ბრაზილია

Flag of Brazil Coat of arms of Brazil
Brazil (orthographic projection)
ბრაზილია
ნანანოღა ბრაზილია
უდიდაში ნოღა სან-პაულუ
ოფიციალური ნინეფი პორტუგალიური
თარობა ოპრეზიდენტე რესპუბლიკა
პრეზიდენტი დილმა რუსეფი
ფართობი 8,514,877 კმ²(მა-5)
მახორობა 192,272,890 (მა -5)
ვალუტა რეალი (BR)
ქიანაშ კოდი BRA
ოტელეფონე კოდი +55

ჯოხოდვალა

  • ოფიციალური: ბრაზილიაშ ფედერაციული რესპუბლიკა
  • პორტუგალიური: República Federativa do Brasil.
  • ეტიმოლოგია: - ქიანაშ ჯოხო Brasil მეღებული რე თაქ გოფაჩილი ჭითა ჯაშე, ნამუსჷთ თაქიან ინდიელეფ უძახჷნა „პაუ-ბრაზილს“.
  • ქიანაშ კოდი: BR.

გეოგრაფია

ბრაზილია აშაძჷ ობჟათე ამერიკას დო უკჷნებუ თე კონტინენტიშ გვერდი ტერიტორია. სამძღო უღუ კონტინენტიშ 12 ქიანაშე 10-წკჷმა (არძაწკჷმა, ეკვადორიშ დო ჩილეშ მორკებათ). თენე რენა: ურუგვაი, არგენტინა, პარაგვაი, ბოლივია, პერუ, კოლუმბია, ვენესუელა, გაიანა, სურინამი დო საფრანგეთიშ გვიანა. არძაშე უგინძაშ სამძღო უღუ ბოლივიაწკჷმა 3400 კმ, არძაშე უმოს ჭიჭე სურინამწკჷმა - 597 კმ.

სახენწჷფო

  • სახენწჷფოშ მადუდური: პრეზიდენტი დილმა რუსეფი (2011).
  • კანონიშდუმადვალუ ორგანო: ჟირპალატამი ერუანული კონგრესი (81+513მაკათური).

ადმინისტრაციული დორთუალა

ბრაზილია ფედერალური სახენწჷფო რე, ნამუთ აკმოდირთუ 26 შტატშე (estado) დო 1 ფედერალური ოლქიშე (distrito federal). შტატეფს უღჷნა მუნეფიშ კონსტიტუცია, კანონიშდუმადვალუ ორგანო დო ჸუნა გუბერნატორეფი.

  • ოორუე ამაზონეთი: აკრი – ამაპა – ამაზონასი – პარა – რონდონია – რორაიმა – ტოკანტინსი.
  • ოორუე-ელახი: ალაგოასი – ბაია – მარანიანი – პარაიბა – პერნამბუკუ – პიაუი – რიუ-გრანდი-დუ-ნორტი – სეარა – სერჟიპი.
  • ობჟათე-ელახი: ესპირიტუ-სანტუ – მინას-ჟერაისი – რიო-დე-ჟანეირო – სან-პაულუ.
  • ობჟათე: პარანა – რიუ-გრანდი-დუ-სული – სანტა-კატარინა.
  • ცენტრალური ბჟადაალი: ფედერალური ოლქი – გოიასი – მატუ-გროსუ – მატუ-გროსუ-დუ-სული.

დემოგრაფია

  • მახორობა: 192,272,890 მლნ (2009), თენეფშე 55% ჩე (კჷნოხონეფით პორტუგალიარეფი, ნემეცეფი, იტალიარეფი, ესპანარეფი, პოლონარეფი), 38% მიშნაკათეფი, 6%უჩა.
  • ნინეფი: პორტუგალიური-ოფიციალური, თე ნინაშა იჩიებუ მახორობაშ 92%, ესპანური, ინგლისური, ფრანგული.
  • რელიგია: კათოლიციზმი.
  • ნოღეფი(ვითოში) : ბრაზილია (2.160, ნანანოღა), სან-პაულუ (10,195; აგლომ. 18,847), რიო-დე-ჟანეირო (6,120; აგლომ. 11,437), ბელუ-ორიზონტი (2,347; აგლომ. 4,519), სალვადორი (2,590; აგლომ. 3,253), ფორტალეზა (2,278; აგლომ. 3,044), კურიტიბა (1,670; აგლომ. 2,907), მანაუსი (1,644), რესიფი (1,515; აგლომ. 3.646)

