Kanawayan

An kanawayan o amihanan-katundan in usa ka direksyon ordinal ha kabutngaan han amihanan ngan katundan. Ini an atubangan han timugan.

Compass Rose English Northwest
Agianan ha Kanawayan

An Agianan ha Kanawayan (Iningles: Northwest Passages o Northwestern Passages) usa nga agianan ha dagat ha kalawdan Artiko, nga naagi ha amihanan nga baybayon han Amihan nga Amerika pinaagi han katubigan han kanan Kanada kapuropod-an ha Artiko, nga nasumpay han Kalawdan Atlantiko ngan Kalawdan Pasipiko. An dirudilain nga mga puro han kapuropod-an tagsatagsa nga nabubulag ngan an puno nga katunaan han Kanada hin sagunson nga tubig-agianan ha Artiko nga ha kabug-osan tinatawag nga Agianan ha Kanawayan.

Bellou-sur-Huisne

An Bellou-sur-Huisne usá nga kasanhi nga komyun ha departamento han Orne ngan ha rehiyon han Basse-Normandie ha kanawayan nga dápit han nasod han Fransya. Han 1 Enero 2016, iginhiusá ini ngadto han bag-o nga komyun han Rémalard-en-Perche.

Braga (distrito)

An Distrito han Braga nahamutang ha kanawayan nga dapit han Portugal. An Kapital han Distrito amo an syudad han Braga. Ginsasapitan in han distrito han Viana do Castelo ha amihanan, han distrito han Vila Real ha sidlangan ngan han distrito han Porto ha salatan. An kahaluag hini 2673 ka km² ngan mayda ini populasyon nga 831,368.

An distrito nahimo hin napulo kag upat (14) nga mga bungto:

Amares

Barcelos

Braga

Cabeceiras de Basto

Celorico de Basto

Esposende

Fafe

Guimarães

Póvoa de Lanhoso

Terras de Bouro

Vieira do Minho

Vila Nova de Famalicão

Vila Verde

Vizela

Braganza (distrito)

An Distrito han Bragança o Braganza nahamutang ha kanawayan han Portugal. An Kapital han Distrito amo an syudad han Braganza. An Mirandela ngan Macedo de Cavaleiros mga importante gihapon nga mga sentro. An kahaluag hini is 1,173 ka km².

Bretagne

An Bretanya o kun ha Frinanses Bretagne (ha Brineton Breizh; ha Ginalo Bertaèyn; Kinatsila: Bretaña; Ininglis: Brittany) amo an usa ka rehiyon ha nasod han Fransya. Nahamutang ini hin dako nga peninsula o katarman ha kanawayan han nasod, ha butnga han Kanal Ingles ha amihanan ngan han Bahia han Biscay ha salatan. An kapital hini amo an Rennes.

Cabiao

An Cabiao usa nga ikatulo nga klase nga bungto ha lalawigan han Nueva Ecija ha Luzon, ha Pilipinas. Nahamutang ini ha butnga han San Isidro ngan Arayat, Pampanga ngan ha kanawayan amo an Concepcion, Tarlac. Mga usa ka oras ngan tunga ini ha biyahe ha auto tikang ha Manila. Sumala han census han tuig 2000, mayda ini populasyon nga 62,624 ka tawo ha 11,655 nga mga panimalay.

Colombia

An Colombia nga ha opisyal nga pagtawag Republika han Colombia (ha Kinatsila: República de Colombia), usa nga nasod ha kanawayan o amihanan-katundan nga Salatan nga Amerika o América del Sur. Ginsasapitan an Colombia ha sidlangan han Venezuela ngan Brasil; han Ecuador ngan Peru ha salatan ; han Dagat Caribe ha amihanan; ha kanawayan han Panama; ngan han Kalawdan Pacifico ha katundan. An Colombia mayda liwat mga pag-ultan ha dagat upod han Jamaica, Haiti, an Republika Dominicana, Honduras, Nicaragua ngan Costa Rica. An amo an ika-26 nga gidako-i nga nasod ha kalibutan ngan an ika-upat nga gidako-i ha Salatan nga Amerika (sunod han Brasil, Argentina, ngan Peru). Amo ini an ika-29 nga gidako-i hin populasyon nga nasod ha kalibutan ngan an ikaduha nga gidako-i ha Salatan nga Amerika, sunod han Brasil. An Colombia amo an mayda han ikatulo nga gidako-i nga populasyon nga nayakan hin Inespanyol o Kinatsila ha kalibutan sunod han Mehiko ngan Espanya.

