Diosesis

Iton diosesis in usa nga distrito o sede ha ilarom han usa ka obispo.

Adam Stefan Sapieha

An Iya Eminencia nga hi Prinsipe Adam Stefan Stanisław Bonifacy Józef Sapieha (Mayo 14, 1867 – Hulyo 23, 1951) amo in usa nga Polako nga Arzobispo han Simbahan Katolika Romana ngan amo an sinisiring han iba, nga nagmaestro kan Papa Juan Pablo II.

Hi Sapieha natawo han Mayo han 1867 ha kastilyo han Krasiczyn ngadto hin pamilya hin nobilidad. Hiya an putó han pito nga mga anak ni Prinsipe Adam Stanisław Sapieha-Kodenski ngan Prinsesa Jadwiga Klementyna Sanguszko-Lubartowicza.

Nag-iskwela hiya han Pontificio nga Gregoriano nga Unibersidad ha Roma, ngan diin didto gihapon hiya gin-ordinar nga padi han Oktubre 1, 1893. An nag-ordinar ha iya amo an hadí nga Obispo han Krakovia nga hi Jan Kardinal Puzyna de Kosielsko. Hi Padre Sapieha nagtrabaho anay komo pastor dida han diosesis han Lemberg, nga diin liwat nagsirbe hiya didto han seminaryo komo miyembro han fakultad hin upat ka tuig hangtod han kahimo niya nga rector hinin seminaryo.

Ginhimo hiya nga obispo han diosesis han Krakovia han Nobyembre 24, 1911, ngan ginkonsagrar hiya ni Papa Pío X han Disyembre 17 hadto gihapon nga tuig. Dida han pagpasaka han kan Sapieha diosesis ngadto hin yakan-balaod hin arsodiosesis han 1925, hi Sapieha amo an nahimo nga syahan nga Arzobispo han Krakovia han siyam-ka-gatos nga kaagi hini. Ginpremyohan hi Sapieha han 1936 han Busag nga Ágila nga Orden.

Han Agosto 1944, napiritan hi Arzobispo Sapieha pagpadalagan han iya seminaryo ha sekreto tungod han pagsalakay ngan pag-okupar han mga Nazi han Krakovia; ginbalhin niya an iya mga seminarista (upod an magigin Papa Juan Pablo II nga hi Karol Wojtyła) ngadto han iya balay han obispo agod matapos an ira pagtuón. Ginhimo hi Sapieha nga Kardinal nga Presbitero, han titulo nga S. Maria Nuova, han Pebrero 18, 1946, nga amo gihapon nga tuig nga iya gin-ordenar hi Karol Wojtyła, ngadto han pagka-padi Katoliko ha kapilya han iya pan-obispo nga urukyan. Maaram hi Sapieha nga hi Wojtyła magigin padi han batan-on pa ini dida han paghatag ni Wojtyła hin pag-uswag nga yaraknon dida han okasyon han pagbisita han arsobispo han iya iskwelahan.

Namatay hi Sapieha han Hulyo 23, 1951, ha edad nga 84. Hi Kardinal Sapieha ginlubong ha kastilyo han Wawel (ha Krakovia).

Guarda (distrito)

An Distrito han Guarda (Pinortuges nga pagluwas: [ˈɡwaɾdɐ]) nahamutang ha Centro nga Rehiyon han Portugal, gawas la han Vila Nova de Foz Côa, nga nahamutang ha Norte nga Rehiyon. An ulohan han distrito ngan an syudad nga gidamo-i hin tawo amo an Guarda.