ჩინებული ბრაზილიარეფი

  • არქიტექტორი - ოსკარ ნიმეიერი.
  • ჭარუეფი - ჟორჟი ამადუ, პაულო კოელიო.
  • პოლიტიკოსეფი - ჟუსელინუ კუბიჩეკი, ფერნანდო კარდოსო.
  • სპორტსმენეფი - პელე, გარინჩა, ზიკო, ბებეტო, რომარიო, რონალდო,რონალდინიო,კაკა, (არძა კუჩხბურთი), ემერსონ ფიტიპალდი, აირტონ სენა, ნელსონ პიკე (არძა ავტორულა).
  • მაბირეეფი მარისა მონტე, ივეტი სანგალო, სალომე დე ბაია.

რესურსეფი ინტერნეტის

არგენტინა

არგენტინა ოფიციალურო არგენტინაშ რესპუბლიკა (ესპ . República Argentina) — ობჟათე ამერიკაშ სიდიდათ მაჟირა ქიანა, კონსტიტუციური მონწყილობათ რე ფედერალური ოპრეზიდენტე რესპუბლიკა, 23 პროვინციათ დო ბუენოს-აირესიშ ავტონომიური ოლქით. არგენტინა მოსოფელს სიდიდათ მაბრუო ქიანა რე დო არძაშე უდიდაში რე ესპანურ ნინაშა მაჩიებე ქიანეფ შქას მოსოფელს.

არგენტინაშ ტერიტორია იდვალუაფუ ბჟადალშე ანდეფიშ გვალონეფს დო ბჟაეიოლშე ატლანტიშ ოკეანე შქას. ოორუეშე ომძღჷ პარაგვაი დო ბოლივია, ოორუე-ბჟაეიოლშე ბრაზილია დო ურუგვაი, ბჟადაალშე დო ობჟათეშე-ჩილე. არგენტინას პრტენზიეფი უღუ ფოლკლენდიშ კოკეფშე, ობჟათე გეორგიაშე დო სენდვიჩიშ კოკეფშე, ნამუეფით რე ბრიტანეთიშ ზუღაშმელენი ტერიტორიეფი.

არგენტინა რე გოერო-შ, დიდი ეჩიანიშ მაკათური დო ობჟათე ამერიკაშ ერეფიშ რსხუშ ართ-ართი დჷმარცხუაფალი.

ბოლივია

ბოლივია, ოფიციალურო ბოლივიაშ მიარეერუანი სახენწჷფო (ესპ. Estado Plurinacional de Bolivia, კეჩ. Bulivya Mamallaqta, აიმარ. Wuliwya Suyu, გუარ. - Tetã Volívia) — მოსოფელიშ ოკიანეშა გჷშაულარიშ უღვენჯი სახენწჷფო ობჟათე ამერიკას. იდვალუაფუ კონტინენტიშ ცენტრალურ ნორთის.

ოორუეშე დო ოორუე-ბჟაეიოლშე ბოლივია უხურგანს ბრაზილიას, ობჟათე-ბჟადალშე - პარაგვაის, ობჟათეშე - არგენტინას,ობჟათე-ბჟადალშე დო ბჟადალშე - ჩილეს დო პერუს. მოსოფელიშ ოკიანეშა გჷშაულარიშ უღვენჯი სახენწჷფო, მარა 2010 წანას, პერუწკჷმა ხე მაჭარჷ აპიჯალას, 99 წანაშ ხანით, პერუშ წყარპიჯიშ ჭიჭე ნორთიშ არენდათ გინოჩამაშო ონოშეშ აკაგაფალო.

