Ensayklopedya

An Ensayklopedya amo an usa ka tukib ngan unuran nga sinurat nga impormasyon nga puydi tikang ha ngatanan nga sanga han kaaradman o usa ka partikular nga sanga han kaaradman.

Brockhaus Lexikon

Mga reperensya

Mga sumpay ha gawas

Afrikaans

An Afrikaans usa nga Germaniko nga pinulongan nga Salatan nga Aprika ngan Namibia hi gingagamit tikang pa han-una ha Latin ngan Afrikaans.

Frinanses

An Frinanses (lumad o tuminongnong nga ngaran: Français) amo an usa ka Romanses nga yinaknan, nga gintikangan paggamit ha Fransya, Belgium, Luxembourg ngan ha Switzerland. Mayda 300 milyones ka tawo it nakakayakan hin Frinanses.

Ilokano nga yinaknan

An Inilukano o Ilokano nga yinaknan (nga kalainlain nga porma han ngaran: Ilocano, Iluko, Iloco, Iloko, Ylocano, ngan Yloco) amo an ikatulo nga pamulong, yinaknan, o pinulongan ha kadamo-hin-nayakan ha Republika han Pilipinas.

Inaleman

An Yinaknan Aleman o Inaleman (lumad ngan tuminongnong nga ngaran: Deutsch) amo an usa ka gingiginamit nga yinaknan han kalibutan. Usa hini nga Yinaknan nga Katundan Alemanon kauropod han pamilya han Indo-Europeo nga yinaknan.

Inesperanto

An Inesperanto o Esperanto amo an usa ka yinaknan nga hinimo ni Ludwik Lejzer Zamenhof, para han masayon mabaroan nga yinaknan para han ngatanan. An pulong nga Esperanto may kasirigngon nga "an usa nga naghihingyap" ha yinaknan inesperanto. An pulong nga Esperanto tikang ha "Doktoro Esperanto", agnay ni Zamenhof para ha iya kalugaringon, ha iya siyahan barasahon para ini nga yinakan. Ini nga libro may ngaran nga "Lingvo internacia. Antaŭparolo kaj plena lernolibro" ("An Lingwahe kanasoran -Pagtikang ngan Waray Kulang nga Teksbook) nga ginpagawas ha tuig 1887.

a,b,c Inesperanto

Ininglis

An Ininglis, nga puyde liwat igwinaray an ngaran nga Ininggles o Iningles (tuminongnong nga ngaran: English o kun bug-oson English language) usá nga Katundan nga Germanico nga pinulongan nga ginyakán anay han sayó nga medieval nga Inglaterra ngan yanâ amo an ikatulo nga ginyayakan hin hirayo nga tuminongnong nga pinulongan ha kalibutan, sunod han Standard nga Tsinino ngan Kinatsila. Gin-ngaranan iní para han mga Angle (Angles), usá han mga Germaniko nga tribo nga nanbalhin ngadto ha Inglaterra, ginkuha an ngaran tikang han Anglia (Angeln) nga rawis ha Dagat Baltico. Harani ini nga nahanungod han mga Frisian nga pinulongan, kundi an pagpurulongan hiní na-impluwensya hin dako hin iba nga Mga Germanico nga pinulongan, labi na han Norse (usá nga Amihan nga Germanico nga pinulongan), pati gihapon han Linatin ngan mga Romanse nga pinulongan, labi na gud han Frinanses.

Initalyano

An Italyano nga pinulongan o Italyano nga yinaknan o Initalyano (lumad ngan tuminongnong nga ngaran: Italiano o lingua italiana) usa nga Romanse nga yinaknan. Mga 60 ka ribo o milyon ka tawo an nayakan hin Initalyano ha Italya ngan 61.5 ka ribo o milyon ha iba nga dapit han kalibutan. Ha Swiza, it Initalyano, usa han upat nga mga opisyal nga yinaknan. Amo gihapon ini an opisyal nga yinaknan han San Marino, ngan amo gihapon an nangunguna nga pinulongan ha Syudad han Vaticano.

Inolandes

An Holandes o Inolandes (lumad ngan tuminongnong nga ngaran: Dutch; Nederlands) amo an usa ka gingiginamit nga yinaknan han Nederlandes. Usa hini nga Yinaknan nga Katundan Germaniko kauropod han pamilya han Indo-Europeo nga yinaknan.

Kinatalan

An Catalan o Katalan nga yinaknan o Kinatalan (lumad ngan tuminongnong nga ngaran Català) usa nga Romanses nga yinaknan. Amo ini an nasodnon ngan opisyal nga yinaknan han Andorra, ngan usa nga igkasi-opisyal nga yinaknan han mga komunidad autonoma han Islas Baleares, Catalunya ngan Komunidad Valenciana. Ha Komunidad Valenciana, tinatawag an yinaknan nga Valencià (Vinalensya) ngan ha syudad han Alghero ha Italyano nga isla han Sardinya. Gin-gagamit liwat ini, bisan waray ini opisyal nga pagkilala, didto han mga komunidad autonoma han Aragón (ha La Franja) ngan Murcia (ha Carche) ha Espanya, ngan gintaga-an hin opisyal nga pagkilala nga may katubtoban, ha rehiyon-ha-kaagi han Roussillon ha salatan nga Fransya, nga nahahanungod yana han département han Pyrénées-Orientales (Amihanan nga Catalunya).

