დინასტია

დინასტია (ბერძენ. δῠναστεία-შე — ხეშუულება, პატჷნალა) — მონარქიულ სახენწჷფოეფს მონარქეფიშ წოროგეჸვენჯობა ართი სარჯულოშ, ფანიაშ მეჯინათ, ნამუეფით ხვისტას ართიანს თირანდეს მონძალაშ ნებათ, სამანგათ, ბაგრატიონეფი საქორთუოს, რომანოვეფი რუსეთის, ჰაბსბურგეფი ავსტრია-უნგრეთის, ვალუა დო ბურბონეფი საფრანგეთის, ცინი ჩინეთის. დინასტიეფს ჯოხო გიადვალჷ ჩინებული (კაროლინგეფი) ვარდა გჷმაჭყაფალი (ბაგრატიონეფი, ჩინგიზიდეფი, რიურიკოვიჩეფი, იაგელონეფი) მამართალიშ ჯოხოდვალაშ მეჯინათ.

თაშნეშე ქოძირით

  • კლანი
  • დინასტი
  • ჯვეში მოსოფელიშ დინასტიეფი
  • დინასტიეფიშ ერკებული
wikistub ათე სტატია მერკე რე.
თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათ.
I ოშწანურა

ვითწანურეფი დო წანეფი

ოშწანურაშ უშანულამაში მოლინეფი

რომაული ლიტერატურაშ ვარჩხილიშ ხანაშ დაჭყაფური

30 - ოვარაუდეთ თე წანას იოსე ქირსე ჯვარს მაცუნეს.

69 - რომს ართი მაჟირაშ მეჸუნალათ 4 იმპერატორქ დითირუ, თ. გ. 4 იმპერატორიშ წანა. იულიუს-კლავდიუსეფიშ დინასტია ფლავიუსეფიშ დინასტიაქ დოთირუ.

70 - რომაალეფქ გეჭოფეს დო მოჯალაგეს იერუსალიმი. თ. გ. იუდეაშ ლჷმა

79 - ვულკან ვეზუვიშ ეშაგორგოთუა

96 - ფლავიუსეფიშ დინასტიაშ მეჭყორიდა რომს.ოშწანურაშ უშანულამაში მოღალეეფი

ჯვ. წ. 63 - 14 : ოქტავიანე ავგუსტუსი - რომიშ მაართა იმპერატორი.

37 - 68 : ნერონი - რომიშ იმპერატორი.

9 - 79 : ვესპასიანე ფლავიუსი - რომიშ, ფლავიუსეფიშ დინასტიაშ მაართა იმპერატორი.

30 - 98 : ნერვა - ანტონინეფიშ დინასტიაშ მაართა იმპერატორი.

ალ საბაჰი

ალ საბაჰი (არაბ. صباح‎‎‎ آل‎‎) — ქუვეითიშ შეიხეფიშ (1752 ვარდა 1756 წანაშე) დო ამირეფიშ (1961 წანაშე ასეშა) დინასტია.

ალ ხალიფა

ალ ხალიფა (არაბ. آل خليفة‎‎) — ბაჰრეინიშ მამართალი დინასტია.

XVIII ოშწანურაშე დინასტიაშ მადუდეეფს უღჷნა ბაჰრეინიშ ჰაკიმიშ (მამართალიშ) ტიტული. 1971 წანას, ზოხორინალაშ გჷმოცხადაფაშ უკული, ჰაკიმ ისა იბნ სალმან ალ ხალიფაქ მიღჷ ბაჰრეინიშ ამირიშ ტიტული.

დინასტიაშ ასეიანი მადუდე — ჰამად იბნ ისა ალ ხალიფა — ბაჰრეინიშ ამირო გჷნირთჷ 1999 წანას, 2002 წანას მუშ დუდ გჷმაცხადჷ ბაჰრეინიშ მაფათ.

ალაუიტეფი

ალაუიტეფი ვარდა ალავიტეფი (არაბ. سلالة العلويين الفيلاليين‎‎‎) — მაროკოშ მამართალი დინასტია. XVII ოშწანურაშე სულთანეფი, 1957 წანაშე მაფეფი. თაშნეშე ჯოხოიდვალუაფუდეს ფილალიდეფო, ფილალიარ შერიფეფო.

