Parys


Parys (Frans: Paris) is 'n oofdstad va Vrankryk. In 't stad zelve weunn d'r 2 miljoen menschn. Pak je grôot-Parys, ton kom je gemakkelik an 10 miljoen. De bynoame van Parys is de Lichtstad.

Parys is êen van die steedn woa da je op e poar vierkante kilometers de hêle weireld byêen et. Alle sôortn menschen weun d'r tope, va verschillige cultuurn en toaln.

Eiffelturm1
Et symbool van Parys, den Ieffeltôorn
Vrankryk Parys
Paris
Grandes Armes de Paris
Paris map

Liggienge in Vrankryk
Geografie
Regio Île-de-France
Departement Parys (75)
Arroundissement 20 arroundissementn
Kanton Chef-lieu van 20 cantongs
(d' arroundissementn)
Coördinoatn 48°51′NB 2°21′OL
Ippervlak 105,40 km²
Inweuners
Inweuners

Bevolkiengsdichtheid

2.240.621 (2012)
21.258 inw./km²
Andere
Burgemêester Anne Hidalgo (PS)
Postcode 75001-75020 en 75116
Webadres Officiële site

Bevolkieng

D'inweuners van Parys noemn we Paryzenaers of Parisiens (fr) .

Attraksjes

Parys is e stad die al vele êeuwn menschn antrekt. Toeristn vinn dat er e romantische antrekkiengskracht van uutgoat.

  • Ieffeltôorn: 't mêest bekende monument in Parys.
  • Louvre: e museum mi topstikkn ut olle tydn, o.a. de Mona Lisa va Leonardo Da Vinci.
  • Moulin Rouge: e cabaret mi snelle danseressn mi pluumn in nunder gat die de French cancan dansn.
  • Champs Elysées: de bekendste wienkelstroate, woa da sedert 1975 oek de Tour de France ankomt.
  • Notre Dame: e kerke uut de vroege gotiek. Oek bekend va ze bultenoare.
  • Montmartre: overtyd e plekke voe echte artistn, nu e val voe toeristn die slichte schilderyn koopn.
  • Père-Lachaise: e kerkhof da vul legt me beroemde menschn lik Oscar Wilde, Edith Piaf, Albert Camus, Molière e Jim Morrison.
Paris montage2
Parys
Wikimedia Commons
{{{ofb_links}}} Hoofdsteedn in Europa {{{ofb_rechts}}} {{{ofb_groot}}}

AmsterdamAndorra la Vella • Ankara • AstanaAtheneBaku • Belgrado • BerlynBernBoedapest • Boekarest • Bratislava • Brussel • Chisinau • Dublin • Helsinki • Kiev • Kopenhagen • Lissabon • Londn • Ljubljana • Luxemburg • Madrid • Minsk • Monaco • MoskouNicosia • Parys • Podgorica • Praag • Pristina • Oslo • Reykjavik • Riga • Rome • San Marino • Sarajevo • Skopje • SofiaStockholm • Talinn • Tbilisi • TiranaVaduz • Valletta • Vaticoanstad • Vilnius • Warschau • WeennYerevan • Zagreb

Brugge

Dit artikel es geschreevn in 't Brugs, en da zou best ozô bluuvn. Brugge is d'oofdstad en de grotste stad van de Vlamsche provinsje West-Vloandern en van 't arroundissement Brugge. 't Ligt in 't nôordwestn van België.

D'oekde stad eêt de vorme van 'n ei en is entwat van een 430 ectoarn grôot. Hêel de stad is mêer of 13 840 ectoarn grôot, woarvan dan der 1.075 ectoarn in zêe liggn. Dêelgemêenten zyn Kôolkerke, Sint-Andries, Sinte-Machiels, Assebroeke, Sinte-Kruus, Dizzêle, Zêebrugge en Lissewege. Der weunn mêer of 116 000 menschen in Brugge, woavan een goeie 20 000 in 't center van 't stad.

Brussel

Brussel (in 't Frans: Bruxelles) is 'n hoofdstad van Belgie, va de Vlamsche e de Fransche Gemêenschap, van 't Vlams Gewest, en oek (den officieuzn hoofdstad) van de Europeesche Unie.

