语言学

语言学(英语:linguistics)是一门关于人类语言个科学研究。语言学包含了几种分支领域。拉语言结构(语法)研究搭意义(语义与语用)研究之间存在一个重要个主题划分。语法中包含了词法(单词个形成搭组成),句法(决定单词如何组成短语或句子个规则)搭子语音(声音系统搭抽象声音单元的研究)。语音学是语言学个一个相关分支,渠涉及到语音(phone)搭非语音声音个实际属性,搭子渠拉是如何发出搭被接收到个。

代词

代词或代名词勒语言学搭语法学中是指代替名词或名词短语个形式词(是否附加限定词各个言语弗同),如吴语个“侬”、“我”、“渠”,英文个 “pronoun”法语个“nous”、“elle”等。问句中代替被询问物体个代词叫做疑问代词,比如“who”等。

侗台语

侗台语是包括临高、仡央、侗水、黎、台五隻语支个语族(语系)。传统上,中国学者担渠看作汉藏语系个一隻语族(亦称“壮侗语族”、“侗傣语族”、“黔台语族”),部分西方学者担渠看作澳泰语系一部分。现在眼学者担渠看作独立个“侗台语系”或者讲“侗台语族”还勿好确定应该归何里隻语系。

一般认为,侗台语发源地来拉中国浙江、福建、广西、广东一带。从基本词汇个分歧来看,侗台语分化好追溯到距今2500年到3000年。

单词

来语言学裏向,單詞(word,又喊得詞、詞語)寔好獨立使用並有語義搿頂小單位。單詞搿集合喊得詞彙、術語,比方講:中文搿所有單詞統稱爲“中文詞彙”,醫學高頂專門搿詞統稱作“醫學術語”。

变调

勒拉语言学浪向,声调语言个两个或两个以上个音节组合勒拉一道个辰光,音节个调值有辰光会发生变化,箇种现象叫连续变调。

古越语

古越语是古代于越人个语言,春秋时期通行于吴、越两国,托当时附近楚搭中原诸国言语弗同。语言学研究表明,古越语可能属于侗台语系,托现代个侗语、壮语、泰语等关系较近;但也有研究认为应属于南亚语系。

古越语留存至今个文献材料极少,内容较完整个有《越人歌》搭《越绝书》中个《勾践维甲令》,别样材料则包括《越绝书》、《吴越春秋》、《方言》等文献中个零星记载搭子人名、地名个记录。

命题

勒拉现代哲学、逻辑学、语言学裏向,命题是指一个判断(陳述)个语义(實際表達个概念),迭個概念是可以畀定義並觀察个現象。命题弗是指判断(陳述)本身。当相異判断(陳述)具有相同语义个辰光,佢拉表达相同个命题。譬如,雪是白个(吴语)搭仔 Snow is white(英语)是相異个判断(陳述),但佢拉表达个命题是相同个。勒同一种语言裏向,两个相異判断(陳述)也可能表达相同命题。譬如,上头个命题也可以话成功冰个小结晶是白个,不過,之所以是相同命题,取決於冰个小结晶可視為雪个有效定義。

通常,命題是指閉判斷,以區別於開判斷,或謂詞。在這種情況下,命題弗是真个就是假个。哲學學派邏輯實證主義支援這一命題的概念。

一些哲學家,諸如約翰·希爾勒,認為其他形式个語言或行為也判定命題。是非疑問句是對命題真值个詢問。道路交通標誌弗通過語言搭文字也表達了命題。使用陳述句也可能畀出一個命題而弗判定去,例如,當老師請學生對某個引用發表意見个辰光,迭個引用就是一個命題(即佢有語義)而迭個老師並呒没判定佢。勒上一段裏向,只畀出了命題雪是白个,但呒没判定佢。

外来语

外來語,又喊得外來詞或借詞(loanword),是指一種談頭從別樣談頭裏向借得來个詞語。

一般,兩個社會接觸,渠啦个談頭就會有接觸交流,外來語也就在所難免。對漢語、日語等談頭來講,外來語常用有音譯詞、音義兼譯、音譯加意譯、直接借用字母縮略語等形式。用字母種談頭還常常原模原樣搬用外語的拼寫或者嗒轉寫爲自家个字母就直接用。仿譯詞,便是按照原詞个構詞材料搭構詞方法个意譯,比方漢語「超人」、英語「superman」便是照德文「Übermensch」對應个翻譯來个,有辰光也當作外來語;而單純个意譯詞,比方「手機」、「世界」,就弗當外來語來看。

近代以來,漢語從日語勒借上木老老漢字詞,有个是日本人造个漢語詞,有个嗒是訓讀日語土話取个漢字寫法,借來通用我伲漢字音來讀,比方「味の素」(あじのもとajinomoto)伲就當「味之素」讀mi-tsy-su,「手続き」(てつづきtetsudzuki)伲就當「手續」讀seu-zoh,个也是一類特別个借詞,暫且可以喊得「借形詞」。

