ISBN

Iton International Standard Book Number usa nga numero pan-komersyo nga pangilal-an hin mga libro nga tinuyo nga magin waray kadoble. An mga namamatik in napalit hin mga ISBN tikang ha usa nga affiliate han International ISBN Agency.[1]

An usa ka ISBN gin-a-assign ngada ha tagsa edisyon ngan kaibhan (labot la han reprinting) han usa ka libro. Pananglitan, an e-book, an paperback ngan an matig-a nga tabon nga edisyon han pareho nga libro in magkakamay-ada hin magkakadirudilain nga ISBN. An ISBN may-ada 13 numero nga kahilaba kun ini in na-assign tikang han 1 Enero 2007 ngan 10 ka numero nga kahilaba kun ugsa han tuig 2017. An pamaagi hin pag-assign hin ISBN in nakabase-han-nasod ngan nagkakadirudilain ha tagsa-tagsa nga nasod, agsob nagdedepende kun ano kadako han industriya han pamatik ha sulod han usa ka nasod.

EAN-13-ISBN-13

Mga kasarigan

  1. "The International ISBN Agency". Ginkuhà 20 February 2018.
Bagang

An bagang o kagang usa ka klase nga mananap. Ha Norte han Samar, mas kilala ini na mananap na trumpo (Eng. beetle) ug bagang (Eng. Stag beetle, or Rhinoceros Beetle), ngan ha kanra, an kagang usa nga klase hin "crab" na naingun ha kinis.

Baraw

An Araneae (Araneae) in uska ordo han Arachnida. An Araneae in nahilalakip ha classis nga Arachnida, phylum nga Arthropoda, ngan regnum nga Animalia. An ordo nga Araneae in naglalakip hin 39847 ka mga species, sumala ha Catalogue of Life. An lawà o lawalawa, kaka o baráw amo an mananap nga wawalo it tiil ngan nahimo hin lawalawa.

Brasil

An Brasil nga an opisyal nga ngaran Republika Federativa han Brasil (ha Pinortuges: República Federativa do Brasil) amo an usa ka nasod ha Salatan nga Amerika. An kapital han nasod amo an Brasília.

Bungtó

An bungtó o bongtó usa nga lugar nga pan-urukuyan nga may-ada guti nga gatos ngadtu ha pipira kayukot (danay subra gatos kayukot) nga mga mangurukoy. An mga mangurukoy hini amo an gintatawag nga bungtohanon.

Carl Linnaeus

Hi Carl Linnaeus (23 Mayo 1707 – 10 Enero 1778), kilala gihapon han iya pagtahod nga ngaran nga Carl von Linné, in uska Swedeno nga botanista, magtarambal ngan zoolohista, nga naglatag han mga pondasyon han moderno nga iskima han binomial nga pag-ngaran. Hiya an sinisiring nga amay han moderno nga taksonomiya, ngan hiya liwat an sinisiring nga usa ha mga amay han moderno nga ekolohiya. Kadam-an han iya mga sinurat in nakalatin, ngan an iya ngaran ha Linatin in Carolus Linnæus (katima han tuig 1761 nagin Carolus a Linné).

Hi Linnaeus in natawo ha horon nga dapit han Småland, ha salatan nga Suwesya. Hi Linnaeus in kinmarawat han iya kadam-an nga hiruhitaas nga pag-aram ha Unibersidad han Uppsala, ngan nagtikang pagtutdo ha botaniya ngada han tuig 1730. Inmukoy hiya ha langyaw han butnga nga mga tuig 1735 ngan 1738, kun diin hiya in nag-aram ngan iya liwat ginpapatik an syahan nga edisyon han iya Systema Naturae ha Nederlandes. Binmalik liwat hiya ha Suwesya, kun diin hiya in naging propesor hin medisina ngan botaniya ha Uppsala. Han dekada 1740, hiya in makadamo ginpabiyahe palibot ha Suwesya para makabiling ngan makapag-angay-angay hin mga tanaman ngan kahayopan. Han mga dekada 1750 ngan 60, hiya in nagpadayon pangolekta ngan pangalisipika hin mga kahayopan, tanaman ngan mga mineral ngan nagpapatik hin pipira nga mga bolyum. Han takna han iya kamatayon, hiya in usa ha mga gindadayawan nga sayantista ha Europa.

An Swisa nga pilosopo nga hi Jean-Jacques Rousseau in nagpadangat hin mensahe ha iya: "Sidngi hiya nga waray ako nababaroan nga tawo nga mas labaw ha iya dinhi ha tuna." An Aleman nga manunurat nga hi Johann Wolfgang von Goethe in nagsurat: "Labot la kanda Shakespeare ngan Spinoza, waray gud ako nababaroan ha nagkamatay nga mas nakaimpluwensiya ha akon." An Swedeno nga awtor nga hi August Strindberg in nagsurat: "Ha ungod la, hi Linnaeus in usa maniniday nga nahitabo la nga naturalista". Ha iba liwat nga mga pagdayaw, hi Linnaeus in gintatawag nga Princeps botanicorum (Prinsipe han mga Botanista), "An Pliny han Amihanan," ngan "An Ikaduha nga Adan".

