Dinastiya

Iton dinastiya in sagunson nga mga pinuno nga kinokonsidera nga api hin pareho nga banay o pamilya.

Tutmask
Ananda Mahidol

Hi Ananda Mahidol (Thai: พระบาทสมเด็จพระปรเมนทรมหาอานันทมหิดล; rtgs: Ananthamahidon; 20 Septyembre 1925 – 9 Hunyo 1946) amo an ikawaló nga monarka han Thailand tikang han Chakri nga dinastiya komo Rama VIII. Hadto nga panahon nga ginkilala hiyá nga hadì han Nasodnon nga Katitirok han Marso 1935, siyam-ka-tuig nga batà hiyá nga naukoy ha Swiza. Binmalik hiyá ha Thailand han Disyembre 1945, pero mga unom ka bulan tikang hini han Hunyo 1946, nabilngan hiyá nga patay nga ginpusil ha iya higdaan. Bisan man kun ginhuhanhuna anay nga aksidente ini, an iya kamatayan gindeterminar hin mga medical examiner nga tinuyo nga pagpatay o murder, ngan tulo nga mga royal page ginbitay katapos hin mga diri-regular nga mga trial. An misteryoso nga mga sirkumstansya nga napalibot han iya kamatayan nagin durot hin damo nga kontrobersya.

Buddha Loetla Nabhalai

Hi Phra Phutthaloetla Naphalai (Thai: พระพุทธเลิศหล้านภาลัย sinusurat gihapon nga Phra Buddha Loetla Nabhalai) o Rama II, (Pebrero 26 1766–Hulyo 21 1824), amo an anak ni Hadi Rama I ngan ikaduha nga Hadi han Siam han Chakri nga Dinastiya. Ha Thai nga yinaknan, an iya ngaran ginsusurat nga พระบาทสมเด็จพระพุทธเลิศหล้านภาลัย. An iya ngaran han Prinsipe pa hiya Prinsipe Issarasundhorn. An ngaran nga Buddha Loetla Nabhalai ginngaran ha iya katapos han iya kamatayon ni Hadi Nangklao. Hi Rama II mayda kapitoan-kag-tulo (73) nga anak. An paghadi niya komo Hadi han Thailand (1809–1824) nagdara hin renasimyento hin Thai nga arte ngan kultura, labi na ha literatura.

Dida han paghadi ni Rama II, an Thailand nagkaada hin konfrontasyon han Vietnam, nga hadto nagigin dako nga gahom dida han rehiyon, mahitungod han pagkontrola han Camboya han 1813. Mga impluwensya han Katundan nagtikang nga maabat ha Timugan nga Asya ngan ha Thailand. Han 1785 an British nag-okupar han Penang, ngan han 1819 gintukod nira an Singapur. Waray la mag-iha, an British nakapatalsik han Holandes ngan Portugues komo dako nga impluwensya katundan ha ekonomika ngan politika ha Thailand. An mga British nagtipa han sistema ekonomika han Thai, nga kon diin an mga prinsipe real mayda mga monopoly ha negosyo ngan an mga negosyo nahailarom hin pagbuwis nga arbitraryo. Han 1821 an gobyerno han British India nagpadara hin misyon nga nagdemanda nga an Thailand tanggalon an mga gaud han gawasnon nga negosyo.

Hi Hadi Rama II namatay han 1824. An nagsunod ha iya nga hadi hi Prinsipe Jessadabodindra o Nangklao.

Chakri nga Dinastiya

An Chakri nga Dinastiya (Thai: ราชวงศ์จักรี: Rajawongse Chakri) namuno ngan naghadi han Thailand tikang han hi hadi Taksin naideklara nga lurong han 1782. An ngaran nga Chakri (Thai จักรี) tikang han titulo nga Phya Chakri, nga ginhatag kan Rama I samtang heneral hiya han mga kasundalohan ni Taksin. Ha kamatuoran, an tawag han Thai nga katawhan hini nga panahon "Rattanakosin."