An distrito mayda napulo kag (14) nga mga munisipyo:

Aguiar da Beira [bungto]

Almeida [bungto]

Celorico da Beira [bungto]

Figueira de Castelo Rodrigo [bungto]

Fornos de Algodres [bungto]

Gouveia [syudad]

Guarda [nangunguna nga syudad/distrito ngan Beiras kapital; lingkoranan han diosesis]

Manteigas [bungto]

Mêda [syudad]

Pinhel [syudad ha kaagi/hadto nga diosesis]

Sabugal [syudad]

Seia [syudad]

Trancoso [syudad]

Vila Nova de Foz Côa (kilalado gihapon nga Foz Côa) [syudad]

Islas Canarias

An Islas Canarias (puyde liwat ha Winaray nga tawagon nga Kapuropod'an Canarias) usa nga kapuropod-an han Ginhadi-an han Espanya. Ini nga kapuropod-an pito nga mga isla nga nagtikang hin bulkan ha Kalawdan Atlantico. Nahimutang ini ha kalawdan tikang ha kanawayan o amihanan-katundan han Africa, Morocco ngan han Katundan nga Sahara. Ini nga kapuropod-an usa nga komunidad autonoma han Espanya.

Ini nga kapuropod-an o archipielago nahimo tikang hin pito nga mga puro o isla: El Hierro, La Gomera, La Palma ngan Tenerife, nga amo an naghihimo han probinsya han Santa Cruz de Tenerife; ngan Fuerteventura, Gran Canaria ngan Lanzarote, nga amo an nahimo han probinsya han Las Palmas. Upod gihapon han Canarias an mga teritoryo hin isla han Archipiélago Chinijo (La Graciosa, Alegranza, Montaña Clara, Roque del Este ngan Roque del Oeste) ngan an Isla de Lobos, nga ini hira kabahin han provincia de Las Palmas.

An pagkakapital o capitalidad han komunidad ginsasaro-an hin duha nga mga prinsipal nga syudad: Santa Cruz de Tenerife ngan Las Palmas de Gran Canaria; an lingkoranan han Mangulo o Presidente han Gobierno autonomo nagbabalhinbalhin hini nga duha hin mga panahon nga lehislatibo, ngan an lingkoranan han Vicepresidentela lain tikang han Presidente. An Parlamento de Canarias ada ha Santa Cruz de Tenerife, samtang an lingkoranan han Delegación del Gobierno nahamutang ha Las Palmas de Gran Canaria, mayda liwat usa nga Subdelegación del Gobierno ha tagsa hini nga duha nga syudad. Amo nga mayda equilibrio han duha nga mga kapital ha mga konseheriya ngan institusyon publika.

Joan Martí i Alanis

Mayda impormasyon hini nga artikulo nga aada han Kinatalan nga bersyon nga angay ighubad ha Winaray

Hi Joan Martí i Alanis (Nobyembre 29, 1928 - Oktubre 11, 2009) usa nga kasanhe nga Obispo han Urgell ngan tungod hini, kasanhe nga igkasi-Prinsipe han Andorra. Hiya an Obispo han Urgell tikang han 1971 tubtob 2003. Usa hiya han mga nagpirma, upod kan François Mitterrand, han bag-o nga konstitusyon han Andorra dida han 1993.

Kardinal (Singbahan Katoliko)

Iton kardinal in usa nga hitaas nga opisyal han Singbahan Katolika agsob usa nga gin-ordenar nga obispo, ngan pan-singbahan nga prinsipe han Singbahan Katolika. An mga kardinal ha katig-uban tinatawag nga Kolehiyo hin mga Kardinal, ngan ini hira komo usa nga katig-uban napili hin bag-o nga papa. An mga buruhaton han mga kardinal naglalakip han pagtambong hin mga kirigta han Kolehiyo ngan an ira pag-andam pagbulig ha tinagsa o ha mga grupo-grupo ngadto han apapa kun naaro hiya han ira sagdon. Kadam-an nga mga kardinal mayda mga dugang nga buruhaton, sugad hin pamuno hin diosesis o arkidiosesis o pagpadalagan hin departamento han Curia Romana.

An usa pa nga buruhaton hin kardinal amo an pagpili hin papa kun, tungod ha kamatayon o ha pagbiya ha paglingkod, an sede nagigin bakante. Han 1059, an katungod han pagpili han papa nagpabilin han nangunguna nga kapadian han Roma ngan han mga obispo han pito nga suburbikaryo nga mga sede. Dida hit sede vacante, an panahon tikang han kamatay o pagrenunsya han papa ngan han pagpili han masunod ha iya, an adlaw-adlaw nga pagdumara han bug-os nga Singbahan ginkakaptan han Kolehiyo han mga Kardinal. An katungod hin pagsakob han konklave hin mga kardinal nga mapili hin papa ha yana limitado la ngadto han waray pa umabot hin edad nga 80 ka tuig dida han adlaw han kamatay o pagrenunsya han papa.

