ეგეოსიშ ზუღა

ეგეოსიშ ზუღა სქირონაშქა ზუღაშ ნოჸელა რე, იდვალუაფჷ პელოპონესიშ ჩქონს დო ანატოლიაშ შქას. თინა მარმარილოშ დო უჩა ზუღეფს არცხუაფჷ დარდანელიშ დო ბოსფორიშ საროტეფით.

ზუღაშ ფართობი 214 000 კმ-ის აკმადგინანს, გრძედიშ გეზათ გინოზინდილიე მეხოლაფირო 610 კმ-ის, ოდო განედიშ 300 კმ-ის. მაქსიმალური სიტომბა 3 543 მეტრა რე (კრეტაშ ბჟაეიოლშე).

Aegeansea
ეგეოსიშ ზუღაშ ალმაშარული ფოტო

რესურსეფი ინტერნეტის

აიდინიშ პროვინცია

აიდინი – პროვინცია (ილი) ობჟათე-ბჟადალ თურქეთის, ეგეოსიშ რეგიონს. ადმინისტრაციული ცენტრი – ნოღა აიდინი. ფორჷნს 17 რაიონს.

ბალკანეთიშ ჩქონი

ბალკანეთიშ ჩქონი — ჩქონი ობჟათე ევროპას. ფართობი დოხოლაფირო 505 ვითოში კმ2.ბჟადალშე ბჟაეიოლშა გინოზინდილი რე დოხოლაფირო 1260 კმ-ს, ოორუეშე ობჟათეშა — 950 კმ. ბჟადალშე ომძღჷ ადრიატიკაშ დო იონიაშ, ბჟაეიოლშე — უჩა, მარმარილოშ დო ეგეოსიშ ზუღეფი, ბოსფორიშ დო დარდანელიშ საროტეფი. პიჯალობური ოსქირონე ხურგა რე დუნაიშ დო წყარმალუ სავაშ ნოჸელაშახ, თეჸურეშე — ტრიესტიშ ჸუჯიშ წკონტიშა.

ბალკამეთიშ ჩქონიშ ტერიტორიას გინმურს შანულამი სატრანსპორტო მაგისტრალეფი, ნამუთ ბჟადალ ევროპა მითმიარსხუ ობჟათე-ბჟადალ აზიას (მორჩილი აზია დო არხო ბჟაეიოლი).

მიარე ჯვეში კულტურაშ დო ცივილიზაციაშ ოდაბადე რე.

ზუღა

ზუღა — დიხაუჩაშ ოკიანეშ ნორთი, გჷშართილი სქირონათ ვარა ამაღალაფირი წყარგიმეიანი რელიეფით. ნამთინე ზუღა რე შხვა ზუღაშ ნორთი (სამანგათ, ეგეოსიშ ზუღა – სქირონაშქა ზუღაში ნორთი რე ). ტერმინი ზუღა შხირას გჷმირინუაფუ ინოხვილირი დიდი წყჷთე ტობეფიშ (სამანგათ, კასპიაშ ზუღა, არალიშ ზუღა) დო ხელუანური წყაროჩუაშეეფიშ (სამანგათ, ქართიშ ზუღა) ჯოხოდვალეფს.

იზმირი

იზმირი (თურქ. İzmir (იზმირ); ბერძენ. Σμύρνη (სმირნა)) — ნოღა ბჟადალ თურქეთის, იზმირიშ ჸუჯიშ (ეგეოსიშ ზუღა) წყარპიჯის. იზმირიშ პროვინციაშ ადმინისტრაციული ცენტრი. ნოღაქ დირსხუ ჯვ. წ. II ვითოშწანურას, მუჭოთ ბერძენულ-ეოლოელეფიშ კოლონია დო სმირნა ჯოხოდჷ.

კრეტაშ ზუღა

კრეტაშ ზუღა — იდვალუაფუ ეგეოსიშ ზუღაშ ობჟათეშე, კოკი კრეტაშ ოორუეშე დო კიკლადიშ ობჟათეშე. ზუღა გინოზინდილი რე ბჟადალშე დვალირ კოკი კიტირაშე ბჟაეიოლშე დოდეკანესიშ კოკეფიშახ. კრეტაშ ზუღა საროტეფით მიარსხუაფუ მუჭოთ იონიაშ ზუღას, თაშნეშე სქირონაშქა ზუღას.

მირტოიშ ზუღა

მირტოიშ ზუღა (ბერძ. Mυρτώο Πέλαγος) – სქირონაშქა ზუღას რსებული ზუღა. იდვალუაფუ კიკლადას დო პელოპონესის შქას. მირტოიშ ზუღაშ სიხოლეს იდვალუაფუ ეგეოსიშ ზუღა.

თე ზუღას გიადუ მითიური გერგეზიშ, მირტილიშ ჯოხოქ.

საბერძნეთიშ წყარმალუეფიშ ერკებული

თუოდ მოჩამილი რე საბერძნეთიშ წყარმალუეფიშ ერკებული.

სქირონაშქა ზუღა

სქირონაშქა ზუღა ატლანტიშ ოკიანეშ აუზიშ ნორთი რე დო დახე ედომუშამო სქირონათ რე გოხურგელი ოორუეშე ევროპათ, ობჟათეშე აფრიკათ, ბჟაეიოლშე აზიათ. მინშა სქირონაშქა ზუღა იკოროცხუ, მუჭოთ ატლანტიკიშ ოკიანეშ ნორთი, მარა მუჭოთ წესინ, მერჩქინელი რე მუჭოთ წყარიშ ზოხო ორგანო.

სქირონაშქა ზუღაშ ჯოხო ლათინური რე mediterraneus (medius, 'შქა' + terra, 'დიხა, სქირონა'), ბერძენულს - mesogeios. მუში ფართობი რე მეხოლაფირო 2,5 მილიონი კმ². ოკიანოლოგიას მუში ალტერნატიული ჯოხოეფი რე ევროაფრიკული სქირონაშქა ზუღა, ვარდა ევროპაშ სქირონაშქა ზუღა შხვა სქირონაშ შქაში ზუღეფშე გჷშაშხვანერაფალო.

უჯვეშაში ბორჯიშე სქირონაშქა ზუღა დოხარგელი ოტრანსპორტე მაგისტრალი რდჷ. თენა რდჷ შანულამი მარშრუტი ანტიკური ბორჯიშე მოჸუნაფილი მეწარმეეფშო დო მეშარეეფშო ოვაჭარე დო კულტურული თირაფეფიშ ოწარმებელო ჯვეში ეგვიპტარეფშო, ბერძენეფშო, რომაალეფშო დო შხვა ხოლოშიანი ბჟაეიოლიშ კათეფშო.

შხვა ნინეფს

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.