27 ogustus

27 ogustus is den 239stn dag van 't joar (240stn dag in e schrikkeljoar) in de Gregorioansche kalender. Nog 126 doagn toet 't ende van 't joar.

jul - ogustus - sep
<< 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31     >>

Geboorn

Gestorvn

Fêestdag

  • Nationale fêestdag van Moldoavië: oenofhankelikheid van de Sovjet-Unie (1991)
1146

1143 - 1144 - 1145 - 1146 - 1147 - 1148 - 1149

't Joar 1146 is 't 46e joar in de 12e êeuwe volgenst de christelyke joartellienge.

1667

1664 - 1665 - 1666 - 1667 - 1668 - 1669 - 1670

't Joar 1667 is 't 67e joar in de 17e eeuwe volgenst de christelikke joartellienge.

Alexander Farnese

Alexander Farnese (Rome, 27 ogustus 1545 – Arras (Atrecht), 3 december 1592) was e Spoansche veldhere, landvoogd van de Nederlandn en hertog van Parma. J’haa vele succes mè z'n militaire carrière, in dienst van z’n nounkel Filips II.

André Declerck

André Declerck (Koekeloare, 27 ogustus 1919 - Roeseloare, 13 september 1967) was e West-Vlamsche coureur. Je was prof van 1939 toet 1954.

Anton Geesink

Anthonius Johannes (Anton) Geesink (Utrecht, 6 april 1934 – zelfste plekke, 27 ogustus 2010) wos een Hollandsche judoka, weireld- en olympisch kampioen judo en lid van 't Internationoal Olympisch Comité (IOC). Anton Geesink wordt algemêen anzien lik de beste judoka oller tydn.

Emanuel Hiel

Emanuel Hiel, ook wel Emmanuel Hiel geschreevn, (Sint-Gillis-Dendermonde, 30 meie 1834 - Schaarbeek, 27 ogustus 1899) was e Vlamschn dichter en schryver.

Hiel was de zeune van en hovenier en je groeide ip in Dendermonde. Achter zyn ipleidienge an de gemêenteschole wast 'n hulpounderwyzer, stêenhouwer en klerk in e zêeldroaierie.

Je begost e boekwienkel, allêne moa vo de Vlamsche toale, wat dat in dien tyd nie evident was. Je schrêef en vertoalde vele liederen en symfonische gedichtn.

Zyn boekwinkel gienk failliet en in 1857 ist ie verhuusd noa Brussel, woa dat 'n ambtenoare wierd, o.a. by 't Vlaamsch Bureau van 't ministerie van binnenlandsche zoakn. Vanof 1867 wierd 'n leroare declamoasje an 't Keunienklik Conservatorium en vanof 1869 ook secretoaris-bibliothecoaris van 't Keunienklik Nijverheidsmuseum.

Je was lid van e Brusselsche vrymetseloarsloge, van de Maatschappij der Nederlandse Letterkunde in Leidn, van de gemêenteroad van Schaarbeek en van de Keunienklike Vlamsche Academie vo Taal- en Letterkunde (1886).

Je was styf Vlamsgezind (je refuseerde van Frans te klappn of te verstoan) en je wierd angemoedigd deur flamingantn lik Michiel van de Voort en Alfons Willems, die hem introduceerdegen in de verênigienge Vlamingen Vooruit, woa dat 'n zyn goeie moat Emiel Moyson lêerdege kennen. Andere Vlamsgezinde bewegiengn woarin da Hiel actief was woarn: 't Willemsfonds, De Distel, 't Kunstgenootschap van Brussel, Geen Taal Geen Vrijheid, De Vlaamsche Wacht.

Je werkte mee an tydschriftn lik Het Nederduitsch Maandschrift, De Zweep, Flandria, Het Laatste Nieuws en je was lid van de commissie van Nederlandstoalige stroatnoamn in Brussel.

Hiel had e grôotn invloed ip de West-Vlamschn tôondichter Peter Benoit (1834-1901), vo wien dat 'n oratoria, cantates en liedtekstn schrêef. Lik Hiel vocht Benoit ook vo de Vlamsche cultuur die 't in dien tyd styf moeilik had.

Den 14stn december 1873 wierd Emanuel Hiel deur Leopold Konkelberge g'inviteerd ip e fêeste van 't Conscience's Taalgenootschap in Blanknberge dat da joar ipgericht was. In de zoale van 't stadhuus gaf Hiel e vôordracht uut zyn werk. Ip d' affiche stound:

Voordracht van den vermaarden dichter Emanuel Hiel:Dora, naar het Engelsch van Tennyson.

