს მუჭოთ ავსტრალიასჷნ, თეშ ობჟათე ამერიკასჷთ, მახორობაშ მეჭედალათ ხვალე აზიას კჷნასქიდუ. ევროპას იდვალუაფუ 50 ქიანა. თაჸურეშე 28 ქიანა რე ევრორსხუშ მაკათური. ევროპას იდვალუაფუ 6 ჯუჯა-სახენწჷფო:

ანდორა

მონაკო

ლუქსემბურგი

ლიხტენშტაინი

სან-მარინო

ვატიკანი

ევროპაშ რსხუ

ევროპაშ რსხუ (ინგლისურო - European Union, ფრანგულო - Union européenne), კუნტარაფილო ევრორსხუ - ევროპაშ სახენწჷფოეფიშ შხუ პოლიტიკური დო ეკონომიკური გოართოიანაფა, 1993 წანაშახ ევროპული წორომაჸალობა (ინგლისურო - European Community, ფრანგულო - Communauté européenne) ჯოხოდჷ. ორგანიზაციაშ მაკათური რე ევროპაშ 28 სახენწჷფო, ნამუეფიშ ედომუშამი ფართობი 3 892 ვითოში კვ. კმ რე, მახორობა - 455 მლნ. ართობური ერუანული პროდუქტიშ დო გალენური ვაჭარუაშ მასშტაბეფით ევროპაშ რსხუ გჷწმულუანს ააშ-ს დო იაპონიას.

ევრორსხუშ მაკათური ქიანეფი

ევრორსხუშ მაკათური სახენწჷფოეფი:

ევროპაშ კონტინენტის გალენ ტერიტორიეფი, ნამუეფით ევრორსხუშ მაკათურ სახენწჷფოეფიშ რე:

აზორიშ კოკეფი

მადეირა

სეუტა

გვადელუპა

კანარიშ კოკეფი

რეიუნიონი

მარტინიკა

მელილია

საფრანგეთიშ გვიანა

ესპანარეფი

ესპანარეფი - ერი, ესპანეთიშ ჯინჯიერი მახორობა. ესპანეთიშ გარდა ოხორანა საფრანგეთის (500 000), არგენტინას (400 000), ააშს (200 000), ბრაზილიას (200 000).

ჯოხო: - Españoles

მუდანობა: 29,0 მლნ.

ნინა: ესპანური.

მორწუმეეფი: კათოლიკეეფი.

ესპანეთიშ პროვინციეფი

ესპანეთიშ პროვინციეფი (ესპ. Provincias de España) - ესპანეთიშ ადმინისტრაციული დორთუალაშ ართური. პროვინციეფო ირთუ ესპანეთიშ ავტონომიური რეგიონეფი, პროვინციეფი ირთუ მუნიციპალიტეტეფო.

ესპანეთიშ სუვერენული ტერიტორიეფი

ესპანეთიშ სუვერენული ტერიტორიეფი (ესპ. Plazas de soberanía) — რე მორჩილი ტერიტორიული ართულეფიშ ბუნა ოორუე აფრიკას, თე ტერიტორიას ესპანეთი აკონტროლენს, მარა თინა ვენშმურს ავტონომიურ გოართოიანაფაშა.

თაქ არსებულ ესპანურ ააბანეფს ვაოფიციალურო უჯოხონა დიდ დო მორჩილი ტერიტორიეფს.

"დიდი ტერიტორია" - რე სეუტა დო მელილია, ნამუეფით ავტონომიური ნოღაშ სტატუის ატარენა, თე ნოღეფი რგებულენა უმოსი დიდი ავტონომიათ, ვინემ ესპანეთიშ მუნიციპალიტეტეფი.

"მორჩილი ტერიტორია" - რე მორჩილი კოკეფიშ ბუნა მაროკოშ წყარპიჯიშ ღოზიშ გოხოლუას. თე ტერიტორიეფი ოდებელი რე მაროკოშ დო ესპანეთიშ შქას, ზუსტაშ თეშ გეშა თაქ ოურდუმე გარნიზონეფი გერე.

მუჭოთ ესპანეთის თეშ თაქ თარი ვალუტა რე ევრო.

ესპანური ნინა

ესპანური ნინა — ესპანარეფიშ, ცენტრალური ამერიკალეფიშ (მექსიკარეფიშ, კოსტა-რიკალეფიშ დო შხვა), კარიბიალეფიშ (კუბარეფიშ დო შხვა), ობჟათე ამერიკალეფიშ (არგენტინარეფიშ, პარაგვაელეფიშ დო შხვა) მახორუეფიშ ოფიციალური ნინა რე. ორხველჷ ინდოევროპული ნინეფიშ ფანიაშ რომანული ნინეფიშ ბუნას.

