Ekonomiya

An ekonomiya in naglalakip han sistem ekonomika han uska nasod o iba nga lugar.

Tikang:

Pandagatan: 1

Pangoprasan: 2 Pag-uma

Alabama

An Alabama () usa nga estado nga nahamutang ha timugan o salatan-sinirangan nga rehiyon han Estados Unidos han Amerika. Ginsasapitan ini han Tennessee ha amihanan, han Georgia ha sinirangan, han Florida ngan han Golfo han Mexico ha salatan, ngan han Mississippi ha katundan. An Alabama ika-30 ha pagranggo ha bug-os nga kahaluag hin katunaan ngan ika-duha ha kadako han sulod nga mga katubigan hini. Ika-23 an estado ha katawhan nga mayda 4.7 ka ribo o milyon nga mga molupyo han 2009.Gin-agnayan an Alabama hin diri-opisyal nga agnay nga Yellowhammer State (Estado han Yellowhammer), tungod han tamsi han estado hini. Kilalado liwat an Alabama nga "Heart of Dixie" (Kasingkasing han Dixie). An kahoy han estado amo an Pino hin halaba-hin-dahon, an bukad han estado amo an Camellia. An ulohan han Alabama amo an Montgomery. An gidako-i nga syudad ha katawhan amo an Birmingham. An gidako-i nga syudad ha kahaluag hin tuna amo an Huntsville. An gima-ihai nga syudad amo an Mobile, nga gintukod hin mga Franses nga mga kolonista nga pamunuan han Franses nga Louisiana..

Tikang han Amerikano nga Gyera Sibil tubtob han Gyera Pangkalibotan II, an Alabama, sugad hin damo nga mga estado ha Salatan, nag-antos hin kakurian ha ekonomiya, parte kay tungod hin padayon nga pagdepende ha pag-uma. Bisan man ha pagdukwag hin mga dagko nga industriya ngan mga sentro nga urbano, an mga interes nga mga rural hin busag nagdominar han mga magbabalaod han estado tubtob han mga 1960s, an mga interes nga urban ngan mga Afrikano-nga-Amerikano kulang hin representasyon. Katapos han Gyera Pangkalibotan II, nakatagamtam an Alabama hin pagpadukawag pinaagi han pagbalhin han ekonomiya han estado tikang ha pag-uma ngadto hin dirudialin nga mga interes ha pag-manufacture nga magbug-at, ha pagkuha hin mineral, ha pag-aram, ngan ha teknolohiya. Dugang pa, an pagtukod o an pagpadukwag hin mga damolaay nga mga instalasyoon militar, labi na an kanan U.S. Army ngan U.S. Air Force, nakadugang ha mga trabahon han estado.

Aldehuela de Yeltes, Salamanca

An Aldehuela de Yeltes usa nga barrio ngan munisipyo ha probinsya han Salamanca, katundan nga Espanya, kabahin han komunidad autonoma han Castilla y León. Nahamutang ini nga 63 ka kilometro tikang han syudad han Salamanca ngan mayda ini populasyon nga 273 ka tawo. An munisipyo mayda kahaluag nga 60.46 km²

Nahamutang an barrio ha 832 ka metro ha igbaw han nivel han dagat.

Almazán

An Almazán, (tikang han Arabo nga yinaknan nga nangangahulogan nga "an lugar nga ginpadig-on" o "an lugar nga fortificado") usa nga munisipiyo ngan lokalidad ha probinsya han Soria, ha Komunidad Autonoma han Castilla y León, ha (Espanya).

Barili

An Barili usa nga ikatulo nga klase nga bungto ha lalawigan o probinsya han Sugbo o Cebu, ha Butnga nga Kabisay-an nga rehiyon ha Kabisay-an ha Pilipinas. Sumala han 2000 census, mayda ini populasyon nga 57,764 ka tawo ha 11,164 nga mga panimalay. An Barili nahamutang in kaunman kag usa (61) ka kilometro ha habagatan o salatan-katundan tikang han Syudad han Sugbo. Ginsasapitan ini ha salatan han bungto han Dumanjug; ha amihanan han bungto han Aloguinsan; ha sidlangan han mga bungto han Carcar ngan Sibonga; ngan ha salatan han Estrecho Tañon.

Capiz

An Capiz usa nga lalawigan o probinsya han Pilipinas nga nahamutangan ha Katundan nga Kabisay-an nga rehiyon. An kapital hini Syudad han Roxas ngan nahamutangan ha dumagsaan o amihanan-sinirangan nga dapit han isla han Panay, ngan an Aklan ngan Antique sapit ha katundan, ngan Iloilo ha salatan. It Capiz naatubang hiton Dagat Sibuyan ha amihanan. An Capiz kilalado tungod hiton sinisiring nga mother-of-pearl nga shell nga tinatawag gihapon nga capiz ngan ginagamit hin pagdecorar, paghimo hin mga lampshade, mga tray, mga ganghaan han tamboan, ngbp...

