ბრიტეფი

ბრიტეფიკელტური ტომეფი, ბრიტანეთიშ კოკეფიშ ჯინჯიერი მახორობა ჯვეშ წანაშეჭარუათ მა-8 ოშწანურაშე ახალი წანაშეჭარუათ მა-5 – 6 ოსწანურაშახ; თინეფიშ ნორთი გოჭყვიდეს ანგლოსაქსეფქ დო შხვა ნორთი გეგნახორუეს უელსიშა დო შოტლანდიაშა,თაშნეშიშე ბრეტანშა (კონტინენტის).

რკინაშ ხანაშ კელტური ტომეფი ბრიტანეთის

ცენტრალური ბრიტანეთი

  • დობუნეფი — თეხანური გლოსტერშირი, ჰერეფორდშირი, ოქსფორდშირი დო უესტ–მიდლენდსი
  • იცენეფი — თეხანური ნორფოლკი, საფოლკი დო კემბრიჯშირი
  • კატუველაუნეფი — თეხანური ჰარტფორდშირი, კემბრიჯშირი დო დიდი ლონდონი ტემზაშე ორუმეშე
  • კორიტანეფი — თეხანური ლინკოლნშირი, ლესტერშირი დო სტაფორდშირი
  • კორნოვიეფი — თეხანური ჩეშირი, დერბიშირი დო შროპშირი
  • პარიზიეფი — თეხანური იორკშირიშ ელახ რაიდინგი
  • ტრინოვანტეფი — თეხანური ესექსი დო საფოლკი

ოორუე ბრიტანეთი

  • ბრიგანტეფი — თეხანური იორკშირი, კამბრია, ლანკაშირი დო დარემი
  • ვოტადინეფი — ორუმეშ ნორტუმბერლენდი, შოტლანდიაშ თანჯეფი დო ელახ ლოტიანი
  • დამნიეფი — სტრატკლაიდი
  • კალედონელეფი — შოტლანდიაშ მაღალგვალამეთი

ობჟათე ბრიტანეთი

  • ანკალიტეფი — სამემჩქუდოთ ტემზაშ ველი, ლონდონიშ ბჟადალუშე
  • ატრებატეფი (ართ–ართი ბელგეფიშ ტომეფიშე) — თეხანური ჰემპშირი, ტემზაშ ველი
  • ბელგეფი — თეხანური ჰემპშირი დო გლოსტერშირი
  • ბიბროკეფი — თეხანური ბერკშირი
  • დუროტრიგეფი — თეხანური სომერსეტი დო დორსეტი
  • დუმნონიეფი (დუმნონეფი) — თეხანური დევონი, კორნუოლი დო სომერსეტი
  • კანტიაკეფი (კანტიეფი) — თეხანური კენტი
  • რეგნიეფი — თეხანური სურეი დო სუსექსი

ბჟადალი ბრიტანეთი

  • განგანიეფი (ართ–ართი ორდოვიკეფიშ ტომეფიშე) — გვერდოკოკი ლაინი
  • დეკეანგლიეფი — თეხანური ფლინტშირი დო დენბიშირი
  • დემეტეფი — თეხანური პემბრუკშირი, კერედიგიონი დო კარმარტენშირი
  • ორდოვიკეფი — ორუმ–ბჟადაალ უელსი: ისტორიული გვინედი დო ორუმეშ პოუისი
  • სილურეფი — ობჟათე–ელახ უელსი: ისტორიული გლამორგანი, მონმუტშირი დო ობჟათე პოუისი

რესურსეფი ინტერნეტის

wikistub ათე სტატია მერკე რე.
თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათ.
პიქტეფი

პიქტეფი (ოეგებიეთ ლათ. Picti — "ღაფილეფი", მუჭოთ რჩქჷნ მუშითჯოხოშე) — შოტლანდიაშ უჯვეშაში მახორობა.

ართ-ართი ვერსიათ პიქტეფი კელტეფიშე ოკო მიშან, თინეფი კელტეფს ძალამი ორდო გაგმორთუნა, მეხოლაფირო ჩქ. წ. ეკოროცხუაშა I ვითოშწანურას. ბრიტანალი კჷლმარკვიაფალეფი უმოსო პიქტეფიშ იბერეფიშით გოჭყაფაშ ვერსიას იზიარენა.

პიქტეფს ომოჯგირჷდეს კრუითნეფი (Cruthin, Cruithnig, Cruithni), ნამუეფით ირლანდიაშ ტერიტორიას ოხორანდეს.