De noame Brussel dekt eigentlik vele begrippn. 't Is op d'êeste plekke e gemêente die à peu près 145.000 inweuners telt. Mo Brussel is oek de roepnoame voe 't Brussels Hoofdstedelik Gewest, da bestoat uut Brussel zeve en 18 aar gemêentn (Anderlecht, Schaarbeek, Molenbeek,...)

Camphin-en-Carembault

Camphin-en-Carembault es e gemêente in Vrankryk in't Noorderdepartement. 't Ligt in Frans-Vloandern, mêer bepoald in Rysels-Vloandern. Camphin-en-Carembault ligt teegn de schreve mè 't departement Nauw van Kales, wa in tydde 't schee'n wos tusschn Romoans-Vloandern en Artesië. 't Grenst an de gemêentn Chemy, Falempin, Libercourt, Carvin, Carnin en Gondecourt.

't Latste dêel van de gemêentenoame verwyst noa de streeke Carembault en verschilt azo mè de noame van de gemêente Camphin-en-Pévèle zodaj ze nie kunt verwarr'n.

O d'ôostkantn van 't groundgebied van Camphin-en-Carembault lôopt d'A1-ottostroade tusschn Rysel en Parys, die 'n ounderdêel es van d'E17. Ôok lôopt er en ôogesneleydlynne vo TGV's deur't groundgebied van de gemêente, mo die stopp'n ier vaneig'ns nie. 't Dichtste stoasje ligt in de beurgemêente Falempin.

Departementn van Vrankryk

Frankryk is administratief ingedêeld in departementn die nog verder ounderverdêeld zyn in arroundissementn.

De Fransche departementn zyn genummerd. Oorsproenkelyk woarn z' alfabetisch geklasseerd en kreegn z' azo 'n iploopnde numero. 't Zyn mo loater oentstoane departementn die nie alfabetisch pasn in de numerienge.

Praktisch al departementn zyn genaamd no riviern.

D'r zyn 13 regio's in Frankryk, die ounderverdêeld zyn in 101 departementn woavan vuuve overzêe.

De departementn zyn:

De overzeese departementn zyn:

971 Guadeloupe

972 Martinique

973 Guyane (Frans-Guyana)

974 Réunion

976 Mayotte

Faches-Thumesnil

Faches-Thumesnil es e gemêente in Vrankryk in't Noorderdepartement. 't Ligt in Frans-Vloandern, mêer bepoald in Rysels-Vloandern, o de zuudkantn van Rysel zelve. 't Grenst an de gemêentn Ronchin, Lesquin, Vendeville, Templemars, Wattenys en Rysel.

De bebouwienge van Faches-Thumesnil es bikkansn hillegans vergroeid me dedie van Rysel en ezo es Faches-Thumesnil eigntlyk ne vôorstad o de zuudkantn van de rienk round Rysel (mêer bepoald de D750-ottoboane) en d'A25-ottostroade. O de zuudôostkantn van 't groundgebied van Faches-Thumesnil lôopt d'A1-ottostroade tusschn Rysel en Parys.

Falempin

Falempin (Frans: Phalempin) es e gemêente in Vrankryk in't Noorderdepartement. 't Ligt in Frans-Vloandern, mêer bepoald in Rysels-Vloandern. Falempin ligt teegn de schreve mè 't departement Nauw van Kales, wa in tydde 't schee'n wos tusschn Romoans-Vloandern en Artesië. 't Grenst an de gemêentn Sikelin, Attiches, La Neuville, Wahagnies, Libercourt, Camphin-en-Carembault en Chemy.

Deur 't groundgebied van Falempin lôopt d'A1-ottostroade tusschn Rysel en Parys, die 'n ounderdêel es van d'E17. In Falempin ester ôok 'n stoasje an d'yzerboane tusschn Rysel en Parys. Ôok lôopt er en ôogesneleydlynne vo TGV's deur't groundgebied van de gemêente.

Karel III van West-Francië

Karel III, bygenoamd de Simpeln (Latyn: Carolus Simplex) (17 september 879 – Péronne, 7 oktober 929), uut et Huus van de Karoliengers, was keunienk van West-Francië van 898 tout 922.

In dien tyd wilde Simpel nie dwoas zeggn, mo wel êerlik, iprecht en frank.

Karel was de zeune van Lodewyk den Hakkeloare en zyn twidde vrouwe Adelaide van Parys. J'is vuuf moandn achter 'n dôod van zyn voader geboorn.

