Arabe (lingaedje)

L' arabe, c' est on lingaedje semitike, cåzé asteure oficirmint dins ene grosse vintinnes di payis, e Moyén-Levant et e l' Afrike bijhrece.

Assite keuve mots arabes
assîte di keuve avou on scrijhaedje arabe "mi, dji djåze walon"

Mwaissès dnêyes

L' arabe provént do cåziyea d' Arabeye. Il a stî rfondou et ehåyî cwand on-z a fwait scrire l' Alcoran, diviè 640 ap.Dj.C., dizo l' califat da Otman. C' est dizo l' califat da Ali kel croejhete a stî rashiowe.

L' arabe si scrît en alfabet arabe. Ci-cial a dmoré sins pont dizo les letes (H = J = XH; B = N = Y). C' est do trevén des Omeyådes, kel calife Hajjaj a fwait mete des ponts padzeu u padzo les cossounes.

Les chifes k' e s' endè sieve ni sont nén les minmes totavå (chifes arabes come e l' Urope po les payis do Maghreb, chifes levantreces dins l' restant).

Sôres d' arabes

  • arabe classike : le seu k' est scrît coranmint; c' est l' lingaedje di l' Alcoran; cåzé dins les raploûs eterarabes et eternåcionås, dins les cåzaedjes oficirs dins tos les payis arabes; eto dins les scoles et les univiersités e lingaedje arabe.
  • arabes coinreces : cåzu nén scrîts, mins todi pårlants-vicants totavå l' monde arabe. N a waire di mouwance po lzès spotchî, apus ki del pårt des integrisses muzulmans.
    • arabe edjipsyin : foirt kinoxhou totavå l' monde arabe a cåze des fimes edjipsyins : li lete DJIM s' î prononce GU.
    • arabe marokin.
    • arabe libanès : c' est eto li lingaedje rilidjeus po les crustins do Liban.
    • arabe palestinî : c' est eto li lingaedje rilidjeus po les crustins del Palestene.
    • arabe hassaniya : djåzé dins a Nonne do Marok (Tantan, Mhamid) ey e Sara coûtchantrece.

Croejhete di l' arabe

Miniauge.gifLoukîz a : Croejhete di l' arabe

Hårdêyes divintrinnes

Hårdêyes difoûtrinnes

(sol Wiccionaire)

Alfabet arabe

L' alfabet arabe c' est l' alfabet eployî copurade po scrire l' arabe, mins eto des ôtes lingaedjes.

Bén k' on l' lome å pus sovint alfabet, c' est, pus spepieuzmint, èn abdjade, dj' ô bén, on sistinme di scrijhaedje ki n' note (cåzumint) ki les cossounes do lingaedje et nén les voyales.

Cist årtike ci ni cåze nén do prononçaedje di cist alfabet ci.

Li code ISO 15924 po cist alfabet ci c' est Arab.

Arabe marokin

Loukîz a : Croejhete di l' arabe marokin

L' arabe marokin, c' est l' arabe coinrece cåzé å Marok.

I candje ene miete d' ene coine do payis a l' ôte, mins il est comprindåve pa tos les djåzeus.

Les cåzeus zels-minmes li lomnut "d-darija" (دّاريجة). Cwand on lzî pårlêye grandiveuzmint (avou toplin do francès u d' l' arabe classike), i dijhnut derrej ! (fwai des egrés = cåze e "darija", on lingaedje k' on comprind).

Il est eployî dispu todi dins les tchansons marokinnes, et dispu 1950 dins l' teyåte et les sketchs. Gn a eto del powezeye do 19inme sieke en arabe marokin. Eto des stîles di tchanson (melhoun).

Bråmint des fåves do vî vî tins do Marok sont racontêyes en arabe marokin.

Croejhete di l' arabe

Loukîz a : «Croejhete di l' arabe marokin»Pådje del croejhete di l' arabe

Djivêye des lingaedjes diswalpés so Wikipedia

Loukîz a : Wikipedia:Pordjet lingaedjes del DaegneDjivêye des lingaedjes k' ont ene eterface ki rote dedja bén so les Wikipedias

I sont rindjîs pa ôre alfabetike latén di leu côde ISO

Dins ds ôtes lingaedjes

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.