An pulong nga cardinal han una gin-gamit pagtawag ngadto hin bisan hin-o nga padi nga permanente nga nahabutang o gin-inkardenar hin singbahan, o ha espesipiko ngadto hin nangunguna nga padi hin importante nga singbahan, ngan ini nahabasi han Linatin nga pulong nga cardo (bisagra), nga nangangahulogan nga "prinsipal" o "manguna" o "paginsyahan". Gingamit ini nga kahulogan han pulong han mga tikang ika-siyam nga gatostuig han mga padi han tituli (parokya) han diosesis han Roma. In nahabilin hin mga kardinal han una ginpabilin han Singbahan han Inglaterra, nga diin an titulo han "kardinal" ginkakaptan pa gihapon han duha nga nangunguna nga api han Kolehiyo han Minor nga mga Kanon han Katedral ni San Pablo.

Han ika-12 nga gatostuig nagtikang an pagbuhat nga pagbutang hin mga ekklesiastiko tikang ha gawas han Roma komo mga kardinal, nga diin tagsa usa ginbutang hin singbahan ha Roma komo iya singbahan titular, o kundi man mahidugtung ha usa han mga suburbikaryo nga mga diosesis samtang inkardendado hin diosesis nga gawas han kanan Roma.

Katoliko Romano nga Arkidiosesis han Palo

An Arkidiosesis han Palo (Linatin: Archidioecesis Palensis) usa han mga eklesyastiko nga lalawigan han Singbahan Katoliko Romano ha Pilipinas. Ubos han awtoridad o pagdumara hini an mga nasunod nga mga diosesis:

Diosesis han Borongan

Dyosesis han Calbayog

Diosesis han Catarman

Diosesis han Naval

Lal-lo

An Lal-lo usa nga ikaduha nga klase nga bungto ha lalawigan han Cagayan, Pilipinas. Sumala han census han tuig 2000, mayda ini populasyon nga 36,529 ka tawo ha 7,443 nga mga panimalay.

Han panahon han Espanyol nga kolonisasyon, an Lal-lo usa nga syudad nga kilalado ha ngaran nga Nueva Segovia ngan amo ini an lingkoranan han diosesis han Nueva Segovia.

Legazpi, Pilipinas

Mayda impormasyon hini nga artikulo nga aada han Iningles nga bersyon nga angay ighubad ha WinarayAn Syudad han Legazpi (ha Bikol: Ciudad nin Legazpi) usa nga syahan nga klase nga syudad ha lalawigan han Albay ha Pilipinas. Amo ini an kapital nga syudad han Albay, ngan sentro hin politika ha Bicol nga Rehiyon.

Nahamutnga ha butnga nga heyograpiya han peninsula ngan ha butnga han duha nga mga isla-nga-probinsya han Catanduanes ngan Masbate, an Syudad han Legazpi amo an pinakasalatan nga terminus han Ferrocarril nga Nasondnon Pilipinhon (Philippine National Railways) Main Line South. Nagsisirbisyo gihapon ini hin mga tipadagat nga mga sakayan nga naagi han daungan hini.

Sumala han census han tuig 2000, mayda ini populasyon nga 157,010 ka tawo ha 30,612 nga mga panimalay. An syudad amo an lingkoranan han simbahan han Diosesis han Legazpi.