Dinastiya Han

An Dinastiya Han (Tradisyonal nga Tsino:漢朝; simplified Chinese: 汉朝; pinyin: Hàn Cháo 202 BCE–220 CE) amo an ikaduha nga dinastiya imperyal han Tsina; nga gin-unahan han Dinastiya Qin (221–206 BCE) ngan ginsundan han tulo ka mga Ginhadian (220–265 CE). I

Dinastiya Ming

An Dinastiya nga Ming (Tsinino: 明朝; pinyin: Míng Cháo), o Dako nga Imperyo han Ming (大明國 o 大明国; pinyin: Dà Míng Guó) amo an namuno nga dinastiya han Tsina tikang 1368 ngadto ha 1644, pagkatapos natumba an Dinastiya Yuan han mga Mongol.

Dinastiya Qin

An Dinastiya Qin in syahan nga dinastiya imperyal han Tsina, nga nag-iha tikang 221 tubtob 207 UC.

Dinastiya Qing

An Dinastiya Qing (Tsino: 清朝; pinyin: Qīng cháo) amo an dinastiya han mga mangulo han Manchuria, Tsina, Mongolya, Taiwan, Tibet ngan Uyguru tikang ha 1644 AD ngadto ha 1912 AD. An dinastiya gintukod han mga Manchu nga an usa nga ngaran amo an Dinastiya Manchu.

Dinastiya Song

Ang Dinastiya Song (Tsino: 宋朝; pinyin: Sòng Cháo; Wade-Giles: Sung Ch'ao; IPA: [sʊŋ tʂʰɑʊ̯]) amo an namuno nga dinastiya han Tsina ha kabutngaan han mga tuig 960 ngan 1279.

Dinastiya Tang

An Dinastiya Tang (Tsino: 唐朝; pinyin: Táng Cháo) (Hunyo 18, 618 - Hunyo 4, 907) usa ka dinastiya imperyal ha Tsina nga ginunhan han Dinastiya Sui ngan ginsundan han Lima ka mga Dinastiya ngan Napulo ka ginhadian nga Panahon. gintukod ini han banay nga Li (李) family, nga gin-agaw an gahom ha panahon nga naluya ngan natumba an imperyo Sui.

Dinastiya Yuan

An Dinastiya Yuan amo an imperyo han mga Mongol nga namuno ha Mongolia ngan Tsina han 1271 hangtod 1368.

Faraon

An faraon o kundi man paraon (ha Iningles: Pharaoh; , US puyde gihapon ; Kinopta: ⲡⲣ̅ⲣⲟ Pǝrro) amo an titulo han mga monarka ha kahadto nga Ehipto tikang han Syahan nga Dinastiya (c. 3150 UC) kutob han pagka-anexar han Ehipto han Imperyo Romano han 30 BCE, bisan man kun an aktual nga titulo nga "Faraon" waray gamita hin kontemporaneo nga naghahadi kutob kan Merneptah, c. 1200 UC. Han sarusayo nga dinastiya, an mga kahadto nga mga Ehiptohanon nga hadi mayda mga tulo nga titulo, an Horus, an Sedge ngan Buyog (nswt-bjtj) nga ngaran, ngan an Duha nga Babaye (nbtj) nga ngaran. An Bulawan nga Horus ngan nomen ngan prenomen nga mga titulo gindugang ha urhe.

Hadi han Sparta

An Sparta o Esparta usa nga importante nga Griyego nga syudad-nga-estado dida han Peloponnesus. Na-iba ini han mga Griyego nga mga syudad-nga-estado nga nagpabilin ini nga mayda mga hadi katapos han Pankadaan nga panahon. Dugang pa nga naiba ini tungod kay duha an mga hadi o diarka hini nga dungan an paghahadi, tikang hin duha nga bulag nga mga dinastiya o linea. Sumala han tradisyon an duha nga dinastiya, an mga Agiada ngan an mga Eurypontida, tikang han magkambal nga hira Eurysthenes (an mga Agiada) ngan Procles, nga mga tikang kan Herakles nga kuno amo an nagsakop han Sparta hin duha ka henerasyon katapos han Gyera nga Trojan. Bisan kon mayda mga lista hin mga nanguna nga mga hadi han Sparta, kulang in ebidensya nga nagpapakita nga mayda mga hadi ugsa han butnga han ika-unom nga siglo BC.

