Pinulongan Hebreo

An Hinebreo amo an usa ka Norte-Katundan pinulognan Semitiko nga tuminongnong ha Israel, nga ginluluwas sobra 9 milyones ka tawo ka bug-os nga kalibutan.[1][2] Ha kaagi, ini in senesering nga lingguwahe han mga Israelita ngan an ira kaapuy-apuyan, bisan ini nga ngaran han lingguwahe in waray nakasurat ha Tanakh.[note 1] An gisyahani nga ehemplo han sinurat nga Paleo-Hebreo in nagtitikang ha ika-10 siglo BCE.[5] An Hebreo in nalalakip ha Katundan Semitiko nga sanga han Afroasiatico nga banay hin mga pinulongan. An Hebreo amo nala an nabubuhi nga nasalin han lingguwahe Cananeas, ngan amo la an tinuod nga malinampuson nga napabanhaw nga namatay nga pinulongan.

An Hebreo naundang magin pan-adlaw-adlaw nga linuluwas nga lingguwahe didto ha butnga han 200 ngan 400 CE, nga nagtipalusad an paggamit kahuman la han mga rebelyon Bar Kokhba. An Aramaic ngan an Griyego in gingagamit na hadin panahon komo mga pinulongan internasyunal, labi na ha mga elite ngan immigrante. nabuhi la ini ngadto ha Kapanahonan han Kabutngaan nga pinulongan han lituhiya han mga Hudyo, literatura han mga Rabino, ha pakikipagnegosyohan han mga Hudyo ha ira kalugaringon, ngan ha mga siday. Han ika-19 siglo, ini in ginbuhi komo usa nga linuluwas ngan pinulongan pan-literatura. Ini nagin lingua franca han mga Palestino nga Hudyo, ngan sinmunod liwat an Estado han Israel. Sumala han Ethnologue, han 1998, ini an pinulongan han 5 ka milyon katawo ha bug-os nga kalibutan. Masunod la ha Israel, an Estados Unidos an ikaduha ha may gidamoi nga naggamit hin Pinulongan Hebreo nga populasyon, nga may-ada mga 220,000 nga tadong manluwas.

An Moderno nga Hebreo usa ha duha nga opisyal nga lingguwahe han Estado han Israel ( an usa pa amo an Moderno nga Istandarte nga Arabiko), samtang an Pre-moderno nga Hebreo in gingamit han pangadi ngan pag-aram ha mga komunidad Hudyo ha bug-os nga kalibutan ha yana. An Samaritan nga dialecto in gingagamit liwat nga liturhikal nga dila han mga Samaritano, samtang an moderno nga Hebreo o Arabica an ira ginluluwas ha pan-adlaw-adlaw. Komo usa nga langyaw nga pinulongan, ini in gin-aaram kasagaran han mga Hunyo ngan mga mag-aaram han Judaismo ngan Israel, ngan an mga archaeolohita ngan lingguistika nga espesyalsta ha Butnga nga Sinirangan ngan an ira mga sibilisasyon, sugad liwat han mga theolohiko ha mga seminaryo han Kristiyano.

An Torah (an syahan nga lima nga libro), ngan an kadam-an han nasasalin nga Hebreo nga Bibliya in sinurat ha Hebreo nga Biblica, nga an kadam-an ha pagkayana nga porma tikang ha mga dialecto nga an mga mag-aaram natuo nga nagrabong ha mga ika-6 siglo BCE, ha mga oras han pagdakop ha mga Babilonia. Tungod hini nga rason, an Hebreo tinatawag liwat han mga Hudyo nga Leshon Hakodesh (לשון הקדש‬), "an Baraan nga Pinulongan", tikang ha hadto nga panahon.

Mga tigamnan

  1. Ha Tanakh (Bibliya han mga Hudyo), an pinulongan in tinututdo nga Yehudit "an pinulongan han Judah" o səpaṯ kəna'an "pinulongan han Canaan".[3][4] An uruurhi nga mga manunurat Hellenistico sugad kan Josephus ngan Ebanghelyo ni Juan naggamit han termino nga Hebraisti ha pagtutdo ha Hebreo ngan Armaico.[3]