მორაგადეეფიშ მუდანობა: 330 მილიონი (ოდაბადური ნინა), 80 მილიონი (მაჟირა ნინა)

ნინაშ კოდი: es

ჯოხო: es - Español (Castellano); en - Spanish; eo - Hispana (Kastilia)

ჭარალუა: ლათინურიესპანური ნინა რე მეღებული ლათინურიშ დო იბერიაშ რომაული პროვინციეფიშ ნინეფიშ აკოწყორუათ. ესპანური რე კანტაბრიშ დიალექტი, ნამუქჷთ IX ოშწანურას გიფაჩჷ ჯვეშ კასტილიას, XI ოშწანურაშე თელი ესპანეთის. XV ოშწანურას კასტილიურ დიალექტიქ გინირთჷ ესპანეთიშ ლიტერატურულ ნინათ.

ესპანური მაჟირა ნინა რე ესპანეთიშ მახორუ შხვადოშხვა ერეფშო, ნამუეფით ოხორანა ესპანეთიშ ტერიტორიას (34 მილიონი კოჩი). თინეფ შქას რენა კატალონიარეფი, ბასკეფი, გალისიარეფი, ნამუეფსჷთ უღჷნა მუნეფიშ ნინეფი.

ესპანური ნინა რე ორაგადე ნინა ამერიკაშ 19 ქიანაშო: არგენტინა, ბოლივია, კოლუმბია, კოსტა-რიკა, კუბა, ჩილე, დომინიკარეფიშ რესპუბლიკა, ეკვადორი, გვატემალა, ჰონდურასი, მექსიკა, ნიკარაგუა, პანამა, პარაგვაი, პერუ, პუერტო-რიკო, ელ-სალვადორი, ურუგვაი დო ვენესუელა.

ბალკანეთიშ ჩქონს დო მორჩილ აზიას ოხორანა საფარიალი ბერძენეფი, ნამუეფით 1492 წანას გინორაჸეს ესპანეთშე კათოლიკე მაფეფიშ, ფერნანდო დო იზაბელაშ ბორჯის, ნამუეფქჷთ გამკიტეს მუნეფიშ (ესპანური) ნინა.

გოფაჩუაშ არეალი: მექსიკა (86,2 მლნ), კოლუმბია (34), არგენტინა (33), ესპანეთი (28.2), ააშ (22.4), ვენესუელა (21.5), პერუ (20), ჩილე (13.8), კუბა (10), ეკვადორი (9.5), დომინიკარეფიშ რესპუბლიკა (6.9), სალვადორი (5.9), ჰონდურასი (5.6), გვატემალა (4.7), ნიკარაგუა (4.3), ბოლივია (3.5), პუერტო-რიკო (3.4), კოსტა-რიკა (3.3), ურუგვაი (3.0), პანამა (2.1)...

კატალონია

კატალონია (Nació de Catalunya) რე ესპანეთიშ ავტონომიური რეგიონი. ჯოხო შინელი რე 1350 წანაშე. კატალონიარეფიშ ქიანას ჯვეშო უმოსი დიდი ტერიტორია უღუდჷ: ალგერო (სარდინია), ანდორა, პირენეეფიშ ფრანგულ რეგიონი, ბალეარიშ კოკეფი, ვალენსიაშ რეგიონი. კატალონიაშ რეგიონს ასე 4 პროვინცია რე: ბარსელონა, ხერონა, ლერიდა დო ტარაგონა.

ფართობი - 31,950 ვითოში.

მახორობა - 7 210 508 (2007);

ადმინისტრაციული ცენტრი - ბარსელონა.

ნინეფი – ესპანური, კატალონიური.

მადრიდი

მადრიდი (ესპანურო Madrid) — ესპანეთიშ ნანანოღა, მადრიდიშ ავტონომიური ართურიშ ადმინისტრაციული ცენტრი. ქიანაშ უშხუაში ეკონომიკური, კულტურული დო პოლიტიკური ცენტრი.

ნოღას ოხორანს 3,3 მილიონი მახორუ მადრიდიშ მეტროპოლიას გვალო ოხორანს 6.271 მილიონი ადამიერი. ნოღა სიდიდათ მასუმა რე ევროპაშ რსხუს ლონდონიშ დო ბერლინიშ უკული დო მუშ მეტროპოლიაშ ფართობით რე მასუმა ლონდონიშ დო პარიზიშ უკული. ნოღაშ დართობი რე 604.3 კმ².

ოდებელი ტერიტორიეფიშ ერკებული

თაქ წჷმორინაფილიე ნთელ მოსოფელს დებაშ მონაწილე ქიანეფიშ ერკებული.

რუმე ოძირანს ართ მასარჩელეს მოჩამილ ტერიტორიაშ ედომუშამი კონტროლიშო; ორცა, შანენს მუსხი რენი ქიანაშ დებას ართ ტერიტორიაშო.

პორტუგალია

პორტუგალია (პორტუგალიური: República Portuguesa) — ევროპაშ უძგაშაშ ობჟათე-ბჟადალ ნორთის დვალირი სახენწჷფო. პორტუგალიას ბჟადალშე ომძღჷ ატლანტიშ ოკეანე, ბჟაეიოლშე დო ოორუეშე - ესპანეთი. ატლანტიშ ოკიანეს დვალირი აზორიშ კოკეფი დო მადეირა მიშმურს პორტუგალიაშ აკოდგინალუაშა.