Moron (pansayod)

An moron puyde mangahulogan nga

Pagkaon:

Morón usá nga tuminongnong nga pagkaon ha Sinirangan nga Kabisay-an nga puyde liwat igsurat nga "murón"Mga lugar:

Moron (kahadto nga syudad), nga ginsumat han Griyego nga heograpiko nga hi Strabo

Morón, Buenos Aires, usá nga syudad ha Metropolitano nga dapit han Buenos Aires, Argentina

Katoliko Romano nga Diosesis han Morón, Argentina

Morón Partido, usá nga distrito ha Buenos Aires Province

Morón, Cuba, usá nga syudad ha Cuba

Moron, Grand'Anse, usá nga komyun han Haiti

Mörön, usá nga bungto han Mongolia

Mörön, Khentii, usá nga distrito han Lalawigan han Khentii ha sidlangan nga Mongolia

Morong, Bataan, usá nga bungto ha Bataan, ha Pilipinas nga ginkilala han uná ha ngaran nga Moron

Morón, Venezuela, usá nga bungto ha amihan nga Venezuela

Moron, usá nga syudad ha California nga ginbag-ohan nga ngaran nga Taft

Moron (bukid), ha Kabugkiran han Jura

Morón Air Base, ha Morón de la Frontera, Espanya

Moron Lake, usá nga danaw ha Alaska

Lac de Moron, usá nga danaw ha linea han Fransya ngan SwizaMga mananap

Moron, usá nga genus hin insekto han pamilya Cerambycidae ha orden han Coleoptera.

Moron distigma an uusá la nga espesye hin insekto ha ilarom han genus nga Moron.Iba nga mga paggamit:

Moron (sikolohiya), usá nga diri-na-ginagamit nga pagtawag hin tawo nga mayda edad-ha-panhunahuna nga namumutnga hin 8 ngan 12

Morón (apelyido), mga tawo nga amo an apelyido

Moron Phillip (natawo 1992), Grenadian nga futbolista

"Moron" (Sum 41 nga kanta)

"Moron" (KMFDM nga kanta)

Moron, usá nga extra nga gene ha prophage genomes waray phage function ha lysogenic cycle

Moron (Libro ni Mormon), usá nga ngaran nga lugar ha Book of Mormon

The Daily Mirror, usá nga Britániko nga periódiko nga gin-agnayan nga The Moron ni Private Eye

Nicolás de Jesús López Rodríguez

An Iya Reverendo nga Eminensya nga Kardinal Nicolás de Jesús López Rodríguez (natawo 31 Oktubre 1936 ha Barranca, Republika Dominicana) amo an yanâ nga arsobispo han Santo Domingo, Republika Dominicana, ngan usa nga kardinal han Singbahan Katolika Romana.

Papa

Ini nga barasahon mahitungod han nangunguna han Singbahan Katoliko Romano. Para han yana nga nalingkod nga Papa, pakadto hit barasahon nga Papa Francisco. Para han mga Papa hin lain nga mga singbahan ngan lain nga kagamit hini nga pulong pakadto hit Papa (pansayod).An papa o santo papa (literal nga Winaray: baraan nga papa o baraan nga amay o baraan nga tatay; an pulong nga papa nangangahulogan nga amay o tatay, tikang han Linatin: papa nga tikang liwat han Griniyego: πάππας pappas,usá nga Griniyego nga pulong hin bata para hin "amay" o "tatay"), nga tinatawag gihapon nga sumo pontifice (tikang han Linatin pontifex maximus "gidako-i nga naghihimo-hin-tulay") amo an Obispo han Roma, ngan tungod hito, ex officio amo hiyá an tagamangulo han Singbahan Katoliko han bug-os nga kalibutan.An pagkaprimado han Romano nga obispo ginkuha hin dako nga parte tikang han iya papel nga sinisiring nga apostolico nga sumurunod kan San Pedro, nga amo an ginsiring nga gintagaan ni Jesus han Mga Yawi han Langit ngan an gahom hin "paggapos ngan paghubad", ngan nagngaran ha iya nga an "bato" nga diin igtutukod an singbahan. An papa amo gihapon an mangulo han estado han Syudad han Vaticano, usá nga soberenya nga syudad-estado nga ginpapalibutan ngatanan han Roma. An nakapot han buhatan yanâ amo hi Francisco, nga napilì han ika-13 han Marso 2013, pagsunod kan Benedicto XVI.An opisyo han papa amo an papado. An iya yakan-balaod nga pansingbahan, an Diosesis han Roma, agsob nga tinatawag nga "an Santa Sede"(ha literal "Baraan nga Lingkoran" o kun ha Ininggles "the Holy See") o kundi man "an Apostolico nga Sede" (ha literal nga Winaray: An Apostolico nga Lingkoran), iní nga urhe nga ngaran nahibase han pagtuo nga an Obispo han Roma amo an apostolico nga sinmunod kan San Pedro. Ginkikita an papa nga usá han mga pinakagamhanan nga tawo han kalibotan tungod han iya impluwensya ha diplomasya ngan kultura.