Uit het Cyclus gedicht "Van God en de wereld vergeten"

Eenige brokken van de Waarheid in het levenEmanuel Hiel stierf in 1899 ip 65-joarige leeftyd. In 1907 krêegt 'n e standbeeld in Schaarbeek.

François Glorieux

Dit artikel es geschreevn in 't Kortryks, en da zou best ozô bluuvn. François Glorieux (Kortryk, 27 ogustus 1932) es nen eed'ndoagsen West-Vlamse componist, pianist, dirigent en professor in de muziek. In totoal eit ie mièr of 300 weirk'n gemakt.

Moldoavië

De Republiek Moldoavië (Roemeens: Republica Moldova) is e republiek in Zuudôost-Europa, da vo 't grotste dêel tusschn de riviern Proet en Dnjestr (Nistru) ligt. 't Land wordt in 't westn begrensd deur Roemenië en vo de reste deur Oekraïne. Den hoofdstad is Chisinau (Roemeens: Chișinău, Russisch: Кишинёв, Kisjinjov). 't Is êen van d' oarmste landn in Europa.

Rosika Verberckt

Rosika Verberckt, meisjesnoame Rosika Heydens, (Roeseloare, 18 meie 1944) is e West-Vlamsche atlete die actief wos tusschn 1963 en 1976. Heur beste prestoasjes woarn ip de 100 en 200 m sprint en loater ip de 200 en 400 m hordn. Z' is 10 kêers Belgisch kampioen gewist en z' het 13 Belgische records gebrookn. Z'is 30 kêers geselecteerd gewist by de nationale ploeg.

Rosika Heydens begost an heur 19 joar met atletiek by de AVR (Koninklijke Atletiek Vereniging Roeselare) ip anroadn van e vriendinne. Ze lêerde doar heur vint kenn, de kunstschilder en beeldhouwer Erik Verberckt, die ol van 1950 angeslootn wos by AVR en die wok liep ip de 100 en 200 m en de 400 m hordn. Van 1962 toet 1978 wost ie trainer van de vrouwn, êest by AVR en vanof 1973 by RAC (Roeselaarse Atletiek Club). In 1965 zyn ze getrouwd.

Stevie Ray Vaughan

Stevie Ray Vaughan (Dallas (Texas), 3 oktober 1954 - Chicago (Illinois), 27 ogustus 1990) was een Amerikoanschn blueszanger en -gitarist.

J'is veroengelukt in een helikopteraccident an zyn 35 joar.

In 2003 ist 'n 7stn geclasseerd ip de lyste van de 100 beste gitaristn aller tydn in 't Amerikoans magazine Rolling Stone.

Sylvère Maes

Sylvère Maes (Zevekote, 27 ogustus 1909 - Ostende, 5 december 1966) wos een West-Vlamsche coureur.

't Êeste joar dat 'n prof wos, wount 'n ol Parys-Roubaix, in de sprint tegen Félicien Vervaecke (1933).

Doarachter concentreerde Maes nem surtout op de Tour de France. In 1934 wos Maes den ênigstn Belg die een etappe won.

In 1936 wount 'n 4 etappes en oek de eindzege in de Tour. Oek in 1937 adde Maes kunn winn, moa de Belgsche ploeg gaf collectief op (mè Maes in 't geel), omdat de koersdirecsje de Fransche favorittn vôorntrok: Lapébie angde in de cols achter d'auto's en da muchte ollemoale.

In 1939 woun Maes ze twèddn Tour. Da joar wos 'n oek 'n bestn klemmer.

Achter 'n Twiddn Weireldôorloge (in 1947) dei Maes op ze 37ste nog mei an de Rounde van Italie: en oalde e schône 5de plekke. 't Joar doarop stoppnde mè koersn.

Achter z'n actieve carrière wos Maes ploegleider van de Belgen in de Tour de France van 1949 toet 1957.

Titiaan

Tiziano di Gregorio Vecellio (Nederlandsche noame Titiaan) (Pieve di Cadore, ca. 1488 – Venetië, 27 ogustus 1576), was êen van de belangrykste Italioansche kunstschilders uut d’Hoogrenaissance, de grotste mêester van de Venetioansche Schole en de groundlegger van de moderne schilderkunst. Je was ôok e goein commercant, ountwerper van houtsneedn en zilverwerk en me z’n houtsneedn en kopergraveurn kost ’n z’n eign werk reproduceern.

Andre toaln

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.