文化

文化是指人類所創造个精神財富,像文學藝術教育科學、禮貌、節日咾啥。垃考古學丄就指同一歷史時期个遺跡、遺物个綜合體。同樣个工具、用具、製造技術等是同一種文化个特徵。有辰光文化儕指文明

雖然早在原始社會時期,人類就已經形成个第一趟分工,產生仔農業民族搭仔畜牧民族,但早期文化儕是垃農業民族中產生个,因爲畜牧民族要逐水草而居,居無定所,弗容易產生大規模个聚居,對文字嘸沒迫切需要;而農業民族容易形成大部落,興修水利需要大量協同工作个人羣,所以頂早个大國家搭仔奴隸制儕是產生於農業民族。有仔大國家搭仔奴隸制至可以產生大批聚集个有閑階級,佢拉發明仔文字,促使形成腦力勞動搭仔體力勞動个人類第二趟分工。從而產生狹義个文化(廣義个文化指所有人類个活動,儕可以叫成功文化)。

文化个概念

文化隻詞起源自拉丁文个動詞「Colere」,意思是耕作土地(葛咾園藝學个英文是Horticulture),後引申爲培養一個人个興趣、精神搭仔智慧。文化概念是英國人類學家愛德華·泰勒垃1871年提出个。佢擔文化定義爲「包括知識、信仰藝術法律道德、風俗以及作爲一個社會成員所獲得个能力同習慣个複雜整體」。此後,文化个定義層出弗窮,克萊德·克拉克洪垃1950年代尾搜集仔超過200個文化个定義。

文化垃漢語中實際是「人文教化」个簡稱。前提是有「人」至有文化,即是文化是討論人類社會个專屬語;「文」是基礎搭仔工具,包括語言搭仔文字;「教化」是昰隻詞个真正重心所在:作爲名詞个「教化」是人羣精神活動搭仔物質活動个共同規範(同時昰個規範垃精神活動搭仔物質活動个物件化成果中得到體現),作爲動詞个「教化」是共同規範產生、傳承、傳播以及得到認同个過程搭仔手段。

對文化个一排觀點

弗同學科對文化有弗同理解。

哲學角度解釋文化,認爲文化從本質上講是哲學思想个表現形式。由於哲學个時代同地域性從而決定文化个弗同風格。一般來講,哲學思想个變革引起社會制度个變化,伴隨著對舊文化个鎮壓搭仔新文化个興起。

從存在主義个角度,文化是對一個人或一班人个存在方式个描述。人們存在垃自然之中,同時亦存在垃歷史搭仔時代之中;時間是一個人或一班人存在垃自然之中个重要平臺;社會、國家搭仔民族(家族)是一個人或一班人存在垃歷史搭仔時代之中个另一個重要平臺;文化是指人垃昰種存在過程中个言說或表述方式、交往或行爲方式、意識或認知方式。文化弗單衹用來描述一班人个外在行爲,文化特別包括作爲個體个人个自我个心靈意識搭仔感知方式。一個人垃返到自家內心世界辰光个一種自我个對話、觀察个方式。

文化个核心是佢个符號系統,例如文字。各文字體系有相應个認知心理。

特點

通過對弗同文化个比較研究,至可以瞭解文化个特點。

首先文化是共有个,是一系列共有个概念、價值觀搭仔行爲準則,是令個人行爲能力成爲集體可以接受个共同標準。文化搭社會是有密切關是,嘸沒社會就會嘸沒文化,但亦有眼嘸沒文化个社會。垃同一個社會裏面,文化儕弗一致。譬如,垃任何社會裏向,男同女个文化就有弗同。此外,弗同年齡、職業、階級等之間儕有得次文化个差異。

文化是學轉來个,而弗是通過遺傳而天生具有个。生理个滿足方式是由文化決定个,每種文化決定昰排需求點樣得到滿足。從昰個角度來看,弗包括人个靈長目動物儕有各種个文化行爲,但是昰排文化行爲衹是單向个文化表現像煞喫白蟻个方式、警戒个呼喊聲咾啥。搭人類社會中龐大複雜个文化象徵體系相比,就顯得有點微不足道。

