ევროპაშ რსხუ

ევროპაშ რსხუ (ინგლისურო - European Union, ფრანგულო - Union européenne), კუნტარაფილო ევრორსხუ - ევროპაშ სახენწჷფოეფიშ შხუ პოლიტიკური დო ეკონომიკური გოართოიანაფა, 1993 წანაშახ ევროპული წორომაჸალობა (ინგლისურო - European Community, ფრანგულო - Communauté européenne) ჯოხოდჷ. ორგანიზაციაშ მაკათური რე ევროპაშ 28 სახენწჷფო, ნამუეფიშ ედომუშამი ფართობი 3 892 ვითოში კვ. კმ რე, მახორობა - 455 მლნ. ართობური ერუანული პროდუქტიშ დო გალენური ვაჭარუაშ მასშტაბეფით ევროპაშ რსხუ გჷწმულუანს ააშ-ს დო იაპონიას.

ევროპაშ რსხუ
{{{link alias-s}}} შილა
დევიზი: In varietate concordia
„ართიანობა მიარეფერუანობას რე“
ჰიმნი: Ode an die Freude
„ოდა ხიოლს“

{{{link alias-s}}} ორენი
ნანანოღაბელგიაშ შილა ბრიუსელი
საფრანგეთიშ შილა სტრასბური
ლუქსემბურგიშ შილა ლუქსემბურგი
ნიდერლანდეფიშ შილა ჰააგა
გერმანიაშ შილა მაინიშ ფრანკფურტი
Largest ნოღა დიდი ბრიტანეთიშ შილა ლონდონი, საფრანგეთიშ შილა პარიზი
ოფიციალური ნინა(ეფი)
ტიპი ოსახენწჷფოეფშქაშე ეკონომიკური დო პოლიტიკური გოართიანაფა
თარობა
 -  ევროკომისიაშ პრეზიდენტი ჟან-კლოდ იუნკერი
 -  ევროპული სხუნუშ პრეზიდენტი დონალდ ტუსკი
 -  ევროპაშ პარლამენტიშ პრეზიდენტეფი მარტინ შულცი
ფართობი
 -  გვალო 4,324,782 კმ2 (მა-7)
 -  წყარი (%) 3,08
მახორობა
 -  2016 ფასებათ 510,056,011 
 -  მეჭედალა 116.4 ად/კმ2 
ედპ (ჸუპ) 2017 ფასებათ
 -  გვალო $20.75 ტრილიონი (მა-3)
 -  ართ მახორუშე $40,600 
აგი (2014) 0.865 (ძალამი მაღალი) 
ვალუტა ევრო (€) — ევროზონაშ მასშტაბით

ბულგარული ლევი — BGN
ჩეხური კრონა — CZK
დანიური კრონი — DKK
გირვანქა სტერლინგი — GBP
გიბრალტარის გირვანქა — GIP
ხორვატული კუნა — HRK
უნგრული ფორინტი — HUF
პოლონური ზლოტი — PLN
რუმინული ლეი — RON

შვედური კრონი — SEK
ბორჯიშ ორტყაფუ UTC
UTC+1
UTC+2
UTC+3
Internet TLD .eu

ევრორსხუშ დორსხუაფა

ევროპაშ ტერიტორიას, ევრორსხუშ მასშტაბეფიშ მანგური ართოიანი სახენწჷფოეფი რდჷ: ბჟადალი რომიშ იმპერია, ფრანკეფიშ სახენწჷფო, საღორონთო რომიშ იმპერია. ულირი ვითოშწანურეფიშ გოძვენას ევროპა დორთილი რდჷ, მარა თიშ გოართოიანაფაშ გეშა იდეა ირო რდჷ. ამერიკული რევოლუციაშ უკული გორჩქინდჷ იდეაქ ევროპაშ აკოართაფილი შტატეფიშ გეშა, ნამუქჷთ ხეახალშო გორჩქინდჷ მაჟირა მოსოფელიშ ლჷმაშ უკული.