Pinanbasaran

  1. Gur, Nachman; Haredim, Behadrey. "'Kometz Aleph – Au': How many Hebrew speakers are there in the world?". Ginkuhà 2 November 2013.
  2. Thompson, Irene (June 15, 2016). "Hebrew". About World Languages.
  3. 3.0 3.1 Sáenz-Badillos, Angel (1993). A History of the Hebrew Language. Cambridge University Press. ISBN 9780521556347. https://books.google.com/books?id=EZCgpaTgLm0C&pg=PA1.
  4. "Rick Aschmann, "Hebrew" in Genesis".
  5. "Most ancient Hebrew biblical inscription deciphered". Physorg.com. January 7, 2010. Ginkuhà 2013-04-25.
Israel

An Israel (Inebreo: יִשְׂרָאֵל; Inarabo: إِسْرَائِيل‎), nga tinatawag gihapon nga Estado han Israel (מְדִינַת יִשְׂרָאֵל > Medinat Yisra'el; دولة إسرائيل > Dawlat Isrā'īl) usá nga nasod ha Katundan nga Asya, nahamutang ha timugan nga baybayon han Dagat Mediterraneo ngan han amihanan nga baybayon han Pula nga Dagat. Mayda ini mga katubtuban upod haɲ Libano ha amihan, han Sirya ha dumagsaan, han Hordanya ha sidlangan, ngan han Ehipto ha habagatan. An mga Palestino nga mga teritoryo han West Bank ngan Gaza Strip nahamutang ha sinirangan ngan katundan.

Tel Aviv

Tel Aviv-Yafo (Pinulongan Hebreo: תֵּל אָבִיב-יָפוֹ‎, [tel a'viv jafo], Pinulongan Arabo: تل أَبيب-يافا‎‎) usa nga dako nga syudad ha Israel, na nagmumutang han kanan nasod Mediterrano nga baybayon. Kilala ini nga sentro pan-finansyal ngan technology hub han Israel, nga may-ada popyulasyon nga 432,892, nahimo nga kanan Israel ikaduha nga gidadakoi nga syudad. An Tel Aviv an gidadakoi nga syudad ha rehiyon Gush Dan han Israel. An Tel Aviv liwat an namumutnga han konsentrasyon han mga high-tech nga ginkikilala nga "Silicon Wadi".

Pinamumunuan an Tel Aviv han Munisipyo han Tel Aviv-Yafo, nga hi Ron Huldai an mangulo. Namumutang dinhi an kadam-an nga langyawanon nga embahada. An Tel Aviv in usa nga global city, ngan ika katloan kag walo nga mahinungdanon nga sentro pan-finansyal ha kalibutan. An Tel Aviv kilala nga may-ada ikatulo ha gidadakoi nga ekonomiya ha bisan ano nga syudad ha Butnga Sinirangan nasunod la ha Abu Dhabi ngan Kuwait City, ngan may-ada ika katloan kag usa ha pinakamahal mabuhi nga syudad ha kalibutan. Ginduduaw an syudad hin sobra uska milyones nga langyawanon nga bisita kada tuig. Kilala nga "An Syudad nga Diri Nakaturog" ngan usa nga "party capital", may-ada ini marisyo nga kinabuhi ha gab-i ngan 24-oras nga kultura.

An syudad in natukod ha tuig 1909 han mga Hudeo nga dayaw ha ligid ligid han kadaan nga duungan nga syudad han Jaffa (Pinulongan Hebreo: יָפוֹ‎ Yafo). Ginngaranan ini kahuman han Hebreo nga paghubad han kan Theodor Herzl 1902 nga nobela, Altneuland, kasirigngon "Daan nga Bag-o nga Tuna". An kanan syudad moderno nga kabablayan in nahitukod na han tig 1886, an syahan amo an Neve Tzedek. An mga dayaw nga kasagaran mga Hudeo nga refugee an nagpalaksi han pagdako han Tel Aviv nga nabayaan lugod an Jaffa, nga an kadam-an han popyulasyon in mga Arabo. An Tel Aviv ngan Jaffa in gintampo ngan nagin usa nga munisipyo han tuig 1950, duha la katuig kahuman natukod han Estado han Israel. Sinisiringa nga kanan Tel Aviv Busag nga Syudad, ginkilala nga UNESCO World Heritage Site hadton 2003, ini in pinanmumutangan han gidadako nga konsentrasyon hin Istilo Pan-internasyonal nga mga Istruktura (Bauhaus ngan iba nga may pagkahisumpay nga mga istilo pan-arkitektura).

ther related modernist architectural styles).

Ha iba nga mga yinaknan

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.