ავსტრალია

ავსტრალია (ინგლ. Australia; ოფიციალურო ავსტრალიაშ რსხუ ინგლ. Commonwealth of Australia) — სახნწჷფო ავსტრალიაშ კონტინენტის. უშუალო ოსქირონე მეძობელი ვა ჸუნს, ზუღაშე ომძღჷ: ინდონეზია, ბჟაეიოლი ტიმორი დო პაპუა-ახალი გვინეა ოორუეჸურე, სოლომონიშ კოკეფი, ვანუატუ დო ახალი კალედონია ოორუე-ბჟაეიოლჸურე დო ახალი ზელანდია ობჟათე-ბჟაეიოლჸურე.

Flag of Australia Coat of Arms of Australia
Australia (orthographic projection)
ავსტრალია
ნანანოღა კანბერა
უდიდაში ნოღა სიდნეი
ოფიციალური ნინეფი ინგლისური
თარობა ფედერალური ოპარლემენტე

დო კონსტიტუციური მონარქია

მონარქი ელისაბედ II
პრ. მინისტრი ჯულია გილარდი
ფართობი 7,741,220 კმ²(მა-6)
მახორობა 2011 ოეგ. 22,607,571 (53-ა)
ვალუტა ავსტრალიური დოლარი (AUD)
ქიანაში კოდი AUS
ოტელეფონე კოდი +61

ჯოხოდვალა

  • ოფიციალური ჯოხოდვალა: ავსტრალიაშ რსხუ.
  • ინგლისური: Australia, Commonwealth of Australia.
  • ეტიმოლოგია: ეტიმოლოგია მოურს ლათინურშე terra australis incognita, ანუ „უჩინებუ ობჟათეშ დიხა.“ მეთიუ ფლედერსი რდჷ მაართა ევროპალი, მიდგაქ მუკულუ უჩინებუ კონტინენტის, გეჭარჷ წყარპიჯიშ ზოლი დო მუშ პუბლიკაციეფს მაართათ იხვარჷ ტერმინი „ავსტრალია.“

სახენწჷფო ნწყილობა

  • სახენწჷფო სისტემა: კონსტიტუციური მონარქია - ფედერალური ოპარლამენტე რესპუბლიკა.
  • სახენწფოში მადუდური: დიდი ბრიტანეთიშ დიაფალი ელისაბედ II (1952 წანაშე), ნამუსჷთ ქიანას წჷმარინუანს გენერალ-გუბერნატორი.
  • თარობაშ დუდმახვენჯი: პრემიერ-მინისტრი.
  • კანონიშდუმადვალუ ორგანო: ჟირპალატამი პარლამენტი ((150+76 მაკათური).
  • ერუანული დღასანწალი: 26 ღურთუთა - ავსტრალიაშ დღა.

ისტორია

ადამიერქ მაართათ ავსტრალიაშ კონტინენტის დიხორჷ მეხოლაფირო 42,000-48,000 წანეფიშ წოხლე. ოეგებიეთ, კონტინენტიშ მახორუეფი რდეს ავსტრალიაშ ამდღარი აბორიგენეფიშ კჷნოხონეფი. მაართა ჰომო საპიენსიქ ავსტრალიაშა მორთჷ ობჟათე-ბჟაეიოლ აზიაშე.

ავსტრალიაშ კონტინენტის მაართათ მიოჭირინდუ ჰოლანდიარ ნავიგატორქ, უილემ ჯენსზუნიქ, ნამუქჷთ 1606 წანას იორკიშ ჩქონიშ წყარპიჯის მიოგორუ.

1770 წანას ინგლისარ ჯეიმს კუკიქ გეგნონჩურჷ ავსტრალიაშ მანგის დო დოხანტჷ ავსტრალიაშ ბჟაეიოლ წყარპიჯიშ რუკა, ნამუსჷთ ახალი ობჟათე უელს ქიგიოდვჷ დო ბრიტანეთიქ გეჭოფუ თექიანობა.

ამდღა ავსტრალია პოსტინდუსტრიული ქიანა რე. ეკონია წანეფს მოხვადჷ სტრუქტურულ თირუეფქ ეკონომიკას. ეკონომიკაშ ართ-ართი დუდი დარგი რე ინალობაშ სფერო. აწოკინელი დარგი რე ოფუტეშ მეურნობა ხოლო. უღჷ ენერგეტიკული დო მინერალური ნედლეულიშ რესურსეფი.

რესურსეფი ინტერნეტის

შხვა ნინეფს

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.