Estados Unidos

An Estados Unidos han Amerika (ha literal nga ka-Winaray: Naghiusa nga mga Bansa han Amerika; ha Iningles: United States of America) usa ka federal nga batakan-balaudnon nga repulika nga naglalakip hin kalim-an nga mga estado ngan usa ka distrito federal. An nasod in kadak-an aada ha butnga han Amihanan nga Amerika, kun diin an Kap-atan kag waló nga magkadukot-dukot nga mga estado ngan an Washington,D.C., an ulohan distrito, in nahamutang ha kamutngaan han mga Kalawdan Pacifico ngan Atlantico, nga ginsasapitan han Canada ha amihanan, Mehiko ha salatan. An estado han Alaska in aada ha kanawayan han continente, nga ginsasapitan han Canada ha Sinirangan, ngan Rusya ha katundan tabok han Estrecho han Bering. An estado han Hawaii in usa ka kapurupod-an ha butnga han Pacifico. Mayda pipira nga mga teritoryo nga ginkakaptan han nasod ha Pacifico ngan Caribe.

Nga may-ada 3.79 milyon milya kwadrado (9.83 milyon km2) ngan lapos han 312 milyon ka mga tawo, an Estados Unidos in ikatulo o ikaupat nga gidakoi nga nasod ha kadako, ngan ika tulo ha kapareho ha katunaan ngan katawhan. Ini an usa ha mga nagkakasurusarakot hin lahi ngan magkadirudilain nga kultura nga nasod, nga produkto han dagko nga pagbalhin han mga imigrante tikang ha damo nga mga nasod. An ekonomiya han Estados Unidos in gidakoi nga nasodnon nga ekonomiya han kalibutan, nga may-ada ginbabanabanahan nga $14.780 trilyon han 2010 GDP (23% han nominal global GDP ngan 20% han global GDP ha purchasing-power parity).

Gachalá

An Gachalá amo in usá ka bungto ngan munisipalidad ha Colombia didto han lalawigan han Guavio, nga kabahin han departamento han Cundinamarca. An urban nga sentro han Gachalá nahamutang hin kaharayô nga 148 kilometr0s (92 mi) tikang han pamunuan o kapital nga Bogotá ha kahitas-an nga 1,712 metr0s (5,617 ft) didto han Sinirangan nga mga Kabugkiran han Colombiano nga Andes. Ginsasapitán han munisipyo an katundan nga bahin han tungâ nga munisipyo han Ubalá ngan han departamento han Boyacá ha amihan, an sinirangan nga dapit han Ubalá ngan Medina ha sinirangan, an Fómeque, Junín ngan Gama ha katundan ngan an Fómeque, Medina ngan an departamento han Meta ha salatan.

Ilocos Sur

An Ilocos Sur (ha literal nga Winaray: Salatan nga Ilocos) usa nga lalawigan han Pilipinas nga nahimutang ha Ilocos nga Region ha Luzon. An kapital hini amo an Syudad han Vigan ngan ginsasapitan ini han Ilocos Norte ngan Abra ha amihanan, Mountain Province ha sidlangan, ngan La Union ngan Benguet ha salatan. Ha kalondan han Ilocos Sur amo an Dagat Salatan Tsina.

Kabisay-an

An Kabisay-an (o Kabisaya-an; ha ortograpiya han Sanghiran san Binisaya: Kabisay'an o Kabisayaan; Kinatsila: Bisayas; Ininglis: Visayas) ngaran han mga rehiyon nga nahamutangan ha butnga o sentral nga bahin han Pilipinas. Inin nga rehiyon ginngaranan nga Kabisay-an o mga Bisaya kay an mga kultura ngan yinaknan han mga taga-dinhe, sinisiring nga Bisaya. Iton Iningles nga pulong nga Visayas nangangahulogan la nga mga rehiyon ug isla han Kabisay-an samtang an pulong nga Kabisay-an ha Binisaya, nangangahulogan gihapon han mga tawo ug kultura han mga Bisaya. An mga lumad nga yinaknan han Kabisay-an tinatawag nga mga Binisaya.

An mga gidagko-i nga isla o puro ha Kabisay-an amo an:

Bohol

Leyte

Negros

Panay

Samar

Sugbo

Lanao del Norte

An Lanao del Norte usa nga probinsya han Pilipinas nga nahamutangan han Amihanan nga Mindanao nga rehiyon. An kapital hini amo an Tubod. An probinsya ginsasapitan han Lanao del Sur ha salatan, han Zamboanga del Sur ha katundan, Misamis Oriental ha dumagsaan o amihanan-sidlangan, Bukidnon ha sidlangan, ngan nahibulag tikang han Misamis Occidental pinaagi han Baybayon han Iligan.

Masbate

An Masbate usa nga probinsya san Pilipinas nga nahamutangan ha Bicol nga Region sa Luzon. An kapital sini amo an Syudad san Masbate ngan an probinsya tulo nga dagko nga mga isla: Masbate, Ticao and Burias.

