Cyprus

Cyprus of beter Grieks-Cyprus (officieel De Republiek Cyprus, Grieks: Κυπριακή Δημοκρατία, Turks: Kıbrıs Cumhuriyeti) es een klêen land dat dêel es van een eiland in de Middellansche Zêe. Cyprus ligt geografisch gezien in Azië, moa vo polletieke en culturele reedns wordt 't by Europa gerekend. 't Grieks gedêelte van Cyprus makt sedert 2004 dêel uut van de Europese Unie. Der weunn à peu près 1.200.000 minsn in Cyprus, ip een ippervlak van 9251 km2. D' ôofdstad es Nicosia. De noame 'Cyprus' komt eigenlik van et oud-Grieks Kypros wa letterlik koper wilt zeggn.

Kaart Cyprus
Koarte van Cyprus
  Republiek Cyprus
Κυπριακή Δημοκρατία (Grieks)
Kıbrıs Cumhuriyeti (Turks)
Flag of Cyprus Coat of arms of Cyprus (old)
EU-Cyprus highlighted

Liggienge van Cyprus
Internet-web-browser.svg 35° 7' N, 33° 24' O
Officiële toale Grieks, Turks
Hoofdstad Nicosia
Stoatsvorm Republiek
Stoatshoofd President
Nicos Anastasiades
Êerste minister
Ippervlak 9.251 km²
Inweuners

Bevolkiengsdichtheid

1.205.575 (2016)
130,3 inw./km²
Munte Euro (EUR)
Tydzone UTC+2
(zomertyd: UTC+3)
Landcode CY, CYP
Telefongcode 357
Internet-TLD .cy
Nationale fêestdag 16 ogustus, 1 oktober

Polletiek

Cyprus es deur zyn geostrategische liggienge tussn et Europese vasteland en et Middn Ôostn olsan een eiland gewist da de lokoale volkern wildn bestuurn. Cyprus eit olsan ounder invloed gestoan van d'istorische grôotmachtn: De Perzn, de Griekn, de Romeinn, de Arabiern, de Byzantijnn, de Kruusvoarders, de Venetioann en de Brittn.

In de recente istorie es Cyprus ipgedêeld gewist in twêe dêeln: sedert 1974 es et Nôordelik dêel bezet deur de Turkn, achter joarn van gevechtn tussen de Griekn en de Turkn. De Turkn wildn doarmee de Turkse mindereid (18% van de bevolkienge van et eiland) beschermn achter joarnlange gevechtn tussen Grieks-Cypriootn en Turks-Cypriootn. Turks-Cyprus es ollêne erkend deur Turkije, terwil dat et Zuudn, de republiek Cyprus olgemêen erkend es. De kwestie Cyprus zorgt nog oltyd vo twistn tussn Grieknland en Turkije, en bemoeilikt de gesprekkn vo toetredienge van Turkije by de EU.

In 2004 es't er een nieuwe pogienge tot toenaderinge, ounder invloed van de toetredienge van Grieks-Cyprus by de EU in dazelfde land en ounder begeleidienge va Kofi Annan. Nôord-Cypriootn stoan oopn vo erênigienge, om zô uut et isolement te geroakn, en Grieks-Cypriootn ounder bepoalde vôorwoardn.

Cultuur

Weirelderfgoed

In Cyprus stoan der drie plekk'n ip de weirelderfgoedlyste van den UNESCO.

  • Paphos, ruïnes uut de Romeinschn tyd
  • Beschilderde kerk'n in 't Troodosgebergte
  • Choirokoitia, archeologische site uut 't Neolithicum
Fort pafos
Fort van Paphos
Kykkos kors
Byzantyns Kykkoskloôster in 't Troodosgebergte
Choirokoitia
Archeologische site van Choirokoitia
Wikimedia Commons
{{{ofb_links}}} Europese Unie (EU) Vlag van de Europese Unie {{{ofb_groot}}}
{{{ofb_links}}} Landn in Europa {{{ofb_rechts}}} {{{ofb_groot}}}

AlbaniëAndorraArmeniëAzerbeidzjanBelgiëBosnië-HerzegovinaBulgareye • Cyprus • DenemarknDuutslandEstlandFinlandGeorgiëGrieknlandHollandHongareyeIerlandItoaliëKazachstanKosovoKroatiëLetlandLiechtnsteinLitouwnLuxemburgMacedoniëMaltaMoldoaviëMonacoMontenegroNôorweegnOekraïneÔostnrykPoolnPortugalRoemeniëRuslandSan MarinoServiëSlovakeyeSloveniëSpanjeTsjechiëTurkeyeVaticoanstadVerênigd KeunienkrykVrankrykWit-RuslandYslandZweednZwitserland

