Komersyo

Iton komersyo in pagbalhin han pagtatag-iya han mga produkto o serbisyo tikang ha uska tawo o entidad ngadto ha iba pinaagi hin pagkarawat hin kabalyo tikang ha napalit.

Kaufmann-1568
Camarines Sur

An Camarines Sur (ha literal nga Winaray: Salatan nga Camarines o kundi man Camarines ha Salatan o Habagatan nga Camarines) usa nga probinsya han Pilipinas nga nahamutang ha Bicol nga Rehiyon ha Luzon. An kapital hini amo an bungto han Pili ngan an lalawigan sapit han Camarines Norte ngan Quezon ha amihanan, ngan han Albay ha salatan. Ha sidlangan hini nahamutang an isla-nga-probinsya han Catanduanes tabok han Maqueda Channel.

It Camarines Sur amo an gidako-i han unom nga mga lalawigan ha Bicol ha populasyon ngan ha kahaluag hin katunaan. An Syudad han Naga amo an sentro hin komersyo ngan kultura han lalawigan. An Danaw Buhi amo an lugar nga diin mabibilngan an giguti-ayi nga ginpapanagat-hin-komersyo nga isda, an Sinarapan (Mistichthys luzonensis).

Camiling

An Camiling usa nga syahan nga klase nga bungto han lalawigan han Tarlac, Pilipinas. Nahamutang ini hin mga 150 ka kilometro ha amihanan kanawayan tikang ha Manila, ngan mga 50 ka kilometro ha salatan-timugan han Syudad han Dagupan ha Pangasinan. Amo ini an sentro hin komersyo hin lugar nga nagsasakop hin 8 ka bungto ngan sapit han lalawigan han Pangasinan. Amo ini an ganghaan ngadto ha butnga ngan katundan nga Pangasinan pinaagi han Karsada Romulo (nga han una Karsada 13).

Sumala han census han tuig 2000, mayda ini populasyon nga 71,598 ka tawo ha 15,324 nga mga panimalay. Mayda ini kahaluag hin katunaan nga 140.50 ka kwadrado nga kilometro. An densidad hin populasyon hini 509.6 ka tawo ha tagsa kwadrado nga kilometro.

Dagupan

Mayda impormasyon hini nga artikulo nga aada han Iningles nga bersyon nga angay ighubad ha WinarayAn Syudad han Dagupan usa nga ikasyahan nga klase nga syudad ha lalawigan han Pangasinan, Pilipinas. Sumala han census han tuig 2000, mayda ini populasyon nga 130,328 ka tawo ha 25,921 nga mga panimalay. Nahamutang ini ha Golfo han Lingayen ha isla han Luzon. It Dagupan amo an labaw nga daungan hin mga barko ngan sentro hin komersyo ngan pangwarta han lalawigan ngan Amihanan nga Luzon; mayda masurong nga pagnegosyo hin tubo, mais, bugas, luget, asin, ngan hin irimnon nga makahurubog tikang han nipa nga palma. An syudad ginkikilala nga "kapital han bangus" han Pilipinas tungod han kadamo nga lab-as nga bangus dinhe. It ngaran hit syudad tikang han pulong nga dagupan ha lokal nga yinaknan nga Pangasinan ngan ini nga pulong nangangahulogan nga "lugar hin katitirok" o "pagtitirokan" tungod kay an syudad maiha na nga sentro hin pamerkado o tabo-an.

An gihalaba-i nga barbecue o parilyada nga ginsukol nga 1,007.56 ka metro (3,305.64 ft) ginhimo han mga tawo han Syudad han Dagupan han Mayo 3, 2003 komo kabahin hanFestival hin Bangus han syudad.

Florensya

An Syudad han Florensya (ha Initalyano: Firenze; Daan nga Initalyano: Fiorenza, Linatin: Florentia; ha Kinatsila: Florencia; ha Iningles: Florence) amo an kapital han lalawigan han Florensya ngan han rehiyon han Toscana ha Nasod han Italya. Amo ini an gidamo-i hin tawo nga syudad ha Toscana ngan mayda ini populasyon nga 364,779 ka tawo (696,767 ka tawo ha urbano nga kahaluag).