Ha botaniya, an pagpahalipot han ngaran hin awtor nga gingagamit para pagtudlok kan Linnaeus komo otoridad han kanan mga species nga mga ngaran in L. An kan Linnaeus lawas amo an type specimen han species nga Homo sapiens, sumala han International Code of Zoological Nomenclature, tungod an nag-uusahan nga specimen nga iya gin-adman, ha takna han pagsurat han paghulagway han species, in hiya kalugaringon la ngahaw.

Fransya

An Fransya (ha Ininggles ngan Frinanses: France (Franses nga IPA: [fʁɑ̃s]); ginsusurat liwat ha Winaray nga Pransya, Pransyá, Pransiya, o Fransiya o kundi man han Kinatsila nga bersyon han ngaran nga Francia), nga kilalado ha opisyal nga Repúblika Fransesa (Frinanses: République française [ʁepyblik fʁɑ̃sɛz]), usa nga nasod nga an teritoryo hini nahihimo han metropolitano nga Fransya ha katundan nga Europa, pati gihapon hin pipira nga mga rehiyon ngan teritoryo nga tabok-han-dagat. An metropolitano nga teritoryo hini nahamutang ha Katundan nga Europa ngan lakip gihapon han nasod in mga dirudilain nga mga puro o isla ha langyaw ngan mga teritoryo ha iba nga mga kontinente. It Metropolitano nga Fransya tikang hiton Dagat Mediterraneo tubtob han English Channel ngan han Dagat Amihanan, ngan tikang han Salog Rhin tubtob han Dagat Atlantiko. It mga Franses nga mga tawo masurong nga natawag hit Metropolitano nga Fransya nga L'Hexagone (An "Hexagon") tungod han heometriko nga kahimo han teritoryo hini.

Fungus

An fungus amo an organismo eukaryotiko nga miyembro han ginhadian Fungi, na nasakop san mga microorganisms na sugad yeasts, alamag ngan mga ulaping. Buhi ini nga organismo nga nalalain sa mga hayop, tanom, protista, eubakterya ngan archaebakterya. An usa na pagkakaiba san fungus amo an pagkakamay'ada cell wall na mayaon chitin, diri pareho san cell wall san hayop ngan tanaman ngan iba na protista na may ada cellulose, ngan lain liwat san cell wall san bakterya.

Hayop

Hayop, amo an mga multicellular ngan eukaryotic na mga organismo ilarum san kahadian o kingdom Animalia (na gintatawag liwat na Metazoa). Permanente an pang-ngurte san lawas bisan pa kun an iba naagi sin proseso na gintatawag na metamorphosis. Kadam'an san hayop gintatawag na motile o nakagkiwa san kalugaringun. Natanan na hayop kinahanglan kumaon san iba na orgnismo para mabuhi (Heterotroph).

Kaurugan na phyla san hayop nagtikang magkaguwa sa fossil record bilang mga marino na species sadton Cambrian explosion, mga 542 milyones katuig an nakalabay. Nababahin an mga hayop sin daramo na grupo sugad san: vertebrate (tamsi, mammal, ampibyan, reptilia, isda); mollusc (bibi, talaba, kugita, nuos, kuhol); arthropod (ulalahipan, bayod, insekto o mananap, lawalawa, tapuso, kinis, banagan, pasay); annelida (wati, linta); spongha; ngan bokya o salabay.

India

An Indya o India (ha Devanagari: भारत > Bhārat), nga an opisyal nga pagtawag Republika han Indya (Bhārata Gaṇarājya), usa nga nasod ha Salatan nga Asya. Amo ini an ikapito nga gidako-i nga nasod ha kahaluag hin heyograpiya, an ikaduha nga gidamo-i hin populasyon nga nasod, ngan an gidamo-i hin populasyon nga liberal nga demokrasya ha kalibutan. An India mayda lapyahan hin labaw hin pito ka yukot ka kilometro, nga gindelimitar han Kalawdan Indiano ha salatan, han Dagat Arabo ha katundan, ngan han Bahia han Bengal ha sidlangan. Ginsasapitan an India han Pakistan ha kalondan; han Tsina, Nepal ngan Butan ha dumagsaan o amihanan-sidlangan; ngan han Bangladesh ngan Myanmar ha sidlangan. Ha Kalawdan Indiano, an Indya harani han Sri Lanka, Maldivas ngan Indonesya.

