Confucius

Confucius (Chinees: 孔子, Kǒng Zǐ of K’ung-tzǔ; Qufu 551 v.Chr. - 479 v.Chr.) was e filosoof uut 't oude China die e grôotn invloed g’hed hèt ip de Chineesche beschoavienge.

Je propageerde 't herstel van d'oude verhoudiengn woaby dat de heerser en d'oundergeschikte elk hunder plekke haddn, moa de heerser most êerlik en rechtveirdig zyn vo goed te kunn regeern.

De noame Confucius, die sedert de 17e êeuwe in Europa gebruukt wordt, is de gelatiniseerde variant van zyn Chineesche noame K'ong-foe-tzi (孔夫子, Kǒng Fūzǐ), wa da "Mêester K'ong" wil zeggn.

De mêest betrouwboare bronne vo zyn leevn en werkn is 't boek Lunyu, in vertoaliengn Gesprekken met Confucius genoemd.

Confucius 02
Confucius Statue at the Confucius Temple

Spreukn van Confucius

  • Alles hè zyn schôonheid, moa nie iederêen ziet et
  • Allêne d'allerslimste en d'allerdwoaste verandern nôois van gedacht
  • Weetn wa da je wit, en weetn wa da je nie wit, dat is kennisse
  • 't Is nie moeilik van t'herkenn wa da goed is, moa wel van 't in doadn omme te zettn
  • Van nateure uut zyn me broers, deur ipvoedienge wordn me vrimde
  • Menschn tjeuveln nie over bergn, allêne over molshoopn
  • In e goe geregeerd land is oarmoe etwa vo beschamd over te zyn. In e slecht geregeerd land is rykdom etwa vo beschamd over te zyn
  • E superieur mens handelt vo dat 'n sprikt, en sprikt doarachter in overêenstemmienge mè zyn doadn
  • Woa da j'ook goat, goa mè hêel jen herte
  • Kiest e job da je geirn doet en je goa nôois in je leevn nog e dag moetn werkn
  • Most iederêen zyn wille richtn ip 't goeie, zoudt er nieks slecht mè zyn
  • E slim mens zoekt et in hemzelve, den dwoas zoekt et in andere
  • Iedere woarheid hè vier hoekn. Ols lêroare goa 'k joun een hoek geevn en 't is an joun vo d’ andere drie te viendn
  • Uze grotste êre ligt er nie in da me nôois valln, moa da m’ iedere kè da me valln were rechtestoan
  • Den hemel wil zeggn één zyn mè God
Wikimedia Commons
479 v.Chr.

482 v.Chr. - 481 v.Chr. - 480 v.Chr. - 479 v.Chr. - 478 v.Chr. - 477 v.Chr. - 476 v.Chr.

551 v.Chr.

554 v.Chr. - 553 v.Chr. - 552 v.Chr. - 551 v.Chr. - 550 v.Chr. - 549 v.Chr. - 548 v.Chr.

China

China (Chinees: 中国; pinyin: Zhōngguó), officieel Volksrepubliek China (中华人民共和国; Zhōnghuá Rénmín Gònghéguó), is e land in Oost-Azië met os hoofdstad Peking. China bestiert 22 provinsjes, 5 autonome regio's, 4 stadsprovinsjes (Peking, Tianjin, Shanghai en Chongqing) en 2 speciale administratieve regio's (Hong Kong en Macau). De Volksrepubliek anziet 't eiland Taiwan lik hunder 23ste provinsje, moa dat is officieel nie erkend deur de mêerderheid van d' internationale gemêenschap.

China grenst in 't nôordn an Mongolië en Rusland, in 't ôostn an Nôord-Korea, in 't westn an Afghanistan, Kazachstan, Kirgizië, Tadzjikistan en Pakistan, en in 't zuudn an Indië, Nepal, Bhutan, Myanmar, Laos en Vietnam. China hèt ook e kustlyne van 6.400 km an de Gilwe Zêe, d' Oost-Chineesche Zêe en de Zuud-Chineesche Zêe in 't ôostn en 't zuudn.

Met e bevolkienge van 1.349.585.838 (2013) is 't qua inweuners 't grotste land ter weireld en 't vierde land qua ippervlak, achter Rusland, Canada en de Verênigde Stoatn.

Gember

Gember is e specerye met e krudige, scherpe smoake. Gember komt van de wortelstok van de gemberplante Zingiber officinale, familie van de gemberachtigen.

Vietnam

Vietnam, officiêel de Socialistische Republiek van Vietnam, is 'n land met omtrent 87 miljoen mensn in Zuudôost-Azië, dat in 't nôordn an China grenst, in 't nôordwestn an Laos en in 't zuudwestn an Cambodja. De grotste steedn zyn Saigon in 't zuudn van 't land (nu officiêel Ho Chi Minhstad genoemd) mè mêer dan 7 miljoen mensn, en den hoofdstad Hanoi in 't nôordn mè mêer dan 6 miljoen mensn.

Andre toaln

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.