აპისი

აპისი (ჰაპისი) — წიმინდე ხოჯი ჯვეშეგვიპტურ მითოლოგიას, ნამუსჷთ დორხველური ოხიდა უღუდჷ მემფისის. იკოროცხუ, ნამჷდა აპისი რდჷ მეძღვინილი პტაშო ვარდა ოსირისიშო. შხვა ვერსიათ — თინა წჷმარინუანდჷ ზოხო ღორონთის, ნამუსჷთ მემფისიშ რაიონს პატის ცენდესჷნ.

ბელგია

ბელგია — ქიანა ბჟადალ ევროპას. რე ევროპაშ რსხუშ მაკათური.

გვალიორი

გვალიორი ვარა გვალიარი — ინდოეთიშ მადჰია-პრადეშიშ შტატიშ სიდიდათ მაანთხა ნოღა. იდვალუაფუ აგრაშე ობჟათეშე 122 კმ. რკინაშ შარაშ ღოზეფიშ გინოკვათუს დო აკმოდირთუ სუმი ისტორიული ცენტრიშე — კიმე გვალიარიშ, ლაშქარიშ დო მორარიშე. მახორობა 1,901,981 (2011 წანაშ მუნაჩემეფით).

გვალიორი ასრულენდჷ შანულამ როლს ოორუე ინდოეთიშ ისტორიას, მუჭოთ ისტორიულ ოლქ მალვაშ პოლიტიკური ცენტრი. მუშჸურე გვალიორი დუდმაართათ ჯიხაშ ჯოხოდვალა რდჷ. თე ჯიხაშ არსებობა შანულამი სავაჭარო შარეფიშ აკართაფუს, რჩქინელი რე დიო ხოლო VI ოშწანურაშე.

ჯიხაშ კიდალეფიშ დინოხოლე თხილერი რე ამშვი დოხორე, ამშვი ოხიდა, მეჩეთი, ბრუო აუზი დო XI ოშწანურაშ ინდური არქიტექტურაშ ძალამი მერკე ძეგლეფი. XV ოშწანურას, ჯიხაშ კიდალეფწკჷმა კირდეშ სირღამას ეშუკვათუნა 18 მეტრაშ სიმაღალეშ გიგანტური ჯაინისტური ძეგლეფი.

გვალიორიშ ჯიხეფიშ ობჟათეშე 6 კმ. იდვალუაფუ ნოღა ლაშქარი, 1810 წანაშახ მარათეფიშ სათაროშ დინასტია სინდჰეფიშ მოქიმინჯე რეზიდანცია დინასტიაშ დჷმარსხუაფალქ 1745 წანას წიმი ეწუდირთჷ მარათეფიშ კონფედერაციას დო აკოქიმინჷ გვალიორიშ დიდი სათარო. თიშ მოთაქ, მაჰადაჯიქ (მაფენდჷ 1761-1794 წანეფს) ოორუე ინდოეთიშ შანულამი ნორთი გეჭოფუ დელიშე ჯაიპურშახ.

ანგლო-მარათული ლჷმეფიშ ბორჯის, 1803 დო 1819 წანეფს გვალიორიშ მამართვალეფქ მიოდინეს მუნეფიშ დიხეფიშ ნორთი. 1780 დო 1843 წანეფს ინგლისარეფქ შტურმით გეჭოფეს გვალიორიშ ჯიხა. სიფაეფიშ აბუნტებაშ ბორჯის, რაჯაქ დითხილუ ბრიტანეთიშ გვირგვინიშოთ ართგურობა, ხვალე თიშ ჯარიშკოჩეფქ ებუნტეს. ბრიტანულ ოურდუმე აკნაშაყარაქ კინე გეჭოფჷ გვალიორიშ ჯიხა, მარა [[[1886]] წანაშ მორაგადუათ ჯარეფქ დისლოცირებულქ იჸუ ჯანსის. ნოღა გვალიორი ძალამი სქვამი რე.

თარი ოქიანუეფი:

გვალიორიშ ჯიხა, სოიშეთ ნოღაშ ედომუშამი პანორამა იფაჩუ.