Papa Juan Pablo II

Mayda impormasyon hini nga artikulo nga aada han Iningles nga bersyon nga angay ighubad ha WinarayHi Papa Juan Pablo II (Linatin: Ioannes Paulus PP. II ), natawo nga Karol Józef Wojtyła (Pinolako: [ˈkarɔl ˈjuzɛf vɔjˈtɨwa]; giharani-i nga kaluwas ha Winaray: KA-rol YU-zef voy-TI-wa) (Mayo 18, 1920 – Abril 2, 2005) naghadi komo papa han Simbahan Katoliko hin hapit karuhaan kag pito (27) nga tuig, tikang han Oktubre 16 1978 tubtob han iya kamatayon. An iya papado amo an ika-duha nga giiha-i nga mga papado. Han Mayo 13 2005, hi Papa Benedicto XVI, nga sinmunod nga papa kan Juan Pablo II, ginhimo nga diri kinahanglan o (ginwaive) an lima nga tuig nga paghulat ugsa igpresenta in kaso para hin beatipikasyon (o pagdeklara nga bulahan) nga igbuklad. An opisyal nga proseso han pagbeatipikar nagtikang ha Diosesis han Roma han Hunyo 28, 2005. [1]

Hiya an siyahan nga diri-Italyano nga papa tikang han ika-16 nga siglo. An syahan nga bahin han iya paghadi, natigamnan han iya pagtipa han Komunismo, ngan hiya ha panalagsaon ginsisiring nga usa han mga puwersa nga nakagresulta han kabungkag han Unyon Sovietika.

Ha lain nga mga bahin, an iya concern para han mga kablas, han mga magluya, ngan han mga nag-aantos, ngan an iya paglantaw han gyera, violencia, sirot hin kamatayon, ebolusyon, pagpasaylo han utang han kalibotan, upod han iya pag-uyon hin pagbisita hin mga nasod nga Sosyalista, ug an iya makusog nga mga relasyon hin mga lideres hin diri-Katoliko nga mga simbahan ngan diri-Kristohanon nga mga relihiyon (ekumenismo) ginlantawan han iba nga pagpamatuod nga usa hiya nga "liberal".

An iya pag-affirma han maiha na nga doktrina Kristiano nga an aborto, pagkabayot, sexual nga mga relasyon, ngan kontrasepsyon nga mga inmoral, an iya pagpadayon han tradisyon nga pag-ordenar la hin mga lalake ha pagka-padi, an pagtutdo nga an mga divorciado o mga habulag nga mga tawo diri makag-asawa hin otro nga waray deklarasyon hin nullity, nga an tama la nga sakrametal nga pag-asawa puyde la hin usa na lalake ngan usa nga babaye, an paghatag hin empahsis han kaupayan han pagpadayon han disiplina han mandatory nga priestly celibacy, ngan an iya pagtipa han sekularismo ginlalantaw hin mga iba nga nagpapamatuod nga hiya "konserbador".

Han iya paghadi, naglinakat hin hirayo an papa, nga diin nagbisita hiya hin labaw 100 ka nasod, labaw pa hin bisan hin-o han mga nag-una ha iya. Ginkanonisar niya in damo nga tawo kaysa han ginkanonisar han tanan nga mga papa ugsa ha iya nga ig-urusa. Hiya an Papa hin panahón nga diin an impluwensya han Katolisismo nag-iban dida han mga dukwag nga nasod kundi dinmako han Ikatulo nga Kalibutan.