მა-20 ოშწანურაშ მაართა გვერდის ევროპაქ ჟირი მოსოფელიშ ლჷმა გეგნიღჷ, მუქჷთ არძა ქიანას ქჷდიტუ ნოქური - ქეკიდინუ ვითობათ მილიონიშ შური, მოჯალაგერი ნოღეფი, აკოცჷმილი ეკონომიკა, მოლასირი კომუნიკაციეფი. ევროპაშ სახენწჷფოეფქ დიჭყეს შარეფიშ გორუა მუმალს რჩქალ რინაშ გარანტიეფშო. თინეფქ ჭიი-ჭიეთ დოგორეს ართოიანალაშ დო მეჭედას წორომოხანდალაშ იდეა დო ქჷგიოდირთეს პრინციპულ პოლიტიკას, ნამუშ ღანკი ეკონომიკური დო პოლიტიკური ინტეგრაცია, თინჩალა დო უშქურანჯობა რდჷ.

დოდგინელი ღანკეფიშ ეჸონაფაშ შარას ევროპაშ სახენწჷფოეფქ ქეშილებეს ხასჷლას ალულუაფუდესკო სერიოზულ კრიზისეფი დო აკმაბორკალ ფაქტორეფშა. ევრორსხუშ დუდ მეჭირინდაფათ შილებე იკოროცხას ხანგინძე თინჩალაშ უნარღელჸოფაქ მაკათურ ქიანეფ შქას, ნამუეფით რდეს ინოჸუნაფილეფი შხვადოშხვა აკოანჯარაფილ კონფლიქტეფშან დო დემოკრატიული აპიჯაფა, ნამუშ მოხვარათ ეიჸონაფუაფუ საართო ღანკეფი.

ევრორსხუშ ლეგალური ოსხირი

ევროპაშ რსხუ ეგაფილი რე ევროპული წორომაჸალობაშ ურთიართალეფიშ თელი ართობურალაშ ოსხირშა:

  • ქუანოშქერიშ დო ბულათიშ ევროპული გოართოიანაფა - 1951 წანას თე ორგანიზაციაშე დიჭყჷ ევროპაშ რსხუშ დორსხუაფაქ;
  • ევროპული წორომაჸალობა - დირსხუ 1957 წანას თ.გ. რომიშ აპიჯაფათ დო ჯოხოდჷ ევროპაშ ეკონომიკური წორომაჸალობა ანუ “საართო ბაზარი”;
  • ატომური ენერგიაშ ევროპული წორომაჸალობა - დირსხუ 1957 წანას.

ევროპაშ რსხუს ინტეგრაციული პროცესეფიშ თარი ღანკეფი გოხურგილი რე შხვადოშხვა დოკუმენტეფით:

  • რომიშ აპიჯაფა - ხექ მოჭარილქ იჸუ 1957 წანას;
  • ართოიანი ევროპული აქტი - ხექ მოჭარილქ იჸუ 1987 წანას;
  • მაასტრიხტიშ აპიჯაფა - ხექ მოჭარილქ იჸუ 1992 წანას;
  • ამსტერდამიშ აპიჯაფა - ხექ მოჭარილქ იჸუ 1997 წანაშ გჷმათუთას;

ევრორსხუშ ჯინჯიერი დოკუმენტი ამდღარშო რე 2003 წანაშ ”მეართაფაშ აპიჯაფა” (Treaty of Accession), ნამუქჷთ ნძალაშა მიშართჷ 2004 წანაშ 1 მესის. ჟიმოჸონაფილი აპიჯაფეფით გოხურგილი ევრორსხუშ მაკათური სახენწჷფოეფიშ სამართალობური, პოლიტიკური, ეკონომიკური დო შხვა სახეშ ვალდვალირაფეფქ იფორმირჷ ართოიან დოკუმენტის, ევრორსხუშ კონსტიტუციაშ პროექტის, ნამუშ ეჭოფუაშ პროცედურა თეჟამო ხოლო მეურს.

Quai d'Orsay
Eurotower in Frankfurt

ევრორსხუშ კომპეტენციეფი

ევრორსხუ რე მიარესექტორამი ინტეგრაციაშ გოვითარაფილი ფორმა, ნამუშ კომპეტენცია იფაჩუ ევროპაშ 28 სახენწჷფოშ ეკონომიკაშა, რეწუალაშა, მენოღალეფიშ ნებეფშა, დინოხოლენ დო ოგალენე პოლიტიკაშა. ევროპულ აპიჯაფეფიშ დოდვალაშ ბორჯის მაკათური სახენწჷფოეფი სუვერენიტეტიშ ნორთის გინმოჩანდეს თი ზოხორინელ ინსტიტუტეფს, ნამუეფით თხილანა ერუანულ დო საართო ინტერესეფს. ევრორსხუშ დუდალაშ თუდო რე საართო ეკონომიკური ბაზარი, საბაჟო რსხუ, ართოიანი ვალუტა, საართო საოფუტო-სამეურნო პოლიტიკა დო შხვა.

