დესპოტიზმი

„დესპოტი“ თე სტატიაშა გინმურს. შხვა შანულობაშო ქძ. დესპოტი (მიარეშანულამი).

დესპოტიზმი (ჯვ.-ბერძენ. δεσποτία) — უგუხურგუ ხეშუულება, ნძალაუფლება.

დესპოტი (ჯვ.-ბერძენ. δεσπότης — პატჷნი) — რსხულძალაუფლებამი მამართალი (ვეშქოჩირთან მამართალ-უზურპატორწკჷმა — ტირანწკჷმა).

wikistub ათე სტატია მერკე რე.
თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათ.
მართულაშ ფორმეფი, პოლიტიკური რეჟიმეფი დო სისტემეფი
  • ნოოკრატია
  • ართპარტიული სისტემა
  • ოლიგარქია
  • ოხლოკრატია
პორტალი:პოლიტიკა ·
ავტოკრატია

ავტოკრატია (ბერძენ. αυτός, სქნით დო ბერძენ. κρατέω, მართუა) — სახენწფოშ მართუალაშ ფორმა, ნამუშ ბორჯის ედომუშამი ნძალაუფლება ხვალე ართ ადამიერს უკებჷ.

ანარქია

ანარქია (ბერძენ. αναρχία, უხეშუულებობა) შანენს ჯარალუას, ნამუთ ვემართუ ნამთინ პოლიტიკური ხეშუულებაშით. პოლიტიკურ თეორიას, ნამუთ ალურე თეჯგურა ჯარალუაშ არსებობაშა უჯოხონა ანარქიზმი.

შხვა შანულამობათ ანარქია შანენს არეულობას, უწესრიგობას.

არისტოკრატია

არისტოკრატია (ბერძენ. ἀριστεύς „არისტენს“ — საუჯგუშო, დიდგვაროვანი; κράτος „კრატოს“ — ნძალაუფლება) — მართუალაშ ფორმა, ნამუშ ბორჯისთ ნძალაუფლება უკებჷნა არისტოკრატეფს.

არისტოკრატია თაშნეშე შანენს არისტოკრატეფიშ ართობურობას.

ბიუროკრატია

ბიუროკრატია (ფრანგ. bureau — ბიურო, კანცელარია დო ბერძენ.. κράτος — ნძალაუფლება) — სოციოლოგიაშ დო პოლიტიკური მენცარობეფიშ კონცეფცია, ნამუთ მიოწურუანს სოციალური ორგანიზაციაშ ადმინისტრაციული მართუალაშ დო ოკანონმადვალე წესეფი საშუალებეფშე. ოხანდე ორგანიზაცია იხასიათებუ სტანდარტიზებული პროცედურათ (კანონ-გეჸვენჯობა), გამამინჯალაშ ფორმალური დორთუალათ, იერარქიათ დო ვაპერსონალური ურთიართობეფით.

ირდღარი ბიუროკრატიაშ მინუშეფი რე თარობეფი, აკოანჯარაფილი ნძალები, კორპორაციეფი, სალეხოეფი, სასამართალოეფი, სამინისტროეფი დო სკოლეფი.

შხვა შანულამობათ ბიუროკრატია რე ჯარალუას მეღებული წესეფიშ, კანონეფიშ ზედმეტო მეჸუნა, მუთ ჯარალუაშ მაკათურეფიშ ურთიართობეფს ართულენს.

გერონტოკრატია

გერონტოკრატია (ჯვ.-ბერძენ. γέρων (geron), γέροντος) — რჩინი დო κράτος (kratos) — ხეშუულება, სახენწფო, ნძალაუფლება) — მართუალაშ პრინციპი, ნამუშ ბორჯის ხეშუულება ორხველ უნჩაშ ხანიშ კათას (რჩინეფს).

დემოკრატია

დემოკრატია (ბერძენ. δήμος „დემოს“ — კათა; κράτος „კრატოს“ — კანონი, ნძალა) — სახენწჷფო მართუალაშ ფორმა, მუჟამსჷთ ედომუშამი ნძალაუფლება უშქაშეთ კათას ვარდა თინეფიშ წმმარინაფალეფს ორხველჷ. დემოკრატიაშ თარი მოთხირეფი რე – გიშაგორუაფობა დო კუნტახანობა. თეშ მოხ, ჩინება დემოკრატია იკათუანს ნთელ რანწკ ნებეფს დო დუდიშულას, ნამუსთ ორთა მითმეჩანს ირ ადამიერს უგნურჩიებო თიში რასული, ეთნიკური, კონფესიური, რელიგიური, სოციალური, იდეოლოგიური თუ შხვა დორხველობაში.

დიარქია

დიარქია ჯვ.-ბერძენ. διαρχία из δι- — „ჟირი“ დო ἄρχων — „მამართალი, მაპატჷნალი“) — სახენწჷფოშ ჟირ უმაღალაშ პოსტიშ პიჯიშ სტატუსეფიშ მანგობა.

დიქტატურა

დიქტატურა (ლათ. dictatura) — ავტოკრატიული პოლიტიკური რეჟიმი, ნამუშ ბორჯის ხეშუულებას მაღტუნს დიქტატორი — ადამიერი, ნამუშ ხემანჭუობა ვარე გოხურგელი კონსტიტუციათ ვარდა ნამუგდაინ კანონდვალუათ.

ჯვეშ რომს დიქტატურა რდჷ ბორჯიშიანი პოლიტიკური რეჟიმი; უგნუდვალუ სიტუაციაშ ბორჯის უგუხურგუე პოლიტიკური ხემანჭუობა გჷნაჩამუდჷ ართ ადამიერს — დიქტატორს.