ევროპულ კოლონიზაციაშახ, ანდეფიშ თი რეგიონი, სოდგათ ამდღა ბოლივია იდვალუაფუ, წჷმარინუანდჷ კოლუმბიშახიანი ამერიკაშ არძაშე დიდი სახენწჷფოს - ინკეფიშ იმპერიაშ ნორთის. თე ტერიტორია XVI ოშწანურას ესპანეთიქ გეჭოფუ. ესპანური კოლონიალიზმიშ ფარანს, თე ტერიტორიას ჯოხოდჷ ჟიმოლენი პერუ დო მიშმეშჷ პერუშ ვიცე-ომაფეშა . ქიანაქ ზოხორინელობა ქჷმიღ 1825 წანაშ 6 მარაშინათუთას დო თის ობჟათე ამერიკაშ ზოხორინაშო მალჷმორი, სიმონ ბოლივარიშ პატიოჩამალო ბოლივიაქ ქჷგიადუ.

ამდღარშო, ბოლივია ოპრეზიდენტე, წჷმმარინაფალური დემოკრატიაშ რესპუბლიკა რე. ადმინისტრაციულო ირთუ 9 დეპარტამენტო.

ბრაზილიარეფი

ბრაზილიარეფი — კათა, ბრაზილიაშ ჯინჯიერი მახორობა; 149 მლნ. თაჸურეშე ევროპალი ბრაზილიარეფი - 48%, მეტისეფი დო მულატეფი - 44%, ზანგეფი დო ინდიარეფი - 8%. ბრაზილიაშ მოხ ოხორანა პორტუგალიას, არგენტინას, ააშს, პარაგვაის.

ჯოხო: — Brasilienos

მუდანობა: 190,732,694

ნინა: პორტუგალიური (ბრაზილიური პორტუგალიური) .

მორწუმეეფი: კათოლიკეეფი.

დოჰა

დოჰა (الدوحة) — კატარიშ ნანანოღა დო უდიდაში ონიშოლი. 2008 წანაშ მუნაჩემეფით ნოღას ოხორანს 998,651 ადამიერი. დოჰას რე დორსხუაფილი შხვადოშხვა კომპანიეფიშ შტაბეფი: Qatar Petroleum, Qatargas, RasGas დო შხვა. დოჰას რე ინტერნაციონალური აეროპორტი. ნოღას რე ტელეკომპანია ალ ჯაზირაშ ცენტრალური ოფისი ხოლო.

ვენესუელა

ვენესუელა, ედომუშამი ოფიციალურ ჯოხოდვალა — ბოლივარიული რესპუბლიკა ვენესუელა (ესპ. República Bolivariana de Venezuela, МФА: [reˈpuβlika βoliβaˈɾjana ðe βeneˈθwela]) — სახენწჷფო ობჟათე ამერიკაშ ოორუეს. ოორუეშე ატლანტიშ ოკიანე დო კარიბიშ ზუღა უხურგანს, ბჟაეიოლშე უხურგანს გაიანა, ობჟათეშე — ბრაზილია დო ბჟადალშე - კოლუმბია.

იაპონარეფი

იაპონარეფი , ერი, იაპონიაშ ჯინჯიერი მახორობა (99%). ოხორანა იაპონიაშ კოკეფს დო შხვადოშხვა ქიანეფს: ააშ, კანადა, ბრაზილია დო შხვა. იჩიებუნა იაპონურ ნინაშა.

ჯოხო: – ნიჰონჯინ;

მუდანობა: 125,6 მლნ.

ნინა: იაპონური.