Papa Juan XXIII

Mayda impormasyon hini nga artikulo nga aada han Iningles nga bersyon nga angay ighubad ha Winaray

Ini nga artikulo mahitungod han papa han ika-2o nga siglo. Para han antipapa han ika-14 nga siglo, kitaa iton Antipapa Juan XXIII

Hi Papa Juan XXIII (ha Linatin: Ioannes PP. XXIII), natawo nga Angelo Giuseppe Roncalli (Nobyembre 25, 1881 – Hunyo 3, 1963), naghadi komo ika-261 nga Papa han Singbahan Katoliko ngan soberano han Syudad han Vaticano tikang han Oktubre 28, 1958 tubtob han iya kamatay 1963. Hiya an nagpatawag han ika-Duha nga Konsilyo ha Vaticano nga nahinabo tikang han 1962 kutob 1965. Waray hiya makakita han pagkatapos hini tungod han iya kamatay dida han 1963. Ginbeatificar hiya ni Papa Juan Pablo II dida han Septyembre 3, 2000 ngan ginkanonisar hiya ni Papa Francisco upon kan Papa Juan Pablo II dida han Abril 27, 2014.

Papa Pío IX

Mayda impormasyon hini nga artikulo nga aada han Iningles nga bersyon nga angay ighubad ha WinarayHi Papa Pió IX, (ha Linatin: Pius PP. IX) natawo nga Giovanni Maria Mastai-Ferretti (Mayo 13, 1792 – Pebrero 7, 1878), amo an Papa hin gima-iha-i nga pontifikado (kon diri ig-upod hi Apostol San Pedro) tikang han iya ka-elihir han Hunyo 16, 1846, tubtob han iya kamatayon. Papa hiya hin mga katloan kag usa (31) ka tuig. Hi Pío IX napili nga kandidato han mga liberal ngan moderado nga mga grupo dida han Kolehiyo han mga Kardinal, na pagsunod han papado han arzo-conservador nga Papa Gregorio XVI. Hiya simpatetiko anay han mga hangyo hin reporma nga demokratiko ngan pagmodernisar ha Italya ngan han Simbahan. Hi Pío nagtika-conservador katapos han pagpa-iwas ha iya nga temporal nga namumuno han Estados Pontificios dida han mga nahinabo nga nagsunod han mga Rebolusyon han 1848. Pormal niya nga ginproklama an dogma han Inmaculada nga Konsepsyon ngan gin-organisa niya an Siyahan nga Konsilyo ha Vaticano, nga nagproklama han dogma han infalidad papal.

Hi Pío IX amo an kataposan nga Papa nga naghadi komo soberano han mga Estados Pontificios. An mga Estados Pontificios nakuha han mga Italyano nasyonalista nga mga army. Han 1870, nakuha nira an kataposan han mga Estados Pontificos, an syudad han Roma ngan nawara an mga Estados Pontificios. Katapos hini, nagdeklara hi Papa Pío nga hiya usa ka "Bihag" o "Priso ha Vaticano". Namatay hi Pío IX han 1878. Ginbeatificar hiya dida han 3 han Septyembre 2000.

Papa Pío V

Hi Papa San Pío V (17 Enero 1504 – 1 Mayo 1572), nga natawo ha ngaran nga Antonio Ghislieri (tikang han 1518 gintawag nga Michele Ghislieri, O.P.), amo an nangulo han Singbahan Katoliko ngan naghadì han Estados Pontifisyos tikang 8 Enero 1566 tubtob han iya kamatayan han 1572. Ginveverenar hiya nga santo han Singbahan Katoliko Romano. Kilalado hiya tungod han iya papel dida han Konsilyo han Trento, an Kontrareporma, ngan an pag-estandardisar han Romano nga rito ha sulod han Singbahan Latino. Gindeklara ni Pío V hi Tomás han Aquino nga Doktor han Singbahan ngan iya ginpatronisar an sikat nga kompositor hin sagrado nga musika nga hi Giovanni Pierluigi da Palestrina.