孤立語言

孤立語言一般性是指搭樣色別樣個語言通沒親緣關係個種自然語言,分弗到樣色語系嘞去。

有名種孤立語言有蘇美爾語、巴斯克語、阿伊努語等等。

還有種語言在其個語系裏向相對孤立,比方希臘語、阿爾巴尼亞語、亞美尼亞語統屬於印歐語系,不過伽搭印歐語系佔多數个日耳曼語族、斯拉夫語族、印度伊朗語族等等統弗大搭界,也稱伽爲孤立語言。

有一點需要注意,「孤立語言」搭「孤立語」兩個概念要拎拎清爽,後頭個是分析語個別稱。

有人認為日語、韓語也是孤立語言,因為伽搭別樣語言統弗大有關係。一般學者畀朝鮮語劃分到阿爾泰語族裏向去,主要論據是朝鮮語裏向個不過缺少同源詞個支持。日語則一般認為搭南島語言關係比較大。

文字

原始文字是人类用来紀錄特定事物、簡化圖像而成个書寫符號。文字在发展早期儕是图画形式个表意文字(象形文字),搭語音嘸沒關係,漢字便是從此漸次演變而成。有排漢字可以從表面、部首、字旁看到一些聯繫旁通个字義。而昰些特色是拼音文字所嘸沒个。所以古代漢字在弗同个語系區域是擁有弗同發音个,即方言个存在。漢朝已經畀鄰近个族羣借用其文字用作爲書寫紀錄。

歷經弗同演變,部分發展成语言个符号系统,後首來也可用來紀錄人生經驗與見聞。一般认为,文字是文明社会个标志。另一方面,從古埃及文、羅馬文字、及拉丁文字咾发展到後期儕成为語音符號,即字母,弗同个外文字母合併成一隻文字。由於弗同字母分別付予一隻音,弗同个字母合併成切音(混音),形成音節,合併弗合个音節,成爲了记录语音个表音文字。

方言

地方語言(簡称方言)最簡單个定義就是指一個特定地理區域裏向某種語言个變體。然而,要注意點,在對所謂个「語言」交「方言」進行定義个辰光,無論是採用社會語言學者「相互理解性」个判別標準,或者是歷史語言學者「歷史發展關係」个判別標準,我場全無可避免會碰到準則丄向相當程度个任意交困難。噶咾,交關人同意,實質丄,判別語言搭方言个標準往往是政治性个,假使某種語言完成標準化(特別是書面標準化)个程序,我場常莊擔其稱之爲「語言」(其本質丄可以畀視爲是一種「標準化方言」);倘使某種語言弗曾完成昰個程序,噶嚜我場常莊將其稱爲「方言」(本質丄可以畀視作是一種「非標準化方言」)。

机器翻译

机器翻译(machine translation,简称MT),伊是电算语言学里向个一科,研究用电脑翻译自然语言。

绍兴话

绍兴话,是吴语个一种方言,属于汉语族吴语太湖片区临绍小片。绍兴话同上海话、苏州话、湖州话、杭州话、宁波话同属北部吴语,彼此间互通度较高,可大致进行交流,如相对来讲绍兴话搭苏州话相似程度较高,交流相对容易。但是与苏南浙北同属北部吴语个绍甬方言,由于地理上个阻隔咾啥原因,在北部吴语中差异相对较大。讲上海话、杭州话个人群听绍兴人讲话相对较难,而反之则较易,绍兴与宁波话虽互有差异,但基本丄可以听懂。而丽水话、温州话虽属吴语,但同北部吴语差异较大,告咾无法与之进行交流。而绍兴话虽然无法与南部吴语地区交流,但却是北吴方言中较为接近南吴个一个小片。

绍兴话有广义狭义之分,狭义是指原明清会稽山阴县范围,大致是乃歇个绍兴市市搭绍兴县。包括中共建政后从绍兴县划到周边县市搭乡镇。狭义个绍兴话也可包括萧山话。狭义绍兴话内部差异老小,外人很难区分。

广义绍兴话一般指绍兴地级市范围。但从语言上来讲应该是原來绍兴府围(诸暨 萧山 绍兴(会稽山阴)上虞 余姚 嵊州 新昌,由于建国县界变动。以原來县界为准)。除脱嵊州新昌两个山区县区别较大之外,其余六县市沟通全没有问题。又以曹娥江为界。江西与江东区别明显。