ევრორსხუშ ინსტიტუტეფი

ტრადიციული ოერეფოშქაშე ორგანიზაციეფშე ევროპაშ რსხუს გჷშმაგორჷნს მუში უნიკალური ინსტიტუციური სტრუქტურა. აკოქიმინელი რე ზოხორინელი ინსტიტუტეფი, ნამუეფით აკმაფშანა ართმაჟირას დო ირს გარკვიული როლი უღჷ გინოჭყვიდირუაშ ეჭოფუაშ პროცესის.

ევროპაშ რსხუშ სისტემაშ საართო ორგანოეფი დო ინსტიტუტეფი:

▪ ევროპაშ რსხუშ სხუნუ

  • ევროპული სხუნუ
  • ევროპაშ პარლამენტი
  • ევროკომისია
  • ევროპულ წორომაჸალობეფიშ სასამართალო
  • ევროპაშ აუდიტორეფიშ სასამართალო

ევრორსხუშ საფინანსო ორგანიზაციეფი:

  • ევროპაშ ცენტრალური ბანკი
  • ევროპაშ საინვესტიციო ბანკი

ევრორსხუშ შხვა მოხვარე ორგანოეფი:

  • ევროპაშ რეგიონეფიშ კომიტეტი
  • ევროპაშ ეკონომიკური დო სოციალური კომიტეტი
  • ევროპაშ პოლიტიკაშ დო უშქურანჯალაშ კომიტეტი

ევრორსხუშ შხვადოშხვა ინსტიტუტეფი შხვადოშხვა ქიანეფს დო ნოღეფს რე: ბრიუსელი (ბელგია), სტრასბურგი (საფრანგეთი), ლუქსემბურგი (ლუქსემბურგი), მაინიშ ფრანკფურტი (გერმანია). ევრორსხუს ოფიციალური პოლიტიკური ცენტრი ვა უღჷ, მარა დე-ფაქტო ”ნანანოღათ” ბრიუსელი იკოროცხუ.

ევრორსხუშ სიმბოლოეფი

  • ევრორსხუშ დევიზი
  • ევრორსხუშ შილა
  • ევრორსხუშ დღასანწალი
  • ევრორსხუშ ნინეფი
  • ევრორსხუშ ვალუტა
  • ევრორსხუშ კონსტიტუცია
  • ევრორსხუშ ჰიმნი

ევრორსხუშ მაკათურეფი

ევრორსხუშ დჷმარსხუაფალი სახენწჷფოეფი:

EU MAPjan2007

ევრორსხუშ შხვა მაკათური სახენწჷფოეფი:

ევრორსხუშ მაკათურალაშ კანდიდატი სახენწჷფოეფი:

თურქეთიშ შილა თურქეთი, ოორუე მაკედონიაშ შილა ოორუე მაკედონია, ისლანდიაშ შილა ისლანდია, სერბეთიშ შილა სერბეთი, ჩერნოგორიაშ შილა ჩერნოგორია, ალბანეთიშ შილა ალბანეთი

ევრორსხუშ მაკათურო შილებე გინირთას ევროპაშ ნამუდგა ქიანაქ, ნამუთ აღიარენს პლურალისტურ დემოკრატიას, კანონიშ უჟინაშალას, თხილანს მუში მენოღალეეფიშ კონსტიტუციურ ნებეფს, გაჩქჷ გენწყილი დო კონკურენტუნარიანი საბაზარო ეკონომიკა, აკმირზიენს ევრორსხუშ პოლიტიკურ დო ეკონომიკურ ღანკეფს.

მაკათური ქიანეფიშ გერბეფი

EU map blank

ქოძირით თაშნეშე

  • ევრორსხუშ გოფართანაფა

რესურსეფი ინტერნეტის

2012

2012 (ჟირ ვითოშ ვითოჟირი) წანა — გრიგორიანული კალენდარით ნარკი წანმოწანა, ნამუშ მაართა დღა რე ჟაშხა. თე წანა რე XXI ოშწანურაშ მა-2 დეკადაშ მა-2 წანა.