საფრანგეთი

საფრანგეთი, ოფიციალურო საფრანგეთიშ რესპუბლიკა (ფრანგ. République française) — ქიანა ბჟადალ ევროპას, იკათუანს ევროპაშ თე ნორთის, მუდგაზმარენი კოკიშ დო ზუღაშმელენი ტერიტორიაშ ნორთის. მუს ომძღჷ (ოორუეშე სათიშ კოპულიშ (ისარიშ) გეჸუნათ) ევროპაშ გეჸვენჯი ქიანეფი: ბელგია, ლუქსემბურგი, გერმანია, შვეიცარია, იტალია, მონაკო, ესპანეთი დო ანდორა. ზუღაშმელენ ტერიტორიეფს ომძღჷ ბრაზილია დო სურინამი (საფრანგეთიშ გაიანას), ნიდერლანდიშ ანტილეფი (სენ-მარტენს). საფრანგეთი მერსხუაფილი რე გოართოიანაფილ ომაფეწკჷმა ევროტუნელით, ნამუთ გუთმურს ინგლისის არხიშ თუდო.

საფრანგეთი ორხველჷ გოვითარაფილ ქიანეფს დო მახუთა აბანს რე ედომუშამი დინოხოლენი პროდუქტიშ მეჯინათ მოსოფელს. საფრანგეთი ირ წანას ღებულენს 82 მილიონ ტურისტის. საფრანგეთი რე გოართოიანაფილი ერეფიშ ორგანიზაციაშ ართ-ართი გჷმაჭყაფალი დო რე გეჸვენჯი ორგანიზაციეფიშ მაკათური: ფრანკოფონია, ევროკავშირი, დიდი ბრუოიანი, ეკონომიკური გოვითარაფაშ დო ალმახანდობაშ ორგანიზაცია, მოსოფელიშ სავაჭარო ორგანიზაცია დო ლათინური გოართამაფა. რე გოართოიანაფილი ერეფი ორგანიზაციაშ უშქურანჯობაშ სხუნუშ ხუთ ირიათოიან მაკათურშე ართ-ართი.

სქირონაშქა ზუღა

სქირონაშქა ზუღა ატლანტიშ ოკიანეშ აუზიშ ნორთი რე დო დახე ედომუშამო სქირონათ რე გოხურგელი ოორუეშე ევროპათ, ობჟათეშე აფრიკათ, ბჟაეიოლშე აზიათ. მინშა სქირონაშქა ზუღა იკოროცხუ, მუჭოთ ატლანტიკიშ ოკიანეშ ნორთი, მარა მუჭოთ წესინ, მერჩქინელი რე მუჭოთ წყარიშ ზოხო ორგანო.

სქირონაშქა ზუღაშ ჯოხო ლათინური რე mediterraneus (medius, 'შქა' + terra, 'დიხა, სქირონა'), ბერძენულს - mesogeios. მუში ფართობი რე მეხოლაფირო 2,5 მილიონი კმ². ოკიანოლოგიას მუში ალტერნატიული ჯოხოეფი რე ევროაფრიკული სქირონაშქა ზუღა, ვარდა ევროპაშ სქირონაშქა ზუღა შხვა სქირონაშ შქაში ზუღეფშე გჷშაშხვანერაფალო.

უჯვეშაში ბორჯიშე სქირონაშქა ზუღა დოხარგელი ოტრანსპორტე მაგისტრალი რდჷ. თენა რდჷ შანულამი მარშრუტი ანტიკური ბორჯიშე მოჸუნაფილი მეწარმეეფშო დო მეშარეეფშო ოვაჭარე დო კულტურული თირაფეფიშ ოწარმებელო ჯვეში ეგვიპტარეფშო, ბერძენეფშო, რომაალეფშო დო შხვა ხოლოშიანი ბჟაეიოლიშ კათეფშო.

უეფა-შ ჩემპიონეფიშ ლიგა

უეფა-შ ჩემპიონეფიშ ლიგა — ირწანური ოკუჩხბურთე ტურნირი, ნამუთ იმანჯებუ უეფა-შით მაჸონაფალი ევროპული ოკუჩხბურთე კლუბეფიშ კათინით 1955 წანაშე. ჩემპიონეფიშ ლიგა არძოშე პრესტიჟული ოკლუბე ტურნირიე ევროპას.

1955-1992 წანეფც ტურნირს ჯოხოდჷ ევროპაშ ჩემპიონეფიშ თასი დო თის ოკათუდეს ევროპაშ ერუანული ჩემპიონატეფიშ გომორძგვილეფი. 1992-1993 წანეფიშ სეზონშე ტურნირქ ასეიანი ჯოხოდვალა ეჭოფჷ. 1990-იან წანეფც ფორმატიქ მუსხიშარენ დითირჷ: ქჷგიაძინჷ ოკვალიფიკაციე რაუნდეფქ, ბუნური ეტაპიქ.

ევრორსხუშ
მაკათურეფი
დოსკილადირი ევროპა

შხვა ნინეფს

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.