Steentyd

Den steentyd es d'oudste cultuurperiode die begoste 2,5 miljoen joar geleen en deurde tout round 1500 v.C. moar da varieert van plekke tout plekke.

Den steentyd keunn j'ouderverdeeln in drie foasn:

  • et paleolithicum of den oundn steentyd, van 300.000 tout 12.000 joar geleen. Van kunste es d’r in die periode nog gin sproake.
  • et mesolithicum of den middnsteentyd deurde van 12.000 tout 6.000 joar geleen.
  • et neolithicum of joungn steentyd begoste by uus van 4.000 v.C. en deurde tout 1500 v.C.
Lascaux2
Tekenienge in de grottn van Lascaux
16.000 - 12.000 BP
Brounstyd

Den brounstyd es d'eeste cultuurperiode woa dan de prehistorische mienschn alloam makten da uut metoal bestound in plekke van steen. Den brounstyd begunt an 't ende van den joungn steentyd round 1800 v.C. en deurde by uus tout 800 v.C.

Den brounstyd in de Lege Landn keun j’indeeln in drie periodes.

vroegen brounstyd: 2000 – 1800 v.C.

middn brounstyd: 1800 – 1100 v.C.

loatn brounstyd: 1100 – 800 v.C.

Chopper

Choppers (van 't Iengels to chop: kappn) zyn d’oudste steenn werktuugn die dateern uut den steentyd.

Ze zyn moar lanks enen kant en kleen bitje bewerkt. Z’èn één snykant die styf ounregelmoatig es van vorme.

Deur zuk alloam te gebruukn, kostn de vroegste mienschn vleeseter kommn. Doarvoorn bestound under teetn ollene moar uut oas want under tandn woarn d’r nie up voorziene vo rauw vlees te keunn kapotscheurn. Choppers vind j’ollene moa were by voundstn van meer of 2 miljoen joar oud.

Meer g'evolueerde gemeenschappn gebruuktn de meer g'avanceerde chopping tools die loater nog vodder verfynd gerochtn tout vuustbyln.

Kunstgeschiedenisse

Kunstgeschiedenisse goat over de evolutie van de bouwkunste, beeldhouwkunste, schilderkunste, mozaïekkunste, tapytwevery, houtsnykunste en muziek.

Juste lik by de geschiedkundige indelienge zyn ook de verschillige kunststromiengn ingedeeld in geschiedkundige tydvakkn.

Neolithicum

Et neolithicum of den joungn steentyd es de letste periode van den steentyd die volgt up et mesolithicum.

’t Es moeilik van en olgemeen joar te plakkn up et begun en ’t ende van die periode. Da komt omda de typische kenmerkn van da begun en ende, lik den overgank van zwerver noa sedentair, en de vervangienge van steen deur metoal, varieert van plekke tout plekke. By uus deurt den joungn steentyd van 4.000 v.C. tout 1500 v.C.

Paleolithicum

Et paleolithicum of den oudn steentyd es et oudste geschiedkundig tydvak van den steentyd da 2,5 miljoen joar geleedn begoste en èt bluuvn deurn tout 12.000 joar geleen.

Ge keun et vodder indeeln in et oud-, middn- en loat- (of joung-)paleolithicum.

Andre toaln

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.