An rason para hin duha nga diarka o hadi kay kon usa mamatay ha pag-awayan, an nahabilin magpapadayon paghadi agod mapugnan in kudeta o pag-aragway para hin puwesto tungod han kawaray han namatay nga hadi.

Imperyo Akemenida

An Imperyo Akemenida o kundi man Akhaemenida (Kinatsila: Aqueménida; Ininglis: Achaemenid ; 𐎧𐏁𐏂 Xšāça (Old Persian) "An Imperyo" c. 550–330 UC), danay kilala komo Syahan nga Imperyo Persyano, in uska imperyo Irano ha Salatan-katundan Asya, nga natukod han ika-6 gatostuig ni Cyrus nga Harangdon nga nagpatalsik han confederasyon Mediano.

Mga lubnganan han Dinastiya Ming

An mga lubnganan han Dinastiya Ming in namumutang ha mga 42 km amihanan-amihanan-katundan han butnga nga Beijing, ha sulod han distrito Changping ha munisipyo han Beijing.

Nangklao

Hi Nangklao (o Rama III) o Hadi Jessadabodindra (bug-os nga panhadi nga ngaran niya Prabath Somdej Pra Paramadhiwarasetha Maha Jessadabodindra Siammintarawirodom Borommadhammikkarajadhirat Boromanathbopitra Phra Nangklao Chaoyuhua o kon ha Thai nga kasurat: พระบาทสมเด็จพระปรมาธิวรเสรฐ มหาเจษฎาบดินทร์ สยามินทรวิโรดม บรมธรรมิกมหาราชาธิราช บรมนารถบพิตร พระนั่งเกล้าเจ้าอยู่หัว); Marso 31, 1788 - Abril 2, 1851) ikatulo han Chakri nga Dinastiya, amo an hadi han Siam tikang 1824 tubtob 1851.

Hi Rama III amo an kataposan nga tradisyonal nga monarka han Siam. Bisan kon an mga nagsunod ha iya mga tradisyonalista, ira ginmodernisar an ginhadi-an hin mayda katubtoban.

Polonya

An Polonya (ha Kinatsila: Polonia, ha Iningles: Poland, ha Polako: Polska) usa nga nasod nga nahamutang ha Butnga nga Europa, ha butnga han Alemanya ha katundan, han Republika Tseka ngan Eslovakya ha salatan, Ukranya ngan Bielorrusya ha sinirangan, ngan han Dagat Baltic, Lituanya, ngan Rusya (pinaagi han Kaliningrad Oblast exclave) ha amihanan. Iton Polonya nagsasaro hin katubtoban ha kadagatan upod han Dinamarka ha Dagat Baltic. Warsovya an kapital han nasod. An Polonya nagin api han Unyon Europeo tikang han Mayo 1 2004.

An estado Polako gintukod hin sobra 1,000 ka tuig hadto ha ilarom han Dinastiya Piast, ngan nakaabot han bulawanon nga panahon dida han harani han kataposan han ika-16 nga siglo ha ilarom han Dinastiya Jagielloniano, han panahon nga an Polonya usa han mga gidako-i, girikohi, ngan pinakagamhanan nga mga nasod ha Europa. Han 1791 an Sejm han Polako-Lituano nga Mankomunidad nagpailarom han Batakan-Balaod han Mayo 3 o Konstitusyon han Mayo 3, an syahan nga moderno nga nakodipikar nga konstitusyon, ngan ikaduha ha kalibotan sunod han Konstitusyon han Estados Unidos. Waray la mag-iha nga nagsunod, an nasod nawara katapos han pagbahin-bahin hini han mga hagrani nga nasod nga amo an Rusya, Austrya, ngan Prusya. Nahibalik an paglugaring hini dida han 1918 han pagkatapos han Syahan nga Pankalibotan nga Gyera komo an Ikaduha nga Republika Polaka. Pagkatapos han Ikaduha nga Pankalibotan nga Gyera nahimo ini nga komunista nga satellite nga estado han Unyon Sovietika nga tinatawag nga Republika han Katawhan han Polonya. Han 1989 an syahan nga gawasnon-hin-bahin nga mga pinili-ay han kaagi han Polonya katapos han Gyera Pankalibotan II nagtapos han Solidaridad (Solidarność) nga pakigbisog para hin kagawasan ngan nagresulta han kapirde han mga namumuno nga komunista han Polonya. An yana nga Ikatulo nga Republika Polaka gintukod, ngan ginsundan pagkatapos hin pira ka tuig han pagsurat hin bag-o nga konstitusyon dida han 1997. Han 1999 an Polonya nag-accede ha NATO, ngan han 2004 inmapi ini han Unyon Europeo.