Nahamutang an syudad ha Salog Arno ngan kilalado ini tungod han kaagi hini ngan han importansya hini dida han Butnga nga Panahon ngan dida han Renasimyento, labi na dida han arte ngan arkitektura hini. Usa ini nga sentro han Europeo nga komersyo ngan finanza ha Butnga nga Panahon, an syudad agsob nga sinisiring nga natawhan han Italyano nga Renasimyento; tinatawag pa ngani ini an Atenas han Butnga nga Panahon. Maiha ini nga nahailarom han de facto nga pagdumara han Medici nga pamilya. Tikang han 1865 tubtob 1870 an syudad amo gihapon an kapital han Ginhadi-an han Italya.

Gloria Macapagal-Arroyo

Hi Maria Gloria Macaraeg Macapagal-Arroyo amo an ikanapulo kag upat nga Mangulo o Presidente han Pilipinas. Mas kilala hiya ha ngaran nga Gloria Macapagal-Arroyo. Hiya an ikaduha nga babaye nga mangulo han nasod. Anak hiya han anay presidente Diosdado Macapagal. Hi Mike Arroyo it iya bana.

Nagsulod hi Arroyo ha gobyerno komo assistant secretary o bulig-nga-maghirilom ngan undersecretary o ilarom-nga-maghirilom han Departamento han Komersyo ngan Industriya. Nagsirbe anay hi Arroyo komo Senador tikang han 1992 tubtob 1998 ngan Sugbong-Mangulo tikang 1998 kutob 2001.

Henry A. Wallace

Hi Henry Agard Wallace (Oktubre 7, 1888 – Nobyembre 18, 1965) amo an ika-katloan-kag-tulo nga Sugbong-Mangulo han Estados Unidos (1941–1945), an ika-napulo-kag-usa nga Maghirilom hin Agrikultura (1933–1940), ngan an ika-napulo nga Maghirilom hin Komersyo (1945–1946). Han pinili-ay hin mangulo han 1948,hi Wallace an ginkandidato han Partido Progresibo.

ISBN

Iton International Standard Book Number usa nga numero pan-komersyo nga pangilal-an hin mga libro nga tinuyo nga magin waray kadoble. An mga namamatik in napalit hin mga ISBN tikang ha usa nga affiliate han International ISBN Agency.An usa ka ISBN gin-a-assign ngada ha tagsa edisyon ngan kaibhan (labot la han reprinting) han usa ka libro. Pananglitan, an e-book, an paperback ngan an matig-a nga tabon nga edisyon han pareho nga libro in magkakamay-ada hin magkakadirudilain nga ISBN. An ISBN may-ada 13 numero nga kahilaba kun ini in na-assign tikang han 1 Enero 2007 ngan 10 ka numero nga kahilaba kun ugsa han tuig 2017. An pamaagi hin pag-assign hin ISBN in nakabase-han-nasod ngan nagkakadirudilain ha tagsa-tagsa nga nasod, agsob nagdedepende kun ano kadako han industriya han pamatik ha sulod han usa ka nasod.

Kalibo

An Kalibo usa nga ika-syahan nga klase nga bungto ha lalawigan o probinsya han Aklan ha Katundan nga Kabisay-an nga rehiyon han Kabisay-an ha Pilipinas. Nahamutangan ha amihanan-katundan nga dapit han Isla han Panay, amo ini an kapital nga bungto han Aklan. Sumala han 2000 nga census, mayda ini populasyon nga 62,438 ka tawo ha 12,628 nga panimalay. An giharani-i nga syudad ha Kalibo amo an Syudad han Roxas ha Capiz, ngan an Syudad han Iloilo ha Iloilo. Inin duha nga syudad makakadtoan pinaagi hin bus ug minivan.

An Kalibo kilalado nga amo an lugar han Ati-atihan nga festival. Amo gihapon ini an ganghaan ngadto ha isla han Boracay, nga mga kap-atan kag lima (45) ka minutos la an kaharayo pinaagi ha panakayan ha tuna tikang ha giharani-i nga puerto, ha Caticlan. Sentro han rehiyon gihapon ini para han amihanan-katundan nga bahin han isla han Panay, nga naghahatag hin pan-komersyo, pan-aradman, ngan pantambal nga serbisyo nga waray didto han mga gurugudti-ay nga mga bungto ngan baranggay nga hagrani.