Galicia

An Galicia (nga agsob liwat ginsusurat ha Galego nga Galiza) usa nga komunidad autonoma han Espanya, nga nahamutang ha kanawayan o amihanan-katundan han Península Ibérica ngan nahimo ini han mga lalawigan o probinsya han La Coruña, Lugo, Ourense ngan Pontevedra. Ha heyograpiya, ginsasapitan ini ha amihanan han Dagat Cantábrico, han nasod han Portugal ha salatan, han Kalawdan Atlantico ha katundan ngan han Principado de Asturias ngan Castilla y León (mga lalawigan han Zamora ngan León) ha sidlangan.

Nahalakip ha Galicia an kapuropod-an han islas Cíes, an kapuropod-an han Ons, ngan an kapuropod-an han Sálvora, sugad hin iba nga mga isla o puro sugad han Cortegada, Arosa, an kapurupod-an han Sisargas, o an kapuropod-an han Malveiras.

An Galicia mayda 2.78 ka ribo o milyon nga mga molupyo (2008), nga mayda distribusyon hin katawhan nga diin an dako nga bahin nahamutang han katunaan ha butnga han Ferrol ngan Vigo. An Santiago de Compostela amo an kapital han Galicia nga mayda estatuto nga ispisyal, ha sakob han lalawigan han La Coruña.

An himno han Galicia, Os Pinos, ha pagpadayag ni Eduardo Pondal, nareferir han Galicia komo nasod ni Breogán, usa nga Kelta nga bayani. An Estatuto hin Autonomiya, dida han syahan nga artikulo, natawag han Galicia komo usa nga nacionalidad histórica o nasyonalidad ha kaagi..

Ilocos nga Rehiyon

Mayda impormasyon hini nga artikulo nga aada han Iningles nga bersyon nga angay ighubad ha WinarayAn Rehiyon 1 han Pilipinas nga tinatawag gihapon nga Ilocos nga Rehiyon nahamutang ha kanawayon o amihanan-katundan nga dapit han Luzon. Ginsasapitan ini han Administratibo nga Rehiyon han Cordillera ngan Siong han Cagayan ha sidlangan, han Butnga nga Luzon ha salatan ngan han Dagat han Tsina Salatan ha katundan.

An rehiyon mayda upat nga mga probinsya, nga amo an: Ilocos Norte, Ilocos Sur, La Union ngan Pangasinan. An sentro han rehiyon amo an Syudad han San Fernando, La Union. An demograpiko han rehiyon amo in mga 70% nga Ilocano ngan 28% nga mga Pangasinense.

Bisan kon gindesignar han gobyerno an Rehiyon I nga Ilocos nga Rehiyon, damo nga tawo nagkikita hini nga ngaran nga etnosentriko hin duro. Damo nga mga tawo nakaruyag han ngaran nga Kanawayan nga Luzon nga Rehiyon (o Aminahan-Katundan nga Luzon nga Rehiyon) nga mas naangay kon ha heyograpiya.

Lalawigan han Ourense

Mayda impormasyon hini nga artikulo nga aada han Iningles nga bersyon nga angay ighubad ha Winaray

Mayda impormasyon hini nga artikulo nga aada han Kinatsila nga bersyon nga angay ighubad ha WinarayAn Orense (ngaran ha Kinatsila) o Ourense (ngaran ha Galego) usa nga probinsya o lalawigan han Galicia, Espanya. Nahamutang ini ha kanawayan ng dapit han Espanya, didto han dapit nga timugan han komunidad autonoma han Galicia. Ginsasapitan ini han mga lalawigan han Pontevedra ha katundan, han Lugo ha amihanan, han León ngan Zamora ha sidlangan, ngan han nasod han Portugal ha salatan.

An kapital hini amo an syudad han Ourense.

Mayda ini kahaluag nga 7.273 ka km² ngan amo la ini an lalawigan han Galicia nga waray garawsan ngadto ha dagat.

An katawhan han lalawigan mga 336,099 ka molupyo (INE 2008), ngan tikang hini, mga 31.85% nangungukoy didto han kapital. Mayda 92 ka munisipyo ha lalawigan han Ourense.

Mga Teritoryo ha Kanawayan

An Mga Teritoryo ha Kanawayan amo an usa ka teritoryo ha nasod han Kanada. An kapital hini amo an syudad han Yellowknife.