Ininglis

An Ininglis, nga puyde liwat igwinaray an ngaran nga Ininggles o Iningles (tuminongnong nga ngaran: English o kun bug-oson English language) usá nga Katundan nga Germanico nga pinulongan nga ginyakán anay han sayó nga medieval nga Inglaterra ngan yanâ amo an ikatulo nga ginyayakan hin hirayo nga tuminongnong nga pinulongan ha kalibutan, sunod han Standard nga Tsinino ngan Kinatsila. Gin-ngaranan iní para han mga Angle (Angles), usá han mga Germaniko nga tribo nga nanbalhin ngadto ha Inglaterra, ginkuha an ngaran tikang han Anglia (Angeln) nga rawis ha Dagat Baltico. Harani ini nga nahanungod han mga Frisian nga pinulongan, kundi an pagpurulongan hiní na-impluwensya hin dako hin iba nga Mga Germanico nga pinulongan, labi na han Norse (usá nga Amihan nga Germanico nga pinulongan), pati gihapon han Linatin ngan mga Romanse nga pinulongan, labi na gud han Frinanses.

Kalendaryo Gregoryano

An Kalendaryo Gregoryano amo an ginkakarawat nga kalendaryo sibil han kanasuran. Siyahan gin proposar han ni Aloysius Lilius, nga ginmando ni Papa Gregorio XIII, kun diin ginngaranan an kalendaryo ha iya.

Langaw

An mga langaw amo in mga mananap nga aada ha orden Diptera.

Namok

An mga lamok o namok amo an nanlulupad nga mananap nga tikang ha banay Culicidae. An Culicidae in uska familia han Diptera. An Culicidae in nahilalakip ha ordo nga Diptera, classis nga Insecta, punoan nga Arthropoda, ngan regnum nga Animalia. An familia nga Culicidae in naglalakip hin 3684 ka mga species, sumala ha Catalogue of Life.

Pakla

An pakla o katsapa, amo an mga ampibyan nga aada ha orden Anura. An Anura (Anura) in uska ordo han Amphibia. An Anura in nahilalakip ha classis nga Amphibia, phylum nga Chordata, ngan regnum nga Animalia. An ordo nga Anura in naglalakip hin 5685 ka mga species, sumala ha Catalogue of Life.

Tipikal sa katsapa na manganak o magbonay sa tubig. Gin pupusa an kanra bonay na nagiging larvae na gintatawag na ulo-ulo. May'ada ini na ulo-ulo ukig ngan hasang. May'ada na pipira na katsapa na deposito san kanra bonay sa tuna ngan diri na agi sa pagkaulo-ulo.

Syudad

It syudad in uska dagko ngan permamente nga ukyanan hin katawhan. Bisan waray pagkasarabutan kun ano an pagkakaiba han syudad ngadto ha bungto, kadam-an han mga syudad in may-ada partikular nga administratibo, legal, o makasaysayan nga kahimtang nga nakabase ha lokal nga baload.

Siyudad (Iningles:City) (Pambansa:Siyudad) (Sugbuhanon:Siyudad) (Minuslim:xxxxxxx) (Ilonggo:xxxxxx) uska lugar/dapit nga may tawo, may-ada mga balay, may-ada mga istruktura, may-ada guin hihimu nga istruktura, bilding, may-ada tubig, may-ada kalayu, may-ada yilu, may-ada elektroniko, may-ada panaptun/badu/sarwal/salungtiti/salungpuki/salungsuso, may-ada ka-antiparahan, may-ada dimakina nga sarakyan, may-ada intabladu, may-ada gubyirnu, may-ada dipartamintu, may-ada libruhanan, may-ada padarahan san surat (Iningles:Post Office) (Pambansa:xxxxxxx) (Sugbuhanon:xxxxxxxx) Minuslim:xxxxxxxx) (Ilonggo:xxxxxxxx) (Bicolano:xxxxxxx) (Kapampangan:xxxxxxx), damu it guwapa, damu man liwat itun guwapu.

Tanaman

An tanaman o tanúm, amo an butang nga may kinabuhi, multicellular na eukaryote nga kaurusa ha Ginhadian Plantae. An Clade han tanaman ginsasakob an mga tanamnan na namumukad, conifer ngan mga gymnosperm, ferns o hagnaya, clubmosses, hornworts, liverworts, mosses ngan an berde na algae. Diri sakob san mga tanaman an red ngan brown algae, an fungi, archaea ngan bacteria.

Tubák

An mga tubák tigasaw, o haromigas amo an mga nagkakaurusa nga mga mananap tikang han banay Formicidae, kaupod an mga lapinig ngan mga bubuyog, mga sakop hira han orden Hymenoptera. Hamtik naman an tawag sa tigasaw na baga.

An Formicidae (Formicidae) in uska familia han Hymenoptera. An Formicidae in nahilalakip ha familia nga Vespoidea, ordo nga Hymenoptera, classis nga Insecta, punoan nga Arthropoda, ngan regnum nga Animalia. An familia nga Formicidae in naglalakip hin 10212 ka mga species, sumala ha Catalogue of Life.

Ulalahipan

An ulalahipan amo in mga arthropoda nga kalakip han klase Chilopoda ngan ha Subphylum Myriapoda.

Ha iba nga mga yinaknan

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.