Poaschn

Poaschn is êen van de belangrykste christelikke fêestdoagn, die volgt ip de Goeie Weke. Ip dien dag viern christenen da Jezus verreezn is uut den dôod, ip den derdn dag achter dat 'n an 't kruus genoageld is ip goeie vrydag.

Poaschn deurt twêe doagn en wordt gevierd ip zundag en moandag (êeste en twidde Poaschn of poaszundag en poasmoandag).

Bouts Resurrection
Verryzenisse van Christus deur Dieric Bouts
Paashaas met paasei
Poaskeun met e poasei

Noame

't Woord Poaschn (Nederlands: Pasen, Frans: Pâques) is via 't Latyn gelêend uut 't Aramees pasha wa da oversloan wil zeggn. Da verwyst noa de tienste ploage van Egypte woaby dan de Joodsche huuzn overgesleegn wierdn. De Joodn viern den uuttocht uut Egypte met e fêeste da ze Pesach noemn. En omda 't in 't begun van de lente gevierd wordt is 't ook e lentefêeste. Den dôod en de verryzenisse van Jezus gebeurdegen binst de Pesach.

In 't Iengels en Duuts wordt Poaschn Easter en Ostern genoemd. Die benoamienge komt van ôostn, van woa dat de zunne ipkomt. De noame kan ook verwyzn noa d' Angelsaksische godinne Eostre, die in april wordt anbeedn.

By e moderne poasfêeste zyn der buutn christelikke elementn wok elementn (poaseiers, poaskeun, poashoaze) die verwyzn nor e heidense lentefêeste.

Uutdrukkiengn

  • 't Zyn fygn achter Poaschn: 't Is nie an tydn, 't is te loate.
  • Ip je poasbest zyn: ip je schonst geklid zyn.

Poasdoatum

Poaschn valt ip den êeste zundag achter vulle moane achter 't begun van de lente (21 moarte).

Wikimedia Commons
2013

2010 - 2011 - 2012 - 2013 - 2014 - 2015 - 2016

't Joar 2013 is 't 13e joar in de 21e eeuwe volgenst de christelikke joartellienge.

2013 (MMXIII) is e joar die begunt ip e diesndag. 't Is 't dertienste joar van 't derde millennium en van d' 21ste êeuwe, en 't vierde van de joarn 2010 in de Gregorioansche kalender.

Boskeun

Boskeun is een amberkleurig bier van hoge gistinge da sedert 1980 speciaal gebrouwn is ter êre van Poaschn deur de brouwerye De Dolle Brouwers uut Êesn.

Der zit 10,5 % alcol in, mout, hommel, gist, woater en rietsuker. 't Is bitter van smoake en 't wordt geschounkn uut flaschn van 0,33 liter.

Boskeun kan allêne moa twêe moandn vo Poaschn per telefong gereserveerd wordn.

Dunderdag

De dunderdag is de vierden dag van de weke. Ze komt achter woensdag en vo vrydag. Dunderdag is genoemd no Donnar, de West-Germoanse name vo Thor, den dundergod binn de Germoansche mythologie.

Hotel La Réserve (Knokke)

Hotel La Réserve was een luxueus vuufsterrenhotel met 110 koamers an ’t Zegemeer in Knokke. ’t Is in april 2008 ofgebrookn. D’r was ook een kunstgalerie an verboundn.

Hotel La Réserve is in 1949 gebouwd en in 1979 ist er een woaterkuuroord bygekommn. ’t Was eigndom van de familie Nellens en Van Thillo.

In april 2007 et Toerisme Vlaanderen de sterren van La Réserve ingetrokkn achter een hêel dêel klachtn over de slechte stoat van ’t hotel. Achter de controle krêeg La Réserve den tyd vo de situoatie rechte te trekkn moa d’r wierd beslist van ’t gebouw of te breekn. ’t Gebouw anpassn an de nieuwe normen van nu was nie me meugelik.

Hêel den inboedel is nor een hotel in Congo-Brazaville gegoan. Al d’andere bruukboare materioaln, lik kassen, toafels en hout, zyn geschounkn an de technische schole van Zêebrugge.

Met de sloop van La Réserve ist er een monument in Knokke-Heist verdwenen met een glorieuze geschiedenisse. D’r kwoamn styf vele gekende noamn ip logement lik Fernandel, Maurice Chevalier, Marlene Dietrich, Frank Sinatra, Edith Piaf, Nat King Cole en nog vele andere grôte noamn uut de showbizz.

Koriander

Koriander of Coriander (Coriandrum sativum) is e plante uut de familie van de schermblommigen (Apiaceae). 't Is d'ênigste sôorte in 't geslacht Coriandrum.

Koriander is ofkomstig uut Zuud-Europa en 't Middn-Ôostn.

Zundag

Zundag is de zevensten dag van de weke. Ze komt achter zoaterdag en vo moandag. Den dag is genoemd achter Sol, de godinne van de zunne van de Germoansche mythologie.

Volgenst den bybel rustige God ip de zundag uut achter dat ie de scheppinge gedoan aat.

Andre toaln

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.