ევროკომისიაშ პრეზიდენტი

ევროკომისიაშ პრეზიდენტი რე ევრორსხუშ ინსტიტუტეფც არძოშე მაღალი ვაგჷშაგორუონი პოსტიშ პიჯი. თინა დჷთმირინუაფუ მაკათური სახენწჷფოეფიშ თარობეფიშ ალებაშ ოსხირშა დო ინტკიცებუ ევროპარლამენტიშით

ევროპაშ სხუნუ

ევროპაშ რსხუ — საირქიანო ორგანიზაცია, ნამუთ აკმოდირთუ ევროპაშ 47 სახენწჷფოშე. თიში ღანკეფი რე: 1) ადამიერიშ ნებეფიშ, პლურალისტური დემოკრატიაშ დო კანონიშ უჟინაშობაშ თხილუა; 2) ევროპაშ კულტურული მიარეფერუამობაშ გეშა რჩქინაშ ამაღალება, ევროპული კულტურაშ გოვითარება; 3) ევროპული ჯარალუაშ წჷმი გემარენჯი პრობლემეფიშ გინოჭყვიდირიშ შარეფიშ გორუა (უკულაშობეფიშ დისკრიმინაცია, ქსენოფობია, უშუწყნარებუობა, ელმოლიშ თხილუა, კლონირაფა, შიდსი, ნარკოტიკეფი, ორგანიზაფილი დაშებული დო შხვა).

დირსხუ 1949 წანაშ 5 მესის, ლონდონს, ბჟადალ ევროპაშ ვითი სახენწჷფოშით (ბელგია, დანია, გოართოიანაფილი ომაფე, ირლანდია, იტალია, ლუქსემბურგი, ნიდერლანდეფი, ნორვეგია, საფრანგეთი დო შვედეთი).

ევრორსხუშ მაკათური ქიანეფი

ევრორსხუშ მაკათური სახენწჷფოეფი:

ევროპაშ კონტინენტის გალენ ტერიტორიეფი, ნამუეფით ევრორსხუშ მაკათურ სახენწჷფოეფიშ რე:

აზორიშ კოკეფი

მადეირა

სეუტა

გვადელუპა

კანარიშ კოკეფი

რეიუნიონი

მარტინიკა

მელილია

საფრანგეთიშ გვიანა

ირლანდიური ნინა

ირლანდიური ნინა (Gaeilge) — ირლანდიარეფიშ ნინა, კელტური ნინეფიშ ართ-ართი ნინა, შოტლანდიურწკჷმა დო მენურწკჷმა ართო ორხველჷ თე ბუნაშ გოიდელურ გიმენბუნას.

ირლანდიური რე ირლანდიაშ სახენწჷფო ნინა. 2005 წანაშ 13 მანგის მეღებულქ იჸუ გინოჭყვიდირუაქ ირლანდიურიშ მიშაღალაქ ევრორსხუშ ომუშებელი ნინეფიშ რიცხუშა, მუქჷთ ძალაშა მიშართჷ 2007 წანაშ 1 ღურთუთაშე.

იტალიური ნინა

იტალიური ნინა (italiano, lingua italiana) — იტალიარეფიშ დო იტალო-შვეიცარალეფიშ ნინა, ორხველჷ ინდოევროპული ფანიაშ რომანულ ნინეფს.

მალტური ნინა

მალტური ნინა (მალტურო: Malti) — მალტაშ ოფიციალური ნინა (ინგლისურწკჷმა ართო). მალტური სემიტურ ნინეფშე ევროპაშ აკა ნინა დო ევროპაშ რსხუშ აკა ოფიციალური ნინა რე. მალტურ ნინას ნერჩო გიადუ არაბული ნინაშ ართ-ართი დიალექტიქ. თინა თაშნეშე აკა სემიტური ნინა რე, ნამუთ ირინუანს ლათინურ ჭარალუას.