მოჰამედ ჰაუსიშ მავზოლეუმი, ნამუშ გოხოლუას იდვალუაფუ, თაშნეშე, რჩქინელ მუსიკოსიშ — ტანსენიშ საფულა.

ეგვიპტე

ეგვიპტე (არაბمصر), ოფიციალურო ეგვიპტეშ არაბული რესპუბლიკა — ქიანა ოორუე აფრიკას დო ბჟადალ აზიას (სინაიშ ჩქონი). ოორუეშე ეგვიპტე ომძღჷ სქირონაშქა ზუღას, ჭითა ზუღას ბჟაეიოლშე, ისრაელს ოორუე-ბჟაეიოლშე, სუდანს ობჟათეშეშე დო ლიბიას ბჟადალშე.

ეგვიპტე რე ართ-ართი არძაშე უმოსი მეჭედას დოხორინელი ქიანა აფრიკას დო ბჟადალი აზიას. მახორობაშ უდიდაშ ნორთი ოხორანს წყარმალუ ნილოსიშ ხოლოს, საჰარაშ უდაბნოშ ტერიტორია ფაქტიურო უხორინელი რე. ეგვიპტეშ მენოღალეეფოშ გვერდიშე მეტი ოხორანს დიდ ნოღეფს ნილოსიშ დელტას.

ინდოეთი

ინდოეთი (ჰინ. भारत, ინგლ. India), ედომუშამი ოფიციალური ჯოხოდვალა — ინდოეთიშ რესპუბლიკა - (ჰინ. भारत गणराज्य, ინგლ. Republic of India) — სახენწჷფო ობჟათე აზიას. ქიანაშ მახორობა — 1,22 მილიარდ ადამიერშე უმოსი (2010), ტერიტორია — 3 287 263 კმ², ჟირხოლო მუნაჩემეფით, ობჟათე აზიაშ უდიდაშ სახენწჷფოს წჷმმარინუანს. მოსოფელს მაჟირა აბანს იკენს მახორობაშ მუდანობათ დო მოსოფელს მაშკვითა რე ტერიტორიაშ მეჯინათ. ნანანოღა — ნიუ-დელი. სახენწჷფო ნინეფი — ჰინდი დო ინგლისური.

ფედერაციული, საპარლამენტო რესპუბლიკა. პრემიერ-მინისტრი — ნარენდრა მოდი, პრეზიდენტი — პრანაბ მუხერჯი. ქიანა ირთუ 29 შტატო დო 7 მორსხუე ტერიტორიათ.

ინდოეთის ბჟადალშე უხურგანს პაკისტანი, ოორუე-ბჟაეიოლშე - ჩინეთიშ ოკათე რესპუბლიკა, ნეპალი დო ბჰუტანი, ბჟაეიოლშე - ბანგლადეში დო მიანმარი. თეშ მოხ, ინდოეთის ოზუღე ხურგეფი უღუ ობჟათე-ბჟადალშე მალდივეფწკჷმა, ობჟათეშე - შრი-ლანკაწკჷმა დო ობჟათე-ბჟაეიოლშე - ინდონეზიაწკჷმა. შტატი ჯამუ დო ქაშმირს, ოდებელ ტერიტორიას, ხურგა უღჷ ავღანეთწკჷმა.

იორდანიული დინარი

იორდანიული დინარი (JOD, ვაოფიციალურო JD) — იორდანიაშ ვალუტაშ ართული.

1 დინარი აკმოდირთუ 100 პიასტრშე.

დინარიშ ხურდეფს დო კუპიურეფს გეხანტჷ ომაფე დინასტია. ხურდეფი დო მონეტეფი გოჭარილი რე არაბულ დო ინგლისურ ნინეფშა.

იუანიშ დინასტია

იუანიშ დინასტია — მონღოლეფიშ დინასტია, ნამუთ მართუნდჷ თეხანურ ჩინეთიშ ტერიტორიაშ დიდ ნორთის.