{{{ofb_links}}} Landn in Azië {{{ofb_rechts}}} {{{ofb_groot}}}

AfghanistanArmeniëAzerbeidzjanBahreyn • Bangladesh • Bhutan • Brunei • Cambodja • China • Cyprus • EgypteFilipynnGeorgiëIndiëIndonesiëIrakIranIsraëlJapanJemen • Jordanië • Kazachstan • Kirgizië • Koeweit • LaosLibanon • Maldievn • MaleisiëMongooljeMyanmar • Nepal • Nôord-Korea • Oezbekistan • Oman • Ôost-TimorPakistan • Palestina • QatarRusland • Saoedi-Arabië • SingaporeSri LankaSyriëTadzjikistanTaiwanThailandTurkeyeTurkmenistan • Verênigde Arabische Emiroatn • VietnamZuud-Korea

Armenië

Armenië (Armeens: Հայաստան, Hajastan), officieel de Republiek Armenië (Հայաստանի Հանրապետություն, Hajastani Hanrapetut῾jun), is e bergachtig land in de Zudelyke Kaukasus geleegn tusschn de Zwarte en Kaspische Zêe. 't Grenst an Turkeye in 't westn, Georgië in 't nôordn, Azerbeidzjan in 't ôostn, Iran en Nachtsjevan (en exclave van Azerbeidzjan) in 't zuudn.

D' hoofdstad van Armenië is Yerevan. Andere grôote steedn zyn Gyumri, Vanadzor, Ejmiatsin en Hrazdan.

Azië

Azië is 't grotste en mêest bevolkte continent ip eirde, vôornoamelyk geleegn in 't ôostelyk en nôordelyk halfround.

De grenzn van Azië zyn cultureel bepoald, omdat er gêen duudelyke geografische scheidienge is met Europa. Tegoare vormn ze e landmassa die Eurazië genoemd wordt. De mêest algemêen anveirde grenzn situeern Azië in 't ôostn van 't Suezkanoal, de Oeralriviere en 't Oeralgebergte, en 't zuudn van 't Kaukasusgebergte (of de Kouma-Manytsjlêegte) en de Kaspische en Zwarte Zêe. 't Wordt in 't ôostn begrensd deur de Stilln Oceoan, in 't zuudn deur den Indischn Oceoan en in 't nôordn deur de Nôordelyke Yszêe.

België

België (Frans: Belgique, Duuts: Belgien, officieel Koninkrijk België, Royaume de Belgique, Königreich Belgien) is e parlementaire, constitutionele monarchie an de Nôordzêe. 't Grênst ten zuudn an Vrankryk, ten ôostn an Duutsland en Luxemburg en ten noordn an Holland. In 't westn is er nie echt e gebeur, mo wel de Nôordzêe. Achter 't woater ligt Iengeland. 'n Hoofdstad è Brussel. Andere grôte steedn zyn Antwerpn, Luuk, Gent, Brugge en Charleroi.

Duutsland

Duutsland (vuluut: Bondsrepubliek Duutsland; Duuts: Bundesrepublik Deutschland) is e West-Europees land. 't Bestoat uut e federoasje van zestien deelstoatn, in 't Duuts Bundesländer genoemd. D'r weunn mêer of 80 miljoen menschn.

Europa

Europa is êen van de weirelddêeln ip de weireld. De grenzn dervan zyn surtout cultureel en politiek bepoald. Geologisch gezien makt et t'ope met Azië dêel uut van Eurazië.

Europa is begrensd deur de Nôordelyke Yszêe in 't nôordn, 'n Atlantischn Oceoan in 't westn, de Middellansche Zêe in 't zuudn. D'ôostelyke grenze is nogol voag, mor in 't algemêen wordt 't Oeralgebergte en de Kaspische Zêe doavoe gebruukt.

Qua ippervlak is Europa 't twidde klinste weirelddêel, met oungeveer 10.390.000 vierkante kilometers, wa da 2,0% van d'ippervlakte van de weireld is. Allêen Oceanië is klinder. In Europa is d' Europese Unie de grotste politiekn entiteit.

Europa is ôok et mêest g'industrialiseerde continent van de weireld.