绍兴话是现代语言学上吴语四大传统方言基准点之一:苏州(太湖北苏沪嘉小片标准点),温州(温处台标准点),绍兴(太湖南临绍标准点),衢州(金衢婺州处州标准点)。

缙云县

缙云县在浙江省中部偏南,是丽水市下辖个一個县。相传黄帝在仙都鼎湖炼丹升天,因黄帝又名缙云氏,“缙云县”由此得名。

語法

語言學當中个語法(Grammar)嚜,是指任意自然語言中控制子句、片語以及單詞等結構个規則,昰隻概念也畀用來指對於一眼規則進行研究个學科,譬如詞法學、語法學或音韻學等,並交其他學科像語音學、語義學或語用學相互補充。在交關文獻當中,語言學家通常弗用“語法”來指正寫法。

語言

該篇文章講个不是一般口語當中个言話。

語言,就廣義來講,是成套个溝通以及符號、表達方式搭處理規則,一般撥稱爲文法。符號通常稱之爲文字,會得以視覺、聲音或者觸覺个方式來進行傳達。

嚴格來話,語言是指人搭人之間溝通用个語言——自然語言。在一個先進个社會中,一般人全要通過學習才可獲得語言能力。語言个目的是交流觀念、意見、思想咾啥。語言學就是從人類研究語言分類與規則隨後發展出來个。研究語言个專家撥謳作語言學家。

當人發現爻某點動物譬方海豚好以某種方式溝通,就誕生著動物語言个概念。20世紀由於計算機誕生,人需要撥計算機指令,箇種對機器个「單向溝通」便叫計算機語言。

诺姆·乔姆斯基

艾弗拉姆·诺姆·乔姆斯基(英语:Avram Noam Chomsky,1928年12月7日-),美國哲學家、語言學家、認知學家、邏輯學家、政治評論家。乔姆斯基是麻省理工学院语言学个荣誉退休教授,佢个生成语法畀认为是20世纪理论语言学研究丄个重要贡献。佢對伯尔赫斯·弗雷德里克·斯金纳所著《口語行为》个評論,也有助於发动心理学个认知革命,挑战1950年代研究人類行爲搭语言方式中占主导地位个行为主义。佢所採用以自然爲本來研究语言个方法也交關影響仔语言搭心智个哲学研究。佢个另一大成就是建立了乔姆斯基层级:根据文法生成力弗同而对形式语言做个分类。乔姆斯基还因佢对政治的热忱而著名,尤其是佢对美国搭其它国家政府个批评。從1960年評論越南戰爭以來,佢个媒體搭政治評論就越來越著名。一般认为佢是活跃在美国政坛左派个主要知识分子。乔姆斯基擔自家归为自由意志社會主義者,并且是无政府工团主义个同情者。据艺术搭人文引文索引,在1980年到1992年,乔姆斯基是畀文献引用数最多个健在学者,并是有史以来畀引用数第八多个學者。

越绝书

《越绝书》所记载个内容以春秋末年到战国初期吴越争霸个历史事实为主干,上溯夏禹,下迄两汉,旁及诸侯列国,对搿一历史时期吴越地区个政治、经济、军事、天文、地理、历法、语言等几花方面侪有涉及。其中有种记述,现存其他典籍文献侪看弗见个,只有搿本书独详;有种记述,倒可以搭其他典籍文献互为发明,彼此印证。勒现代社会科学个研究过程中,有弗少人,从弗同角度、勒弗同程度浪利用《越绝书》,来考察中国古代史、中国文学史、汉语语言学史、中国民族史、中国历史地理中个弗少具体问题,也取得之弗少重要成果。

集韵

《集韵》是古辰光个一部中文韵书,搭《礼部韵略》一淘编写于宋仁宗景祐四年(公元1037年),距今981年。据李燾《说文解字五音谱叙》记载,宋仁宗景祐四年,即《广韵》颁行后29年,宋祁、郑戬上书拨仁宗,批评《广韵》多用旧文,“繁省失当,有误科试”。另据王应麟《玉海》记载,贾昌朝也勒同时上书批评宋真宗景德年间编个《韵略》是“多无训释,疑混声、重叠字,举人误用”。个么仁宗皇帝就下仔命令,叫丁度等人重修箇两部韵书。乃么勒海景祐四年当年头里就完成仔《礼部韵略》,又过仔两年光景,勒仁宗宝元二年(公元1039年)《集韵》也完成哉。

《集韵》是《广韵》个改正版,仍旧分206韵,只必过韵母用字,部分韵目个次序搭仔韵目下头所注个韵字同用、独用个规定有一滴滴两样。从王仁昫个《刊谬补缺切韵》开始,直到孙愐个《唐韵》,韵字侪加入注释,外加引文侪有得出处,个咾韵书同时也有辞书搭字典个功能。《集韵》搭《广韵》主要个弗同之处是在于《集韵》收字多,外加收个异体字邪气多。一个字弗管是正体、古体、或体、俗体,全部收进,一个字可以多到八九种写法。《集韵》拢总收勒53525个字,比同时代个《广韵》多收仔27331个字。缺点呢,是对字个来源呒啥说明,字训以《说文解字》为根据,反切大多采自《经典释文》。

别样闲话版本

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.