მაურიეფიშ იმპერია

მაურიეფიშ იმპერია — სახენწფო ჯვეშ ინდოეთის ჯვ.წ. 317-180 წანეფს ნანანორათ პატალიპუტრას (ასე პატნა)

მაურიეფიშ სახენწჷფოშ ისტორიული შანულამობა იღვენუ ალექსანდრე მაკედონარიშ ლესქერობეფიშ უკული ნანდაშ იმპერიაშ მეფეფწკჷმა ჩანდრაგუპტა მაურიაშ ტროგებაშ შედეგო. ჩანდრაგუპტა ბერძენი ავტორეფიშით მოშინაფილი რე, მუჭოთ სანდრაკოტი უმწუძინუეთ ცადენდჷ ალექსანდრე მაკედონეარიშ ხვილაფაშ მუშა მოპყრობას დო საბოლოოთ ბერძენეფიშ უდუხვარებუო შილებუ მუშ ომაფეშ გოფართინაფა.

თიშით აკოქიმინელი მაურიეფიშ იმპერია ირო კონტაქტის რდჷ სელევკიდებიშ სირიაწკჷმა დო ბერძენულ-ბაქტრიულ ომაფეწკჷმა.

მაურიეფიშ იმპერიაქ იმპერატორ აშოკაშ ბორჯის უმაღალაშ გოვითარაფას მიოჭირინუ, მუჟამსჷთ ქჷდიჸუნუ ქვერსემი ტერიტორია დო გობაჩუ ბუდიზმი.

იმპერიაქ ქჷდანთხუ აშოკაშ ღურაშე 50 წანაშ უკული შუნგაშ აჯანყაფაშ შედეგო, მუჟამსთ ქიანას ახალი დინასტიაშ მართუალაქ ქჷდიჭუნ.

მინიშ დინასტია

მინიშ დინასტია — ჩინეთიშ იმპერატორეფიშ დინასტია (1368-1644 წწ.). დარსხუ ჯუ იუანჯანქ მონღოლური დინასტია იუანიშ დონთხაფაშ უკული. XV ოშწანურაშ დაჭყაფუს ატარენდჷ ექსპანსიონისტურ გალენურ პოლიტიკას. 1407 წანას ჩინეთიშ ჯარეფქ გეჭოფეს ვიეტნამი. პორტუგალიარეფი ოცადჷდეს ჩინეთშა კუჩხიშ მიშაღალას, თეშ გეშა თე დინასტიაშ იმპერატორქ უ-ძუნქ 1521 წანას ევროპალეფს გუხურგუ ჩინეთშა მიშულა დო დოკილუ არძა ნოშმიორინი აომინიშ (მაკაო) მოხ. 1644 წანას ჸაზახეფიშ ლჷმაშ შედეგო, ნამუსჷთ ლი ძიჩენი დუდენდჷნ, მინიშ დინასტიაქ ქჷდანთხჷ. ჩინარი ფეოდალეფიშ ნორთიქ მიკართჷ მანჯურიალეფს, ნამუეფქჷთ გემიშეჭკირეს ჩინეთშა, გაჩემეს ჸაზახეფიშ ლჷმა, ქიანაშა გემშეღეს მანჯურიული დინასტია ცინი.

ნანდაშ იმპერია

ნანდაშ იმპერია — სახენწფო ინდოეთის (მაგადჰა), ნამუსთ კინოხ მართუნდჷ — შიშუნაგიშ დინასტაშ მაფა მაჰანანდინაშ უკანონე სქიშ დინასტია.

ოორუე კორეა

ოორუე კორეა, ოფიციალურო კორეაშ ოკათე დემოკრატიული რესპუბლიკა ( კორ. 조선민주주의인민공화국) — ქიანა ელახ აზიას, უკებუ კორეაშ ჩქონიშ ოორუე ნორთი. თიში ნანანოღა დო უდიდაში ნოღა რე ფხენიანი. კორეაშ დემილიტარიზაფილი ზონა წჷმარინუანს ბუფერულ ზონას ოორუე დო ობჟათე კორეაშ შქას. წყარმალუ ილუცზიანს დო ტუმენს გიშურს თანჯა ოორუე კორეაშ დო ჩინეთიშ ოკათე რესპუბლიკაშ შქას.