დუალისტური მონარქია

დუალსიტური მონარქია (ლათ. dualis — ჟირფა; ინგლ. executive monarchy — ემაჸონაფალი მონარქია) — კონსტიტუციური მონარქია, ნამუსჷთ მონარქიშ ხემენჭაფა კონსტიტუციათ ვარდა კონსტიტუციური აქტეფით რე გოხურგელი, მარა მონარქი ფორმალურო ვარდა ფაქტიურო ისკილიდუანს ხეშუულებაშ ფართო მოღალობეფს.

იზოკრატია

იზოკრატია (ჯვ.-ბერძენ. ἴσος — მანგი + κρατεῖν — ნძალაუფლება, სახენწჷფო) — მართუალაშ ფორმა,ნამუშ ბორჯის არძა მენოღალეს მანგი პოლიტიკური ნებეფი უღჷნა.

კლეპტოკრატია

კლეპტოკრატია (ჯვ.-ბერძენ. κλέπτειν — ხირუა დო κράτος — პატჷნალა, ნძალაუფლება; ზიტყვაზიტყვათ „მახინჯეფიშ ნძალაუფლება“) — იდეოლოგიური კლიშე, ნამუთ გჷმირინუაფუთი თარობაშ ეიოშინალო, ნამუსთ აკონტროლენა თაღლითეფი, ნამუეფით ნძალაუფლებას გჷმირინუანა მუნეფიშ პიჯური სიდიდარაშ დო პოლიტიკური გოლინაშ გაძინალო დო გამანგარაფალო, სახენწფო რესურსეფიშ მეშქაშობათ. კლეპტოკრატიაშ დჷმახასიათაფალი რე კორუფცია დო ლობიზმი.

კორპორატოკრატია

კორპორატოკრატია (ინგლ. corporatocracy — „კორპორაციაშ ნძალაუფლბა“) — სახენწჷფოშ მართუალაშ ფორმა ვარდა პოლიტიკური სისტეა, ნამუშ ბორჯის ხეშუულება იხორციელებუ ნძალაუფლებამი ვარდა დიდარი კორპორაციეფიშით.

ლიბერალური დემოკრატია

ლიბერალური დემოკრატია რე სამართალებური სახენწჷფო, ნამუთ გერსხილი რე წჷჷმარინაფონ დემოკრატიას, ნამუსჷთ უმენტაშობაშ ნება დო გიშაგორილ წჷმმარინაფალეფიშ ხეშუულებაშ გოხორციელაფაშ საშუალება გოხურგილი რე უმორჩილოშეფიშ ნებეფიშ დო ზოხოაინ მენოღალეფიშ ნებეფიშ თხილუაშ ჯოხოთ.

მილიტოკრატია

მილიტოკრატია (ლათ. miles, militis — მალიმორი, ჯარიშკოჩი დო ჯვ.-ბერძენ. κράτος — ნძალაუფლება), ყაზარმოკრატია — ოურდუმეეფიშ ნძალაუფლება, ოურდუმე დიქტატურა, ოურდუმე სტრუქტურაშე გიშნაველეფიშ მართუალა.

ოლიგარქია

ოლიგარქია (ბერძენ. ὀλιγαρχία; ὀλίγον „ოლიგონ“ — ჭიჭე დო ἀρχή „არქე“ — ნძალაუფლება) — მართუალაშ ფორმა, ნამუშ ბორჯის ნძალაუფლება უკებჷ ადამიერეფიშ ინწრო, ელიტურ წირეს (ოლიგარქეფს), ნამუეფით ნძალაუფლებას გჷმირინუანა მუნეფიშ ინტერესეფიშ ომანგეთ.

ტერმინი მაართათ გჷმირინეს ჯვეშ ბერძენ ფილოსოფოსეფქ პლატონქ დო არისტოტელექ.

პლუტოკრატია

პლუტოკრატია — (ბერძენ. plutokratia, plutos სიდიდარა დო kratos ნძალა, ნძალაუფლება) — პოლიტიკური ნწყილობა, ნამუშ ბორჯისჷთ სახენწჷფოს მართუნს გოპატჷნაფილი კლასიშ არძაშე დიდარ წჷმმარინაფალეფიშ მორჩილმუდანამი ბუნა, კათა - ედომუშამო ნებაშ უმუშო რე.

ტექნოკრატია

ტექნოკრატია (ბერძენ. τέχνη „ტექნე“ — ხელობა დო κράτος „კრატოს“ — მართუალა, მაღვენჯობა) — ჯარალუა, ნამუსჷთ ადამიერეფი მამართვალ პოსტეფს იკენა თინეფიშ კვალიფიკაციაშ მეჯინათ (დო ვართ სამანგათ გიშაგორუეფიშ შარათ).

ტირანია

ტირანია (ბერძენ. τύραννος, τυραννίς) — თეხანური შანულობათ რე დიქტატორული პოლიტიკური რეჟიმი, ნამუთ გიშეგორუაფუ მუშ სიკონწარეთ.

წჷმმარინაფონი დემოკრატია

წჷმმორინაფონი დემოკრატია — პოლიტიკური რეჟიმი, ნამუსჷთ ხეშუულებაშ თარ წყუთ აღიარაფილი რე კათა, მარა სახენწჷფოშ მართუალა დელეგირაფილი (გჷნოჩამილი) აფუ შხვადოშხვა წჷმმორინაფონ ორგანოეფშა, ნამუშ მაკათურეფს მენოღალეეფი გიშმაგორჷნა.

შხვა ნინეფს

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.