პიქტეფი შოტლანდიაშ ცენტრალური დო ოორუე ნორთის ოხორანდეს ფერტ-ოფ-ფორტიშ ჸუჯიშ ოორუეშე. პიქტეფი ბრელშა ონწყჷნდეს ბრიტანეთიშ ობჟათეშა აშაკათინს. IV ოშწანურაშ 60-იან წანეფს ლონდონშახჷთ ქჷმიოჭირინეს. დუდშე პიქტეფი ტომობური გოართიანაფას წჷმარინუანდეს, ოდო VI ოშწანურაშო მუზმარენი სახენწჷფოშნერი გოართიანაფა ქჷდარსხუეს, ნამუქჷთ უკული პიქტეფიშ ომაფეთ გჷნირთჷ. VI ოშწანურას პიქტეფქ გექირსიანეს. ახალ რჯულშა თინეფი ირლანდიარ მისიონერ კოლუმბიქ მუკართინუ. პიქტეფიშ სახენწჷფოს გოპეულუაშ ხანაქ VIII ოშწანურას დუდირთჷ, ნამუშ უკულით პიქტეფქ ქჷმახერხეს ანგლეფიშ ოორუეშა გინოაბანუაშა ხე დუნჩალუდესკონ (ლჷმა ნექტანსმერწკჷმა 685 წ.), მოგვიანაფათ ბჟადალუშე შოტლანდიარეფიშ ურდუმეფიშ აშაკათინეფი გაჩემეს.

პიქტეფიშ სახენწჷფო მონწყუალაშ მუშობურობას წჷმარინუანდჷ ხვისტაშ გჷნოჩამას მუმაშე სქუაშა ვარინ, ნანაშე სქუაშა. თეშ გეშა, შხვადოშხვა ჟამს პიქტეფიშ მაფეფი რდეს გელური დალ-რიადაშ დინასტიაშ, ბრიტეფიშ სტრატკლაიდიშ დო ანგლეფიშ ნორთუმბრიაშ წჷმმარინაფალი პრინცესეფიშ ბოშეფი. 843 წანას პიქტეფიშ მაფათ კენეთ I აკურთხეს. თიქ პიქტეფიშ დო სკოტეფიშ სახენწჷფოეფი შოტლანდიაშ ომაფეთ გჷნართინუ. ჭიე-ჭიეთ სკოტეფიშ გელურ ნინაქ პიქტეფიშ ნინაკაღუ გეგშარაჸჷ (ნამუშ გენეტიკური მუმაულობაშე ამდღარშახ მეურს გადარი), კუნტა ხანშა, უკვე ასიმილირაფილ პიქტეფქ, მუჭოთ ზოხორინელ ერქ რინა მეჭყვიდჷ.

ვალიურ ლიტერატურას პიქტეფი იჯოხობუნა მუჭოთ 'Pryden', ოდო ბრიტანეთიშ კოკი მუჭოთ — 'Prydain'. თაშ ნამდა ჯოხოდვალა "ბრიტანეთი", "ბრიტეფი" დუდშე შილებე პიქტეფს ეთმოშანჷნდჷ, დო მოგვიანაფათ ედომუშამი კოკიშ დო თექ რინელი მახორობაშ ეთმაშანალი ტერმინო გჷნირთჷ.

შოტლანდიურ-გელური ნინა

შოტლანდიური ნინა ვარა გელური (გაელური) ნინა (მუშით ჯოხო Gàidhlig; ინგლ. Gaelic ვარა Scottish Gaelic) — კელტური ნინეფიშ ართ-ართი წჷმმარინაფალი. მორაგადეეფი კელტური მუმალობაშ კათა გელეფი რენა, ნამუეფით ტრადიციულო გვალამ შოტლანდიას დო ჰებრიდიშ კოკეფს ოხორანა. გელურ ნინაშა მორაგადეეფიშ მუდანობა შოტლანდიას 58 652 ადამიერიე (2001 წანაშ ეჭარუათ), 500-1000 კოჩიშახ ოხორანს კანადას. თე ნინაქ ოკო ვაშმოჩირთანი ანგლო-შოტლანდიურ ნინაშა (Scots), ნამუთ გერმანიკული ნინა რე დო ხოლოშიანი მოჯგირე რე ინგლისური ნინაშ. წორეთ თე ნინაშა ჭარჷნდჷ რობერტ ბერნსი. თუდოლენი შოტლანდიასჷთ თე ნინაშა იჩიებუ მახორობაშ დიდი ნორთი.

შხვა ნინეფს

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.