ჩინეთიშ ისტორია

ჩინეთიშ ისტორიაქ — უჯვეშაში ხენაჭარეფიშ მეჯინათ, დოხოლაფირო 3500 წანაშ კინოხ დიჭყჷ. ასეიანი ჩინეთიშ ოკათე რესპუბლიკა ართ-ართი უჯვეშაშ დო უთარაში თი ცივილიზაციაშე რე, ნამუეფით ასე ხოლო სქიდუნა დო გოვითარაფას აგჷნძორენა. კუშ ბაღას ნაძირეფი ხენაჭარეფი, ნამუეფით ჯვეშ ჩინურ ჭარალუას მოგენსჷნ, ითარიღებუ ჯვ. წ. 1500 წანათ. თე დინნაჭარეფიშ მეჯინათ, ჩინური ცივილიზაციაქ დოხოლაფირო 5000 წანაშ კინოხ დიჭყჷ ნოღა-სახენწჷფოეფიშ გჷმოქიმინუათ. მეღებული რე, ნამჷ-და ჩინეთი ართი დიდი ომაფეშ, იმპერიაშ გიმე დოხოლაფირო 2000 წანაშ კინოხ აკიართიანჷ. წჷმოძინელი დინასტიეფქ ქჷდარსხუეს ბიუროკრატიული კონტროლიშ სისტემა, ნამუთ მეშქაშალას არზენდჷ იმპერატორს უდუდებუდუკო გეოგრაფიულო ძალამი დიდი ტერიტორიაშა. თინაქ, ნამუშათ ასე ჩინეთიშ ცივილიზაცია უჯოხონან, იმპერატორი ცინ შიხუანდიშით დიჭყჷ, ჭარალუაშ სისტემაშ დანძალებური დოდგინაშ (ჯვ. წ. 200 წანას) დო კონფუციანიზმშა გერსხილი სახენწჷფო იდეოლოგიაშ (ჯვ. წ. 100 წანას) გჷმოქიმინუაშ უკული.

ცინი

ცინი — იმპერატორეფიშ დინასტია ჩინეთის, ჯვ. წ. 221-207 წწ. დინასტიაშ დჷმარსხუაფალი რე ცინ შიხუანდი. ნანანოღა — ნოღა სიანიანი. ცინიშ პატჷნალაშ პერიოდის აკიქიმინჷ ჩინეთიშ ისტორიას მაართა ცენტრალიზაფილი სახენწჷფოქ. ქიანაქ გირთჷ 36 აკანო, ნამუეფსჷთ იმპერატორიშით დორინაფილი მოხელეეფი პატჷნენდეს. იროიან ლჷმეფქ ქიანაშ ოორუეშე დო ობჟათეშე, ჩინეთიშ დიდი კედალაშ დო მიარემუდანამი დოხორეეფიშ დოდგჷმაქ ოგინაგაფუე ორხუშ გონძალიერაფა გჷმიჭანუ. ჯვ. წ. 209 წანაშ ბოლოს დო 208 წანაშ დაჭყაფუს, ქიანას მადუ ოკათე რიეფქ. გჷმათუთაშ რიაშ ართ-ართი მადუდეშ ლიუ ბანიშ არმიაქ ნოღა სიანიანი ქიხვამილუ დო ცინიშ დინასტიაქ არსებობა მეჭყორიდუ.

ცინიშ დინასტია

ცინიშ დინასტია — ჩინეთიშ ეკონია ოიმპერატორე დინასტია. დარსხუეს მანჯურიალეფქ, ნამუეფით რდეს ცჷნდჷრშე მანჯურიაშა დინოხორაფილი კათა. ცინიშ დინასტია ჩინეთის 1644-1911 წანეფს მართჷნდჷ.

ხონსუ

ხონსუ, ხონსი (ეგვ. „ცა-ცათ“) — ეგვიპტარეფიშ თუთაშ ღორონთი, სუმელაშ მასუმა მაკათური.: მუმა - ამონი, ნანა - მუტი, სქუა ხონსი. თინა რე ნოღა თებეშ დიდი სუმელა, გიშაკერძაფილო დიდი თაყვანიშჩამაშ მეკონი რდჷ რამზეს III-შ ბორჯის (მა-20 დინასტია).

შხვა ნინეფს

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.