Misamis Occidental

An Misamis Occidental usa nga probinsya han Pilipinas nga nahamutangan ha Amihanan nga Mindanao nga rehiyon. An kapital hini amo an Syudad han Oroquieta. An probinsya ginsasapitan han Zamboanga del Norte ngan Zamboanga del Sur ha katundan ngan nahibulag tikang han Lanao del Norte han Baybayon han Iligan.

Misamis Oriental

An Misamis Oriental usa nga probinsya han Pilipinas nga nahamutangan ha Amihanan nga Mindanao nga rehiyon. An kapital hini ngan an sentro han rehiyon amo an Cagayan de Oro. Ginsasapitan an probinsya han Lanao del Norte ngan Bukidnon ha salatan, han Agusan del Norte ngan Agusan del Sur ha sidlangan, ngan ha amihanan amo an Dagat Bohol upod han isla-probinsya han Camiguin tikang han amihanan nga labnasan hini.

Nueva Ecija

Mayda impormasyon hini nga artikulo nga aada han Iningles nga bersyon nga angay ighubad ha WinarayAn Nueva Ecija (kon ha literal nga Winaray: Bag-o nga Écija; ha Kinatsila: Nueva Écija) usa nga ginpalibutan nga probinsya han Pilipinas nga nahimutang ha Butnga nga Luzon nga rehiyon. An kapital hini amo an syudad han Palayan. Ginsasapitan han Nueva Ecija, tikang ha salatan tipawala, an mga lalawigan han Bulacan, Pampanga, Tarlac, Pangasinan, Nueva Vizcaya, ngan Aurora.

Sorsogon

Ini nga artikulo mahitungod han probinsya. Para han syudad, kitaa an Syudad san Sorsogon.An Sorsogon usa nga probinsya san Pilipinas nga nahamutangan sa Bicol nga Region sa Luzon. An kapital sini amo an Syudad san Sorsogon ngan ginsasapitan an probinsya san Albay sa amihanan. An Sorsogon ada sa kataposan san Bicol nga Peninsula ngan naatubang san isla san Samar sa timugan o salatan-sinirangan sa tabok sa Estrecho san San Bernardino.

Sulu (lalawigan)

Para han Star Trek nga persona, kitaa an Hikaru Sulu. Para han sultanate, kitaa an Sultanate han Sulu.An Sulu usa nga isla nga probinsya o lalawigan han Pilipinas nga nahamutang ha Autonomo nga Rehiyon han Bangsamoro ha Muslim Mindanao (BARMM). An kapital hini amo an Jolo ngan ini amo an nahamutnga hin katitirok hin mga puro o isla han Kapurupod-an Sulu, ha butnga han Basilan ngan Tawi-Tawi. Amo ini an balayan han Royal nga Sultanate han Sulu.

Surigao del Sur

An Surigao del Sur amo in probinsya o lalawigan han Pilipinas nga nahamutangan ha Caraga nga rehiyon ha Mindanao. An kapital hini amo an Syudad han Tandag ngan ginsasapitan ini han Surigao del Norte ha amihanan, Agusan del Norte ngan Agusan del Sur ha katundan, ngan Davao Oriental ha salatan. An Surigao del Sur nahamutang ha sidlangan nga labnasan han Mindanao ngan naatubang han Dagat Pilipinhon.

Tarlac

Para han syudad, kitaa an Syudad han Tarlac. Para han salog, kitaa an Salog han Tarlac.

Mayda impormasyon hini nga artikulo nga aada han Iningles nga bersyon nga angay ighubad ha WinarayAn Tarlac usa nga ginpalibutan hin tuna nga lalawigan o probinsya han Pilipinas nga nahamutang ha Butnga nga Luzon nga rehiyon. An kapital hini amo an Syudad han Tarlac. An Tarlac nasapit han Pangasinan ha amihanan, han Nueva Ecija ha sidlangan, han Pampanga ha salatan, ngan han Zambales ha katundan.

Zamboanga Sibugay

An Zamboanga Sibugay usa nga probinsya han Pilipinas nga nahamutangan ha Peninsula han Zamboanga nga rehiyon ha Mindanao. An kapital hini amo an Ipil ngan ginsasapitan ini han Zamboanga del Norte ha amihanan, han Zamboanga del Sur ha sidlangan ngan han Syudad han Zamboanga ha habagatan o salatan-katundan. Ha salatan nahamutangan an Baybayon han Sibuguey ha Golfo Moro. An Zamboanga Sibugay amo an gibag-ohi nga probinsya ha Pilipinas, ginhimo han 2001, dida han pagbulag han ika-tulo nga distrito han Zamboanga del Sur.

Zamboanga del Norte

An Zamboanga del Norte usa nga probinsya han Pilipinas nga nahamutangan ha Peninsula han Zamboanga nga rehiyon ha Mindanao. An kapital hini amo an Syudad han Dipolog ngan an probinsya sapit han Zamboanga del Sur ngan Zamboanga Sibugay ha salatan ngan Misamis Occidental ha sidlangan. An Dagat Sulu nahamutang ha kanawayon o amihanan-katundan han Zamboanga del Norte.

Ha iba nga mga yinaknan

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.