參考:濡化

文化个基礎是象徵符號。其中最重要个是語言搭仔文字,但亦包含其他表現方式例如圖像(像煞圖騰旗幟)、肢體動作(像煞握手,吐舌)、行爲解讀(送禮)等。幾乎可以話整個文化體系是透過龐大無比个象徵體系深深植入人類个思維之中,而人亦透過昰套象徵符號體系理解;解讀呈現垃眼前个種種事物。因此點樣解讀各種象徵符號垃伊個文化个實質意義,點樣解讀象徵符號更成爲人類學語言學等社會學科詮釋人類心智个重要方式之一。此外,文化作爲相互關是个整體而呈現出一體化个趨勢。

分類

  • 史前文化
  • 古代文化
    • 黃河流域文化
    • 尼羅河流域文化
    • 兩河流域文化
    • 印度河流域文化
  • 中古文化
    • 古希臘、羅馬文化
    • 古波斯文化
    • 古印度文化
    • 古代中國文化
  • 中世紀文化
    • 基督教文化
    • 伊斯蘭文化
    • 印度文化
    • 儒家文化
  • 近代文化
    • 帝國主義文化
    • 殖民地文化
  • 現代文化
    • 社會主義文化
    • 資本主義文化
    • 第三世界文化
  • 後現代文化
    • 發達國家文化
    • 發展中國家文化
    • 最不發達國家文化
  • 未來文化

別樣

  • 文化例外
  • 文化研究
东亚

东亚(日文:東アジア ‧ 東亜‎,韩文:東아시아‎,西文:Asia Oriental)是一个比较笼统个地理概念,立在弗同个语境当中有弗一样个含义。东亚个概念来自欧洲人对东方个定位,拿博斯普鲁斯海峡、乌拉尔山脉东面个广大欧亚大陆地区侪通称亚洲,拿西太平洋沿岸、欧亚大陆东端个地区就叫做东亚。

中國

中國是歷史上頭一隻名詞,老早用來指代黃河流域个中原地區,到三國辰光,吳越豪强孫權還話「若以吳越之衆抗衡中國」。昰隻概念,在明帝國辰光開始,伴隨帝國在長江流域搭雲貴高原个殖民,逐眼擴張指代所謂个漢地十八省。到清帝國後期,因爲西方文明个傳播,一點文人有樣學樣,擔整個清帝國个版圖指代成所謂个中國。昰然,就讓本生屬於東北亞个滿洲、屬於內亞个蒙古、屬於中亞个新疆全因爲版圖關係,歸類到中國當中哉。乃朝,中國成爲著一隻政治意味邪氣強个概念,自家認爲「中華人民共和國」个版圖、「中華民國」自由地區、香港、澳門全屬於中國。「中國」是一套世界觀,交關華人全認爲但凡使用漢字,受著中華文明影響个地區,全該應屬於中國。

临海市

临海市垃拉浙江省东部,濒临东海。目前隶属於地级台州市。市人民政府驻古城街道东方大道。

北京

北京(官話:Běijīng),即北京市,是中華人民共和國个首都,又稱之爲「京城」,中華人民共和國四個直轄市之一。 北京是一座有三千多載歷史、八百五十餘年建都歷史个文化名城,歷史浪共有五個皇朝曾定都拉此地。北京是全國个政治中心,也是華北个經濟核心,乃歇更是全國頂大个陸空交通中樞。 北京薈萃了明、清辰光搭仔中華人民共和國建國以後箇中國文化,擁有諸多名勝古蹟搭仔人文景觀,而且政治氛圍另有一功。告咾通常撥江浙人認爲是一個旅遊勝地,不過一星南方人認爲該城市勒喫个方面嘸撥啥吸引力。

南京市

南京,简称「宁」,别称「金陵」、「石城」,勒到长江下游沿岸,乃歇是江苏省个省会。南京是“六朝古都”,有交关丰富个历史遗存搭仔自然景观。

吴越地区

吴越地区,也叫江浙地区。勒勒长江下游,主要勒长江南面,有时候江南也是指搿个地区。历史浪几经变迁,但是依靠吴语搿只家生,吴越地区乃歇也有处叫“讲吴语(吴越语)个地区” 徽语包属问题,请看吴语。