An ngaran nga Kalibo tikang han lokal nga yinaknan nga "sangka libo", nga nangangahulogan nga "usa ka yukot", an ihap han mga nangungukoy kuno dida han panahon han sinisiring nga pag-abot han mga Datu tikang ha Borneo.

An Kalibo maabtan tikang ha Manila pinaagi hin idro ngadto ha Kalibo nga Aeropuerto, mga napulo ka minutos kaharayo tikang han main nga plaza, o pinaagi hin barko nga naagi ha Dumaguit ug New Washington nga mga puerto ha amihanan nga dapit han Aklan. It panakayan publiko ha bungto pinaagi hin traysikol.

Koronadal

An Syudad han Koronadal nga kilalado liwat ha ngaran nga Marbel usa nga syudad ha lalawigan han South Cotabato ha Pilipinas. Amo ini an kapital nga syudad han South Cotabato. Amo gihapon ini an sentro han edukasyon, administrasyon, komersyo, ngan pagbaligya ha South Cotabato, ngan han harani nga probinsya han Sultan Kudarat.

Sumala han census han tuig 2000, mayda ini populasyon nga 133,786 ka tawo ha 27,623 nga panimalay.

An Koronadal nahimo nga kabahin nga syudad han South Cotabato dida han 1998. Han 2003, ginkilala ini nga "Most Competitive City" o Syudad nga Pinakamakusog an Pagkumpetensya dida han gamay-nga-syudad nga kategorya. Pinaagi han Executive Order No. 304, han petsa nga Marso 30, 2004, an Syudad han Koronadal nahimo nga sentro han rehiyon han SOCCSKSARGEN nga rehiyon, nga amo an mga probinsya han North Cotabato, Sultan Kudarat, ngan han mga syudad han Kidapawan, Tacurong, ngan Cotabato tikang han Butnga nga Mindanao nga Rehiyon, ngan han mga probinsya han South Cotabato ngan Sarangani ug an mga syudad han Koronadal ngan General Santos nga han una tikang han Rehiyon XI.

Laoag

Mayda impormasyon hini nga artikulo nga aada han Iningles nga bersyon nga angay ighubad ha WinarayAn Syudad han Laoag(ha Inintsek: 老沃 Pinyin: Lǎowò) usa nga ikaduha nga klase nga syudad ha lalawigan han Ilocos Norte, Pilipinas. Amo ini an kapital nga syudad han Ilocos Norte, ngan sentro han politika, komersyo, ngan industriya han lalawigan. An mga bungto han San Nicolas, Paoay, Sarrat, Vintar, ngan Bacarra amo an naghihimo han mga katubtuban hini. An mga pagtikang nga bungtod han Cordillera nga Butnga nga kabugkiran ha sidlangan, ngan an Dagat Tsina Salatan ha katundan amo an mga pisikal nga katubtuban han lalawigan.

Sumala han census han tuig 2000, mayda ini populasyon nga 94,466 ka tawo ha 19,751 nga mga panimalay.

Polisiya hit komersyo

Iton polisiya hit komersyo in mga surundan ngan regulasyon nga may panuyuan igbal-iw an awas han pankanasuran pannegosyo, labi na an pag-pakuri han pag-import.

Shinjuku, Tokyo

An Shinjuku (ha Hinapon: 新宿区 nga ha Linatin nga kasurat Shinjuku-ku) usa han mga karuhaan kag tulo (23) nga mga ispisyal nga baryo han Tokyo, Hapon. Usa ini nga dako nga sentro hin komersyo ngan administrasyon, ngan anhe an pinakadamo hin buhat nga istasyon hin tren ha kalibutan (Istasyon han Shinjuku), ngan an Edifisyo han Metropolitano nga Gobyerno han Tokyo, an sentro hin administrasyon para han kagamhanan o gobyerno han Tokyo.

Nagpapalibot han Istasyon han Shinjuku in mga tindahan nga almasen, mga tindahan para hin mga ispisyalista hin electronika ngan camera, mga sinehan, mga restaurante ngan mga bar. Damo nga mga internasyonal nga hotel anhi nahamutang.

