伊比利亚半岛

伊比利亚半岛(西班牙文:la Península Ibérica、葡萄牙文:a Península Ibérica、加泰隆文:la Península Ibèrica、加利西亚文:a Península Ibérica、巴斯克文:Iberiar penintsula、英文:the Iberian Peninsula)是欧洲西南面个一个大型半岛,通过比利牛斯山脉搭欧洲大陆分割开来。此地东面是地中海,西面濒临大西洋。南面干燥炎热,搭北非气候类似,北面雨水比较多。乃朝,迭个半岛存在四个实体。分别是西班牙葡萄牙直布罗陀安道尔。历史浪受到罗马文化熏陶,又遭受过回教侵略殖民。立在近代,此地个航海大发现促进西方文明向世界传播,并拿天主教传播到世界各地。

Iberian peninsula
伊比利亚半岛
1月2号

1月2号是公历年个第2天,离一年个结束还有363天(闰年是364天)。

克里斯托弗·哥伦布

阔烈涩波 哥伦布(西文:Cristóbal Colón, ?-1506年5月20号)是世界顶顶有名个航海家。出身15世纪当中阶段,立在15世纪挨末阶段活跃。伊是热那亚人,弗过为寻求自家个利益,到伊比利亚半岛效力,开始投靠葡萄牙国王,朆畀赏识,就改换门庭,投靠卡斯蒂亚搭阿拉贡。1492年,得到资助,前往伊自家讲个中国开展贸易,弗过,航行几个月,最后到达个是新大陆(具体看哥伦布发现美洲)。弗过,出于自家对中国个向往搭一厢情愿,伊自家弗承认发现个是新陆地,非要拿新大陆个土著,叫做印度人,这也是印第安人个由来。

发现美洲之后,哥伦布得到伊莎贝拉女王个褒奖,获得贵族头衔,并且许诺让伊统治新发现个土地。弗过,哥伦布弗是一个合格个管理人员,搭交关手下,土著侪发生矛盾,让西班牙个殖民事业差点失控,个能,就畀架空、撤换,丧失实际权力,回到西班牙养老去哉。

再征服运动

再征服运动(西班牙文/葡萄牙文:Reconquista),也叫做复国运动、收复失地运动,是一场持续七百多年个壮烈历史事件。具体发生在718到1492年当中,立在欧洲西南面伊比利亚半岛北部个基督教王国,逐渐收复畀南部穆斯林侵略地区个军事运动。史学家以718年,这场运动,也塑造出葡萄牙替西班牙两个近代王国。也是回教屈指可数从伊拉征服地区畀完全赶出来个运动。

列寺博

列寺博(葡文:Lisboa),是欧洲大陆西南伊比利亚半岛西端个一个城市。乃朝归葡萄牙管辖,人口超过180万,也是迭个国家顶顶大个城市搭仔首都。此地立在中世开始辰光为回教徒占领,之后通过拉锯,到12世纪挨末阶段,为葡萄牙王国攻克并当作自家个首府。之后,此地因为大航海时代繁荣起来,成为葡萄牙殖民帝国个核心。弗过,因为1580年国家搭西班牙合并搭后势来个荷兰人崛起,地位下降。18世纪当中阶段,列寺博遭遇欧洲百年难碰个大地动,死脱交关人,老城也畀毁,乃朝个列寺博,大部分是立在18世纪挨末阶段重修个。

北非

北非(西文:Africa de Norte),是一个地理概念,一般指代包括埃及搭马格里不等阿拉伯化个撒哈拉北面国家。这些国家,历史浪老早是西方文明个一部分。弗过立在7世纪之后因为回教殖民侵略,畀阿拉伯化搭回化。乃朝交关此地个居民侪自我认同为所谓个阿拉伯人,并且使用有口音个阿拉伯文方言。北非个气候搭北面个南欧,邪气是伊比利亚半岛之类个场化蛮类似,弗过近年碰到经济困难,突尼斯、利比亚、埃及侪爆发政治变革,之后,蛮多恐怖组织立在此地蔓延。

半岛战争

半岛战争是拿破仑战争辰光,发生来勒伊比利亚半岛高头个一场大规模全面战争。战争个一方是侵略个法兰西第一帝国,反抗个一方是西班牙王国、葡萄牙王国搭英国。战争从1808年持续到1813年,最终个结果是拿破仑扶植个西班牙王国畀灭脱,半岛人民获得自由。迭个战争把西葡人民邪气大个打击,间接造成南美地区分离运动加剧,并埋下19世纪西班牙个社会动荡个祸根。

后倭马亚王朝

后倭马亚王朝(即中国古代文献中个白衣大食)是穆斯林拉伊比利亚半岛建立个伊斯兰教政权,首都是西班牙个科尔多瓦。由于王朝个建立者是阿拉伯帝国被推翻了个倭马亚王朝个后裔,故名。拉中世纪,科尔多瓦个历代埃米尔搭哈里发控制了伊比利亚半岛上个大部分土地。

巴塞罗那

巴塞罗那(佳泰隆文:Barcelona)是欧洲西南面伊比利亚半岛东北角加泰罗尼亚地区个一个沿海城市,也是迭个地区个文化,政治,经济中心搭加泰罗尼亚大区首府个所在。巴塞罗那从罗马帝国辰光作为军事堡垒开始发展,到中世纪之后,成为阿拉贡王国邪气重要个海港搭经济中心。到近代,此地见证交关西班牙内部战争个混乱,弗过也通过本身地区个工业化搭知识分子话语构建,培养出自家个文化特征搭自我认同。乃朝,巴塞罗那都会区有人口将近300万,是西班牙排名第二个大都市(第一是首都马德里)搭欧洲十大都市之一。因为夜生活搭美妙个旅游景点,每年好吸引交关游客到此地白相。弗过,也因为城市个左倾,引入交关回教移民,让此地个治安比马德里推板交关。