安徽省

安徽省,简称皖,中国个一个内陆省份,传统上属于华东地区,经济上属于中国中部。兼跨长江、淮河。现在个省会是合肥。清朝后期搭中华民国时期个省会是安庆。

巴黎

巴黎(Paris)是法國个首都搭仔最大个城市,也是法國个政治搭仔文化中心。巴黎是法国单极化顶顶严重个地方,也有交关穆斯林,数目超过100万。

希腊

希腊,希腊语名Ελλάδα ,南欧国家之一。来勒欧洲东南面、巴尔干半岛个南端,是一个共和制國家。构成国家领土个是半島南部个伯罗奔尼撒半岛搭爱琴海当中个3,000座岛屿。希腊是连接欧洲个重要通道。

意大利

意大利,(意大利语:Italia),是欧洲南部国家,勒勒有名个地中海边浪。

扬州市

扬州市是东亚地区个一个城市,也是江淮地区个核心城市搭淮扬地区个文化中心。乃朝属中华人民共和国江苏省管辖。此地拥有邪气悠久个历史,立在唐朝到清朝个蛮多辰光内,侪因为商业搭盐业繁荣昌盛。到鸦片战争之后衰落,弗过,还是保留老多老早个文化遗迹搭手工技艺。扬州也是中华人民共和国第三代领导人江泽民个家乡(江泽民祖籍吴越徽州府).

杭州市

杭州(杭州话语,[ɦaŋ][tsei])是浙江省个省会,阿是整个省个政治,经济,文化中心、长江三角洲南部个中心城市。城里向有个西湖,风景莫佬佬漂亮。杭州人卯欢喜到西湖边趤趤。

言话是杭州话语,是吴语个一种,不过受到官话个影响,同官话有点儿像。杭州还是全国重点风景旅游城市同历史文化名城,副省级城市。徕浙江省北面,钱塘江入海口,京杭大运河南面。

杭州个自然景观壮丽,历史底蕴蛮丰富个,是中国七大古都之一,还有中国十大风景名胜之一个西湖风景区。

老底子个辰光,杭州个经济同文化就蛮发达个,有“鱼米之乡”、“丝绸之府”个名号。“上有天堂,下有苏杭”箇句话语流传卯广。有名气个土特产包括丝绸,西湖龙井等。

江苏省

江苏省,中华人民共和国一个省份,简称苏,勒世界第三大河长江搭淮河下游,黄海边浪。省会是六朝古都南京。

法国

法国,官方名字叫法兰西共和国,是一个发达个西欧国家,也是西欧面积顶大哥国家。国家面积有56万平方公里,東北面受到德意志文化个影响,南面个大部分地区来勒地中海边浪属于南欧范围。

法国,搭其他大个欧洲国家弗一样,并弗是一个民族联合体,伊拉南部搭北部个居民,东部搭西部个居民差别侪老大。法国个形成,是通过以巴黎为中心个法兰西岛,通过法国国王个兼并战争搭中央集权,以及1789年法国大革命之后个推普消灭当地文化个政策,强行扭转形成个。所以,法国也是欧洲帝国主义顶浓,顶类似内亚帝国个国家。渠历史浪、文化浪个首都是巴黎(老早是另外一个城市凡尔赛)。法国是下头几个组织个成员:欧洲议会、欧盟、欧元区、申根协议国、联合国安全理事会、拉丁国家联盟、经济合作发展组织、法语国家组织、西方八国集团等。

渠个价值取向搭渠个建国基础是民主搭人权。拒绝国家搭人民当中有任何个中介,并拿迭个作为理由,打压天主教搭各地方个语言。

法国也是北大西洋公约组织成员国,弗过因为对美国个主导地位有反对,立在1960年代之后,有相当长一段辰光退出北约。为维持自家个大国地位,法国也有核武器,但是一直勒进行反对核武器扩散个努力。