Dida han 2008, an baryo mayda populasyon nga mga 312,418 ngan densidad hin 17,140 ka tawo ha tagsa km². An bug-os nga kahaluag 18.23 ka km².

Syudad han Sugbo

Mayda impormasyon hini nga artikulo nga aada han Iningles nga bersyon nga angay ighubad ha WinarayAn Syudad han Sugbo (o Syudad han Cebu, ha Sinugboanon: Dakbayan sa Sugbo) usa nga syahan nga klase nga syudad ha lalawigan o probinsya han Sugbo ha Butnga nga Kabisay-an nga rehiyon han Kabisay-an ha Pilipinas. Amo ini an kapital han Lalawigan han Sugbo ngan amo ini an ikaduha nga pinakaimportante nga metropolitano nga sentro han nasod. Nahamutang an syudad ha sidlangan nga dapit han Isla han Sugbo ngan amo ini an gimaihai nga syudad han nasod. Amo ini an main nga pag-ultan hin pamarko han nasod ngan base hin labaw hin 80% han mga kompanyiya hin panbarko han nasod. An Syudad han Sugbo amo gihapon an main nga pag-ultan, ha gawas han Manila, hin mga panlangyaw nga mga pagbiyahe hin idro han nasod ngan amo an pinakaimportante nga sentro hin komersyo, pannegosyo, ngan industriya han Kabisay-an ngan Mindanao, an mga salatan nga bahin han nasod. Tungod hini ngan iba pa nga mga aspeto nga an Cebu gin-agnayan nga amo an Hada nga Syudad han Salatan o Reyna nga Syudad han Salatan. Sumala han census han tuig 2000, mayda an Mandaue in populasyon nga 718,821 ka tawo ha 147,600 nga mga panimalay.

An Syudad han Sugbo amo an sentro hin metropolitano nga kahaluag nga tinatawag nga Metro Cebu, nga naglalakip han mga syudad han Mandaue, Lapu-Lapu, ngan Talisay. It Metro Cebu mayda populasyon nga sobra 2 ka milyon (o ribo) nga mga tawo. An Aeropuerto Panlangyaw han Mactan-Cebu, nga nahamutang ha Syudad han Lapu-Lapu mga karuhaan o baynte ka minuto nga pagbiyahe hin kotse tikang ha Syudad han Sugbo. Ha dumagsaan o amihanan-sidlangan han syudad amo an Syudad han Mandaue ngan an bungto han Consolacion, ha katundan amo an Syudad han Toledo, an mga bungto han Balamban, ngan Asturias, ha salatan amo an Syudad han Talisay ngan an bungto han Minglanilla. Tabok han Estrecho han Mactan ha sidlangan amo an Isla han Mactan nga diin nahamutang an Syudad han Lapu-Lapu.

São Paulo

An São Paulo (Pinortuges nga pagluwas: [sɐ̃ʊ̯̃ ˈpaʊ̯lʊ ] ( pamati-a) o kun ha Kinasila ngan Winaray: San Pablo) usa nga munisipyo ha Timugan nga Rehiyon han Brasil. An metropolis usá nga alpha global nga syudad (ha pagtalaan han GaWC) ngan an gidamo-i hin molupyo nga syudad ha Brasil, han Katundan nga Hemisfero ngan han Salatan nga Hemisfero, dugang pa han pagin gidako-i nga nag-Pipinortuges nga syudad ha kalibotan. An munisipyo amo gihapon an ika-11 nga gidako-i nga city proper han kalibotan ha kamolupyohan. An syudad amo an pamunuan han nagpapalibot nga estado han São Paulo, an estado nga gidamo-i hin molupyo ngan girikohi nga estado ha Brasil. Nag-uunat iní hin dako nga impluwensya ha langyaw ha komersyo, panalapi, mga arte ngan ha kali-awan. An ngaran han syudad nagpapasidungog kan Apostol San Pablo han Tarso. An metropolitano nga kahaluag han syudad, an Darudako nga São Paulo, nagraranggo nga amo an gidamo-i hin molupyo ha Brasil ngan amo an ika-12 nga gidamo-i hin molupyo ha kalibotan. An proseso hin con-urbasyon han metropolitano nga mga kahaluag nga nahamutang nga naglilibot han Darudako nga São Paulo (Campinas, Santos, Sorocaba ngan han Siong han Paraíba) naghimo han São Paulo Macrometropolis, a megalopolis nga mayda labaw hin 30 ka milyon nga mga molupyo, usá han mga gidamo-i hin kamolupyohan nga mga urbano nga aglomerasyon ha kalibotan.