Lengtegroad

De lengtegroad es soamen met de brêedtegroad een geogroafische posisieandudinge in bolcoördinoatn. Ie wordt utgedrukt in bolcoordinoatn als volgt:

Bepoal een vlak deur de Nôordpool, Zudpool en Greenwich in Ingeland.

Bepoal een twêede vlak, ipnieuw deur de twêe pool'n en deur het punt woarvan daje de lengtegroad wil weetn.

Den oek tussn die twêe vlakk'n es de lengtegroad, positief oje ten Ôostn van Greenwich zit, en negatief oje ten Westn zit. In absolute woarde kant de Lengtegroad nie mêer dan 180° zin.Nie gelyk de by breedtegroadn, èn de lengtegroadn gèn natuurlyk begunpunt. Dodeure wos't de mode van e grôotn of belangrykn stad te pakkn ols begunpunt. Ol noargelang de plekke èd 't onderandere El Hierro, Rôme, Koopnoagn, Jerusalem, Sin Petersburg, Pisa, Parys, Philadelphia, en Washington gewèst.

De keuze voo Greenwich es dus volledig arbitrair, en tôont an da Ingeland et tôonangevende land wos ip't moment dan de coordinoatn ingevoerd zin. In 1884, èd de Internationole Meridioann Conferense de Greenwich meridioan ols nulmeridioan uutgeroopn.

Parys-Roubaix

Parys-Roubaix (Frans: Paris-Roubaix) is e koerseklassieker in 't nôordn va Vrankryk. 'n Koers is surtout ekend voe ze vele kosschieboann, tussen Compiègne (woa dat 'n start nu ligt, omda Parys te verre is) en Roubaix (woa dan de coureurs ankomn up de piste).

De bekendste bynoame van Parys-Roubaix is d' Helle van 't Nôordn, e noame die egeevn is deur e journaliest die achtern ôorloge styf ounder 'n indruk wos van olles die in de streke kapot eschootn wos.

Regio (Vrankryk)

De Fransche regio's zyn d'ogste besteurlikke entiteiten in de Fransche Republiek, up de nationoale overeid na.

Roboais

Roboais (Frans: Roubaix, Nederlands: Robaais) es 'n stad en gemêente in Vrankryk in't Noorderdepartement, dichte by de Belgische grenze. 't Ligt in Frans-Vloandern, mêer bepoald in Rysels-Vloandern. Roboais grenst an de gemêentn Terkoeje, Wattrelos, Leers, Lys-lez-Lannoy, Hem en Croix. Deur Roboais lôopt et Canal de Roubaix wa eigntlyk de noame es vo 't Fransche stik van 't Spierekanoal, da de verbindienge makt tusschn de Marke en de Schelde.

Roboais es nen oud'n industriestad die me de transiesje en 'n achteruutgang van de produksje-industie der ip verschilligte plekkn wa achtergesteld uutziet (43% van d'inweuners leevn ôok ounder d'armoedegrenze en ezo es Roboais nu êen van d'armste gemêentn van Vrankryk), oloewel da ze pertank ier en doar nieve projektn uut de ground stampn lyk nieve skooln van't ôoger ounderwys of 't museum La Piscine in d'oude zwemkomme in art deco-styl.

De platse es surtout gekend lyk d'ankomstpleke van de koerseklassieker Parys-Roboais. De koerse komt er toe ip de iconische Vélodrome André-Pétrieux. Juuste dervôorn eie ôok nog de latste kasseystroke van de koerse: de Espace Charles Crupelandt (secteur 1, e vrêe makkelyke strooke van 1 sterre).

Ronchin

Ronchin es e gemêente in Vrankryk in't Noorderdepartement. 't Ligt in Frans-Vloandern, mêer bepoald in Rysels-Vloandern, o de zuudkantn van Rysel zelve. 't Grenst an de gemêentn Hellem (Rysel), Lezennes, Lesquin, Faches-Thumesnil en Rysel zelve.

De bebouwienge van Ronchin es bikkansn hillegans vergroeid me dedie van Rysel en ezo es Ronchin eigntlyk ne vôorstad o de zuudôostkantn van de rienk round Rysel (mêer bepoald de D750-ottoboane) en d'A25-ottostroade. Tweis deur 't groundgebied van Ronchin lôopt d'A1-ottostroade tusschn Rysel en Parys. Der lôopn ôok teffrente yzerboan'n deur Ronchin die ollemoale ansluutn ip de Ryselse stoasjes; oftewel Lille Flandres, oftewel Lille Europe.