რელიგია: ბუდიზმი, სინტოიზმი

კოლუმბია

კოლუმბია, ოფიციალურო კოლუმბიაშ რესპუბლიკა (ესპ. República de Colombia) — უნიტარული კონსტიტუციური რესპუბლიკა ობჟათე ამერიკას; აკმოდირთუ 32 დეპარტამენტშე. იდვალუაფუ კონტინენტიშ ოორუე-ბჟადალ ნორთის. ოორუე-ბჟაეიოლ განშე უხურგანს პანამა, ოორუეშ განშე — კარიბიშ ზუღა, ბჟაეიოლ განშე — ვენესუელა და ბრაზილია, ობჟათეშ განშე — ეკვადორი დო პერუ, ბჟადალ განშე — რჩქალი ოკიანე. კოლუმბია ფართობით მოსოფელიშ 26-ა უდიდაში ქიანა რე, ობჟათე ამერიკას მაოთხა, ბრაზილიაშ, არგენტინაშ დო პერუშ უკული. 46 მილიონ მახორუთ, კოლუმბია მოსოფელს 27-ა ქიანა რე, ესპანურნინამ ქიანეფს შქას მაჟირა, მექსიკაშ უკული. კოლუმბია განვითარებადი სახენწჷფო რე; თეჟამშო გაჩქჷ მაოთხა უდიდაში ეკონომიკა ლათინურ ამერიკას დო მასუმა ობჟათე ამერიკას.

ლათინური ამერიკა

ლათინური ამერიკა (ესპ. América Latina, Latinoamérica; პორტ. América Latina; ფრანგ. Amérique latine; ინგლ. Latin America) — ამერიკაშ კონტინენტიშ რეგიონი, სოდეთ იჩიებუნა რომანული ნინეფიშა, ესპანურო დო პორტუგალიურო, კანკალე აბანს ფრანგულო. უკინებუ დიხაუჩაშ ფართობიშ 3,9%. 2010 წანაშ მუნაჩემეფით ლათინურ ამერიკას ოხორანს 590 მილიონშე უმოსი კოჩი. ლათინურ ამერიკას რთუნა შხვადოშხვა რეგიონეფო:

ოორუე ამერიკა - ართი ქიანა მექსიკა,ცენტრალური ამერიკა - 7 ქიანა: ბელიზი, გვატემალა, სალვადორი, ჰონდურასი, ნიკარაგუა, კოსტა-რიკა, პანამა.ობჟათე ამერიკა - 12 ქიანა დო 2 დამოკიდებული ტერიტორია: კოლუმბია, ვენესუელა, გაიანა, სურინამი, ბრაზილია, ეკვადორი, პერუ, ბოლივია, ჩილე, პარაგვაი, არგენტინა, ურუგვაი, საფრანგეთიშ გვიანა, ფოლკლენდიშ კოკეფიკარიბეფი - 14 სახენწჷფო დო 13 ტერიტორია: : ბაჰამიშ კოკეფი, კუბა, ჰაიტი, დომინიკარეფიშ რესპუბლიკა, იამაიკა, სენტ-კრისტოფერი დო ნევისი, ანტიგუა დო ბარბუდა, დომინიკა, სენტ-ლუსია, ბარბადოსი, სენტ-ვინსენტი დო გრენადინეფი, გრენადა, ტრინიდადი დო ტობაგო, პუერტო-რიკო, არუბა, ჰოლანდიაშ ანტილეფი , სენ-მარტინი, სენ-ბართელმი, ტერქსიშ დო კაიკოსიშ კოკეფი, კაიმანიშ კოკეფი, ბრიტანეთიშ ვირჯინიაშ კოკეფი, ვირჯინიაშ კოკეფი, ანგილია, მონსერატი, გვადელუპა, მარტინიკა.