Venesya

An Venesya (ha Initalyano: Venezia, Venesyano: Venesia o Venexia; ha Kinatsila: Venecia; ha Iningles: Venice) usa nga syudad ha amihanan nga Italya, an kapital han rehiyon han Veneto. Upod han Padua, nalalakip an syudad han Padova-Venesya nga Metropolitano nga Area (nga may populasyon nga 1,600,000). Ha kaagi, an syudad usa ng naglulugaring nga nasod. Kilalado an Venesya nga "La Dominante", "Serenissima", "Hada" o "Reyna han Adriatico", "Syudad hin Tubig", "Syudad hin Mga Tulay", ngan "Syudad hin Kapawa". Ginsisiring hin agsob nga usa ini han mga gimahusayi nga syudad ha kalibutan.An syudad naglalakip hin 18 nga mga gudti-gudti nga puro o isla dida han bangalogon nga Laguna han Venesya ha daplin han Dagat Adriatico ha dumagsaan nga Italya. An maarat hin tubig nga laguna nahamutang ha butnga han mga ganghaan han Po (ha salatan) ngan han Piave (ha amihanan) nga mga Salog. Nalalakip han banabana hin populasyon nga of 272,000 ka molupyo an populasyon han bug-os nga comune han Venesya; mga 62,000 ka molupyo han kaagihanon o historiko nga syudad han Venesya (Centro storico); 176,000 ka molupyo ha Terraferma (ha literal nga Winaray "dig-on nga tuna"; an tawag han Mainland), nga kaurogan didto han dako nga frazione han Mestre ngan Marghera; ngan 31,000 ka molupyo nga naukoy han iba nga mga puro o isla dida han laguna.

An Republika han Venesya usa nga importante nga gahom ha kadagatan dida han Butnga nga Panahon ngan Renasimyento, ngan usa nga lugar hin pagtirok para hin paglansar para han mga Cruzadas ngan han Pag-awayan han Lepanto, ngan usa gihapon nga importante nga sentro hin komersyo (labi na hin seda, grano ngan komersyo hin panakot) ngan arte dida han ika-13 nga siglo tubtob han kataposan han ika-17 nga siglo.

Wikiquote

An wikiquote in usa ha uska pamilya nga nakabase-ha-wiki nga mga proyekto nga gindudumara han Wikimedia Foundation, nga nagpapadalagan hin MediaWiki software.

Wikisource

An wikisource in uska aada-ha-linya nga digital nga sulod-barasahn hin gawasnon-ngan-libre nga sulod hin ginkuhaan nga mga teksto nga aada ha wiki, nga gindudumara han Wikimedia Foundation.

Wikispecies

Iton Wikispecies in nakabase-ha-wiki nga aada-ha-linya nga proyekto nga suportado han Wikimedia Foundation. May panuyuan hini nga makahimo hin komprehensibo nga gawasnon nga sulod han taramdan han ngatanan nga species ngan nakadirekta ha mga syentipiko, imbes ha pankasahiran nga publiko. Jimmy Wales—chairman emeritus han Wikimedia Foundation— in nagsering nga an mga magliriwat in diri kinahanglan mag-fax han ira grado akademiko, pero an mga igsusumite in kinahanglan makapasar ha kakutihan han mga teknikal nga magbarasa. An Wikispecies in nagpapailarom han GNU Free Documentation License ngan CC-BY-SA 3.0.

Ha pagtikang han Septyembre 2004, nga an mga biyolohista palibot han kalibutan ginimbitaran nga inmamot, an proyekto in tinmubo hin framework nga naglalakip han Linnaean taxonomy, nga may mga sumpay ha artikulo han Wikipedia han tagsa species han Abril 2005.

Wiktionary

Iton wikitionary in nakabase-ha-web nga proyekto hit paghimo hin gawasnon ngan libre nga diksyunaryo.

Ha iba nga mga yinaknan

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.