29 meie

29 meie is den 149stn dag van 't joar (150stn dag in e schrikkeljoar) in de Gregorioansche kalender. Der volgn nog 216 doagn toet 't ende van 't joar.

apr - meie - jun
<< 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31     >>

Geboorn

Gestorvn

1652

1649 - 1650 - 1651 - 1652 - 1653 - 1654 - 1655

't Joar 1652 is 't 52e joar in de 17e êeuwe volgenst de christelyke joartellienge.

1940

1937 - 1938 - 1939 - 1940 - 1941 - 1942 - 1943

't Joar 1940 is 't 40e joar in de 20e eeuwe volgenst de christelikke joartellienge.

Adrien Canelle

Adrien Canelle (Marbais, 29 meie 1819 - sterfdoatum nie bekend) was e Belgische graveur uut de 19e êeuwe, gespecialiseerd in lithografie, surtout topografisch werk en portreitn. Over zyn leevn is't er bykan nietnt bekend.

Albert Beckaert

Albert Beckaert (Môorsele, 10 juni 1910 - Kortryk, 29 meie 1980) was e West-Vlamsche coureur. Je was prof van 1936 toet 1939. In 1936 het ie Luuk-Bastenoakn-Luuk gewonn en in 1937 Parys-Brussel.

Carlo di Cosimo de' Medici

Carlo di Cosimo de' Medici (Firenze, 1428 of 1430 - Firenze, 29 meie 1492), was

’n ounwettige zeune van Cosimo de' Medici den Oudn. Zyn voader verplichteg hem van religieus te leevn. Zyn moeder Magdalene was e Circassische slavinne, gekocht in Venetië.

Achter dat ie in 1450 paster van ’t kapittel van de kathedroale van Firenze gekommn was, wierd ie angesteld ols rector an de Pieve di Santa Maria (Dicomano) in Mugello en San Donato di Calenzano. Je kwam abt van San Salvatore in Vaiano en in 1460 deekn Van Prato.

Je wierd ook belast mè de toake van collectant en nuntius (verteegnwoordiger van de kerke) in Toscane.

Jean-Pierre Van Rossem

Jean-Pierre Van Rossem (Brugge, 29 meie 1945 - Jette, 14 december 2018) was e schryver, e mediafiguur en e politieker.

Van Rossem wos e slimmn student Economie aan de RUG (unief van Gent). En is bekend gekomn mi Moneytron, e systêem woavan dat 'n bewèrde dat 'n de beurze koste kloppn. Op korte tyd bouwde Van Rossem e vermoogn op van 800 miljoen dollar. Ouk grôte bedryvn kwaamn op ze systeem of. Van Rossem smêet nem zelfs in de Formule 1.

't Gerecht zat achter nem, want Moneytron wos op 't latste nie mi zuver op de groat. Van Rossem begost e politieke party: ROSSEM. In de natioanale verkiezingn van 1991 oalde ROSSEM 3 zetels.

In datzelfde joar krêeg Jean-Pierre Van Rossem 5 joar bak. En in 't gevang begost 'n were te schryvn.

De latste joarn was Van Rossem repetitor. E gaf bylesse an kienders van (mêestol) ryke ouders.

Liverpool FC

Liverpool FC is nen Iengelse voetbolploeg, upgericht up 15 moarte 1892 deur John Houding, n'eigenoare va Anfield, omdat Everton verbann gewist is deur een geschil over de pacht. De club speelt zyn thuuswedstrydn in 't Anfield-stadion (oek wel ounder de noame Anfield Road ekend).

Liverpool wos surtout in de joarn tsjeventig en tachntig ne topclub. Z'in toune vele pryzn gewonn, zowel in d'Iengelse competiesche of in Europa.

In die periode va succes wos Liverpool betrokkn by twêe va de grotste tragedies in 't Europeesche voetbol. 29 meie 1985 speelde Liverpool in de Europacup de finale teegn Juventus in 't Heizelstadion i Brussel. Iere verloorn 39 meisn under leven. Bykan vier joar loater, up 15 april 1989, up Hillsborough, wos er gespeeld teegn Nottingham Forest in d'ouve finale van de FA Cup. Ierby verloorn zels 96 meisn under leven.

Twintig joar achter 't Heizeldrama speelt Liverpool in 't sezoen 2004/05 were e finale va de Champions League. De club is oundertussn getraind deur de Spanjoard Rafael Benitez, die êerder ol twêe keirs landskampioen kwam me Valencia CF. Achter dat AC Milan an de rust up ne comfortoabele ruststand va 3-0 stound, scoort Liverpool achter de rust binn 't kart ôok nog drie keirs. Vôormalig Feynoordspeler Jerzy Dudek is den eld van den oavend ot ie juuste vôo 't ende van de extra tyd tot twi keirs toe e gemakte golle van Andriy Shevchenko uutoalt en in de penalty-reekse ôok nog eki twi penalty's teegnoudt, woarounder êen van dienezelfsn Shevchenko. Liverpool wint de pinaltyreeks me 3-2. Agezien dat Liverpool mo 'n vuufdn endigde in de competiesche, wos et lang nie zeker dat de club zyne titel zou kunn verdedign. Utindelik besloot de UEFA da Liverpool de meugelikeid krygt vor under via de vôorroundes te platsn vo't hoofdtornooi.

Andre toaln

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.