Ha opisyal nga pagtawag, iton nasod kilalado nga Republika han Polonya, ha Polako Rzeczpospolita Polska. An pulong nga Rzeczpospolita amo an ngaran ha kaagi ngan kasaysayan nga padayon an paggamit tikang han ika-16 nga siglo dida han Polako-Lithuanian nga Mancomunidad, nga usa nga pinili-ay nga monarkiya. An pulong nga Rzeczpospolita puyde mangahulogan nga "mancomunidad" o commonwealth o puyde gihapon "republika", samtang an kahubad ngadto ha Polako han pulong nga "republika", republika. Dida han pamuno han komunista tikang han 1952 tubtob 1989 an opisyal nga ngaran han nasod amo an Republika han Katawhan han Polonya (Polska Rzeczpospolita Ludowa), nga amo la an panahon nga waray gamita an opisyal nga pagtawag tikang ha kaagi ngan kasaysayan.

Prajadhipok

Hi Prajadhipok (Thai: ประชาธิปก; RTGS: Prachathipok; 8 Nobyembre 1893 – 30 Mayo 1941), título hin paghadi Phra Pok Klao Chao Yu Hua, tinatawag gihapon nga Rama VII, amo an ikapitó nga monarka han Siam han Chakri nga Dinastiya. Hiyá an kataposán nga absoluto nga monarka ngan syahan nga konstitusyonal nga monarka han násod. An iya paghadi panahon hin kasamokan para han Siam tungod hin mga pagbabag-o ha politika ngan sosyudad didâ han Rebolusyon han 1932. Hiyá ha yanâ, an amo la nga Siames nga monarka han Chakri nga Dinastiya nga nag-abdikar.

Vajiravudh

Hi Vajiravudh, nga tinatawag gihapon nga Hadi Rama VI, título hin paghadi Phra Mongkut Klao Chao Yu Hua (Thai: วชิราวุธ; rtgs: Wachirawut; 1 Enero 1880 – 26 Nobyembre 1925), amo an ika-unom nga monarka han Siam ha ilarom han Chakri nga Dinastiya, nga naghadi tikang 1910 kutob han iya kamatayan. Kilalado hi Hadi Vajiravudh tungod han iya mga paningkamot hin paghimo ngan pagbandilyo hin Siames nga nasyonalismo. An iya paghadi natigamnan han pagkiwa han Siam ngadto hin demokrasya ngan hin gamay nga pag-api han Syahan nga Gera han Kalibotan.

Vietnam

An Vietnam (Vinyetnames: Việt Nam ginluluwás [vîət nāːm] ( pamati-a)), nga an opisyal nga pagtawag amo an Republika Sosyalista han Vietnam (ha Vietnames: Cộng hòa Xã hội Chủ nghĩa Việt Nam), amo an pinakasidlangan nga nasod ha Indotsina nga peninsula ha Timugan nga Asya. Ginsasapitan ini han Tsina ha amihanan, han Laos ha kanawayan, ngan Cambodia ha habagatan. Ha sidlangan nga dapit han nasod nahamutang an Dagat Salatan Tsina. Tungod hin populasyon nga labaw hin 87 ka ribo o milyon, an Vietnam amo an ika-13 nga gidamoi hin tawo nga nasod han kalibotan. An nasod nahalista dida han "Sunod nga Napulo kag Usa" nga mga ekonomiya; sumala han mga estadistika han gobyerno, an pagtubo han GDP mga 8.17% han 2006, an ikaduha nga gimalaksihi nga rata hin pagtubo ha mga nasod ha Sidlangan nga Asya ngan amo an gimalaksihi ha Timugan nga Asya.

Ha iba nga mga yinaknan

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.