法国是典型个资本主义国家,渠经济奉行资本主义经济,但是勒第二次世界大战之后,国家也开始对经济进行有目的个调控,居可以帮法国赢得世界浪个竞争。但是连续个改革也引起近三十年国家自由主义个蔓延。到2012年,左翼法国社会党候选人奥朗德上台,推行左翼政策,导致法国经济长期萧条。

文化浪,法国是迪卡尔主义国家,而且是启蒙运动个摇篮。启蒙运动后来引发法国大革命搭美国革命。法国大餐世界有名,法国艺术驰名全球,法国人生活方式别具特色。

法国一般畀认为是欧洲顶顶执行语言打压政策个国家,法语强行立在交关历史浪弗讲法文个地区推广。法国人强行塑造法语个“优越性”,自家声称法文是世界浪顶顶“优美”个语言。弗过,伊拉个语言政策除脱拿老早各地个语言灭脱之外,并嘸停止法国人乃朝学习英文个热潮。实在是一个讽刺。

海宁市

海宁有牢浙江省个北面头,嘉兴市个南面,钱塘江北岸。市治有牢硖石(老百姓习惯个叫法,厄息实际上是海州街道)。到2005年12月31号为止,海宁全市总面积699.92平方公里,人口一搭刮子64万,下底管牢4个街道、8个镇。海宁个搭地方,地形狭长,过东过西51.65公里,上南落北28.94公里。地势比较平坦,从西北到东南向斜落去,地面高程4公尺到8公尺(吴淞高程。下底一样)。古陆残屿搭低丘集中分布牢海宁格东北搭东南两块地方。顶顶高个山是高阳山,海拔253.3公尺,另外个山丘侪勿到200公尺。

湖南省

湖南省(湘语长益片新派长沙话:/fu13 lã13 sən41/),别称楚、湘楚,三湘四水,是中国一个省份,简称湘,勒世界第三大河长江个中游,洞庭湖边浪。省会是两千年个古城长沙,省政府来勒于长沙市天心区湘府路。省花是芙蓉(木芙蓉),所以也畀称作芙蓉国。

瑞典

瑞典,英文Sweden,中文翻译“瑞典”,北欧发达国家之一。

舟山市

舟山市是中华人民共和国浙江省下头个一个地级市。

衢州

衢州市(衢州话:[ʤɥ][ʨiɯ]zɿ)是中华人民共和国浙江省下底个一个地级市,简称柯。立勒浙江省个顶西面,衢江(钱塘江上游段)沿岸,浙赣线上头。省内同金华、杭州、丽水三市隔近,省外同安徽、江西、福建三省交界,地理位置交关要紧,历来是兵家必争之地。

长江

長江,又叫揚子江,伊是中國頂頂長個河,總長6300千米。老法头里讲个江专门指长江,而河指黃河。长江是从青藏高原个东面各拉丹冬峰发源个,之后,流经西南(青海、 西藏、 云南、 四川、 重庆)、中部(湖北、湖南、江西)、东部(安徽、江苏),最后,来勒上海市进入东海。长江流域邪气大,基本覆盖整个东亚南部地区,伊个支流对四川、重庆、湖南、湖北、江西侪有邪气大个影响。

长江也是文明个发源地之一,发源来勒长江流域个文明,历史超过1万年。具体可以分为吴越文化、江淮文化、江右文化、湖湘文化等。长江中下游,是土地肥沃个长江三角洲,此地面积大概4万平方公里,但经济总量占中华人民共和国GDP个20%。长江流域生态类型多,水生生物资源丰富,是交关濒危动物像扬子鳄搭达氏鲟个栖息地。几千年来,吴越人、楚人古蜀人利用长江取水、灌溉、排污、运输、发展工业等。

近年来,长江受到邪气大个工业污染、农业径流、河沙淤积、湿地搭湖泊减少个威胁,伊些污染让季节性洪水发生频率增高。长江个一些地区畀划为保护区。云南三江并流保护区因为自然搭文化资源个丰富性,畀联合国教科文组织列入世界自然遗产。

别样闲话版本

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.