Komo kardinal, nagin-kilalado hi Ghislieri nga nagpanguna hin pagtuo ugsa hin mga katawohan, iya ginporseguir in walo nga mga Franses nga obispo hin pagka-erehe. Nagtindog gihapon hiya patok han nepotismo, ngan nagbusa hiya han nanguna ha iya nga Papa Pío IV ha iya atubangan han pagkaruyag hini nga himuon an iya 13-nga-pangidaron nga api han iya pamilya nga kardinal ngan pagsuporta hin umangkon tikang han panalapi han Papado.

Pinaagi han bula papal han 1570 nga Regnans in Excelsis, gin-excomulgar ni Pío V hi Elizabeth I han Inglaterra tungod hin pagka-erehe ngan pagporseguir hin mga Ingles nga Katoliko didâ han iya paghadá. Gin-areglo gihapon niya an pagtukod han Baraan nga Liga, usa nga alyansa hin mga Katoliko nga estado nga umato han pag-avansar han Imperyo Ottoman ha Sinirangan nga Europa. Bisan man kun nalabwan hirá hin duro hin kadamô han ira mga ginkakabangga, nagdaog an Baraan nga Liga patok han Imperyo Ottoman, nga naningkamot pagsakop han Europa, dida han Pag-awayan ha Lepanto. Ini nga pagdaog ginpasidunggan ni Pío V nga tikang han pag-ampo han Birhen Maria ngan gintikang an fiesta han Birhen han Pagdaog.

Papa Pío X

Mayda impormasyon hini nga artikulo nga aada han Iningles nga bersyon nga angay ighubad ha WinarayHi Papa Pío X (ha Linatin: Pius PP. X), natawo nga Giuseppe Melchiorre Sarto (Hunyo 2 1835 – Agosto 20 1914), amo an Papa han Simbahan Katolika tikang han 1903 tubtob 1914, nagsunod kan Papa León XIII. Hiya amo an syahan nga papa nga ginkanonisar tikang han Kontra-Repormasyon nga Papa San Pío V. Bisan pa hini, an pontifikado ni Papa Pío X amo an usa han mga kurukontrobersyal nga mga papado han panahon moderno.

Patriarka Bartolomé I han Constantinopla

Hi Patriarka Bartolomé I (Griniyego: Πατριάρχης Βαρθολομαῖος Α', Tinurkiya: Patrik I. Bartolomeos; natawo 29 Pebrero 1940) amo an Arsobospo han Constantinopla, Bag-o nga Roma ngan Ekumeniko nga Patriarka, ngan sugad man "syahan ha mga patas" han Komunyon nga Ortodoxo nga Sinirangan, tikang han 2 Nobyembre 1991.

Singbahan Latina

An Singbahan Latina amo an gidako-i nga partikular nga singbahan ha sakob han Singbahan Katolika. Usa ini nga partikular nga singbahan diri ha hangdanan han lokal nga partikular nga mga singbahan nga tinatawag nga mga diosesis o eparkiya, kundi dida han hangdanan han naglulugaring ha rito nga mga singbahan, nga diín mayda 23, ngan an nahabilín nga 22 mga Sinirangan nga mga Singbahan Katoliko.

Ávila

An Ávila usa nga syudad ngan munisipyo han Espanya, nga nahamutang ha lalawigan han Ávila, ha komunidad autonoma han Castilla y León. Amo ini an pamunuan o kapital han lalawigan han Ávila ngan han comarca han Ávila —nga naglalakip han Valle de Amblés ngan han Sierra de Ávila—, sugad man liwat lingkoranan han partido judicial número 3 han probinsya ngan han diosesis han Ávila. Mabibilngan ini nga nahamutang sapit han sulog han salog Adaja ngan ginkikitâ ini nga amo an pamunuan o kapital hin probisya nga gihataasi hin altitud ha Espanya, ha 1131 ka metro ha ígbaw han dagat, nga tungod hini an casco urbano hini masurong nga nagkakaada hin nevada o snow dida hit panahón hit paghagkot o invierno. An syudad mayda clima mediterráneo continentalizado upod hin matices montañosos. Han 2012 an término municipal hini nagtitirok hin 34 % han tanan nga mga molupyo han lalawigan.

Ha iba nga mga yinaknan

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.