პოლონური ნინა

პოლონური ნინა (პოლონურო ęzyk polski ვარდა polszczyzna) — პოლონარეფიშ ნინა, ორხველჷ ბჟადალსლავური ნინეფიშ ოორუე ბუნას დო წჷმარინუანს ინდოევროპულ ნინეფიშ ფანიაშ ართ-ართ გიმენბუნას.

პორტუგალიური ნინა

პორტუგალიური ნინა — პორტუგალიარეფიშ დო ბრაზილიარეფიშ ნინა, ორხველჷ ინდოევროპული ფანიაშ რომანულ ნინეფს.

ჟილენი დონეშ ერუანული დომენი

ჟილენი დონეშ ერუანული დომენი (ccTLD) რე ინტერნეტიშ ჟილენი დონეშ დომენი, ნამუთ, მუჭოთ წესინ, ნამუდგა იჸინი კონკრეტული ქიანაშო ვარა მუკობუნაფილი ტერიტორიაშო გჷმირინუაფუ.

რუმინული ნინა

რუმინული ნინა — რუმინალეფიშ ნინა, ორხველჷ ინდოევროპული ფანიაშ რომანულ ნინეფს.

ჭარილობა დუდშე გერსხუაფილი რდჷ კირილურ ანბანს, 1860 წანაშე - ლათინურ გრაფიკას.

საფრანგეთი

საფრანგეთი, ოფიციალურო საფრანგეთიშ რესპუბლიკა (ფრანგ. République française) — ქიანა ბჟადალ ევროპას, იკათუანს ევროპაშ თე ნორთის, მუდგაზმარენი კოკიშ დო ზუღაშმელენი ტერიტორიაშ ნორთის. მუს ომძღჷ (ოორუეშე სათიშ კოპულიშ (ისარიშ) გეჸუნათ) ევროპაშ გეჸვენჯი ქიანეფი: ბელგია, ლუქსემბურგი, გერმანია, შვეიცარია, იტალია, მონაკო, ესპანეთი დო ანდორა. ზუღაშმელენ ტერიტორიეფს ომძღჷ ბრაზილია დო სურინამი (საფრანგეთიშ გაიანას), ნიდერლანდიშ ანტილეფი (სენ-მარტენს). საფრანგეთი მერსხუაფილი რე გოართოიანაფილ ომაფეწკჷმა ევროტუნელით, ნამუთ გუთმურს ინგლისის არხიშ თუდო.

საფრანგეთი ორხველჷ გოვითარაფილ ქიანეფს დო მახუთა აბანს რე ედომუშამი დინოხოლენი პროდუქტიშ მეჯინათ მოსოფელს. საფრანგეთი ირ წანას ღებულენს 82 მილიონ ტურისტის. საფრანგეთი რე გოართოიანაფილი ერეფიშ ორგანიზაციაშ ართ-ართი გჷმაჭყაფალი დო რე გეჸვენჯი ორგანიზაციეფიშ მაკათური: ფრანკოფონია, ევროკავშირი, დიდი ბრუოიანი, ეკონომიკური გოვითარაფაშ დო ალმახანდობაშ ორგანიზაცია, მოსოფელიშ სავაჭარო ორგანიზაცია დო ლათინური გოართამაფა. რე გოართოიანაფილი ერეფი ორგანიზაციაშ უშქურანჯობაშ სხუნუშ ხუთ ირიათოიან მაკათურშე ართ-ართი.

ფინური ნინა

ფინური ნინა – ფინარეფიშ ნინა, ორხველჷ ფინურ-უგრული ფანიაშ ბალტიურ-ფინურ ბუნას. ფინურიშ დიალექტი რე კარელიური, ნამუთ რუსეთიშ ფედერაციაშ კარელიაშ რესპუბლიკას რე გოფაჩილი.

ფრანგული ნინა

ფრანგული ნინა (ფრანგ. français, langue française) — ფრანგეფიშ, ვალონეფიშ, ფრანკო-კანადარეფიშ, ფრანკო-შვეიცარიალეფიშ ნინა, ორხველჷ ინდოევროპული ფანიაშ რომანული ბუნას. ფრანგული ნინათ რგებაფულენს აფრიკაშ ბრელი ქიანა, ჰაიტი, საფრანგეთიშ გვიანა დო შხვა. ფრანგული ნინაქ შხვა ნინეფშე წოხლე გინირთჷ საირქიანო ნინათ.