მოსოფელიშ მონძალაშ კომიტეტი

მოსოფელიშ მონძალაშ კომიტეტი გჷთმოხურგანც, ნამუ ობიექტი მიშეღანი იუნესკოშ მოსოფელიშ მონძალაშ ერკებულშან. კომიტეტი აკმოდირთუ 21 სახენწჷფოშ წჷმმარინაფალეფშე, ნამუეფსჷთ გჷშმაგორჷნა გენერალური ასამბლეაშ მაკათური სახენწჷფოეფი, ოთხი წანაშ ხანით.მოსოფელიშ მონძალაშ კონვენციაშ მეჯინათ, კომიტეტიშ მაკათურიშ ნებაქუნილობაშ ხანი რე ამშვი წანა, მორო ბრელი მაკათური სახენწჷფო კომიტეტიშ მაკათურეფს გჷშმაგორჷნს მუნეფიშ კორინით, ხვალე ოთხი წანაშ ხანით, შხვა ქიანაშ წჷმმარინაფალეფსჷთ ქიამიაჩანი კომიტეტიშ მაკათურობაშ მეშქაშალაქჷნ.

მოსოფელიშ მონძალაშ ობიექტეფიშ ერკებული ამერიკას

მოსოფელიშ მონძალაშ ობიექტეფიშ ერკებული ამერიკას — თენა რე გოართოიანაფილი ნაციეფიშ განათლებაშ, მენცარობაშ დო კულტურაშ ორგანიზაციაშ მოსოფელიშ მონძალაშ ობიექტეფიშ ერკებული ამერიკას (ოორუე ამერიკა, ობჟათე ამერიკა ცენტრალური ამერიკა დო კარიბეფი). ჰავაი დო თანაფაშ კოკეფი, გეოგრაფიული აბანდვალაშა ვენკოჯინათ მიშაღალირი რე თე ერკებულშა ოორუე ამერიკაწკჷმა პოლიტიკური რცხუეფიშ გეშა. მექსიკა რე ქიანა, ნამუთ მოსოფელიშ მონძალაშ არძაშე უმოსი ობიექტითიე წჷმორინაფილი რეგიონს, თინა მოსოფელიშ მაამშვა აბანს რე თე მაძირაუეფით.

ნანანოღა

ნანანოღა რე სახენწჷფოშ ვარა შხვა ადმინისტრაციული ტერიტორიაშ (ოლქიშ, პროვინციაშ, ავტონომიური ართურიშ) თარი ნოღა, სოდეთ მუჭოთ წესინ დონწყილიე ხეშუულობაშ დო მმართველუაში უმაღალაში ორგანოეფი: პრეზიდენტიშ, მონარქიშ, გუბერნატორიშ რეზიდენცია, პარლამენტი, ცენტრალური სამინისტროეფი დო უჭყაფეფი, ქიანაშ უმაღალაში სასამარათლო დო შხვა.

ნანანოღა შხირას ზოხო ადმინისტრაციული ართურო რე გიმორთილი, სამანგათ ნოღა ვენას კონსტიტუციათ მესხვენილი აფუ აკანიშ სტატუსი.

ნანანოღა შილებე ვარდას ქიანაში უდიდაში ნოღა. თეშ სამანგეფი რე ანკარა თურქეთის, ვაშინგტონი ააშ-ს, კანბერა ავსტრალიას დო შხვა. უმოსჷთ ხოლო, ეკონია ვითწანურეფს კილმარჩქინდუ ტენდენციეფი ნანანოღაშ გინოღალა მორჩილი სიდიდაშ ნოღეფშა: (ნურსულთანი ყაზახეთის, დოდომა ტანზანიას, იამუსუკრო კოტ-დ’ივუარს) ვარა რსულაშო ახალი ნანანოღეფიშ კიდუაშ: (ბრაზილია, ისლამაბადი).

ნამთინე ქიანას პრაქტიკულო აღიარაფილიე ჟირნანანოღალა: ნიდერლანდეფიშ ოფიციალური ნანანოღა რე ამსტერდამი, მარა თარალა დო უმაღალაში სასამართლო ჰააგაშა რე გინოღალირი, ანალოგიური სიტუაცია რე ბოლივიას (სუკრე - კონსტიტუციური ნანანოღა რე, ლა-პასი - ფაქტიური), კოტ-დ’ივუარს (იამუსუკრო დო აბიჯანი), შრი-ლანკას, ჩილეს, მალაიზიას, ობჟათე აფრიკაშ რესპუბლიკას.