Grieknland

Grieknland (Grieks: Ελλάδα, Elláda, Oudgrieks: Ελλάς, Hellas), officieel de Helleensche Republiek (Grieks: Ελληνική Δημοκρατία, Ellīnikī́ Dīmokratía) is e land in Zuud-Europa. 't Bestoat uut 't zudelikste dêel van 't Balkanschiereiland en verschillige eilandn.

Grieknland grenst in 't nôordn an Albanië, de Republiek Macedonië, Bulgareye en Turkeye. Vo de reste is 't vasteland van Grieknland omgeevn deur de Middellandsche Zêe (in 't zuudn), de Ionische Zêe (in 't westn) en de Egeïsche Zêe (in 't ôostn). De grotste eilandn zyn Kreta, Euboia, Lesbos en Rodos.

D'n hoofdstad van Grieknland is Athene.

Holland

Holland (Olland) is e land juste ten nôordn va België die dêel uutmakt van 't Keunienkryk van de Nederlandn. In 't westn grenst 't an de Nôordzêe en in 't ôostn an Duutsland. Den hoofdstad is Amsterdam. De Caraïbische eilandn Bonaire, Sint Eustatius en Saba moakn ook dêel uut van 't land.

Strikt genoomn verwyst Holland allêne noa de westelikke provincies Nôord-Holland en Zuud-Holland, moa de benoamienge Olland wordt olhier gebruukt vo hêel 't land, dat eigentlik Nederland nomt (een zogenoamde pars pro toto).

In sommigte gedêeltn van Holland keunn ze der nie mee lachn da je ze Hollanders nomt, lik in Nôord-Broabant, Limburg, Friesland en Groniengn byvôorbeeld.

Hongareye

Hongareye (Hongoars: Magyarország: 't land van de Magyoarn), officieel de Republiek Hongareye (Magyar Köztársaság), is e land in Centroal-Europa, begrensd deur Ôostnryk, Slovakeye, Oekraïne, Roemenië, Servië, Kroatië en Slovenië. Den hoofdstad is Boedapest.

Itoalië

Itoalië es een land in Europa. Itoalië ligt in 't zuudn van Europa, an de Middellansche Zêe. Itoalië es bekend voo zyn karakteristieke vorm, noamelik een botte. Der weunen a-peu pres 59.000.000 minsn in Itoalië. Rome es den ôofdstad en eit a-peu pres 4.000.000 inweuners. Neffest d'ôofdstad es 't ôok de plekke woa da Vaticoanstad ligt, d'ôofdzetel van et Catholicisme en verbluufsplekke van de Paus. Andere grôte steedn zyn

Milaan: 6.500.000 inweuners, Itoaliës (en 's weirelds) modeôofdstad en economische dryfvere van Itoalië.

Noapels: 4.000.000 inweuners

Turyn: 2.200.000 inweuners.Doarnoast zyn der nog steedn die over de hêle weireld gekend zyn voo verschillende redenn: Venetië, de stad ip het woater, Pisa, me zyne scheve torre, Verona, stad van Romeo en Julia, Firenze, kunststad en ôofdstad van et toeristisch sterk gewaardeerde Toscane.

Japan

Japan (Japanees: 日本 Nippon of Nihon - letterlyke betêkenisse: oôrsproeng van de zunne) is een eilandstoat in Oôst-Azië. 't Ligt in de Still'n Oceoan ten oôst'n van de Japaneesche Zeê, China, Noôrd-Korea, Zuud-Korea en Rusland.

't Land wordt gevormd deur 6.852 eiland'n. De grotste zyn Hokkaido, Honshu, Shikoku en Kyushu, die t'ope 97% van heêl 't ippervlak van Japan besloan.

D'n oofdstad en grotste stad is Tokio.

Andere belangryke steed'n van Japan zyn Osaka, Nara, Kioto, Kobe, Hiroshima, Yokohama, Nagasaki, Sapporo, Nagano, Nagoya en Fukuoka.

Litouwn

Litouwn (Litouws: Lietuva, officieel de Republiek Litouwn: Lietuvos Respublika) is e Nôord-Europees land, 't grotste en 't zudelikste van de drie Baltische stoatn. 't Ligt langst de zuudôostelikke kust van de Baltische Zêe (Ôostzêe). 't Grenst an Letland in 't nôordn, Wit-Rusland in 't ôostn en 't zuudn, Pooln in 't zuudn en Kaliningrad Oblast (e Russische exclave) in 't zuudwestn.