მორაგადეეფიშ მუდანობა: 128,000,000

ნინაშ კოდი: fr

ჯოხო: fr – français; en – French; eo – franca

ჭარალუა: ლათინური

უჯვეშაშ ფრანგულნინამი ნაჭარეფი IX ოშწანურას ორხველჷ. ახალი ოლიტერატურე ნინა XVI ოშწანურაშე მოურს დო მეღებული რე ილ-დე-ფრანსიშ დიალექტშე (ცენტრი - პარიზი. შქა ოშწანურეფიშ დიალექტური სანძღოეფი ილასუ. ჯგირო რე დოსქილადირი ოოროუეშ დიალექტეფი - პიკარდიული (ოორ. საფრანგეთი) დო ვალონური (ბელგია).

სტატუსი

ამერიკაშ აკოართაფილი შტატეფი - ლუიზიანაბელგია - ნიდრლანდურ დო გერმანულწკჷმა ართობურკინა ფასობურუნდი - კირუნდიწკჷმა დო სუაჰილწკჷმა ართოგაბონიეკვატორული გვინეა - ესპანურწკჷმა ართოვანუატუ - ინგლისურწკჷმა დო ბისლამაწკჷმა ართოიტალია - ვალე-დ'აოსტა - იტალიურწკჷმა ართოკამერუნი - ინგლისურწკჷმა ართოკანადა - ინგლისურწკჷმა ართო - იუკონი, კვებეკი, ნიუ-ბრანსუიკი, ნუნავუთი ოორუე-ბჟადალი ტერიტორიაკომორიშ კოკეფი - არაბულწკჷმა დო კომორულწკჷმა ართოკონგოშ დემოკრატიული რესპუბლიკაკონგო-კინშასაკოტ-დივუარისაფრანგეთიმადაგასკარი - მალგაშურწკჷმა ართომავრიკი - ინგლისურწკჷმა ართომალიმონაკორუანდა - ინგლისურწკჷმა დო კინიარუანდაწკჷმა ართოსეიშელიშ კოკეფი - ინგლისურწკჷმა ართოსენეგალიტოგოშვეიცარია - გერმანულწკჷმა, იტალიურწკჷმა დო რეტო-რომანულწკჷმა ართოჩადი - არაბულწკჷმა ართოცენტრალური აფრიკაშ რესპუბლიკაჯიბუტი- არაბულწკჷმა ართოჰაიტი - ჰაიტურწკჷმა ართოჰაიტი - ჰაიტურწკჷმა ართოგოართოიანაფილი ერეფიშ ორგანიზაციაევროპაშ რსხუ

შენგენიშ ზონა

შენგენიშ ზონაშა მიშმურს ევროპაშ 26 სახენწჷფო, ნამუეფქჷთ 1985 წანას ოფუტე შენგენს (ლუქსემბურგი) ხე მაჭარეს ხეკულუას. შენგენიშ ზონა მოგენს ართგვარ სახენწჷფოს, ნამუქჷთ აკიქიმინჷ საირქიანო ტურისტულ ზონაშო, ნამუშ გალენი ხურგეფი კონწარო იკონტროლებუ, დინოხოლს — ოპასპორტე დამოწება ვერსულებუ.

თე წესეფი აკიმუშუ 1999 წანაშ ევრორსხუშ ქიანეფიშ ამსტერდამიშ ახვალამაქ. თეშ მოხ, შენგენიშ ხეკულუა ქიმინჯენს სუმ ევრორსხუშ ვამაკათურ ქიანას: ისლანდიას, ნორვეგიას დო შვეიცარიას დო დე-ფაქტოთ სუმ მიკრო-სახენწჷფოს: მონაკოს, სან-მარინოს დო ვატიკანს. ევრორსხუშ არძა ქიანაქ, გოართოიანაფილი ომაფეშ დო ირლანდიაშ მოხ, არსულჷ დჷნაპიჯებუ დო გემშართჷ შენგენიშ ზონაშა. გიმნარკი რდჷ კვიპროსი, რუმინეთი დო ბულგარეთი, ნამუეფით უახოლაშ მუმალს გემშულა რსხუშა. თე ბორჯიშო შენგენიშ ხეკულუა იკათუანს: 26 ქიანას, 4 312 099 კვ. კმ. დო 400 მილიონ მახორობას.