პერუ

პერუშ რესპუბლიკა — სახენწჷფო ობჟათე ამერიკაშ ბჟადალ ნორთის, რჩქალი ოკიანეშ ოძგაშეს. ორუმეშშე თის ომძღჷ ეკვადორი დო კოლუმბია, ელახშე — ბრაზილია, ობჟათე-ელახშე — ბოლივია, ობჟათეშე — ჩილე. ქიანაშ ფართობი აკმადგინანს 1 285 220 კმ²-ს.

პერუშ ტერიტორიას შხვადოშხვა ამერიკული ცივილიზაცია ფალჷნდჷ, თინეფ შქას რე ნორტე-ჩიკოშ კულტურა, — ართ-ართი უჯვეშაში კულტურა რე მოსოფელს. პერუშ ტერიტორიას კოლუმბიშახიან ამერიკას უშანულამაშ როლს ლაჸაფენდჷ ინკეფიშ იმპერია, ინკეფქ უდიდაში კულუტურლი დო პოლიტიკური თირაფეფი მახვამილეს ვართ ხვალე პერუს, თაშნეშე ედომუშამ ობჟათე ამერიკას. XVI ოშწანურას ესპანეთიშ იმპერიაქ მახერხჷ ინკეფიშ იმპერიაშ ეჭოფუა, პერუს გიჭყჷ პერუშ ვიცე-სამაფო, ნამუთ ესპანეთიშ რიგითი კოლონია რდჷ. 1821 წანას პერუქ ზოხორინალაშო ლჷმას მიოჭირინდუ ზოხორინალას.

თეხანური პერუშ ტერიტორია ირთუ 25 რეგიონო. პერუშ გეოგრაფია დიდო მიარეფერუანი რე, ქიანაშ ტერიტორიაშ ბჟადალი ნორთი უკინებუ ანდეფიშ გვალეფიშ სისტემას, დო ქიანაშ ორუმეში ნორთი მიკინანს წყარმალუ ამაზონიშ ლეხერს. ქიანა ადამიერიშ გოვითარაფაშ ინდექსიშ მეჯინათ გვარიან მაღალ დონეს რე.

პერუშ მახორობა 2007 წანაშ მუნაჩამუეფით 29 მილიონ ადამიერს აკადგინანს, ნამუშ შანულამ ნორთის ინდიარეფი, ევროპალეფი, აფრიკალეფი დო აზიარეფი აკმადგინანა. მახორობაშ დიდი ნორთი იჩიებუ ესპანურ ნინაშა, პერუშ გვალამ ნორთის ჯინჯიერო რაგადანა კეჩუაშა დო შხვა აბანობურ ნინეფშა. პერუ გჷშეგორუ მუში უნიკალური დო გოშხვაფერაფილი კულტურათ, ტრადიციეფით, ბირეფით დო ლიტერატურათ.

პორტუგალია

პორტუგალია (პორტუგალიური: República Portuguesa) — ევროპაშ უძგაშაშ ობჟათე-ბჟადალ ნორთის დვალირი სახენწჷფო. პორტუგალიას ბჟადალშე ომძღჷ ატლანტიშ ოკეანე, ბჟაეიოლშე დო ოორუეშე - ესპანეთი. ატლანტიშ ოკიანეს დვალირი აზორიშ კოკეფი დო მადეირა მიშმურს პორტუგალიაშ აკოდგინალუაშა.

პორტუგალიური ნინა

პორტუგალიური ნინა — პორტუგალიარეფიშ დო ბრაზილიარეფიშ ნინა, ორხველჷ ინდოევროპული ფანიაშ რომანულ ნინეფს.

ჟილენი დონეშ ერუანული დომენი

ჟილენი დონეშ ერუანული დომენი (ccTLD) რე ინტერნეტიშ ჟილენი დონეშ დომენი, ნამუთ, მუჭოთ წესინ, ნამუდგა იჸინი კონკრეტული ქიანაშო ვარა მუკობუნაფილი ტერიტორიაშო გჷმირინუაფუ.

