加利西亚

加利西亚(加利西亚文:Galicia),是伊比利亚半岛西北端个一个历史文化区域,乃朝也是西班牙管辖下个一个自治大区,有人口将近300万。加利西亚历史浪受到凯尔特文化影响。弗过后势来语言文化更拉丁化。从中世开始,此地就因圣地亚戈朝圣城个朝圣活动著名。乃朝,迭个区域顶顶大个城市是拉科鲁尼亚搭维戈。有名个ZARA总部,也立在此区。

Flag of Galicia
Flag of Galicia
伊比利亚半岛

伊比利亚半岛(西班牙文:la Península Ibérica、葡萄牙文:a Península Ibérica、加泰隆文:la Península Ibèrica、加利西亚文:a Península Ibérica、巴斯克文:Iberiar penintsula、英文:the Iberian Peninsula)是欧洲西南面个一个大型半岛,通过比利牛斯山脉搭欧洲大陆分割开来。此地东面是地中海,西面濒临大西洋。南面干燥炎热,搭北非气候类似,北面雨水比较多。乃朝,迭个半岛存在四个实体。分别是西班牙、葡萄牙、直布罗陀搭安道尔。历史浪受到罗马文化熏陶,又遭受过回教侵略殖民。立在近代,此地个航海大发现促进西方文明向世界传播,并拿天主教传播到世界各地。

卡洛斯主义

卡洛斯主义(巴斯克文:Karlismo; 加泰隆文:Carlisme;加利西亚文: Carlismo; 西班牙文:Carlismo),是西班牙十九世纪个一种保守主义思想。开始辰光个发源是因为西班牙波旁王朝王位继承当中个争议。因为费尔南多七世想拿王位直接让自家女儿继承。引发自家亲兄弟个反对。迭个思潮之后成为交关传统主义搭保守势力反对19世纪西班牙政府个一个由头。当中包含交关地方主义搭保守主义色彩。到1898年美西战争西班牙惨败之后,卡洛斯主义又有一段辰光个复兴。立在西班牙内战当中,长枪党搭卡洛斯主义分子联合,一道对付左翼西班牙共和国个势力。

圣地亚哥-德孔波斯特拉主教座堂

圣地亚哥-德孔波斯特拉主教座堂(Catedral de Santiago de Compostela)是罗马天主教圣地亚哥德孔波斯特拉总教区个主教座堂,垃拉西班牙加利西亚自治区个首府圣地亚哥-德孔波斯特拉。

圣地亚戈朝圣城

圣地亚戈朝圣城(西文:Santiago de Compostela),是伊比利亚半岛西北角加利西亚境内个一个城市,乃朝归西班牙管辖。也是天主教世界有名个朝圣圣地。听讲,此地个圣地亚戈大堂埋葬有基督教十二门徒当中个圣地亚戈,从中世开始,就有交关香客从欧洲各地来此朝拜,形成有名个圣地亚戈小道。乃朝,此地也是西班牙境内有名个旅游城市,每年吸引到大批游客来白相。

拉各鲁尼亚

拉各鲁尼亚(西文:La Coruñ,加利西亚文:A Coruña)是欧洲西南面伊比利亚半岛西北角个一个城市。乃朝属西班牙加利西亚大区管辖。同时也是加利西亚大区顶顶大个城市替区域首府。迭个城市老早开始就是西班牙重要个海港。

欧洲国家搭地区列表

以下是拉垃欧洲个国家搭海外領土列表,當中包括名稱、國旗、首都、貨幣、官方語言、面積 、人口、國內生產總值、人均國內生產總值搭子地圖(屬地以淺藍色背景顯示、未被普遍承認的國家以綠色顯示)。

莱昂省

莱昂省(西文:Provincia de León)是西班牙莱昂-卡斯蒂亚大区内部个一个省份。立在大区个西北位置。迭个省份个北面是阿斯图里亚斯大区搭坎布里亚大区,东面是同大区个巴雷西亚省,南面是同大区个巴拉多利德省搭萨莫拉省。西面是加利西亚大区。莱昂省面积15581平方千米,人口有将近50万。

乃朝莱昂省个边界,是1833年分省法案当中制定个,个辰光属于单独个莱昂大区当中个一部分。1979年之后,归到新建立个莱昂-卡斯蒂亚大区管辖。莱昂省历史悠久,也是西班牙个发祥地之一。

葡萄牙语

葡萄牙语是葡萄牙、巴西、安哥拉搭仔东帝汶个官方言话。

乃歇使用葡萄牙语个人口大约摸有2亿,渠也是世界浪第五(或第六)大个言话。

西班牙

西班牙(西班牙语,España),是欧洲发达国家之一,位置来勒伊比利亚半岛。占据迭个半岛70%以上个土地。乃朝西班牙是欧盟、北约以及联合国个成员国。因为内部个多样性,传统个保护性搭对拉丁美洲个影响力出名。

阿方索一世(葡国)

阿方索一世(葡文:Afonso I de Portugal,1109年7月25号-1185年12月6号),称号征服者(葡文:O Conquistador),是出身勃艮第骑士后代个贵族骑士,也是葡萄牙王国第一代国王。1139年伊从加利西亚王国独立,通过战争,让莱昂王国承认葡萄牙个建立。之后,对回教徒发动战争,拿葡萄牙国家向南推进。乃朝,伊畀公认是葡萄牙个国父搭伟大国王。

别样闲话版本

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.