Noruwego

An Noruwego (Iningles: Norwegian; Kinatsila: idioma noruego) (Norsk) usa nga katundan germaniko nga yinaknan ngan opisyal nga yinaknan han Noruega.

Pinolako

An Pinolako (Iningles: Polish; Kinatsila: idioma polaco) (język polski, polszczyzna) usa nga katundan eslava nga yinaknan ngan opisyal nga yinaknan han Polonya.

Prosa

Iton prosa in pinakaagsob nga porma hin linggwahe, nga aplikano ha ordinaryo nga istruktura pan-grammatika ngan natural nga pag-agos hin panyakan, igkumpara han paggamit hin istruktura ritmika (sugad han minat-an nga siday). Bisan may-ada mga mahugot nga debate han pagkahimo hin mga prosa, an iya pagkayano ngan hukal nga kahimo nga istruktura in nagpakadto ha paggamit hin mayorya han yinaknan nga dialogo, paktuwal nga kurukayakan sugad liwad han mga himangrawon ngan himo-himo nga susmatanon nga mga sinurat. Agsob ini gingagamit, pananglitan, ha literatura, peryodiko, magasin, mga ensayklopedya, pag-broadkast, pelikula, kasaysayan, pilosopiya, balaod ngan iba pa nga dirudilain nga porma hin komunikasyon.

Rinuso

An Rinuso usa nga Sidlangan Slavic nga yinaknan. Bahin ini han Indo-Europehanon yinaknana nga banay. Amo ini an gidadamoi nga gingagamit nga yinakanan han mga pinolongan Slavic.

Rumano

An Rumano nga pinulongan o Rumano nga yinaknan o Rumano (lumad ngan tuminongnong nga ngaran: Română o limba română) usa nga Romanse nga yinaknan. Mga 24 ka ribo o milyon ka tawo an nayakan hin Rumania ha Moldavia ngan 4 ka ribo o milyon ha iba nga dapit han kalibutan.

Sinugboanon

An Sinugboanon (o Cebuano o Sebwano) usa nga Binisaya nga yinaknan. Lumad ini nga yinaknan ha Butnga nga Kabisay-an ngan mga bahin han Mindanao. Sugad hiton Winaray, may ada gihapon iton iba-iba nga Sinugboanon: Sinugboanon han Cebu, han Leyte (Kana), han Salatan nga Leyte, han Bohol, han Biliran, ngan han Mindanao. An Sinugboanon han Salatan nga Leyte ngan han Bohol may ada mga kaibahan kun ikukumpara ha Sinugboanon han Cebu tungod ha ira paggamit hiton j imbis nga y:

Siya [Cebu] → Sija [Leyte ngan Bohol]

Pinya [Cebu] → Pinja [Leyte ngan Bohol]

Suweko

An Suweko (Iningles: Swedish; Kinatsila: idioma sueco) (Svenska) usa nga katundan germaniko nga yinaknan ngan opisyal nga yinaknan han Suecia.

Syahan nga Pakli

Uswag kamo ha Waray Wikipedia!

Amo ini an balay han/san Winaray o Binisaya nga Lineyte-Samarnon nga Wikipedia, an libre ngan gawasnon nga ensayklopedya nga bisan hin-o puyde magliwat o mag-edit. An Wikipedia syahan gintikang ha Iningles nga yinaknan han tuig 2001. Ini nga bersyon Winaray gintikang han ika-25 han Septyembre 2005 ngan ha yana mayda 1,263,724 nga barasahon.

Kon karuyag niyo magsari o magprobar, pakadto ha Sandbox. For non-Waray speakers, please proceed here for further assistance.

An Winaray nga Wikipedia in inmabot na hin 1 milyon ka mga artikulo han ika-8 han Hunyo 2014. An ika 1,000,000 nga artikulo in Spiraea splendens.

=== :: Tudlokan ===

Tinag-alog

An Tinagalog o Tinag-alog nga pinulongan (kon ha Tinag-alog: Wikang Tagalog) usa nga Austronesyano nga yinaknan ha Pilipinas. Ini amo an lumad nga yinaknan ha mga butnga nga dapit han isla han Luzon, ngan han mga hagrani nga mga isa. Lumad gihapon ini nga yinaknan ha Mindoro ngan Marinduque. Ini amo la nga yinaknan nga lumad ha Pilipinas nga gintututdo komo usa nga aradman o subjek han bug-os ha Pilipinas. Siring han iba amo daw ini an ginbatikan o ginbasehan han nasudnon nga yinaknan nga Filipino (nga tinawag nga Pilipino ugsa han 1987) kondi mayda liwat mga nasiring nga iton Filipino o Pilipino, usa la nga kalain nga Tinag-alog.

Wikipedia

An Wikipedia usa nga libre ngan gawasnon nga ensayklopedya nga dinudumara han Wikimedia Foundation. Gintikang ini ni Jimmy Wales ha Iningles nga yinaknan dida han tuig 2001. Ha yana, mayda mga bersyon han Wikipedia ha iba nga mga yinaknan. Mayda mga sobra 200 ka bersyon iton Wikipedia.

Ha iba nga mga yinaknan

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.