't Bestoat uut e federoasje van 10 districtn, in 't Litouws apskritis genoemd. 't Is ounofankelik sedert 11 moarte 1990 en sedert 1 meie 2004 makt 't dêel uut van de Europese Unie.

Luxemburg (land)

't Grôotertogdom Luxemburg is e land van de Europeesche Unie. 't Legt tusschen België, Duutsland e Vrankryk. 't Land is, a je 't per inweuner bekykt, êen van de rykste ter weireld. D'r weunn à peu près 455.000 inweuners en 't et een ippervlakte van 2 586 km². 'n Oofdstad is Luxemburg. 'n Nationaaln fêestdag volt op 23 juni.

Malta

Malta, officieel de Republiek Malta (Maltees: Repubblika ta' Malta), is e Zuud-Europees land da bestoat uut e groep eiland'n in 't midd'n van de Middellandsche Zee, 93 km te zuud'n van Sicilië en 288 km in 't oost'n van Tunesië. De beweunde eiland'n zyn Malta, Gozo en Comino.

Malta bestoat uut 300 km² land en is doamee één van de kleenste en dichtst bevolkte land'n ter weireld. Den hoofdstad is Valletta en de grotste stad is Birkirkara. 't Land het twee officiële toal'n: Maltees en Iengels.

Portugal

Portugal, officieel de Portugeesche Republiek (Portugees: República Portuguesa), is e land in 't zuudwest'n van Europa ip 't Iberisch schiereiland. Portugal is 't meest westelik land van Europa en grenst in 't west'n en 't zuud'n an den Atlantischn Oceoan en in 't noord'n en 't oost'n an Spanje. D' Azoorn en Madeira moak'n deel uut van Portugal. Den hoofdstad en grotste stad van 't land is Lissabon.

Portugal is lid van d' Europeesche Unie sedert 1986.

Republiek Ierland

Ierland (Iers: Éire, Iengels: Ireland) of de Republiek Ierland (Iers: Poblacht na hÉireann, Iengels: Republic of Ireland) is e land in West-Europa dat à peu près 80 percent van 't eiland Ierland besloat. 't Land grenst in 't noordoost'n an Noord-Ierland dat deel uutmakt van 't Verenigd Keunienkryk, in 't west'n an den Atlantisch'n Oceoan, in 't oost'n an d' Iersche Zee en in 't zuud'n en zuudoost'n an de Keltische Zee.

Den hoofdstad is Dublin. Officiële toal'n zyn Iers en Iengels.

Roemenië

Roemenië (Roemeens: România) is e republiek in Zuud-Ôost-Europa, da vo 't grotste dêel tusschn de riviern Dunarea en Prout ligt. 't Land ligt tussch Moldavië, Oekraïne, de Zworte Zêe, Bulgareye, Servië en Hongareye. Den hoofdstad is Boekarest (Roemeens: Bucureşti). 't Is êen van d' oarmste landn in Europa.

Spanje

Spanje (ook wel Spaje uutgesprookn), officieel 't Keunienkryk Spanje (Spoans: Reino de España), is e land ip 't Iberisch Schiereiland in 't zuudwestn van Europa. 't Legt vlak ten ôostn va Portugal en te zuudn va Vrankryk. Wok de Baleoarn in de Middellandsche Zêe, de Canarische Eilandn in den Atlantischn Oceoan en de Spoansche exclaves in Nôord-Afrika moakn dêel uut van 't land.

D'r weunn mêer of 46 miljoen menschn. 't Is by de Europeesche Unie sedert 1986. 'n Oofdstad van Spanje is Madrid.

Turkeye

Turkeye (Nederlands: Turkije, Turks: Türkiye), es 'n republiek land da vo 't grotste dêel in Oazië ligt. E klêen dêel round de grotste stad Istanbul ligt in Europa. De ôofdstad van Turkeye es Ankara. 't Weunn in 't hêle 71 meljoen menschn.

Vrankryk

Vrankryk, Frankryk of et Fransche is een Europees land te zuudn van België. In 't westen van Vrankryk legt de Atlantische Oceoan, in 't zuudn lign Spanje, Andorra en de Middellansche Zêe me Monaco. In 't zuudôosn legt Italie. In 't ôosten grest Vrankryk ouk nog an Zwitserland, Duutsland en Luxemburg.

D'n ôofdstad van Vrankryk is Parys. De nationaaln fêestdag is 14 juli (Quatorze Juillet).

Andre toaln

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.