比利牛斯山脉

比利牛斯山脉(西班牙文:Spanish: Pirineos ),是欧洲西南面个一个大型山脉,迭个山脉拿欧洲大陆搭伊比利亚半岛分割开来,形成乃朝西班牙搭法国个天然边界。

瓦伦西亚

瓦伦西亚(西文:Valencia),是伊比利亚半岛东面,挨牢地中海海岸个一座海港城市。也是瓦伦西亚大区顶顶大个城市搭大区首府个所在。立在西班牙全国来看,是排勒马德里搭巴塞罗那之后个第三大城市。历史浪,此地老早是摩尔人个统治范围,后势来畀西班牙个英雄人物熙德解放,成为阿拉贡王国个一部分。

直布罗陀

直布罗陀(英语:Gibraltar)是英国个一个海外属地,来勒西班牙南面,挨牢地中海,西班牙,搭摩洛哥隔海相望。人口29,431人 (2009年)。

葡萄牙

葡萄牙共和国(葡文:República Portuguesa)是欧洲大陆西南面伊比利亚半岛高头个一个国家。具体位置立在伊比利亚半岛个西面,挨牢大西洋,陆地边界侪畀唯一个邻国西班牙包起来。葡萄牙是南欧国家,也是一个伊比利亚国家。面积92000多平方千米,人口超过1000万。葡萄牙使用葡萄牙文,立在15世纪建立过全球第一个殖民帝国。乃朝,世界浪还有蛮多国家受到伊拉个影响,个当中就包括巴西搭东帝汶。印度个果阿搭中华人民共和国控制个澳门也属于传统浪个葡萄牙文化辐射范围。

葡萄牙个国名老有可能是从老早波尔图个拉丁文名称【Portus-Galliae】演变过来个。另外一种可能性是来自5世纪西哥特人对此地个称呼。

葡萄牙王国

葡萄牙王国(葡萄牙语:Reino de Portugal)为欧洲伊比利亚半岛个一个君主制国家,存在辰光为公元1139年到1910年。箇个王国拉15世纪以后通常被叫作“葡萄牙帝国”,但箇个名称指箇是渠个殖民帝国。

西哥特人

西哥特人(拉丁语:Visigothi),是东日耳曼部落个两个主要分支之一,另一个分支是东哥特人。勒民族大迁移辰光,是摧毁罗马帝国个众多蛮族中个一个。公元4世纪西哥特人兴起勒巴尔干地区,后加入对罗马帝国个战争。410年勒首领阿拉里克率领下攻陷并洗劫罗马。

西哥特人后定居勒高卢南部,成为罗马帝国个盟友。随后建立西哥特王国,统治法国南部搭伊比利亚半岛,公元589年,皈依基督教。

西班牙

西班牙(西班牙语,España),是欧洲发达国家之一,位置来勒伊比利亚半岛。占据迭个半岛70%以上个土地。乃朝西班牙是欧盟、北约以及联合国个成员国。因为内部个多样性,传统个保护性搭对拉丁美洲个影响力出名。

阔多瓦

阔多瓦(西文:Córdoba)是伊比利亚半岛南面安达露西亚区域个城市。乃朝属于西班牙管辖。迭个城市,历史邪气悠久。立在罗马帝国辰光就是伊比利亚半岛个中心之一。有名个哲学家塞内家就立在此地出生。到中世纪,成为回教酋长国个所在地,修造交关带有中东北非风格个建筑物。个当中就包括后势来畀改造成天主堂个阔多瓦大教堂。到13世纪,此地终于光复。乃朝是一个有名个旅游城市。

阿拉贡王国

]

阿拉贡王国(西班牙文:Reino de Aragón 阿拉贡文:Reino d'Aragón)是1035年到1707年当中,立在欧洲西南面伊比利亚半岛高头存在过个一个君主制王国。迭个国家搭莱昂-卡斯蒂亚王国一道,构成乃朝西班牙个基本版图。阿拉贡是海上强国,疆域包括乃朝个阿拉贡自治大区、佳泰隆自治区、巴伦西亚自治区以及亚平宁半岛南半部分,还长期占据西西里岛。立在西班牙王位继承战争当中,阿拉贡支持哈布斯堡家组,之后,畀波旁王朝个费利佩五世废脱。

马德里市

马德里(西文:Madrid)是欧洲西南面伊比利亚半岛中央个一个大城市,也是乃朝西班牙个首都搭第一大城市。2015年有城区人口超过300万,立在欧洲排名第三。此地个历史弗算老长,大体个发展是从16世纪西班牙哈布斯堡王朝拿首都搬迁到此地之后才开始个。18世纪,马德里开始修造古典主义个城门搭马德里王宫。到19世纪,此地发展比伊比利亚半岛沿海城市要晏,城市文人生活到19世纪挨末阶段才开始勃发。20世纪开始辰光,马德里成为西班牙自由主义个大本营之一,立在西班牙第二共和国辰光成为顶支持共和个城市之一。弗过,到西班牙内战结束,此地归国家主义者重新支配,城市发展加快个同时,立在文娱方面也发生转变,重新搭欧洲其余地区脱节。个能,也让马德里比一些欧洲大都市更加保守,有更多本国移民。弗过,2000年之后,左翼运动重新开始汇聚,外来移民(包括罗马尼亚人搭摩洛哥人)也加速涌入,带来老多社会治安问题,成为治理此地个问题所在。

别样闲话版本

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.