Northwest Samar State University

Iton Northwest Samar State University (sa literal nga Winaray: Estadohanon nga Unibersidad sa Kanawayan nga Samar) in usa nga panpubliko nga unibersidad ha Pilipinas nga nahimumutang ha Calbayog.

Palawan

An Palawan usa nga isla nga lalawigan o probinsya han Pilipinas nga nahamutang ha MIMAROPA nga rehiyon. An kapital hini amo an Syudad han Puerto Princesa ngan amo ini an gidako-i nga lalawigan ha kahaluag hin tuna. An mga isla han Palawan nahamutang tikang ha Mindoro tubtob Borneo ha habagatan. Nahamutang ini ha butnga han Dagat Salatan nga Tsina nga Dagat ha kanawayan ngan Dagat Sulu ha timugan.

Paraguay

An Paraguay (ha Guarani: Paraguái), nga an opisyal nga pagtawag Republika han Paraguay (Kinatsila: República del Paraguay ; Guaraní: Tetã Paraguái), amo han usa han mga duduha la nga ginpalibutan hin tuna nga nasod ha Salatan nga Amerika (upod han Bolivia). Nahamutang ini han duha nga mga pangpang o dapit han Salog Paraguay ngan ginsasapitan ini han Argentina ha salatan ngan ha habagatan, han Brasil ha sidlangan ngan ha dumagsaan, ngan han Bolivia ha kanawayan. Tungod han pagkabutnga hini nga kahamutang ha Salatan nga Amerika, an nasod agsob tawagon nga Corazón de América — Kasingkasing han Amerika.

Plogastel-Saint-Germain

An Plogastel-Saint-Germain (Brineton: [Plogastell-Sant-Jermen] ) usa ka komyun ha departamento han Finistère ngan ha rehiyon han Bretagne ha kanawayan o amihan-katundan nga dapit han nasod han Fransya.

Sainyabuli (lalawigan)

An Sainyabuli o Sayaboury (ha Lao ໄຊຍະບູລີ) usa nga lalawigan han Laos, nga nahamutang ha kanawayan nga dapit han nasod. An kapital hini amo an syudad han Sainyabuli

Siquijor

Ini nga artikulo mahitungod han probinsya. Para hin impormasyon mahitungod han bungto, kitaa iton Siquijor, Siquijor.An Siquijor usa nga isla-nga-probinsya o lalawigan han Pilipinas nga nahamutangan ha Butnga nga Kabisay-an nga rehiyon. An kapital hini amo an bungto nga Siquijor gihapon it ngaran. Ha kanawayan o amihanan-katundan han Siquijor amo iton Sugbo ngan Negros, ha dumagsaan o amihanan-sinirangan amo iton Bohol ngan ha salatan o habagatan, ha tabok hiton Dagat Bohol iton Mindanao.

Udomsai

An Udomsai o Udomxai (puyde liwat igsurat nga Oudomxay o Oudômxai; ha Lao ອຸດົມໄຊ) usa nga lalawigan han Laos, nga nahamutang ha kanawayan nga dapit han nasod.

Nahimo an lalawigan han 1976, han pagbulaga hini tikang han lalawigan han Luang Prabang. Han mga 1987 an kapital han lalawigan ginbalhin tikang ha Ban Nahin ngato ha Muang Xai.

Varzo

An Varzo usa ka comune ha lalawigan han Verbano-Cusio-Ossola ha rehiyon han Piemonte ha nasod han Italya. Nahamutang ini hin mga 130 ka kilometro (81 ka milya) ha dumagsaan tikang ha Turin ngan mga 35 ka kilometro (22 ka milya) ha kanawayan tikang ha Verbania, dida han frontera upod han Swiza. Tikang han 31 Disyembre 2004, mayda ini populasyon hin 2,209 ngan kahaluag nga 94.4 ka kwadrado nga kilometro (36.4 ka kwadrado nga milya).Ginsasapitan han Varzo an mga nasunod nga mga munisipyo: Baceno, Bognanco, Crevoladossola, Crodo, Grengiols (Switzerland), Ried-Brig (Swiza), Trasquera, Zwischbergen (Swiza).

Kilalado gihapon an Varzo tungod han Europeo nga natural nga parke, Alpe Veglia

http://www.alpeveglia.it/index_eng.htm

Mga direksyon nga Cardinal ngan Ordinal

Ha iba nga mga yinaknan

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.