რესპუბლიკა

რესპუბლიკა (ლათ. Res Publika — „კათაშ საქვარი“) — სახენწჷფო მართუალაშ ართ-ართი ფორმა.

ალმახანური მოსოფელიშ სახენწჷფოეფიშ უმენტაშობა რესპუბლიკური მართუალაშ გემაჸვენჯი რეა. რესპუბლიკური

მართუალაშ ბორჯის სახენწჷფოშ მადუდეს გჷშმაგორჷნა გორკვეული ხანით. რესპუბლიკური მართუალაშ კლასიკური

ქიანეფიე: ააშ, საფრანგეთი, ფინეთი, იტალია, ბრაზილია და თ. უ.

რესპუბლიკური მართუალაშ ბორჯის გჷშმართჷნა საპრეზიდენტო ხეშუულებაშ მუსხირენ ფორმას.

სან-პაულუ

სან-პაულუ (პორტ.: São Paulo) — ნოღა ბრაზილიას, შტატ სან-პაულუს.

საფრანგეთი

საფრანგეთი, ოფიციალურო საფრანგეთიშ რესპუბლიკა (ფრანგ. République française) — ქიანა ბჟადალ ევროპას, იკათუანს ევროპაშ თე ნორთის, მუდგაზმარენი კოკიშ დო ზუღაშმელენი ტერიტორიაშ ნორთის. მუს ომძღჷ (ოორუეშე სათიშ კოპულიშ (ისარიშ) გეჸუნათ) ევროპაშ გეჸვენჯი ქიანეფი: ბელგია, ლუქსემბურგი, გერმანია, შვეიცარია, იტალია, მონაკო, ესპანეთი დო ანდორა. ზუღაშმელენ ტერიტორიეფს ომძღჷ ბრაზილია დო სურინამი (საფრანგეთიშ გაიანას), ნიდერლანდიშ ანტილეფი (სენ-მარტენს). საფრანგეთი მერსხუაფილი რე გოართოიანაფილ ომაფეწკჷმა ევროტუნელით, ნამუთ გუთმურს ინგლისის არხიშ თუდო.

საფრანგეთი ორხველჷ გოვითარაფილ ქიანეფს დო მახუთა აბანს რე ედომუშამი დინოხოლენი პროდუქტიშ მეჯინათ მოსოფელს. საფრანგეთი ირ წანას ღებულენს 82 მილიონ ტურისტის. საფრანგეთი რე გოართოიანაფილი ერეფიშ ორგანიზაციაშ ართ-ართი გჷმაჭყაფალი დო რე გეჸვენჯი ორგანიზაციეფიშ მაკათური: ფრანკოფონია, ევროკავშირი, დიდი ბრუოიანი, ეკონომიკური გოვითარაფაშ დო ალმახანდობაშ ორგანიზაცია, მოსოფელიშ სავაჭარო ორგანიზაცია დო ლათინური გოართამაფა. რე გოართოიანაფილი ერეფი ორგანიზაციაშ უშქურანჯობაშ სხუნუშ ხუთ ირიათოიან მაკათურშე ართ-ართი.

სურინამი

სურინამი (ჰოლ. Suriname, МФА: [ˌsyːriˈnaːmə]), ოფიციალური ჯოხოდვალა - სურინამიშ რესპუბლიკა, (ჰოლ. Republiek Suriname), წოხოლე ვაოფიციალურო რჩქინელი რდჷ მუჭოთ - ჰოლანდიაშ გვიანა - სახენწჷფო ობჟათე ამერიკაშ ოორუე-ბჟაეიოლს. ბჟადალშე უხურგანს გაიანა, ბჟაეიოლშე - საფრანგეთიშ გვიანა, ობჟათეშე - ბრაზილია დო ოორუეშე ატლანტიშ ოკიანე.

შხვა ნინეფს

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.