შენგენიშ ხეკულუაქ დადგინჷ, ნამჷ-და დინოხოლენი, სახენწჷფოეფს შქას ხურგეფი გოუქვაფედკონ, გალენური ხურგეფი — გამანგარებედკონ. თაშნეშე ქიანეფი ვალდვალირეფი რენა, ნამჷ-და ართამი პილიტიკა აკიმუშუან მიგრანტეფშო, ნამუთ მითმითხინს მუნაჩემეფიშ საართო ბაზაშ დო საართო ოპოლიციე-სასამართალო სისტემაშ აკოქიმინუას.

შვედური ნინა

შვედური ნინა — შვედეფიშ ნინა, ორხველჷ ინდოევროპული ფანიაშ გერმანიკულ ბუნას. შვედურ ნინაშა იჩიებუნა შვედეთის დო ფინეთიშ ობჟათე-ბჟადალ ნორთის, ალანდიშ კოკეფიშ მანგის. მორაგადეეფიშ მუდანობა 10 მილიონიშ უმოსი რე. შვედური ნინა ხოლოს გერე ნორვეგიულწკჷმა, ალაზიმაფათ ზოხო გერე დანიურწკჷმა. მუჭოთ შხვა გერმანიკული ნინეფი, შვედური ხოლო ჯვეშნორდიკულშე ეჭოფუნს ოდუდეს. თე ნინაშა იჩიებუდუ გერმანიკული მახორობაშ უდიდაში ნორთი ვიკინგეფიშ ფარანს.

შილა

შილა, ალამი, ბერაღი, ართი ვარდა შხვადოშხვა ფერიშ გარკვიული ზჷმაშ ნოჭკერი, ნამუშ ართჸურე ჯაშ ტარს რე გემარგებული. რჩქვანელობურო შილას გჷმოხანტილი რე მუდგაინი ემბლემა. ვექსილოლოგიაშ მენცარობაშ დოგურაფაშ ობიექტი.

სახენწჷფო შილა წჷმარინუანს სახენწჷფობური სიმბოლიკაშ ართ-ართ თარ აკმადგინალ ნორთის.

სახენწჷფობური შილაშ მოხ, სახენწჷფოეფს თაშნეშე ოურდუმე-ოზუღე დო ოვაჭარე-კომერციული შილეფი უღჷნა (გჷმირინუაფუ ნიშეფს). კანკალე ქიანას, სამანგათ ააშ-ს, სუმხოლო ღანკით გჷმირინუაფუ ართი თარი შილა.

დორხველური შილა უღჷნა ხვალე სახენწჷფოეფს ვარჷნ, თაშნეშე ოლქეფს დო რეგიონეფს; თაშნეშე საირქიანო ორგანიზაციეფს (სამანგ. გოერო, ევროპაშ რსხუ), კომერციულ კომპანიეფს, ჯარალობურ ყარაფეფს (სამანგ. პაციფისტეფი) დო ნინეფს (სამანგ. ესპერანტო). შილა უღუ ვექსილოლოგიაშ ასოციაციას ხოლო (ინგ. FIAV).

ნიშეფს შქას ინფორმაციაშ გათირალო გჷმირინუანა სასიგნალე შილეფს.

ხორვატული ნინა

ხორვატული ნინა (თაშნეშე სერბულ-ხორვატული ვარდა ხორვატულ-სერბული ნინა) წჷმარინუანს სლავური ნინეფიშ ობჯათესლავურ ბუნას დო მიშმურს ინდოევროპული ნინეფიშ დიდ ფანიაშა. ხორვატეფი გჷმირინუანა ლათინურ ანბანს, ანუ თ.ჯ. „ლათინიცას“, გინორთელო სერბეფიშე, ნამუეფით კირილურ ანბანს გჷმირინუანა, კირილურ ანბანს, ანუ კირილიცას (სერბეფი დო ხორვატეფი ტე ეკონიას გჷმორგადანა მუჭოთ „ჩირილიცა“).

ჰოლანდიური ნინა

ნიდერლანდური ნინა, ჰოლანდიური ნინა — ჰოლანდიარეფიშ დო ფლანდრიალეფიშ ნინა. მაჩიებელეფიშ მუდანობა 23.5 მილიონი.

შხვა ნინეფს

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.