Eiland Wight

Dat artikel es oorsprounkelik geschreevn in 't Kustwestvlams.
Isle of Wight
Isle of Wight Council Flag
EnglandIsleWight

Liggienge in Iengeland
Land Iengeland
Stoatus County en Unitary authority
Regio South East England
Hoofdplekke Newtown
Ippervlak 380,2 km²
Inweuners 139.800
(367 inw/km²)

't Eiland Wight (Iengels: Isle of Wight) is een eiland en groafschap (county) vo de zuudkust van Iengeland, ter hoogte van Southampton. 't Eiland èt een ippervlak van 380,2 km² en is doarmee 't grotste eiland van Iengeland. 't Ligt in 't Iengels Kanoal en 't wordt van Iengeland gescheid deur de zêestroate de Solent. D' hoofdstad is Newport.

Langst de kustlyne loopn kalkstêenrotsn over hêel 't eiland en z' endign in 't westn in The Needles, drie kalkstêenpiloarn (stacks) van 30 m hoge die vo de kust in zêe stoan.

Isle of Wight Coast Path near St Lawrence
Wegeltje langst de kust mè kalkrotsn
Needles isle of wight
The Needles
Flickr - ronsaunders47 - THE RED JET FERRY .COWES-SOUTHAMPTON.
Ferry Cowes-Southampton

Wight is vanof 't vasteland van Iengeland te bereikn via overzetbôotn vanuut Lymington, Southampton en Portsmouth.

Plekkn ip Wight

  • Bembridge
  • Cowes
  • East Cowes
  • Newport
  • Ryde
  • Sandown
  • Shanklin
  • Ventnor
  • Yarmouth
Wikimedia Commons
Alfred Tennyson

Alfred Tennyson, ook dikkers angeduud lik Alfred, Lord Tennyson, Lid van 't "Keuninklik Genôotschap vo de Bevordrienge van de Nateurlikke Kennisse" (6 ogustus 1809 – 6 oktober 1892) was Lowrejoat-Dichtre van Grôot-Brittanje en Ierland gedeurnde e grôot stik van de regeerienge van Keuneginne Victoria en y bluuft êen van de mêest populèère dichtrs .

Tennyson muntte uut in 't schryvn van korte gedichtn, lik Break, Break, Break, The Charge of the Light Brigade, Tears, Idle Tears en Crossing the Bar. Veele van die gedichtn woarn gesteund ip klassieke mytholoogiesche oendrwerpn, lik Odysseus, aloewêl In Memoriam A.H.H. was geschreevn ter noagedachtnisse van ze beste moat Arthur Hallam, e dichtr en stuudjegenôot in Cambridge, die kennisse a mê Tennyson zyn zustre, mo stierf van 'n eissnbloedienge vôo da ze kostn trown. Tennyson schrêef ook sommigte verzn zoendre rymn woaroendre Idylls of the King, Ulysses, en Tithonus. Tennyson dej ook poogiengn vo teoatre te schryvn, mo ze stikkn adn nie veele byvol. 'n Antal uutsproakn in Tennyson zyn werk zyn olgemêen in gebruuk gekommn in 't Iengels woaroendre "Nature, red in tooth and claw", "'Tis better to have loved and lost / Than never to have loved at all", "Theirs not to reason why, / Theirs but to do and die", "My strength is as the strength of ten, / Because my heart is pure", "To strive, to seek, to find, and not to yield", "Knowledge comes, but Wisdom lingers", en "The old order changeth, yielding place to new". Y is de neegnste mêest gecieteerde schryvre in de The Oxford Dictionary of Quotations.

Jan Bart

Jan Bart, ôok gekend als Jan Baert of Jean Bart in't Fransche (Duunkerke, 21 oktober 1650 - odoar, 27 april 1702), wos e Vlamsche Duunkerksche koapr die tmeerndêel van zyn leevn in Fransche dienst i gevoarn. J'i ôok een tydje gediend ounder d'Ollandsche admiroal Michiel De Ruyter, mo oalde zyn grôotste succesn byst de Neegnjoarige Oorloge. Jan Baert wos beroemd deur zyn couroage en maneuvers, ip't ende van zyn leevn at 'n 386 bôotn veroverd en vele and're loatn zinkn of in brande loatn vliegn.

SS Espagne (Anversois, 1909)

Den SS Espagne was een Belgisch vrachtschip dat op 25 december 1917 getorpedêerd wer deur e Duutse U-boot in de Nôordzêe bie 't eiland Wight terwiel 't ip koers was van Le Havre na Newport (Monmouthshire).

Andre toaln

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.