Rysel

Rysel (Frans: Lille, Nederlands: Rijsel) es de grotste stad in't Fransche Noorderdepartement, ip viftien kilomèiters van de Schreve mè West-Vloandern en Enegouwn. Historisch geziene es Rysel d'n ôofstad van Rysels-Vloandern. 't Ligt an de riviere de Deule.

Rysel is 'n ôofdstad van de Fransche regio Hauts-de-France, van't Noorderdepartement en van et gelyknoamige arroundissement. De stad zelve telt 220.000 inweuners, moa t'hôpe met Roboais, Terkoeje en Villeneuve-d'Ascq weunn der mêer of 1 miljoen menschn, en 't es doamee de vierde grotste agglomeroasje van Vrankryk, achter Parys, Lyon en Marseille.

Sikelin

Sikelin (Frans: Seclin, Nederlands: Sikelijn) es 'n stad en e gemêente in Vrankryk in't Noorderdepartement. 't Ligt in Frans-Vloandern, mêer bepoald in Rysels-Vloandern, o de zuudkantn van Rysel zelve. 't Grenst an de gemêentn Wattenys, Templemars, Avelin, Attiches, Phalempin, Chemy, Gondecourt, Houplin-Ancoisne en Noyelles by Sikelin. By Sikelin ôorn ôok nog de gehuchtn Watiessart en Martinsart, die olletwêe o de zuudkant van de gemêente ligg'n.

O de westkantn van Sikelin lôopt richtienge de Deule 't Kanoal van Sikelin, wa in tydde gegroavn es vo de commerce en de drainoage van't woater uut de moerassn, mo die nu surtout wierd gebruukt vo langsn te wandeln of in villo te ry'n.

Deur 't groundgebied van Sikelin lôopt d'A1-ottostroade tusschn Rysel en Parys, die 'n ounderdêel es van d'E17. In Sikelin ester ôok 'n stoasje an d'yzerboane tusschn Rysel en Parys. Ôok lôopt er en ôogesneleydlynne vo TGV's deur't groundgebied van de gemêente.

Templemars

Templemars es e gemêente in Vrankryk in't Noorderdepartement. 't Ligt in Frans-Vloandern, mêer bepoald in Rysels-Vloandern, o de zuudkantn van Rysel zelve. 't Grenst an de gemêentn Faches-Thumesnil, Vendeville, Avelin, Sikelin en Wattenys.

Vendeville

Vendeville es e gemêente in Vrankryk in't Noorderdepartement. 't Ligt in Frans-Vloandern, mêer bepoald in Rysels-Vloandern, o de zuudkantn van Rysel zelve. 't Grenst an de gemêentn Faches-Thumesnil, Lesquin, Avelin en Templemars.

Tweis deur 't groundgebied van Vendeville lôopt d'A1-ottostroade tusschn Rysel en Parys. O d'ôostkantn van de gemêente ligt e stik van 't vliegpling van Lesquin-Rysel (Aéroport de Lille-Lesquin).

Vrankryk

Vrankryk, Frankryk of et Fransche is een Europees land te zuudn van België. In 't westen van Vrankryk legt de Atlantische Oceoan, in 't zuudn lign Spanje, Andorra en de Middellansche Zêe me Monaco. In 't zuudôosn legt Italie. In 't ôosten grest Vrankryk ouk nog an Zwitserland, Duutsland en Luxemburg.

D'n ôofdstad van Vrankryk is Parys. De nationaaln fêestdag is 14 juli (Quatorze Juillet).

Wanhem

Wanhem (Frans: Wannehain) es e gemêente in Vrankryk in't Noorderdepartement. 't Ligt in Frans-Vloandern, mêer bepoald in Rysels-Vloandern. Wanhem ligt teegn de schreve me Henegouwn en grenst an de gemêentn Camphin-en-Pévèle, Esplechin (e dêelgemêente van Dôornik), Bachy en Bourghelles.

Willems

Willems (Nederlands: Willem) es e gemêente in Vrankryk in't Noorderdepartement. 't Ligt in Frans-Vloandern, mêer bepoald in Rysels-Vloandern. 't Grenst an de gemêentn Zelleken, Templeuve (over de schreve in Enegouwn), Baisieux en Villeneuve-d'Ascq.

Andre toaln

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.